Здружение на судиите на Република Северна Македонија

  • Home
  • Macedonia
  • Skopje
  • Здружение на судиите на Република Северна Македонија
Call Directions Website Contact the organization

Здружение на судиите на Република Северна Македонија Официјална страна на Здружението на судиите на Републ?

11/08/2026

С О О П Ш Т Е Н И Е

Судскиoт совет на Република Северна Македонија и Здружение на судиите на Република Северна Македонија, во врска со Решението на Уставниот суд И.бр.1/2026 и реакциите што тоа ги предизвика во јавноста, смета за потребно да укажат на неколку принципиелни прашања од значење за независноста на судската власт и владеењето на правото.
Судскиот совет на Република Северна Македонија и Здружение на судиите на Република Северна Македонија го почитуваат уставниот статус на Уставниот суд и принципот дека неговите одлуки се конечни и извршни и дека надлежните државни органи се должни да постапуваат во согласност со обврските што произлегуваат од нив. Истовремено, еднакво значајно е почитувањето на уставно загарантираната самостојност и независност на судовите, законски уредениот тек на судските постапки и правото на користење на предвидените правни лекови.
Во конкретниот случај, Решението П4-240/22 од 4 мај 2026 година на Основниот граѓански суд Скопје не е правосилно и против него е изјавена жалба за која треба да одлучува надлежниот второстепен суд. Оттука, постапката сè уште е во тек, а оценката на законитоста на првостепената одлука му припаѓа само на надлежниот второстепен суд.
Во такви околности, Судскиот совет на Република Северна Македонија и Здружение на судиите на Република Северна Македонија сметаат дека секое институционално постапување поврзано со конкретната неправосилна судска одлука бара особена внимателност и воздржаност, за да не се создаде впечаток на прејудицирање на исходот од постапката или на притисок врз судиите кои одлучуваат во конкретниот предмет.
Независноста на судството не е привилегија на судиите, туку гаранција за граѓаните дека за нивните права и обврски ќе одлучува независен и непристрасен суд. Функцијата на судовите не се состои во извршување на одлуки на други државни органи, туку во самостојно и независно судење врз основа на Уставот, законите и ратификуваните меѓународни договори. Оттука, ниту еден орган, без оглед на неговата уставна положба, не може да определува или да прејудицира каква одлука треба да донесе судот во конкретен предмет.
Судскиот совет на Република Северна Македонија и Здружението на судии на Република Северна Македонија особено нагласуваат дека почитувањето на одлуките на Уставниот суд и почитувањето на независноста на редовните судови не се спротивставени вредности. Напротив, тие се составни делови на истиот уставен поредок и на принципот на владеење на правото. Нивната заштита подразбира секој орган да ги остварува своите надлежности во уставно и законски утврдените граници, со должно почитување на надлежностите и независноста на другите органи.
Судскиот совет на Република Северна Македонија и Здружение на судиите на Република Северна Македонија остануваат цврсто определено за доследно почитување на Уставот, законите и одлуките на Уставниот суд, но и за бескомпромисна заштита на независноста на судската власт, правото на правично судење и непреченото функционирање на системот на правни лекови. Само преку институционална воздржаност, заемно почитување на уставните надлежности и доследно почитување на законските процедури може да се обезбеди владеење на правото и да се зајакне довербата на граѓаните во институциите.

03/07/2026

ЗДРУЖЕНИЕ НА СУДИИ НА РЕПУБЛИКА СЕВЕРНА МАКЕДОНИЈА СО ПОДДРШКА НА ИНИЦИЈАТИВИТЕ ЗА УНАПРЕДУВАЊЕ НА УСЛОВИТЕ ЗА РАБОТА НА СУДСКАТА СЛУЖБА

