Национална федерација на фармери - National Federation of farmers - NFF

  • Home
  • Macedonia
  • Skopje
  • Национална федерација на фармери - National Federation of farmers - NFF
Directions Website Contact the organization

Национална федерација на фармери - National Federation of farmers  - NFF National Federation of farmers - NFF

Националната федерација на фармери е доброволно, непартиско, невладино здружение на граѓани кое ја обединува работата на сите фармери кои се членови на земјоделски здруженија во Република Македонија за остварување на нивните права и интереси на современ и демократски начин.

Улога на НФФ:
- Лобирање, застапување и стратешко поврзување со сродни организации
- НФФ работи на вмрежување на фармерите преку директна комуникација и инволвираност и изготвување на предлог финансиска подршка, закони, функлционализација на стратегијата за земјоделство и рурален развој
- Пристап до навремени и точни информации
- Техничка подршка и едукација на членството

Националната федерација на фармери Ви го честита Илинден – Денот на Републиката и Денот на АСНОМ.Нека празникот нè потсе...
02/08/2026

Националната федерација на фармери Ви го честита Илинден – Денот на Републиката и Денот на АСНОМ.

Нека празникот нè потсетува на вредностите на слободата, единството и заедничката грижа за подобра иднина.

19/07/2026

Практично знаење за сигурно производство во услови на климатски промени GIZ North Macedonia

🌱 Втора теренска посета – заедно кон поотпорно земјоделство!На 17 јули, на Опитното поле на Факултет за земјоделски наук...
17/07/2026

🌱 Втора теренска посета – заедно кон поотпорно земјоделство!

На 17 јули, на Опитното поле на Факултет за земјоделски науки и храна-Скопје во Долно Лисиче, Националната федерација на фармери и Факултетот за земјоделски науки и храна – Скопје ја реализираа втората теренска демонстративна посета, на која земјоделците имаа можност директно да се запознаат со научно базирани и практично применливи решенија за адаптација на земјоделското производство кон климатските промени.

За време на посетата беа презентирани современа опрема и иновативни технологии (прикажани во објавата со фотографии) кои им помагаат на земјоделците поефикасно да се справат со предизвиците што ги носат климатските промени. Преку практични демонстрации, размена на знаења и дискусии со експерти, учесниците се информираа за одржливи земјоделски практики кои придонесуваат за поголема отпорност на производството во услови на суши, екстремни температури и нередовни врнежи.

Настанот се реализира во рамките на проектите „Адаптација на климатските промени во земјоделството: Дисеминација и зголемување на примената на најдобри практики“ и „Пилот демонстративен проект за адаптација на климатските промени во земјоделството и промоција на одржливи практики“, кои ги спроведуваат Факултетот за земјоделски науки и храна – Скопје и Националната федерација на фармери, со поддршка на Deutsche Gesellschaft für Internationale Zusammenarbeit (GIZ) GmbH, во име на Владата на Сојузна Република Германија, во рамките на Регионалното климатско партнерство меѓу Германија и Западен Балкан.
GIZ North Macedonia

🌱 Знаењето е најдобрата алатка за справување со климатските промени!На 16 јули на Опитното поле на Факултет за земјоделс...
16/07/2026

🌱 Знаењето е најдобрата алатка за справување со климатските промени!

На 16 јули на Опитното поле на Факултет за земјоделски науки и храна-Скопје во Долно Лисиче, во организација на Националната федерација на фармери и Факултетот за земјоделски науки и храна во Скопје се одржа првата теренска демонстративна посета, каде земјоделците имаа можност директно да се запознаат со научно базирани и практично применливи решенија за адаптација на земјоделското производство кон климатските промени.

Настанот беше отворен со поздравни обраќања на проф. д-р Тошо Арсов, продекан за наука и соработка со стопанството при Факултетот за земјоделски науки и храна – Скопје, Стеван Орозовиќ, извршен директор на Националната федерација на фармери, и Ирена Џимревска, советник за Зелена агенда – Поддршка на Западен Балкан во адаптацијата кон климатските промени.

Преку размена на знаења, практични демонстрации и дискусии со експерти, учесниците се информираа за современи и одржливи земјоделски практики кои придонесуваат за поголема отпорност на производството во услови на суши, екстремни температури и нерегуларни врнежи.

