Коалиција за заштита на децата, Skopje (2026)

29/05/2026

НЕКОИ ОД ЗЛОБА, ДРУГИ ОД ЕГО, А ТРЕТИ ОД НЕИНФОРМИРАНОСТ И ПЛИТКО РАЗМИСЛУВАЊЕ ГИ ФРЛИЈА ДЕЦАТА ПОД ВОЗ

Веќе имавме неколку објави на темата забрана на социјалните мрежи за деца и објаснивме дека ваквите петиции и законите воопшто немаат за цел да ги заштитат децата, туку напротив - да контролираат информации и податоци за сите што имаат профили и акаунти на Фејсбук, Инстаграм, ТикТок итн.

Оние кои не ја прочитале таа објава, можат да ја најдат на следниов линк:
https://www.facebook.com/share/p/17sJcmjXXD/

Весна Петрушевска-Бејби, иницијаторот да се покрене ваков закон и во Македонија, во својот повик до јавноста да се приклучи во поддржување на нејзината иницијатива, се повика на Австралија како пионер и пример дека забраната на социјалните мрежи за деца е нешто позитивно и потребно. Очигледно, Весна Петрушевска-Бејби воопшто не е информирана кои се последиците од тоа кон што повикува и како тоа ќе се рефлектира на децата.

Поминаа 5 месеци откако забраната стапи на сила во Австралија - првата земја во светот која го воведе законот, но она што луѓето таму го сведочат е дека 70% од децата се сѐ уште на социјалните мрежи, зашто успеваат да ги заобиколат сите проверки. (1)

Но, Мета сега воведува нов начин на контрола на возраста преку скенирање на сите видеа и слики што се на профилот, како и скенирање на коскената структура на децата со помош на вештачка интелигенција. Со скенирање на коскената структура на децата, која што е уникатна за секој еден човек, Мета ќе има целосни дигитални информации за ликот и телесниот изглед на секое едно дете на социјалните мрежи.

Ќе поставиме едно навидум дистописко, но фактите кажуваат дека е многу реално прашање, до сите оние родители, граѓани, и за жал организации кои се декларираат како заштитници на децата, а гордо ја поддржаа оваа иницијатива:

Со оглед на тоа што овие гигантски корпорации се поврзани со други технократи, трансхуманисти и мониторинг тела, дали може тие, штом ја поддржуваат иницијативата, да гарантираат дека овие информации нема да завршат во рацете на оние кои си играат со вештачката интелигенција и нема во иднина да гледаме реалистични роботи со ликот на нашите деца?

Ќе поставиме и уште едно прашање: Може ли да гарантирате дека меѓу оние кои ќе ги собираат, обработуваат и складираат овие податоци, нема педофили и предатори кои сакаат да им наштетат на децата, а ние им ја доверуваме уникатноста на самата личност?

Повторно да потсетиме дека Мета неодамна изгуби судски спор во кој ќе треба да плати 375 милиони долари заради тоа што свесно не ги заштити децата од опасности и педофили (2), и прикривала докази за такви ризици. (3)

Ова се само две од многуте сериозни прашања кои се отвораат како пандорина кутија со оваа забрана. Се надеваме дека поттикнавме критичко размислување за самите да можете да претпоставите какви други опасности се кријат зад ваквата лажна "заштита на децата".

Во прилог, видео од д-р Џоан Орландо од Австралија, долгогодишен истражувач на технологијата за информирање и комуникација, како и роботиката и образованието, која објаснува какви мерки и проблеми повлекува овој "заштитен" механизам за децата. (4)

🌐

1) https://www.facebook.com/share/r/18rfHzBxPX/

2) https://nmpoliticalreport.com/2026/03/24/new-mexico-jury-finds-meta-guilty-of-putting-profits-over-child-safety-ordering-375-million-fine/

3) https://www.bbc.com/news/articles/c5y8x3md05no

4) https://researchers.westernsydney.edu.au/en/persons/joanne-orlando/fingerprints/

27/05/2026

ДА, РОДИТЕЛИ, ОВОЈ ОБРАЗОВЕН СИСТЕМ ГИ ОТУПУВА ВАШИТЕ ДЕЦА

Она што го започнаа СДСМ и Мила Царовска, а сега го продолжуваат и ВМРО со Весна Јаневска, носи само стагнација во когнитивниот развој, уназадување на критичкото и логичкото мислење и создавање на доволно глупави деца, за некој да може полесно да ги контролира.