Здружението на судии на Република Северна Македонија, со поддршка на иницијативите за унапредување на статусот и условите за работа на судската служба. Судската служба претставува есенцијален и неодвоив дел од судскиот систем. Нејзината стручност, посветеност и секојдневна работа се неопходни за навремено, ефикасно и законито функционирање на судовите. Без професионална и мотивирана судска служба не е можно да се обезбеди ефикасно спроведување на судската власт, владеење на правото, ниту доследно почитување и заштита на Уставот загарантираните права и слободи на граѓаните. Во изминатиот период судовите се соочуваат со сериозен и континуиран одлив на судски службеници, при што голем број работни места остануваат непополнети. Поради тоа, постојните вработени секојдневно работат во услови на значително зголемен обем на работа, преземајќи обврски кои ги надминуваат редовните работни задачи. Истовремено, бројот на предметите во работа во судовите постојано се зголемува, а човечките ресурси со кои располага судската служба се намалуваат. Таквата состојба создава сериозен ризик за навремено и квалитетно постапување по предметите, без оглед на заложбите и професионалноста на судиите и судските службеници. Особено загрижува фактот што судските службеници имаат едни од најниските примања, не само во споредба со судските администрации во земјите од регионот, туку и во однос на вработените во другите органи на државната управа, како на централно така и на локално ниво. Ваквата состојба директно влијае врз мотивацијата, задржувањето на искусниот кадар и привлекувањето нови стручни лица во судството. Здружението на судии смета дека вложувањето во судската служба не претставува трошок, туку инвестиција во ефикасно, независно и функционално судство. Само со обезбедување достоинствени услови за работа, соодветно вреднување на трудот и стабилност на судската администрација може да се обезбеди квалитетно функционирање на судовите. Воедно, потсетуваме дека сите реформски процеси во правосудството, донесувањето нови закони и усогласувањето со европските стандарди ќе останат без суштински ефект доколку нема доволен број стручни и мотивирани судски службеници кои секојдневно ќе ги спроведуваат тие реформи во пракса. Ниту еден закон, без оглед на неговиот квалитет, не може да ги даде очекуваните резултати доколку нема кадровски и институционален капацитет за негово доследно спроведување. Поради наведеното, Здружението на судии на Република Северна Македонија ги поддржува барањата за подобрување на материјалната положба, условите за работа и професионалниот статус на судските службеници и ги повикува надлежните институции, преку конструктивен дијалог, да преземат конкретни мерки за надминување на состојбите и обезбедување стабилен и ефикасен судски систем во интерес на граѓаните и државата.

Здружението на судии на РСМ, со особена чест и задоволство, упатува честитки по повод 31 Март – Денот на правосудството,...
31/03/2026

Здружението на судии на РСМ, со особена чест и задоволство, упатува честитки по повод 31 Март – Денот на правосудството, до сите судии и судски службеници во земјата.

Вашето неизмерно вложување, посветеност и истрајност во секојдневната работа, и покрај сите предизвици со кои се соочуваме, придонесуваат за владеење на правото, зајакнување на правната држава и доследно почитување на правата на граѓаните.
По тој повод, Здружението на судии, во соработка со Мисијата на ОБСЕ во Скопје, деновиве организира работилници за одбележување на Националниот ден на судството, посветени на судиската етика, интегритетот и креирањето механизми за управување во кризни состојби, со цел унапредување на судискиот авторитет и градење доверба кај јавноста. На овие работилници, судиите имаат можност да се осврнат и на актуелните предизвици, реформите во судскиот систем, како и на заложбите за подобрување на статусот на судиите и судската служба. Воедно, на работилниците се посветува внимание и на влијанието на дигитализацијата и социјалните медиуми врз работата на судиите, истакнувајќи ги новите можности, но и предизвици за одржување на професионализмот, независноста и јавната доверба. Исто така, беше нагласена улогата на институционалните механизми, како советодавните тела за етика и антикорупциските иницијативи, во зајакнувањето на транспарентноста, отчетноста и високите етички стандарди во судството.

Со почит, Здружение на судии на РСМ

02/03/2026

СООПШТЕНИЕ ЗА ЈАВНОСТ

Итно одмрзнување на платите на судиите, зголемување на платите на судската администрација и распишување оглас за нови вработувања во судовите, со цел ефикасно и независно функционирање на судскиот систем, бара Здружението на судии на РСМ.

