Синдикат на културата на Република Македонија

12/06/2026

#КултуратаИмаГлас

11/06/2026

На 10.06.2026 година, во просториите на едукативниот центар "Лабораториум" се одржа Четвртиот Конгрес на Синдикат на културата на Република Македонија
На Конгресот за претседателка беше реизбрана Вера Атанасовска, која и до сега ја извршуваше оваа функција.
На Конгресот учествуваа делегати, кои претставуваа 1 417 членови од 58 Синдикални Организации од институциите на културата на Р Македонија.
На Конгресот како гости присуствуваа: Борис Постовник, претседател на Синдикатот на сценско музички уметници од Србија, Слободан Трендафилов , претседател на Сојуз на синдикатите на Македонија , Иван Пешевски , претседател на Синдикатот на СГИП, Слаѓана Миливоевиќ претседателка на Синдикатот на МТВ и Трпе Деановски, претседател на Синдикатот на УПОЗ.

Фотографии: Маја Аргакиева

10/06/2026

На 09.06.2026г се одржа конференцијата „Жените, трудот и социјалната правда“, посветена на унапредувањето на правата на жените работнички и нивната улога во синдикалното организирање. Конференцијата беше организирана од Секцијата на жени при Сојузот на синдикатите на Македонија, во партнерство со Фондацијата Фридрих Еберт – Канцеларија Скопје. Настанот го отворија претседателот на ССМ, Слободан Трендафилов, претседателката на Секцијата на жени на ССМ, Ивана Димитрова, и програмскиот менаџер на Фондацијата Фридрих Еберт, Ваљон Садики, кои ја истакнаа важноста од континуирана борба за достоинствени услови за работа, еднакви можности и поголемо учество на жените во процесите на носење одлуки.

👩‍💼 Во рамки на првиот панел, на тема „Улогата на жените во синдикалното движење на Република Македонија“, своите искуства и ставови ги споделија претседателката на Синдикатот на културата на Република Македонија, Вера Атанасовска, претседателката на Синдикатот за слободно дејствување на Македонија, Слаѓана Миливојевиќ, членката на Секцијата на жени на ССМ и на Синдикатот на поштенски и телекомуникациски работници на Македонија, Анита Кесковска Јанополис, претседателката на Секцијата на жени на Македонскиот полициски синдикат, Афродита Денковска, како и Љупка Апостоловска, членка на Секцијата на жени и Секцијата на млади на ССМ.

🌷 Панелистките испратија силни пораки за потребата жените да бидат активно вклучени во синдикалните процеси и во структурите каде што се носат одлуките. Тие говореа за предизвиците со кои жените сè уште се соочуваат на работното место – родовиот јаз во платите, ограничените можности за напредување, мобингот и потребата од воспоставување рамнотежа помеѓу професионалниот и приватниот живот.

📢 Беше нагласено дека синдикатите треба да останат независни, гласни и доследни во заштитата на работничките права, додека жените, преку својата посветеност, знаење и истрајност, претставуваат важен двигател на работничката солидарност и општествениот напредок.

🌸 Учесниците се согласија дека активното учество на жените во синдикалното движење е од суштинско значење за градење поправедно и поинклузивно општество, во кое секој труд ќе биде вреднуван, а секој глас слушнат.

27/05/2026

КУЛТУРАТА НЕ РАБОТИ ОД 8 ДО 4

Работи навечер. Работи викенд.
Работи кога другите одмараат.
Но правата не се „флексибилни“.
Тие се задолжителни.

Колективниот договор го гарантира тоа.

23/05/2026

Со голема тага и неверување ја примивме веста за смртта на двајца наши почитувани колеги.

Ване Секулов, археолог, советник кустос и претседател на Синдикалната организација при НУ Завод и музеј Струмица.

Ристе Велков, оперски пејач, солист, првенец при Националната опера и балет и член на Синдикалната организација при Оперски Хорски уметници.

Нивниот придонес во културата, посветеноста и професионалноста ќе останат трајно запаметени меѓу сите нас.

Во синдикалната борба беа пример за чесност, истрајност и човечност, секогаш подготвени да застанат во одбраната на работничките права и достоинството на колегите.

Во овие тешки моменти изразуваме искрено сочувство до семејството, пријателите и сите кои ги познаваа.
Нека почиваат во мир.
Вечна им слава.
🖤🖤🖤🖤🖤🖤🖤🖤🖤

15/05/2026

KOJ E ВИНОВЕН❓
Државата управува со институциите.
Државата ги поставува директорите.
Државата ги носи правилата.

Но кога системот не функционира - виновен е синдикатот?