Додека светски студии со огромен број испитаници покажуваат дека дигитализацијата на образованието и истиснувањето на читање недигитални книги, заменување на рачното пишување со компјутерско и нерешавање на задачи со писмени проблеми ја намалува интелигенцијата, а поради тоа некои земји како Шведска и Данска се враќаат на хартијата, Весна Јаневска и Министерството за образование нѐ убедуваат дека дигитализацијата е неопходна за поквалитетно образование, а особено воведувањето на AI - вештачката интелигенција.

Во самата Стратегија за образование 2026-2032 зборот дигитален и изведени зборови од него се спомнуваат повеќе од 270 пати, небаре постојаното повторување дека образованието задолжително мора да се дигитализира ќе нѐ увери дека со тоа децата ќе стекнат поголемо знаење и супериорни способности за критичко размислување.

Прочитајте ја самите најновата образовна стратегија:
https://portal.mdt.gov.mk/post-body-files/strateski-dokumenti-mon-file-A3ci.pdf

Она што е воочливо е дека без разлика која партија е на власт, зацртаната агенда продолжува да ја спроведуваат.

Прашањето останува: зошто и кој сака поглупави, наместо попаметни генерации?

25/05/2026

Поука од д-р Ранко Рајовиќ

Овозможувањето и сервирањето на послужавник сѐ што ќе побараат децата не е добро родителство. Напротив, таквото родителство не ги учи децата на граници и почит, и она што ќе се добие без труд, не се цени.

21/05/2026

Во прилог споделуваме текст кој ја разгледува и прави анализа на ЛГБТИК+ идеологијата на ЕУ, која директно влијае на депопулацијата и на постепеното изумирање на народите какви што ги знаевме до сега. За жал, на владеачката ВМРО-ДПМНЕ тоа воопшто не ја засега и засилено нѐ носи и се залага да влеземе во "големото европско семејство", а очекуваните последици се од прифаќање, спроведување и славење на ЛГБТИК+ идеологијата, па сѐ до закони кои се штетни за децата и семејството. Она што е очигледно, додека останатите го премолчуваат за една пуста работна позиција, ние јавно го кажуваме, повторно за да остане запечатено дека секогаш ја говориме вистината и сме на страна на правата страна, без разлика колку сме осамени во транспарентноста и објективноста.

Нагласуваме дека под "род" во текстот не се мисли на ЛГБТИК+ терминот "род" / "родова" со кој се прави замена на половите, туку се подразбираат поколенија што потекнуваат од еден предок (нормалниот контекст на зборот, пример "од царски род е").

👇👇👇👇👇👇👇👇👇👇👇

УРСУЛА ФОН ДЕР ЛАЈЕН И ЗНАМЕТО НА ЛГТБ ЗАЕДНИЦАТА НА ИНСТИТУЦИИТЕ НА ЕУ

Урсула фон дер Лајен го крена знамето. Не знамето на народите кои ја сочинуваат Европа. Не знамето на катедралите, на Хомер, на Аристотел, на Томас Аквински. Туку знамето на една идеологија која, без разлика дали е добронамерна или не, во својата суштина носи еден метафизички проблем: таа не репродуцира живот.

Хегел рекол дека историјата е движење на Духот низ времето. Но Духот има потреба од носители, од тела, од деца, од народи кои ги пренесуваат вредностите низ генерациите.

Кога еден народ престанува да се раѓа, тој не само демографски исчезнува. Тој се повлекува од историјата.

Наталитетот во ЕУ е под нивото на репродукција. Ова не е статистика. Ова е цивилизациска реченица, изречена со тишината на колевките кои стојат празни.
И тука се поставува прашањето кое либералната елита не смее да го постави, затоа што одговорот ја урива нејзината идиотологија:

Дали постои врска помеѓу идеологијата која ги деконструира семејството, родот и традицијата и бројот на деца кои не се раѓаат?