Здружението на судии на Република Северна Македонија (ЗСРСМ) ја информира јавноста и судиската заедница, дека до Уставниот суд на РСМ поднесе дополнување на Иницијативата за оценување на уставноста и законитоста на Измените на Законот за плати на судиите. (со дополнувањето се опфатени последните измени на Законот донесени на 25.02.2026 година.)
Со иницијативата, Здружението бара поништување/укинување на неуставно донесените-незаконски измени на Законот со кои платите на судиите остануваат замрзнати веќе трета година по ред.

Сметаме дека ваквиот пристап на пратениците од Собранието на РСМ, кои ги изгласаа овие измени на Законот во брза, неуставна и за жал само популистичка постапка, ќе има далекусежни последици во врска (не)владение на правото бидејки е во спротивност со член 32 од Уставот на РСМ, а дополнително директно го нарушува и достоинството на судиската функција. Пратениците со мандат од 4 години мора да престанат со креирање, менување и укинување на закони кои имаат цел само да купат социјален и политички мир. Наместо да носат штетни и неуставни Закони, кои генерираат правна несигурност, и наместо да се водат само од потребата за зголемување на политичкиот рејтинг, потребно е пратениците да ја согледаат реалната потреба за независно и непристрасно судство, кој ќе биде гарант за Владеење на правото и доследна борба со организираниот криминал и корупција како предуслов за Европски напредок на земјата.
Факт е дека во нашата земја владее општо незадоволство, пред се од политичките структури во земјата (Влада, Собранието и Министерствата), но и од судскиот систем, образованието и здравството, но најповеќе владее незадоволството од економската состојба во државата и куповната моќ на граѓаните.

Појдовна точка и излезна врата од сите напластени проблеми, како во секое демократско општество така и кај нас, треба да биде Владеењето на правото и почитување на Уставно загарантираните права на граѓаните. Затоа и пред гласањето на спорниот Закон, апелиравме до пратениците: НЕ ГО КРШЕТЕ УСТАВОТ, не ги повторувајте грешките на претходните собраниски состави, не купувајте социјален мир со намалување на платите на една мала група на граѓани, напротив зголемете ги платите на сите.

Инаку со „фамозното“ зголемување на функционерските плати од 78%, платите на судиите во прв степен достигнаа до просечни 86.000 денари, а доколку не беше зголемувањето тие ќе беа во рамки на просечната плата во земјата околу 50.000 денари, што е далеку од просекот, како во регионот така и во земјите од Европската унија. Дополнителен проблем создаваат и ниските плати, одливот на кадар на судската администрација и неисплаќањето на додатоците, од што директни последици трпат странките во постапките односно граѓаните.

Заради тоа, децидни сме на ставот дека доколку продолжи „уривањето“ на судскиот систем, ако ваквите неуставни измени на Законот опстојат, и доколку судската администрација се остави на маргините и се продолжи да се деградира, Судиите ќе изнајдат друга форма на покажување на незадоволство и видлив протест, а ја поддржуваме и судската администрација на нови, Законите чекори, за изразување на незадоволството, за кое нешто изминатиот период е добиена поддршка од повеќето Подружници на ЗСРСМ.
Со почит
Здружение на судии на РСМ.

21/01/2026

СООПШТЕНИЕ ЗА ЈАВНОСТ

Здружението на судии на Република Северна Македонија внимателно ги следи настаните поврзани со притварањето на судија од Апелациониот суд во Скопје и изразува јасна поддршка на надлежните институции во борбата против организираниот криминал и корупцијата, вклучително и сузбивањето на корупцијата на највисоко ниво.
Очекуваме надлежните органи да спроведат темелна, прецизна и транспарентна истрага, во која ќе се утврдат сите релевантни факти и околности, како и евентуалната инволвираност на други лица, доколку таква постои, без селективност и со целосна почит кон законските процедури.
Во случај на докажана корупција, Здружението на судии јасно и недвосмислено се оградува од секој корумпиран судија или носител на судска функција кој со своето незаконско постапување го нарушува угледот и интегритетот на судскиот систем. Таквите појави не смеат и не треба да се поврзуваат со судиите кои чесно, професионално и одговорно ја извршуваат својата функција, а кои претставуваат огромно мнозинство во судството.
Во таа насока, Здружението бара целосно почитување и заштита на угледот и достоинството на чесните судии, како и воздржаност од генерализации кои дополнително ја поткопуваат довербата на граѓаните во правосудниот систем.
Здружението на судии смета дека ваков принципиелен и одговорен пристап треба да биде применет и кон сите други општествени чинители и функционери кои се склони кон коруптивно однесување, бидејќи токму ваквите појави со години придонесуваат за губење на довербата на граѓаните во институциите и во системот во целина.
Како здружение остануваме посветени на јакнењето на владеењето на правото, независноста и интегритетот на судството, како и враќањето на довербата на граѓаните во правдата и институциите.
Напоменуваме дека при секоја постапка мора доследно да се почитува уставното начело на пресумпција на невиност, како еден од темелните принципи на владеењето на правото и правната држава, во овие моменти на граѓаните не им е потребен сензационализам ниту органите на прогон ниту од политичките структури, напротив потребно е да покажеме достоинство, не селективен пристап и отчетност, со целосно почитување на човековите права и Европските вредности кон кои се стремиме како држава.
Здружение на судии
на Република Северна Македонија