НЕ‼️ Виновна е неправдата.
СКРМ ја именува ‼️

#КултуратаИмаГЛАС

12/05/2026

➡️На 11.05.2026 година СКРМ учествуваше на јавната дебата по Предлог-текстот на Националната стратегија за развој на културата 2026–2030, организирана од Министерството за култура и туризам.
🔶️СКРМ посочи дека не е доволно само декларативно залагање за подобри работнички права, туку се потребни конкретни мерки, почитување на договорите и реални подобрувања на условите за работа, сигурноста и заштитата на вработените во културата.
🔶️Во дебатата беше отворено и прашањето за бенефицираниот стаж на балетските уметници. СКРМ укажа дека предлогот за пензионирање на 47 години без соодветни бенефиции при пресметка на пензијата е социјално неправеден и дискриминаторски, особено во однос на МВР и АРМ, каде овие бенефиции сè уште постојат.
🔶️Дополнително, СКРМ побара финансиска валоризација на стручните звања во заштитната дејност, нагласувајќи дека вработените со повисоки стручни звања извршуваат посложени задачи и носат поголема одговорност, а нивниот труд мора соодветно да се вреднува.
🔶️Во однос на драмската дејност, СКРМ посочи дека квалитетот на програмите на националните театри треба да се унапредува преку стручно и транспарентно управување, во консултација со вработените, како и преку подобрување на техничките и кадровските услови, искористување на потенцијалот на постојниот кадар и зголемување на буџетот за култура, а не преку реструктуирање на театрите и децентрализација.
Синдикатот нагласи дека одговорноста за репертоарската политика ја носат директорите на институциите, а не вработените. Усогласувањето на платите е законска обврска и не смее да се користи како аргумент за организациски промени на штета на работниците кои немаат управувачка улога.
СКРМ предложи поголеми инвестиции во театарската дејност, функционални уметнички совети, транспарентни критериуми во работењето и редовни консултации со вработените, со цел создавање стабилни и квалитетни национални театри.
🟧СКРМ ќе продолжи активно да се залага за зачувување и унапредување на работничките права и достоинството на културните работници и да дава конструктивни предлози за подобрување на состојбата во културата.

10/05/2026

✊️ПРОТЕСТЕН СОБИР НА СКРМ 09.05.2026г
Зоран Љутков -“Ако СКРМ постојано вели дека мораме постојано вас да ве напаѓаме затоа што се плашиме дека ќе го изгубиме членството значи тоа е точно политичко делување”..
🔶️Не министре, не мора да ја извртувате вистината за да го оправдате делувањето на СКРМ.
🔶️Со ваквиот однос не го дискредитирате Синдикатот, туку само потврдувате зошто постои потребата од неговата борба.
СКРМ нема од што да се плаши ниту кого да лаже за да го задржи членството, бидејќи секој културен работник многу добро знае кој се бори кога се загрозени основните работнички права. Единствениот Колективен договор што постои и реално се применува во културата не е ничија политичка алатка, туку резултат на долгогодишна синдикална борба и гаранција за достоинството на културните работници.
‼️Наместо напади и манипулации, јавноста очекува одговорност и јасен став: дали сте на страната на културните работници или на страната на уривањето на нивните стекнати права додека истовремено така бедно пробувате да ги дискредитирате‼️
🔸️За разлика од вашето политичко делување во кое најверојатно ни самиот не верувате, вработените во културата веруваат во својата борба и знаат дека работничките права треба да се сочуваат.
🔶️Во 2025 година, иако целосно запознаен со проблемот на пресметка на плати не само што не го исправивте, туку дополнително го продлабочивте, со што платите на вработените во културата беа намалени за 3%, а со вашето упатство над закон се продолжи со истото, годинава намалувањето стигна до 6% од тоа што се пропишува и го пишува во колективните договори‼️
🔸️За ова постојат и конкретни правни потврди — повеќе од 60 првостепени судски пресуди во корист на вработените, од кои 8 се правосилни.
🔶️Но наместо почитување на судските одлуки, за коишто самиот пред цела јавност кажавте дека ќе ги почитувате, ние сме сведоци на нивно тотално игнорирање и потценување. А денес сме сведоци и на стопирање на судските процеси додека Уставниот суд не се произнесе.
‼️Министре многу лоша улогата, напуштете ја сцената!‼️
Министерство за култура / Ministria e Kulturës

09/05/2026

09/05/2026

Зоран Љутков - тоа што го бараат тие (СКРМ) е непочитувањето на законите, јас барам законски да потпишеме нов колективен договор

🔶️Колективниот договор за култура потпишан од СОНК во 2005 година, кој никогаш не се спроведе, “важеше” сè до 2020 година. Во целиот тој период од 15 години, со сите пропратни анти-кризни мерки кои важеа само за културата до 2019 , ниту Министерството за култура, ниту владите што се менуваа не го проблематизираа неговото траење, неприменување или законитост.
🔶️️Но, Колективниот договор за култура потпишан во 2019 година, кој со големи напори започна да се применува од 2020 година, и со којшто на самиот министер му ги унапреди правата - И ТОГАШ БЕШЕ ЗАКОНСКИ, денес истиот тој колективен е предмет на постојани напади и оспорувања токму од него самиот.
🔶️Особено загрижува што токму министерот за култура во јавноста постојано пласира тврдења дека договорот е „истечен“ и незаконски, иако токму овој договор за првпат овозможи реална примена на работничките права во културата и ВАЖИ ДО ПОТПИШУВАЊЕ НА НОВ или како што се режира - додека УСТАВЕН СУД НЕ ГО УКИНЕ ИЛИ ПОНИШТИ‼️
➡️Никој од нас ниту е слеп, ниту е глув за да го перцепира очевидното политичко делување на “вишите сили”, кој министерот сака да ги прикаже "согласно Закон"‼️
🟧Во ситуација кога министерот никако не сака да седне на дебата со синдикатот, му даваме можност да направи уште едно интрвју и транспарентно и отчетно да каже кои се неговите заложби за подобрени законски права во култура.
Во спротивно СКРМ транспарентно и отчетно ќе ги објави.
Ајде и за тоа да зборуваме‼️
Министерство за култура / Ministria e Kulturës