Ова не е прашање за омраза. Ова е прашање за причини и последици.

Постмодерниот проект почива на еден темелен импулс: деконструкција. Деконструирај го родот, деконструирај го семејството, деконструирај ги националните идентитети, деконструирај ги религиските вредности.
Но деконструкцијата, сама по себе, не е творечки чин. Таа е негација. А чистата негација, доведена до крај, не создава нова слобода, таа создава празнина.

И во таа празнина, историјата ни покажува, не влегува нешто подобро, потолерантно, похумано. Во таа празнина влегува она што е поорганизирано, покохерентно, поплодно, дури и ако е поавторитарно и не е прогресивно.

Христијаните во Сирија. Христијаните во Либија, христијаните во Европа денес. Тие не беа жртви на некаква надворешна инвазија која дошла одникаде. Тие беа жртви на цивилизациски вакуум, на распаѓање на оние структури кои некогаш давале кохезија и отпорност.
Европа денес не го создава тој вакуум со воена слабост. Таа го создава со демографско и духовно пропаѓање.

Секој кој ќе ги постави овие прашања, добива одговор: „Агент на Кремљ."
Ова е, филозофски гледано, argumentum ad hominem подигнат на ниво на државна политика.
Достоевски одамна го предвидел ова. Во „Браќата Карамазови", Великиот инквизитор не ги затвора луѓето со синџири — тој ги затвора со дефиниции. Кој е еретик? Оној кој не се согласува. Кој е агент на темната сила? Оној кој поставува прашања.

Модерниот западен либерализам, во моментот кога прибегнува кон ваков тип на заглушување на дебатата, потврдува токму онаа тоталитарна логика против која вели дека се бори.
Ако прашањето „зошто не го кревате знамето на семејството?" е руско прашање, тогаш рускo е и Светото Писмо, руски се и Аристотел и неговата „Политика", руски е и секој антички и средновековен мислител кој сметал дека семејството е темелот на државата.

Античката филозофија знаела нешто суштинско: Логосот, разумот, редот, смислата, не е наметнување. Тој е онтолошка структура на реалноста која може да се открие, но не може до бесконечност да се игнорира без последици.

Семејството, мажот, жената, детето, не се „конзервативна идеологија." Тоа е биолошка и метафизичка структура која ја носи цивилизацијата низ времето. Да се деконструира тоа, не во теоријата, туку во практиката на законодавството, образованието и културата, значи да се работи против Логосот.

На крајот, прашањето не е ни десно ни лево. Тоа не е руско ни американско. Тоа е европско во најдлабоката смисла на зборот:

Дали цивилизацијата која заборава зошто постои, може да преживее?

Народот кој го заборава своето минато е осуден да го повтори но овојпат без сили да преживее.

Мојот текст е проевропски, како припадник на најстара европска култура и цивилизација, македонската, сеуште го имам чувството на РОД и инстиктот кој ми говори дека секое одалечување од позицијата РОД, на-РОД, значи умирање.

Моите Македонци, кои денес се дел од овој систем, но и од истрошени флоскули, „Постари од сонцето“, „Ние сме пиреј“, кој веќе нема ниту корен, ниту се раѓа, туку кучиња го вадат од земја и го урина секој кој стигне, мисли дека со самото негово егзистирање сега и тука, загарантирана му е иднината.
А уште поуверени се Македонците на запад, тие мислат дека материјалната благосостојба им е трајно загарантирана.

Наша задача беше да кренеме систем кој длабоко во себе го носи Родот, Родина Македонија. Изборот на народот ја дава судбината на тој народ.

Пишува: Зоран Јованчев, Претседавач на Претседателството на Родина Македонија

18/05/2026

Како секоја година, така и оваа: ЛГБТИ+ активистите повторно почнаа да се наметнуваат и да ја форсираат нивната т.н. "Парада на гордоста".

Но, народот е јасен и гласен!

Секој има загарантирано право да прави во својата спална што сака и со кого сака, сѐ додека станува збор за возрасни личности и со согласност од двете/останатите страни. За туѓи лични гревови во кои не се повредуваат невини и/или малолетни лица, никој ниту сака ниту има намера да одговара.