11/01/2026

🟪🟥🟩🟦 11 stycznia 2020 roku tysiące sędziów, prokuratorów i prawników z Polski i innych krajów Europy, przemaszerowało ulicami Warszawy, by wraz obywatelami zamanifestować potrzebę niezależności sądownictwa.

Rocznica “Marszu Tysiąca Tóg” przypomina nam o istocie sędziowskiej niezawisłości, która wymaga nie tylko niezależności w podejmowaniu codziennych decyzji zawodowych, ale także – solidarności i odwagi publicznego sprzeciwu wszędzie tam, gdzie niezależność sędziów jest atakowana systemowo, co zagraża wprost prawom i wolnościom obywateli.

Sędziowska niezawisłość nie jest przecież przywilejem sędziów, lecz właśnie - prawem obywateli.

Stowarzyszenia sędziowskie zabiegają o ustanowienie 11 stycznia dniem niezależnego sądownictwa obchodzonym w rocznicę Marszu Tysiąca Tóg. Wierzymy, że te starania pozostają aktualne i dziś, gdy na całym świecie chwieją się demokratyczne wartości.

Chcemy wzmocnić przekonanie, że niezależność wymiaru sprawiedliwości i niezawisłość sędziów służą nade wszystko bezpieczeństwu i ochronie obywateli. Dlatego Zarząd Stowarzyszenia Sędziów Polskich “Iustitia” wystąpił z inicjatywą, by począwszy od 2026 roku tydzień rozpoczynający się dniem 11 stycznia był obchodzony w Polsce corocznie jako Tydzień Niezależnego Sądownictwa.

Jedynie niezawiśli, legalnie powołani sędziowie oraz niezależne sądy i prokuratura, wolne od politycznych nacisków mogą w pełni chronić interesy ludzi, którzy przynoszą swoje sprawy przed polski wymiar sprawiedliwości. Każdy obywatel ma przy tym prawo, by korzystać w tych sprawach z pomocy adwokatów i radców prawnych, wykonujących swój zawód bez jakiejkolwiek presji ze strony organów władzy.

Marzymy o czasach, w których już nie trzeba będzie podkreślać do znudzenia, nieustannie, że jeśli sądownictwo - to niezależne, a jeśli sędziowie - to niezawiśli. I kiedy żaden polityk nie zdoła wmówić nikomu, że ma prawo decydować o sędziowskich powołaniach i decyzjach zawodowych.

👉Serdecznie zachęcamy do wsparcia naszej inicjatywy poprzez zaangażowanie w wydarzenia związane z rocznicą Marszu Tysiąca Tóg i inne aktywności, o których do 17 stycznia br. będziemy informować na naszej stronie: www.iustitia.pl oraz na portalu w mediach społecznościowych IUSTITIA Stowarzyszenie Sędziów Polskich, x.com/JudgesSsp, instagram.com/iustitiapolska

Address

Bul "Krste Misirkov" Br. 1
Skopje
1000

Alerts

Be the first to know and let us send you an email when Здружение на судиите на Република Северна Македонија posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Здружение на судиите на Република Северна Македонија:

Shortcuts

Share