Настанот се реализира во рамки на проектите „Адаптација на климатските промени во земјоделството: Дисеминација и зголемување на примената на најдобри практики“ и „Пилот демонстративен проект за адаптација на климатските промени во земјоделството и промоција на одржливи практики“, кои ги спроведуваат Факултетот за земјоделски науки и храна – Скопје и Националната федерација на фармери, со поддршка на Deutsche Gesellschaft für Internationale Zusammenarbeit (GIZ) GmbH, во име на Владата на Сојузна Република Германија, во рамките на Регионалното климатско партнерство меѓу Германија и Западен Балкан.

GIZ North Macedonia

10/07/2026

🌱 Регенеративното земјоделство – чекор кон поодржлива иднина!

Националната федерација на фармери успешно ја реализираше првата серија практични обуки за регенеративно земјоделство, кои се одржаа на 6.07 во с. Тимјаник (Неготинско), во лозовиот насад на семејството Орешкови, и на 7.07 во с. Евла (Преспански регион), на овоштарската фарма Трантал Фарм.

Под водство на експертот Флоријан Фаркаш, земјоделците се запознаа со основните принципи на регенеративното земјоделство и преку практични демонстрации на терен имаа можност да видат како овие практики придонесуваат за подобро здравје на почвата, поотпорни насади и поодржливо производство.

Ова е првата од серијата обуки што имаат за цел да ги зајакнат знаењата и вештините на земјоделците преку практична работа и размена на искуства.

🤝 Обуките се реализираат во рамките на проектот „TUI Field to Fork Western Balkans – Агротуристички синџири на вредност во руралните региони на Западен Балкан“, кофинансиран од TUI Care Foundation и Германското федерално министерство за економска соработка и развој (BMZ), а го спроведува GIZ во соработка со Националната федерација на фармери на Северна Македонија, Асоцијацијата за агротуризам на Албанија и Мрежата за рурален развој на Црна Гора.

🎥 Погледнете го видеото за самиот настан

GIZ North Macedonia
TUI Care Foundation

❤️ 67 килограми јуфки, создадени со љубов и подарени од срце – заедништвото е силата на НФФ ❤️По успешната „Јуфкијада“ ш...
23/06/2026

❤️ 67 килограми јуфки, создадени со љубов и подарени од срце – заедништвото е силата на НФФ ❤️

По успешната „Јуфкијада“ што Националната федерација на фармери ја организираше на 17 јуни 2026 година во дојранското село Фурка, денес 67 килограми јуфки беа донирани во собирниот центар за социјално загрозени семејства во дојранскиот регион.

Донацијата беше реализирана од страна на нашите членки Каранфилка Тодорова и Софија Јованова.

Токму хуманитарниот карактер е она што на овој настан му дава посебна вредност – спојувајќи ги традицијата, заедништвото и грижата за ранливите категории граѓани.

🙏 Благодарност до сите учеснички кои со својот труд и љубов придонесоа овие 67 килограми јуфки да станат симбол на солидарност и поддршка.

Националната федерација на фармери активно се вклучува во спроведувањето на националната теренска анкета со земјоделски ...
22/06/2026

Националната федерација на фармери активно се вклучува во спроведувањето на националната теренска анкета со земјоделски производители, која ја реализира EPICENTAR International во рамките на Програма за води

Анкетата се спроведува во сите земјоделски региони низ државата со цел да се обезбедат важни информации за пристапот до вода, практиките за наводнување, трошоците, потребите на земјоделците, како и нивната подготвеност за плаќање за подобрени водни услуги и поефикасно управување со водните ресурси.

🌱 Како долгогодишен партнер на земјоделците, Националната федерација на фармери ќе обезбеди поддршка во теренската мобилизација и комуникацијата со земјоделските производители, со цел нивниот глас и потреби да бидат слушнати и земени предвид при креирањето на идните политики и препораки.

Резултатите од истражувањето ќе придонесат за подобро разбирање на состојбите на терен и ќе помогнат во подготовката на препораки за поефикасно, одржливо и одговорно управување со водните ресурси.

💦 Водата е еден од најважните ресурси за земјоделството, а преку вакви иницијативи заеднички придонесуваме кон создавање подобри услови за македонските земјоделци и одржлив развој на руралните средини.

ЈУФКИЈАДА 2026 ВО ОРГАНИЗАЦИЈА НА НАЦИОНАЛНАТА ФЕДЕРАЦИЈА НА ФАРМЕРИ ВО СЕЛО ФУРКА, ДОЈРАН
19/06/2026

ЈУФКИЈАДА 2026 ВО ОРГАНИЗАЦИЈА НА НАЦИОНАЛНАТА ФЕДЕРАЦИЈА НА ФАРМЕРИ ВО СЕЛО ФУРКА, ДОЈРАН

Enjoy the videos and music you love, upload original content, and share it all with friends, family, and the world on YouTube.

