Здружение Во Мојот Свет

27/05/2026

🌙 Здружението „Во Мојот Свет“ им го честита Курбан Бајрам на сите граѓани од исламска вероисповед.

Во духот на празникот, ви посакуваме мир, здравје, топлина и благосостојба во вашите домови. Нека овие празнични денови донесат повеќе хуманост, разбирање, солидарност и радост помината со најблиските.

Како здружение кое секојдневно се залага за поддршка, прифаќање и еднаквост, веруваме дека токму празниците нè потсетуваат на вистинските вредности – љубовта, грижата и заедништвото.

Честит Курбан Бајрам! 🤍

22/05/2026

На официјалното претставување на работата на Центарот за дневен престој за лица со попреченост и индивидуален третман, Здружението „Во мојот свет“ го посетија претседателката на Република Северна Македонија, Гордана Сиљановска-Давкова, амбасадорот на Република Бугарија, претставници од Фондацијата „Д-р Верица Механџиски“, компанијата Зегин, градоначалникот на Општина Ѓорче Петров, како и многу други гости.

Посетата претставува значајна поддршка за нашата мисија – создавање безбедна, поддржувачка и инклузивна средина за децата, адолесцентите и младите лица со попреченост и нивните семејства.

Услугата е воспоставена во рамки на Проектот за подобрување на социјалните услуги, имплементиран од Министерството за социјална политика, демографија и млади со поддршка од Светска банка. Дополнителната поддршка за реконструкција и опремување на објектот е обезбедена од Министерството за надворешни работи на Република Бугарија преку програмата „Бугарска помош за развој“, како и од Фондацијата „Д-р Верица Механџиски“ и компанијата Зегин.

Во рамки на посетата беа претставени програмите и активностите на двата центри:
- Центар за дневен престој за лица со попреченост: адолесценти и млади од 14 до 26 години
- Центар за дневен престој за лица со попреченост: индивидуален третман за деца од 1 до 14 години

Инспирирана од посетата, претседателката изјави:
„Да се влезе Во мојот свет, значи да се признае дека тој е и наш заеднички свет“ – порака која силно ја почувствувавме и која нè поттикнува да продолжиме уште посветено да работиме за подобар квалитет на живот и поголема инклузија на лицата со попреченост.

13/05/2026

01/05/2026

🌍 #МојотСвет дел од регионална иницијатива за инклузивно вработување
Од 20–23 април во Белград се одржа студиска посета во рамки на проектот CORDIAL – „Инклузија без граници“, каде што учествуваше и #МојотСвет заедно со организации од Европа и регионот.
🤝 Се споделија практики, предизвици и решенија за подобро вработување на лица со попреченост, со посебен фокус на менталното здравје.
💡 Јасна порака: потребни се не само системски, туку и општествени промени за вистинска инклузија.
💙 Продолжуваме да градиме можности за еднакво учество на сите.

27/04/2026

25/04/2026

Во рамки на ТВ програмата Петтиот ангел беше реализирана репортажа за отворањето на Центар за дневен престој на лица со попреченост и индивидуален третман - Ѓорче Петров.

Изразуваме искрена благодарност до тимот на емисијата за посветеноста, вниманието и начинот на кој ја пренесоа вредноста на оваа иницијатива – не само како простор, туку како значаен чекор напред во поддршката и инклузијата на децата и младите со аутистичен спектар.

17/04/2026

Со големо задоволство информираме дека официјално започнуваме со давање на услугата Центар за дневен престој за лица со попреченост и индивидуален третман.

Во рамки на оваа услуга ќе функционираат:
🔹 Центар за дневен престој за адолесценти и млади на возраст од 14 до 26 години, со капацитет од 24 корисници
🔹 Центар за дневен престој со индивидуална работа за деца до 14 години, со капацитет до 20 корисници

Нашата цел е да обезбедиме стручна, континуирана и индивидуализирана поддршка, насочена кон развој на функционални вештини, социјализација и подобрување на квалитетот на живот на лицата со попреченост и нивните семејства.

Овие услуги се воспоставуваат во рамки на Проектот за подобрување на социјалните услуги, кој се реализира со поддршка на Министерството за социјална политика, демографија и млади, преку заем на Светска банка.

Услугите се бесплатни за деца и младинци кои имаат валидна МКФ проценка и решение за користење на услугата од Меѓуопштински центар за социјална работа на град Скопје.

10/04/2026

Во „Во Мојот Свет“ деновиве беа исполнети со креативност, дружење и убави моменти кои нè потсетуваат колку е важно заедништвото.

Нека овие празници донесат мир, љубов и топлина во секој дом. 💛
Ви посакуваме среќни и благословени Велигденски празници! 🐣🌸

06/04/2026

На 3ти март, имавме чест да бидеме домаќини на министерот за социјална политика, демографија и млади, Фатмир Лимани, заменик министерот Ѓоко Велковски, претставници на кабинетот, како и на градоначалникот на Општина Ѓорче Петров, Александар Стојкоски, кои го посетија Здружението за поддршка и третман на лица со аутистичен спектар и атипичен развој „Во Мојот свет“.

Како здружение, континуирано се стремиме да обезбедиме сигурна, стручна и поддржувачка средина за лицата со попреченост и нивните семејства. Во рамки на нашето работење го бележиме и отварањето на лиценцираниот Дневен центар за млади на возраст од 14 до 26 години со капацитет од 24 корисници, како и Центар за дневен престој за деца до 14 години со капацитет до 20 корисници.

Во овие центри ќе обезбедуваме индивидуализирана грижа и пристап, прилагоден на специфичните потреби на секој корисник, со цел поттикнување на нивниот развој, самостојност и социјална вклученост..

Овие услуги се воспоставени во рамки на Проектот за подобрување на социјалните услуги, кој се реализира со поддршка на Министерството за социјална политика, демографија и млади, преку заем на Светска банка. Поддршката преку проектот на дневниот центар ќе трае во наредните 12 месеци, а потоа ќе следи склучување на управен договор, со што ќе се обезбеди континуитет и долгорочна одржливост на услугите што ги нудиме.

#ВоМојотСвет #СеГрижиме #СоцијалниУслуги #Инклузија #Аутизам #Поддршка #Попреност #ДецаИМлади #Заедница #ОпштинаЃорчеПетров #МинистерствоЗаСоцијалнаПолитика #СветскаБанка #ПроектЗаСоцијалниУслуги #ГрижаСоЉубов #ПодобарЖивот

02/04/2026

🔵 2 Април – Светски ден за подигнување на свеста за аутизмот

Во „Во Мојот Свет“, секојдневно работиме со деца и семејства кои нè потсетуваат дека аутизмот не е апстрактен поим, туку реалност што бара разбирање, трпение и континуирана поддршка.

За нас, овој ден не е само обележување. Тој е потврда на нашата заложба да обезбедиме стручни, достапни и одржливи услуги, базирани на индивидуалните потреби на секое дете. Веруваме дека вистинската поддршка значи да се создаде средина во која секое дете ќе има можност да напредува, да се изрази и да биде прифатено.

Инклузијата започнува со разбирање, но се гради преку конкретни чекори, посветена работа и заедничка одговорност.

Продолжуваме да работиме посветено, водени од стручност, етика и искрена грижа за секое дете и секое семејство.

#2Април #ВоМојотСвет #Аутизам #Инклузија #Поддршка