Пантеон Платформа / Pantheon Platform

10/05/2025

📢 Млади симулираа Европски парламент во чест на Денот на Европа! 🇪🇺

Вчера, во просториите на Министерството за надворешни работи и надворешна трговија, Пантеон Платформа организираше симулација на Европскиот парламент по повод 9 мај - Денот на Европа. Настанот собра млади студенти и средношколци кои имаа можност да ги преземат улогите на членови на Европскиот парламент и активно да дискутираат и предлагаат решенија за важни европски прашања.

Преку практично искуство, учесниците дебатираа, предлагаа и гласаа за резолуции поврзани со надворешната политика и безбедноста на ЕУ. Оваа симулација им овозможи да се запознаат со процесите на донесување одлуки во Европската Унија, развивајќи вештини за јавно говорење, критичко размислување и тимска работа.

Ова беше главната активност од Еразмус+ проектот „EUropean Youth for Engagement and Advocacy“, финансиран од Националната агенција за европски образовни програми и мобилност, со цел да ги поттикне младите да ги разберат и активно да учествуваат во процесите на европска интеграција.

Пантеон Платформа останува посветена на промовирање на младинското учество и граѓанската едукација, градејќи генерации на активни и информирани млади.

09/04/2025

📌 Вториот дел од студиските посети помина во духот на дијалог, инспирација и директно поврзување со носителите на одлуки!

Денес, учесниците имаа можност да го посетат македонското Собрание и да се сретнат со пратеничките Марија Петрушевска, Иванка Василевска, Драгана Бојковска и Фериде Хаџиу, како претставнички на Комисијата за европски прашања, Националниот совет за евроинтеграции и Клубот за младински прашања и политики. Во отворена дискусија, учесниците дознаа повеќе за улогата и работата на овие тела, кои се клучен дел од евроинтеграцискиот процес на државата, како и за значењето на младинското учество во креирањето на европската иднина на земјата.

Попладнето, учесниците продолжија во Делегацијата на ЕУ во Скопје, каде остварија средба со Заменик амбасадорот на ЕУ, Н.Е. Бен Нупнау и Офицерот за медиуми и вмрежување на Europe House, Валон Салиху. По презентација на работата на Делегацијата и Europe House мрежата, следуваше отворена дискусија за улогата на Европската Унија во поддршката на локалните и националните процеси во земјата.

25/03/2025

📢 Започнавме со првите активност од Еразмус+ проектот „EUropean Youth for Engagement and Advocacy“!

Денес, нашите учесници имаа можност да ги посетат Министерството за надворешни работи и надворешна трговија и Министерството за европски прашања, каде се сретнаа со заменик министерот Зоран Димитровски и заменик министерката Викторија Трајков.

🇲🇰🇪🇺 Овие студиски посети беа одлична можност за младите да дознаат повеќе за надлежностите и улогата на овие институции во процесот на проширување, како и за тоа кои се клучните предизвици и приоритети поврзани со европската интеграцијата. Преку отворена дискусија, учесниците поставија прашања и споделија мислења за тоа како младите можат активно да се вклучат во овие процеси.

Но ова е само почеток! Следуваат уште многу активности кои ќе им овозможат на младите да станат двигатели на промените и активни граѓани во европската иднина на нашата земја!

05/03/2025

Аплицирајте веднаш на pantheon.org.mk 👈

28/02/2025

📢 ПОВИК ЗА УЧЕСНИЦИ – ВКЛУЧИ СЕ ВО ПРОЦЕСОТ НА ЕВРОПСКА ИНТЕГРАЦИЈА 🇪🇺

Дали си млад и амбициозен граѓанин кој сака да дознае повеќе за процесот на пристапување во Европската Унија? Дали сакаш да учествуваш во дискусии со носители на одлуки, да посетиш клучни институции за нашиот пат кон ЕУ и да бидеш дел од симулација на Европскиот парламент?

Пантеон Платформа те поканува да станеш дел од нашата иницијатива за поттикнување на младинското учество во политичките процеси! Преку низа предавања, дискусии, студиски посети и завршна симулација на Европскиот парламент, ќе имаш можност да стекнеш нови знаења, да ги унапредиш своите вештини за аргументирање и дебата и да придонесеш кон зајакнување на европската перспектива на нашата земја.

Повеќе информации и апликациската форма можеш да најдеш на нашата нова веб страна pantheon.org.mk!

22/10/2024

We are thrilled to be sponsors of this year's Startup Weekend Skopje ✨

Sponsors anouncment 🤝🍃

Особени ни е драго што имаме подршка од социјално одговорните организации како и !

🔜Дојди на Startup Weekend Social Innovation Skopje 2024 and lets build a better tommorow!

🔗🎟️

16/08/2024

🤝 Прва работна средба утрово со Советникот за млади на Претседателот на Владата, Stole Pandov, на која разговаравме за постоечките предизвици на младите во државата, потребата од реформи на повеќе закони и институции, како и унапредување на младинскиот стандард.

25/07/2024

🤝🏻 Денес во рамки на работниот состанок, Пантеон Платформа потпиша Меморандум за разбирање и соработка со Министерството за дигитална трансформација, според кој, двете страни се согласија на заедничка соработка во унапредувањето на информатичките и дигиталните процеси на државата, на сајбер безбедноста, како и за можностите и предизвиците при имплементација на вештачката интелигенција.

На состанокот помеѓу извршниот директор на Пантеон Платформа, Viktor Jakimovski, заменик-директорот Aleksandar Karatosho и Министерот за дигитална трансформација, Стефан Андоновски беше искажано цврсто верување дека дигиталната трансформација мора да биде еден од клучните национални приоритети, а Пантеон изрази целосна подготвеност да придонесе во текот на целиот процес.

Разговаравме и за идните активности на министерството и можностите да обезбедиме дополнителна поддршка од граѓанскиот сектор.

Ministry of Information Society and Administration

24/10/2023

🚀 Продолжуваме со СТЕМ работилниците!

🏫 Денес имавме можност да зборуваме со ученици од ОУ „Ѓоргија Пулевски“ за искуствата на Матеј и неговиот тим за време на NASA Space Apps Challenge, како и можностите кои постојат доколку одлучат да се насочат во ова поле.

10/10/2023

🏫 Денес, во ОУ „Лазо Ангеловски“ во рамки на проектот „STEM Youth“ се одржа работилница со млади ентузијасти за STEM вештини, односно вештини од областите на науката, техонологијата, инженерството и математиката.

🔬🧪 ПАНТЕОН Платформа во соработка со младите средношколци Матеј Крстески и Леонид Индов, кои беа дел од победничкиот тим на националниот NASA Space Apps Challenge и ја претставуваа Македонија во Флорида, САД добија поддршка од Општина Аеродром да спроведат серија на работилници низ основните училишта на територијата на Општина Аеродром. Целта на проектот е да се поттикне изучување на овие науки и да се промовираат STEM вештините, кои ги сметаме како вештини на иднината.