Македонско еколошко друштво

Call Directions Website Contact the organization

Македонско еколошко друштво Mакедонско еколошко друштво
Маcedonian Ecological Society Mакедонско eколошко друштво
Маcedonian Ecological Society

🐦 „Мали раце - голема грижа за птиците“ – детска работилница на МЕД во рамки на 17. ЕХО Фестивал на планински филм📍 27 о...
21/10/2026

🐦 „Мали раце - голема грижа за птиците“ – детска работилница на МЕД во рамки на 17. ЕХО Фестивал на планински филм

📍 27 октомври (вторник) │17:30 часот │ МКЦ

🐦 Со доаѓањето на зимата и падот на температурите, птиците потешко доаѓаат до храна. Инсектите стануваат поретки, а семињата и плодовите во природата се сè помалку достапни. Сакате да им помогнеме? Дојдете да им направиме хранилки!

🐦 Добредојдени се сите мали и големи љубители на природата!
Сите материјали ќе бидат обезбедени.

📍 Пријавување на: [email protected]
Работилницата е со ограничен број на учесници. Прв пријавен - прв примен. Се гледаме!

📢 Детска работилница
„Мали раце - голема грижа за птиците“

Македонско еколошко друштво - секогаш многу вредно на ЕХО.
Како и секоја година, веќе најавивме - ќе слушаме предавање, нивни членови се дел од жирито за најдобар еколошки филм, а повторно - учествуваат и со две работилници за деца.

Ви ја најавуваме првата:
„Мали раце, голема грижа за птиците“ 😇

Со доаѓањето на зимата и падот на температурите, птиците потешко доаѓаат до храна.
Инсектите стануваат поретки, а семињата и плодовите во природата се сè помалку достапни. Сакате да им помогнеме?
Дојдете да им направиме хранилки! Ем ќе се дружиме, ем ќе откриеме како може вообичаените материјали околу нас, да ги претвориме во нешто корисно и на едноставен и креативен начин да се грижиме за природата и за нашите пердувести соседи!

Добредојдени се сите мали и големи љубители на природата!
Сите материјали ќе бидат обезбедени.

📍 Повеќе инфо за работилницата за деца:
Термин на одржување:
27ми октомври (вторник), 17:30 часот
Младински Културен Центар - Скопје

Возраст: 6+ годишна возраст
📍 Пријавување на: [email protected]

Работилницата е со ограничен број на учесници.
Прв пријавен - прв примен.

🐍 Денешниот Светски ден на влекачите го посветуваме на поскокот (Vipera ammodytes) – една од најшироко распространетите ...
21/10/2026

🐍 Денешниот Светски ден на влекачите го посветуваме на поскокот (Vipera ammodytes) – една од најшироко распространетите и најпрепознатливи змии кај нас.

🔶 Карактеристичен по ромбовидни шари на грбот и малото рокче на врвот од главата, поскокот најчесто сака да населува суви и каменити предели, каде што живее прикриено од март до октомври, додека пак зимата ја поминува во хибернација. Се пари напролет, а женките раѓаат од 4 до 20 живи младенчиња.

❗️ Иако често предизвикува страв кај луѓето, поскокот има важна улога во одржувањето на природната рамнотежа. Неговата исхрана се состои претежно од глодари, поради што претставува природен сојузник на земјоделците во контролирањето на нивните популации.

👉 Сепак, стравот од неговиот отров често доведува до негово прогонување и убивање. Затоа, важно е да се подигне јавната свест за неговата улога во природата, но и за тоа дека каснувањето најчесто се случува кога змијата ќе биде вознемирена или загрозена. Најбезбедно е да се држиме на растојание и да ѝ дозволиме сама да се повлече.

✅ Следењето на популациите на поскокот ни дава важни сознанија за состојбата на екосистемите од кои зависи. Заштитувајќи го поскокот, придонесуваме за зачувување на природната рамнотежа и богатото биолошко наследство на регионот.

