Црвен крст на град Скопје/City Red Cross of Skopje

  • Home
  • Macedonia
  • Skopje
  • Црвен крст на град Скопје/City Red Cross of Skopje

Црвен крст на град Скопје/City Red Cross of Skopje Humanitarian work

Црвениот крст на град Скопје (ЦКГС) е основан во 1945 година и е дел од Националното Друштво на Црвениот крст на Р. Македонија и со тоа дел од Меѓународното движење на Црвениот крст и Црвената Полумесечина. ЦКГС ја има координативната улога над општинските организации на Црвен крст на територијата на град Скопје. ЦКГС е доброволна, масовна, независна хуманитарна организација на граѓаните на град

Скопје која дејствува и работи како невладина и непартиска организација согласно позитивните прописи на државата, Законот на ЦК на РМ, Статутот на ЦК на РМ и својот статут. За остварување на целите и задачите ЦКГС ги мобилизира и организира човековите ресурси, финансиските и материјалните средства како во земјата така и во странство.

Унапредување на животните вештиниВо Дневниот центар за лица со попреченост „Пролет“ продолжуваат активностите за работна...
05/06/2026

Унапредување на животните вештини

Во Дневниот центар за лица со попреченост „Пролет“ продолжуваат активностите за работна окупација и развој на животните вештини на корисниците. Преку практични кулинарски активности тие стекнуваат нови знаења, навики и поголема самостојност.

Со трпение, посветеност и ентузијазам, корисниците успешно ги извршуваат своите задачи, покажувајќи дека со соодветна поддршка секој може да ги развива своите потенцијали.

Овие активности придонесуваат за зајакнување на самодовербата, чувството на одговорност и социјалната вклученост на корисниците.

1 Јуни – Ден на згрижувачките семејстваЦрвениот крст на град Скопје, како и секогаш, се вклучи во одбележувањето на 1 Ју...
05/06/2026

1 Јуни – Ден на згрижувачките семејства

Црвениот крст на град Скопје, како и секогаш, се вклучи во одбележувањето на 1 Јуни – Денот на згрижувачките семејства.

Настанот се реализираше во Зоолошката градина во Скопје, со акцент на подигнување на свеста за значењето на згрижувањето и поттикнување на нови семејства да се вклучат во овој хуман и одговорен процес.

Голема благодарност до нашата соработничка Снежана Конеска Руси, која со својот придонес го разубави настанот, како и до хотел „Мериот“, кој подготви слатки изненадувања за присутните.

Воедно, упатуваме искрени честитки до ЈУ Детски дом „11 Октомври“ – Скопје, институција која веќе 80 години обезбедува поддршка, грижа и љубов, придонесувајќи за правилниот раст и развој на децата.

📢 ЈАВЕН ПОВИК ЗА УСЛУГАТА „ИТНО КОПЧЕ“ ВО ОПШТИНА КАРПОШЦрвен крст на град Скопје, со поддршка од Општина Карпош, започн...
04/06/2026

📢 ЈАВЕН ПОВИК ЗА УСЛУГАТА „ИТНО КОПЧЕ“ ВО ОПШТИНА КАРПОШ

Црвен крст на град Скопје, со поддршка од Општина Карпош, започнува со аплицирање за користење на услугата „Итно копче“ за повозрасните жители на Општината.

✅ Критериуми за избор на корисници:
• Жителки и жители на Општина Карпош на возраст над 65 години, со приоритет на лица кои живеат сами или со брачен другар со нарушена здравствена состојба;
• Со адреса на живеење во Општина Карпош;
• Со пензија која не надминува 35.000 денари;
• Лица без дијагностицирана деменција (уредот не е соодветен за лица со деменција и Алцхајмерова болест);
• Услугата може да ја користи само еден член од семејството.

📄 Потребни документи:
• Барање за користење на услугата „Итно копче“ (се пополнува при аплицирање во канцеларијата на Црвен крст);
• Копија од лична карта;
• Копија од последниот чек од пензија.

📍 Документите се доставуваат во:
Канцеларија на „Итно копче“
ул. „Славе Георгиевски Шнајдер“ бр. 5
Секој работен ден од 08:00 до 16:00 часот.

📞 Пред доставување на документацијата задолжително е закажување на телефонскиот број: 02/15330.

🗓️ Јавниот повик е отворен од денот на објавување до пополнување на предвидените капацитети.

⚠️ Поради ограничен број на уреди, корисниците ќе се избираат по принципот „прв дојден – прв услужен“.

Споделете ја информацијата со оние на кои им е потребна. ❤️

https://ckgs.org.mk/novosti/javen-povik-za-apliciranje-za-usluga-itno-kopche-vo-opshtina-karposh-skopje/

Натпревар по прва помош на градско нивоЦрвениот крст на град Скопје и оваа година го организираше традиционалниот градск...
03/06/2026

Натпревар по прва помош на градско ниво

Црвениот крст на град Скопје и оваа година го организираше традиционалниот градски натпревар по прва помош за победничките екипи од општинските натпревари во категоријата подмладок (ученици од основните училишта на територијата на град Скопје). На натпреварот учествуваа вкупно 1️⃣5️⃣ екипи.

Натпреварот се одржа на 2 јуни (вторник), на Средно Водно, во објектот „Даре Бомбол“.
На една од базите младите имаа можност да научат, но и да го потврдат своето знаење за основните принципи на Црвениот крст и историјатот на Црвениот крст. На друга база тие се запознаа со нови содржини поврзани со првата психосоцијална помош.

На три бази се практикуваше прва помош, при што на секоја база имаше симулација со три повредени лица и нивно соодветно згрижување.

