07/10/2026
Во рамките на програмата за учење на Pathways2Resilience, нашиот колега Милош Соколиќ беше поканет да сподели практични искуства од првата група региони (Cohort 1), врз основа на работата на СмартАП во поддршка на Општина Свети Николе во развивањето на нивниот пат кон климатска отпорност.
⠀
Сесијата, насловена „Размислување за тоа како треба да се случи промената“ (Reflect on how change is supposed to happen), беше посветена на развивање на „Теорија на промена“ (Theory of Change) како дел од Регионалниот пат кон климатска отпорност, со фокус на тоа што треба да се промени, кој треба да биде вклучен и како заедничката визија да се преточи во конкретни насоки за дејствување.
⠀
Милош сподели како патот кон климатска отпорност на Свети Николе се развиваше низ серија работилници и заеднички активности: идентификување на засегнатите страни, разгледување на локалните климатски предизвици и системите поврзани со нив, работа со експерти, вклучување на граѓаните и примена на методи за стратешко предвидување за разгледување различни можни иднини за Свети Николе.
⠀
Овие активности придонесоа кон создавање заедничка визија и помогнаа да се идентификуваат системските промени и мерките потребни за таа визија да се преточи во конкретно дејствување.
⠀
На сесијата се отворија и прашања за практичните аспекти на спроведувањето на промените.
⠀
Учесниците прашаа како инвестициите и финансирањето можат да се вклучат во акциското планирање, како да се одржи мотивацијата на засегнатите страни низ подолг процес и како општините можат да ги усогласат краткорочните политички и буџетски циклуси и непосредните активности со долгорочната визија за климатска отпорност.
⠀
Искуството од Свети Николе сега го пренесуваме и во работата на СмартАП со втората група региони (Cohort 2), каде што ги поддржуваме Куманово, Сараево и региони во Јужна Србија во развивањето на нивните патишта кон климатска отпорност.
⠀
Благодарност до Climate KIC за поканата и можноста да придонесеме во сесијата со практични искуства од првата група региони на Pathways2Resilience.
⠀