🤝 Нашите активности за мониторинг на биолошката разновидност во Преспа се поддржани преку проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) во рамки на програмата „ЕУ за Преспа“ и кофинансиран преку Фондот за природа „Преспа - Охрид“ (ПОНТ). Партнери во имплементацијата на проектот се Македонско еколошко друштво, Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Имплементацијата на проектните активности е поддржана од Министерството за животна средина и просторно планирање на Република Северна Македонија и Националниот парк „Пелистер“.

#ЕУзаПреспа #ЕУсоТЕБЕ #Преспа

Delegation of the European Union to North Macedonia
Prespa Ohrid Nature Trust - PONT
Општина Ресен
National Park Galicica
Society for the Protection of Prespa (SPP)
Protection and Preservation of Natural Environment in Albania
Министерство за животна средина и ПП / Ministria e Mjedisit Jetësor dhe PH
Nacionalen Park Pelister

🤩 Следната недела почнува нашиот омилен ЕХО Фестивал на планински филм!🪶 Како и досега, ќе бидеме дел од публиката, но и...
20/10/2026

🤩 Следната недела почнува нашиот омилен ЕХО Фестивал на планински филм!

🪶 Како и досега, ќе бидеме дел од публиката, но и од придружните фестивалски содржини. Една таква е предавањето „Мршојадците во Македонија: Има ли надеж за нивно враќање?“, што ќе се одржи на 28 октомври (среда) во 20 часот.

🪶 За овие незаменливи чистачи во природата ќе зборува нашиот Славе Накев, орнитолог и ГИС-аналитичар, кој повеќе од осум години активно работи на истражување и заштита на птиците и нивните живеалишта.

🤔 Дали повторно на небото над Македонија ќе ги видиме мршојадците во голем број? Дојдете во киното „Фросина“ за да поразговараме и видиме што може да се стори!

Македонско еколошко друштво оваа година, во делот со предавања на Ехо, ќе биде претставено од Славе Накев. 😇

Славе до сега во пар наврати веќе беше дел од „административните активности“ на Ехо, како член на жирито кое одлучуваше за Најдобар еколошки филм, а овој пат ќе учествува во збогатување на директните, „едукативни активности“, со предавање со наслов:

👉 „Мршојадците во Македонија: Има ли надеж за нивно враќање?“

Колку мршојадци ни останаа? Каде сè уште ги среќаваме? Што ги доведе до работ на исчезнување и дали сè уште можеме да ја смениме нивната судбина?

Од четирите видови мршојадци што некогаш се гнезделе во Македонија, денес брадестиот и црниот веќе не се гнездат кај нас, а египетскиот и белоглавиот се борат за својот опстанок. Што доведе до ваквата промена и што можеме да направиме за да ја свртиме приказната во друга насока?

Во оваа презентација, Славе Накев ќе нè запознае со состојбата на мршојадците кај нас, заканите со кои се соочуваат и можностите за нивно спасување. Ќе дознаеме и како методите за зајакнување на популациите (restocking) и програмите за реинтродукција се користат во заштитарство, како и за плановите наскоро да се примени зајакнување на популацијата и во Македонија.

Дали повторно на небото над Македонија ќе ги видиме мршојадците во голем број? Дојдете да поразговараме и да видиме што може да се стори!

Славе Накев е дел од тимот на Македонското еколошко друштво, каде што активно работи на истражување и заштита на птиците и нивните живеалишта. Како орнитолог и ГИС-аналитичар, повеќе од осум години ги спојува теренските истражувања со просторните анализи, придонесувајќи кон зачувувањето на мршојадците, водните птици и значајните природни подрачја. Љубовта кон птиците и природата ја претвора во посветена теренска работа и конкретни активности за нивна заштита.

📍 Предавањето ќе се одржи во блокот со почеток во 20 часот, на 28 октомври (среда), во кино Фросина.

