[English below / англиски подолу]
Ние, членовите на колективот на Социјалниот центар „Дуња“, ја споделуваме вербата дека ново, подобро општество е можно и нужно. Темелено на солидарност, партиципативност и отвореност. Се здруживме со цел да создадеме солидарен простор отворен за сите формални и неформални групи, иницијативи, движења и поединци кои сакаат да ја вдомат својата идеја за социјален ил
и културен потфат, или едноставно сакаат да учествуваат во создавањето на колективен дом кој почива врз еманципаторни принципи.
Социјалниот центар „Дуња“, кој со своето име му се опира на заборавот на политички прогресивната борка за слобода – Невена Георгиева – Дуња, e простор отворен за среќавање, самоорганизирање, вмрежување, учење, споделување на знаење, креативно изразување, социјализирање и другарство. Со други зборови, СЦ „Дуња“ го основавме за да стане олицетворение на вредностите на заедништво, солидарност и борба за подобар свет.
Заеднички, правиме чекор кон создавање општество на луѓе свесни и одговорни не само за себе, туку и за останатите, за природата, животните и добробитот на сите. Бескласно општество во кое ќе бидат надминати идентитетските поделби – национални, религиски, родови, расни, сексуални… и сите сплотено, солидарно ќе работат за заедничкото добро.
Овој центар функционира со хоризонтална поставеност и непрофитна култура, односно е волонтерски одржуван од членовите на колективот, како и од секој поединец или група кои ќе сакаат активно да дејствуваат во него. Просторот е самоодрлжив и се самофинансира преку своите поддржувачи кои преку донации помагаат во одржувањето. Дуња ја одржуваме заедно!
Настаните што се организираат во социјалниот центар се непрофитни и некомерцијални. Спектарот на настани и иницијативи е широк и опфаќа: изложби, филмски проекции, дискусии, работилници, концерти, предавања, промоции, театарски претстави, состаноци…
СЦ Дуња е формиран во 2016 година. Иницијално центарот беше основан од Левичарското движење „Солидарност“, Самостојниот синдикат на новинари и медиумски работници (ССНМ), Младинската организација „Мугра“ и членови кои не беа дел од организациите, но со текот на времето се транформираше во целосно независен колектив, надвор од организациите.
Секој што ги споделува нашите вредности е добродојден да стане дел од иницијативата за заеднички простор устремен кон создавање подобро општество.
Подобро општество е неопходно и возможно! Да почнеме да го градиме заедно!
=========
We, the members of the "Dunja" social center collective, share the belief that a new, better society is possible and necessary. We joined together in order to create a solidarity space open to all formal and non-formal groups, initiatives, movements and individuals who want to house their idea for a social or cultural venture, or who want to participate in the creation of a collective home based on emancipatory principles. The social center "Dunja", whose name signifies remembrance of the politically progressive woman freedom fighter, Nevena Georgieva – Dunja, is a space open to meetings, self-organization, networking, knowledge sharing, creative expression, socialization and friendship. In other words, we founded the SC "Dunja" for it to become an embodiment of the values of communality, solidarity and the struggle for a better world. Together, we are taking a step towards creating a society of people who are aware and care not only about themselves, but also about others, nature, animals and the welfare of all. A classless society which will overcome identity divisions - national, religious, gender, racial, sexual... and everyone will work together in solidarity for the common good. This center operates via horizontal decision-making and a not-for-profit culture; it is voluntarily maintained by the members of the collective, as well as by any individual or group that wants to take an active part in it. The space is self-sustainable and self-financed through its supporters who help maintain it through donations. We maintain Dunja together! The events organized in the social center are non-profit and non-commercial. The range of events and initiatives is wide: exhibitions, film screenings, discussions, workshops, concerts, lectures, promotions, theater performances, meetings...
The SC “Dunja” was established in 2016. Initially, the center was founded by the leftist movement "Solidarnost", the Independent Union of Journalists and Media Workers (SSNM), the youth organization "Mugra" as well as individual members who were not part of the organizations; however, over time the social center transformed into a completely independent collective, outside of any formal organization. Anyone who shares our values is welcome to join this initiative for a shared space which aims to create a better society. A better society is necessary and possible! Let's start building it together!
