Здружението на слепи и лица со оштетен вид на град Скопје е формирано во далечната 1946 и оттогаш до денес дејствува како локална, невладина, непартиска, непрофитна и хуманитарна организација од посебно општествено значење во Република Северна Македонија.
Основна мисија на Здружението е создавање на подобри услови за живот и работа на слепите лица на територија на град Скопје и нивната подобра со
цијализација и интеграција во општествената заедница.
Здружението брои повеќе од 600 членови – слепи лица на територија на град Скопје, односно лица кои на подоброто око со корективно стакло гледаат најмногу 10 проценти. Од своето основање до денес, Здружението води целосна грижа за своите членови почнувајќи од откривањето, упатувањето на школување, описменување со Брајово писмо, рехабилитација, вработување, приспособување на работни места, набавка на тифлотехнички помагала и слично.