Она што на народот му пречи е кога му се наметнува ненормалното да се прифати како нормално, кога се наметнуваат перверзни идеологии во образованието, кога се деконструира семејството и се форсираат термини како родител 1 и родител 2, кога се извитоперува реалноста и вистината и се промовираат луди идеи дека маж може да се претвори во жена и обратно, или во нешто сосема трето, а најмногу гневот расте кога луѓе со ваков ум ги закачуваат канџите на туѓи деца и сакаат да ги моделираат и програмираат со идеи кои се спротивни на ставовите и светогледот на родителите.

Веќе доста е! Доста е вакви работи да се наметнуваат во образованието, а сето тоа со согласност и одобрение на власта.

Да кажеме сите СТОП на политички одобреното идеолошко малтретирање на нашите деца!

@сите

17/05/2026

Драги непријатели, џабе нѐ пријавувате и цензурирате. Можеби ќе успеете да ни скриете една-две објави, но читаноста и бројот на следбеници расте.

Драги пријатели, за соодветно да им одговориме на нашите драги непријатели, ве молиме да ги лајкнете нашите 5 последни објави и да споделите една од нив.

Да не им дозволуваме да напредуваат оние кои работат против децата и семејството!

15/05/2026

ДАЛИ ЗАБРАНАТА НА СОЦИЈАЛНИТЕ МРЕЖИ Е ЗА ЗАШТИТА НА ДЕЦАТА ИЛИ ПОЧЕТОК НА ЦЕНЗУРА И ДИКТАТУРА?

Како што претходно рековме, потребно е да си го поставиме прашањето дали законот за забрана на социјалните мрежи за деца повлекува и други закони со себе. Да погледнеме што се случува во ЕУ и што треба да очекуваме доколку се согласиме ваков закон да помине и во Македонија.

Повторно во името на децата и нивната заштита, ЕУ предлага закон со кој ќе им се овозможи целосен пристап и читање на секоја една порака и скенирање на секоја една слика што ќе ја испратите на кој било медиум - Фејсбук, Инстаграм, Вајбер, Ватсап, Телеграм итн.

Сето тоа под маската на "заштита на децата од педофили".

Ваквата чат контрола од ЕУ ќе има пристап до сѐ што сте кажале во доверба на лица на кои им верувате, а што може да ве доведе до судско столче. На пример, ако во порака сте кажале дека маж не може да биде жена и дека таквите мажи си играат маскембал, за ваквата лична порака потенцијално ќе бидете и кривично гонети.

Овој закон беше предложен во 2022 год, но не беше изгласан. Сега, откако помина законот за забрана на социјалните мрежи за деца, повторно го активираа со изговор дека забраната не е доволна, мора и да се врши целосна контрола на секоја една порака што е напишана дури и од најнеопасниот човек.

Ова е директен напад на правото на приватност кое е гарантирано право на секој еден човек. Со овој закон, народот целосно ќе биде соголен пред оние кои владеат, дури и кога носат нечовечки закони и правила. Доколку се дозволи читање на секоја една порака, целосно се убива слободата, бидејќи секој еден кој ќе сака да покрене иницијатива за протест или штрајк против неделата на власта, веднаш од сам почеток ќе биде гонет и неговите пораки нема да стигнат до неговите истомисленици.

Дали сакате да живеете во свет каде ќе бидете под 24/7 контрола и нема да имате право на глас, а сето тоа под маската на "заштита на децата"?

🌐
https://fightchatcontrol.eu/

14/05/2026

ДАЛИ ЗАБРАНАТА НА СОЦИЈАЛНИТЕ МРЕЖИ ЗА ДЕЦА Е НАВИСТИНА СО ЦЕЛ ДА СЕ ЗАШТИТАТ ДЕЦАТА?

Апсолутно не! Заштитата на децата е само маска за ваквите предлози, бидејќи како што веќе кажавме во претходната објава, со оваа забрана личните податоци на сите корисници на социјалните мрежи, без разлика на возраста, ќе бидат јавно изложени на ризик.