🏆Првото место го освои екипата од Општинската организација на Црвен крст Гази Баба од ООУ „Наум Наумовски – Борче“. Второто место го освои екипата од Општинската организација на Црвен крст Центар од ООУ „Гоце Делчев“, а третото место го освои екипа, исто така од Општинската организација на Црвен крст Центар, од ООУ „Кирил и Методиј“.

👏Честитки до сите учесници за покажаното знаење и ангажман. Продолжуваме да ја учиме првата помош, затоа што таа спасува животи.

По повод празникот Курбан Бајрам, Црвениот крст упатува искрени честитки до сите волонтери, членови и граѓани од исламск...
27/05/2026

По повод празникот Курбан Бајрам, Црвениот крст упатува искрени честитки до сите волонтери, членови и граѓани од исламска вероисповед кои го одбележуваат овој голем празник.

Нека празничните денови донесат мир, здравје, благосостојба, спокој и бериќет во вашите домови, исполнети со солидарност и заедништво со вашите најблиски.

Бајрам Шериф Мубарек Олсун!

Обука за зајакнување на т.н. меки вештини и вработување на бездомните лицаВо периодот од 18 до 20 мај во Центарот „Солфе...
25/05/2026

Обука за зајакнување на т.н. меки вештини и вработување на бездомните лица

Во периодот од 18 до 20 мај во Центарот „Солферино“- Струга беше реализирана тридневна обука на тема „Зајакнување на т.н. меки вештини и вработување на бездомните лица“, со цел унапредување на личните, комуникациските и социјалните вештини кај учесниците (17 бездомни лица, корисници на услугите во Пунктот на бездомни лица на Црвен крст Скопје), како и нивна подготовка за полесна интеграција на пазарот на труд.

Реализираната обука придонесе за унапредување на комуникациските и социјалните вештини кај учесниците, зголемување на нивната самодоверба и поттикнување на активно вклучување во процесите на вработување и социјална интеграција.

Активноста е во рамки на проектот SHAPE, финансиран од Австриското Федерално Министерство и Австриски ЦК.

Обуки за мобилни тимовиВо рамки на Меморандумот за соработка со НВО Хера, во ПТЦ Винојуг и ТЦ Табановце беа реализирани ...
23/05/2026

Обуки за мобилни тимови

Во рамки на Меморандумот за соработка со НВО Хера, во ПТЦ Винојуг и ТЦ Табановце беа реализирани обуки за ХИВ за мобилните тимови, со фокус на пренос, заштита, тестирање и лекување на вирусот.

Обуките се спроведоа со поддршка од експерти од ЈЗУ Клиника за инфективни болести и фебрилни состојби, со цел јакнење на капацитетите на давателите на услуги и подобар пристап до информации и поддршка за ранливите и мобилните популации.

Во следната фаза ќе се спроведуваат ХИВ тестирања и советување за мигранти и мобилни популации, како и услуги за сексуално и репродуктивно здравје, вклучително и бесплатни гинеколошки прегледи за жени во движење коу транзитираат низ земјата.

Дружење на ВодноСо корисниците од Дневниот центар „Пролет“ беше реализирана едукативно-рекреативна активност на Водно, и...
22/05/2026

Дружење на Водно

Со корисниците од Дневниот центар „Пролет“ беше реализирана едукативно-рекреативна активност на Водно, исполнета со дружење и активности во природа. Учесниците имаа можност активно да се вклучат во поставување шатори, тимски активности и пикник, согласно нивните можности и интереси.

Во пријатна и весела атмосфера беше придонесено за исполнет и поубав ден за сите присутни. Организацијата и понатаму ќе продолжи да дава поддршка за социјална инклузија на лицата со попреченост, со цел нивно поголемо прифаќање, еднакви можности и активно вклучување во општеството.

Подготовки за прегледување на ПХВ малите проектиНа 19 мај се одржа онлајн работилница за ПХВ инструкторите. Целта на раб...
20/05/2026

Подготовки за прегледување на ПХВ малите проекти

На 19 мај се одржа онлајн работилница за ПХВ инструкторите. Целта на работилницата беше унифицирање на критериумите за прегледување на 1️⃣9️⃣5️⃣ мали ПХВ проекти изработени во 2026 година, кои им се познати на дисеминаторите и младинците, со цел обезбедување поголема транспарентност на целиот процес.

Инструкторите ќе работат во помали тимови, при што секој тим ќе има определен број проекти за прегледување според принципот на ротирање. Овој пристап овозможува неутрално и непристрасно оценување на секој проект од страна на две лица. Дополнително, секогаш е оставен простор за пленарно презентирање и усогласување на оценките.

#цкрсм #ЦКмлади

По повод Меѓународната недела на сестринството, Црвен крст на град Скопје / Црвен крст на Република Северна Македонија д...
19/05/2026

По повод Меѓународната недела на сестринството, Црвен крст на град Скопје / Црвен крст на Република Северна Македонија доби признание од страна на Здружението на медицински сестри, техничари, акушерки и стоматолошки сестри, како потврда за долгогодишната соработка, заедничката посветеност во поттикнувањето на хуманоста и поддршката на солидарноста.

Ова признание претставува чест, но и дополнителен мотив да продолжиме со истата посветеност, грижа и човечност кон заедницата 👏

Веруваме дека хуманоста не е само вредност што се промовира, туку начин на живеење што се покажува преку секое добро дело, подадена рака и дадена поддршка.
Благодарни за укажаната доверба, продолжуваме заедно да градиме похумано и посолидарно општество.

Address

11 Oktomvri 42a
Skopje
1000

Opening Hours

Monday 08:00 - 16:30
Tuesday 08:00 - 16:30
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Црвен крст на град Скопје/City Red Cross of Skopje posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Црвен крст на град Скопје/City Red Cross of Skopje:

Shortcuts

Share

Category