📣 Заврши 7. Конгрес на еколозите на Македонија со меѓународно учество! 👉 Со над 180 излагачи и гости од регионот и 170 т...
20/10/2026

📣 Заврши 7. Конгрес на еколозите на Македонија со меѓународно учество!

👉 Со над 180 излагачи и гости од регионот и 170 трудови и постер-презентации, Конгресот ја потврди виталноста на науката и посветеноста на научната заедница во проучувањето и заштитата на природата!

🙌 Отсликувајќи ги актуелните еколошки состојби и предизвици, претставените научни истражувања и сознанија се доказ за неисцрпната истражувачка љубопитност и истрајност, вклучително и кај учениците од основните училишта и студентите биолози, чие учество беше драгоцено!

За повеќе детали, кликнете на линкот во коментар. 👇

#МЕДконгрес

🔷Еден од најинспиративните блокови од програмата на 7. Конгрес на еколозите на Македонија со меѓународно учество беше Си...
18/10/2026

🔷Еден од најинспиративните блокови од програмата на 7. Конгрес на еколозите на Македонија со меѓународно учество беше Симпозиумот на студентите биолози, во организација на Истражувачко друштво на студенти биолози-ИДСБ, преку кој традиционално ги поддржуваме младите истражувачи.

🦎Годинешните сесии донесоа фантастични излагања за мрморците на Галичица, жолтиот мукач на Јабланица, сврачето на Шар Планина, нови видови на габи и растенија, за популациите на мали цицачи низ Македонија и за влијанието на пестицидите врз исхраната на лилјаците. Но, и за влијанието на гуано врз количеството на органски материи на Голем Град, диверзитет на инсекти, ефектот на загадениот воздух врз јадрата на растителни клетки, тврдокрилците низ рурално-урбаниот градиент во Скопје, како и хиперакумулирачки растенија во регионот Радуша.

Ова беа само дел од 18-те излагања на студентите, чии истражувања на ново нѐ потсетуваат дека вреди да се поттикнуваат младите научници и да се вложува во нивната едукација.

Освен што е платформа за претставување на нивните истражувања, за студентите биолози Конгресот е и место каде што можат да разменат мислења, да запознаат колеги од регионот и пошироко и да добијат конструктивна критика од присутната научна фела.

Нивното учество особено нè радува со оглед на тоа што претставува своевидно продолжение на финансиската и на менторската поддршка што со години ја обезбедуваме преку Програмата за поддршка на млади еколози „Љупчо Меловски“. Нивниот ентузијазам, пак, е охрабрување и за нас, да продолжиме да придонесуваме во развојот на еколошката наука.

📸 Hristijan Jankulovski Stylens Production

17/10/2026

Трет и последен ден од 7. Конгрес на еколозите на Македонија, во чии рамки се одржа и 5. Симпозиум на студенти биолози.

Денешниот ден ни беше со измешани чувства. Од една страна сме среќни за споделените знаења и убавите моменти во изминатите три дена, а од друга - тажни поради крајот и разделбата со нашите колеги од Македонија, Балканот и светот.

Од срце им благодариме на сите вклучени излагачи, гости и организатори на Конгресот. До следно видување!

За да се истражи природата, не мора да се патува далеку. Доволно е да се подзастане, да се погледне подобро и да се пост...
17/10/2026

За да се истражи природата, не мора да се патува далеку. Доволно е да се подзастане, да се погледне подобро и да се поставуваат прашања - оти природата е најдобрата училница!

Опремени со мобилни телефони, остар вид и многу љубопитност, над 200 ученици од 14 основни училишта од целата земја беа дел од нашата неодамнешна прва #Биомисија! Истражуваа различни живеалишта, бараа интересни видови. Тргнаа од училишниот двор, а вчера пристигнаа во Струга, на 7. Конгрес на еколозите на Македонија со меѓународно учество!