Во духот на традицијата, солидарноста и женското заедништво, оваа година Националната федерација на фармери ја организир...
17/06/2026

Во духот на традицијата, солидарноста и женското заедништво, оваа година Националната федерација на фармери ја организираше хуманитарната манифестација „Јуфкијада“ во дојранското село Фурка, која обедини околу 80 жени од сите региони на државата.

Со оваа уникатна манифестација официјално го означивме почетокот на кампањата „Жените земјоделки – од традиција до иновација“, која се реализира во рамки на одбележувањето на Меѓународната година на жените земјоделки, прогласена од Обединетите нации.

Кампањата има за цел да ја истакне клучната улога на жените во земјоделството и руралниот развој, да ги промовира нивните успеси и достигнувања, како и да поттикне поголема институционална поддршка за нивно економско зајакнување и рамноправно учество во општеството.

На присутните им се обратија Стеванче Јорданоски, претседател на Националната федерација на фармери, Илија Тентов, градоначалник на Општина Дојран, Каранфилка Тодорова, локална координаторка на Мрежата на жени фармери при НФФ, како и Билјана П. Митревска, проект менаџерка во НФФ. Во своите обраќања тие ја нагласија важноста на зачувувањето на традиционалното производство на јуфки, но и непроценливиот придонес на руралните жени во развојот на земјоделството, локалната економија и одржливите рурални заедници.

Посебна вредност на „Јуфкијада“ ѝ дава нејзиниот хуманитарен карактер. Подготвените јуфки ќе бидат донирани на социјално загрозени семејства од регионот, со што традицијата се претвора во чин на хуманост и грижа за заедницата.

Упатуваме искрена благодарност до Каранфилка Тодорова и до сите жени од дојранскиот регион кои со својата посветеност, ентузијазам и несебична поддршка дадоа огромен придонес во организацијата и успешната реализација на овогодинешната „Јуфкијада“. Вашата енергија и заедништво се вистински пример за силата на руралните жени.

Настанот e поддржан од Шведска и шведската организација за развој We Effect, Општина Дојран, како и од повеќе приватни компании од дојранскиот регион, кои придонесоа за успешна реализација на оваа значајна манифестација. We Effect Europe Embassy of Sweden in Skopje Sida - Styrelsen för Internationellt Utvecklingssamarbete

💧🌱 Денес учествувавме на заедничката сесија на Работната група 5 – Животна средина и Работната група 1 – Земјоделство и ...
09/06/2026

💧🌱 Денес учествувавме на заедничката сесија на Работната група 5 – Животна средина и Работната група 1 – Земјоделство и рурален развој, во рамки на Националната конвенција за ЕУ во Северна Македонија.

Заедно со претставници на институциите, експертската заедница и граѓанскиот сектор дискутиравме на тема: „Европските политики за вода во ерата на климатските промени: можностите за интегриран и мултисекторски пристап во Република Северна Македонија“.

Во рамки на панел-дискусијата „Интегрирано управување со води, земјоделство и рурален развој“, од Националната федерација на фармери учествуваа Иван Вангелов, претседател на земјоделската задруга „Агро Богданци“ и член на Управниот одбор на НФФ, и Билјана Петровска-Митревска, проект менаџерка на НФФ и член на експертскиот тим на Конвенцијата.

Иван Вангелов го презентираше успешниот пример на задругата „Агро Богданци“ за заедничко управување со водните ресурси од страна на земјоделците. Преку акумулацијата Паљурци и сопствено менаџирање, задругата обезбедува наводнување на 170 хектари земјоделско земјиште во регионот на Богданци, овозможувајќи одржливо производство на лозови насади, овошни и градинарски култури.

✅ Водата е клучен ресурс за одржливо земјоделство, а добрите практики, новите технологии и доброто менаџирање на водата се основа за справување со предизвиците што ги носат климатските промени.

Водата претставува стратешки ресурс чија заштита и одржливо управување се од суштинско значење за економскиот развој, безбедноста на храната, заштитата на животн....

Address

Skopje
1000

Alerts

Be the first to know and let us send you an email when Национална федерација на фармери - National Federation of farmers - NFF posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Национална федерација на фармери - National Federation of farmers - NFF:

Shortcuts

Share