Националниот координативен механизам (НКМ) е формиран во 2003 година и претставува платформа која како стручно управно тело има за цел да врши надзор на имплементација на грантовите на Глобалниот фонд за ХИВ/СИДА, туберкулоза и маларија, кои во земјата се имплементираат од 2004 година.
НКМ функционира како група на национален консензус која има за цел промовирање на вистинско кооперативно партнер
ство во развојот и ефикасната реализација на програмите финансирани од страна на Глобалниот Фонд ( The Global Fund) и е целосно транспарентна и демократска при носењето на своите одлуки. НКМ е составен од претставници на владини и академски институции, здруженија на граѓани, верски заедници, лица кои живеат со ХИВ и оние засегнати од туберкулоза, мултилатерални и билатерални организации.
Во декември 2015 година НКМ ја претстави онлајн платформата за прибирање на средства која има за цел да обезбеди одржливост на сервисите за ХИВ и туберкулоза во Македонија, потпирајќи се на донациите на заедницата.