Возбудени, преку самостојно изработени постери, ни раскажаа што откриле и научиле! Слушнавме за биолошката разновидност во околината на нивните училишта, но и на Шара и во Преспа, во селата Вакуф, Мушково и Крилатица, Чучер Сандево, Валандовската долина, Кочанска река и реката Кумановка, па дури и во пештерата Пешна.

Холот на хотелот „Дрим“ зуеше од приказни за верверичките, мимикријата, калинката, штркот и дивите патки, за скриеното царство на печурките. Овие приказни се невозможни без детската љубопитност и решеноста да им се дадат на децата што повеќе можности да ја запознаат и искусат природата, нешто на што неуморно и со љубов работиме преку нашата Мрежа за искуствено учење!

UNICEF
Embassy of Sweden in Skopje

📸 Hristijan Jankulovski Stylens Production

16/10/2026

Вториот ден од 7. Конгрес на еколозите на Македонија беше исполнет со стручни предавања и постери на искусни научници, испреплетени со младешката енергија на следната генерација еколози!

📣  Вчера започна 7. Конгрес на еколозите на Македонија, со меѓународно учество. Покрај новите научни сознанија и истражу...
16/10/2026

📣 Вчера започна 7. Конгрес на еколозите на Македонија, со меѓународно учество.

Покрај новите научни сознанија и истражувања што ќе ги споделуваме во следните денови, отворањето беше можност да се потсетиме и на луѓето и заложбите благодарение на кои овој Конгрес постои и денес.

На тоа се осврна нашата извршна директорка Робертина Брајаноска, потсетувајќи нè дека зад Конгресот стои многу повеќе од научна програма:

„Дваесет и осум години по првиот Конгрес, сè уште сме тука, собрани поради нашата страст за екологијата, нашата љубопитност за природата и нашата посветеност да ја разбереме и заштитиме. За мене Конгресот е многу повеќе од научен собир. Тој е настан преку кој ја славиме посветеноста на генерации еколози кои придонесоа за еколошката наука во нашата земја и помогнаа да се обликува Македонското еколошко друштво во организацијата каква што е денес.“

А кога зборуваме за генерациите што ја граделе нашата научна заедница, неизбежно се навраќаме и на оние што ги поставиле нејзините темели. Нашиот претседател Славчо Христовски, го посвети своето обраќање на еден од нив:

„Еден од тие луѓе е и проф. д-р Љупчо Групче, кој доживотно ѝ беше посветен на природата! За жал, не го дочека седмото издание на Конгресот, но беше меѓу главните иницијатори да отпочне ваквата традиција! Човек кој директно придонесе кон создавањето на неколку следни генерации еколози, чии истражувања ја поставија основата врз која подоцна порасна Македонското еколошко друштво.“

И токму од тие темели продолжуваме да растеме. Како што убаво се надоврза нашиот програмски директор, Методија Велевски:

„А на цврсти темели лесно е да се расте! Речиси три децении Конгресот е место каде што различни генерации еколози се собираат, разменуваат знаења, ги преиспитуваат ставовите и идеите и ја одржуваат жива нашата научна заедница! А настан од ваков калибар не може да се случи без луѓето што не спијат!“

🔬 До 18 октомври остануваме во Струга, со простор за нови научни дискусии, размена на искуства, средби и соработки.

📸 Hristijan Jankulovski

15/10/2026

Прв ден од 7. Конгрес на еколозите на Македонија, со меѓународно учество. Погледнете каква беше атмосферата од пристигнувањето на гостите, свеченото отворање и првите предавања! Продолжуваме утре!

Address

Todor Skalovski 9A
Skopje
1000

Opening Hours

Monday 09:30 - 16:00
Tuesday 09:30 - 16:00
Wednesday 09:30 - 16:00
Thursday 09:30 - 16:00
Friday 09:30 - 16:00

Telephone

+389 (0)2 2402 773

Alerts

Be the first to know and let us send you an email when Македонско еколошко друштво posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Македонско еколошко друштво:

Shortcuts

Share