Прочитајте за тој ризик во претходната објава:
https://www.facebook.com/100084302298454/posts/964107499742651/

Сега да разгледаме зошто тврдиме дека предложената забрана на социјалните мрежи за деца нема врска со заштита на децата. Доволно е да се следат вестите околу овој закон и што всушност се случува во светот, за да се разбере дека целта е нешто друго. Всушност, ЕУ земјите веќе самите се разоткрија што им е намерата, за време на нивниот напад на Турција. Имено, и ЕУ и Турција го воведоа истиот закон, меѓутоа тој закон во ЕУ се смета за "заштита на децата", додека истите тие ЕУ земји ја обвинуваат Турција за "цензура" со овој закон. Се разбира, доколку немаше основа за штета од овој закон, ЕУ не ќе можеа да ја нападнат Турција. Што значи, ризикот и опасноста од штетни последици за сите корисници на социјалните мрежи е реална.

Кога турскиот парламент на 23 април усвои забрана за социјалните медиуми за деца и млади под 15 години, германските медиуми како Тагесшау, Шпигел, Дојчландфунк и Цајт ја проследија веста со изрази на загриженост за „зголемениот надзор“ од „авторитарно општество“ и како „крај на анонимноста“. Пренесоа ставови на опозицијата, која ја обвини владата на Реџеп Таип Ердоган дека воведува нови ограничувања под маската на заштита на децата.

И сето тоа е оправдано, но интересна е споредбата со извештаите во овие медиуми за сличните мерки што прва во светот ги воведе Австралија во декември 2024 година, потоа Индонезија, а пред два месеци и Грција, прва од членките на ЕУ. Во ниту еден од извештаите за овие случаи не доминираа термини како „надзор“ или „цензура“, туку „храбар чекор кон заштита на младите луѓе“ (за Австралија). (1)

Очигледно, заштитата на децата е само параван за една поголема политика на контрола и мониторинг.

🌐
1) http://off.net.mk/vesti/svet/toa-shto-e-cenzura-vo-turcija-vo-eu-e-zashtita-na-maloletnici

13/05/2026

ЗАБРАНА СО ЗАКОН НА СОЦИЈАЛНИ МРЕЖИ:
ДАЛИ НАВИСТИНА ТАКА ЌЕ СЕ ЗАШТИТАТ ДЕЦАТА?

Изминативе недели забележуваме иницијатива покрената од актерката Весна Петрушевска-Бејби за забрана на социјалните мрежи за деца. Во линкот за потписи кој кружи, воопшто не е наведено што предвидува таа забрана, односно ограничување, ниту пак е наведено за која возраст се однесува.

Она што ни остави впечаток е што Весна Петрушевска- Бејби тврди дека со оваа иницијатива сака да ги заштити децата, а пред само месец и половина беше промотор и даде поддршка на романот наменет за деца, насловен како "Тринаесеттиот" од Лидија Димковска, во кој на децата им се пере мозокот дека истополовите и трансродови врски се нормални, односно дека маж може да стане жена и жена да стане маж, со што се врши деструкција на моралните/етичките норми всадени во нив и се прави тотален хаос во нивната глава кога им се кажува нешто спротивно од она што го гледаат во реалноста.

За тоа може повеќе да прочитате на:
https://www.facebook.com/share/p/1bjHUPWeLQ/

Едноставно, не може во еден момент да се потпомага уништувањето на детската психа, а во друг момент да се зборува за заштита на децата, и тоа да се смета за "добро дело", притоа игнорирајќи ги претходните дела.

Друго нешто што ни остави впечаток е дека голем број граѓани кои неодамна ја осудија Петрушевска за нејзината афера со Бранко Црвенковски и обидот за рушење на неговиот брак и семејство, сега даваат поддршка за нејзината "морална" иницијатива, што претставува уште еден голем колективен пораз и доказ за непостојаност и немање морална стабилност.

Но, да го оставиме настрана предлагачот и да разгледаме зошто ваквиот предлог е лош и со потенцијални казнени мерки и на штета на сите граѓани на Македонија. Притоа, ќе дадеме и подобра алтернатива и опција за заштита на децата од опасноста од социјалните мрежи. Тоа ќе го направиме во неколку делови, се разбира, повторно за информирање на оние родители и граѓани кои не се поведуваат по масата и трезвено и информирано носат одлуки, а и за да оставиме доказ дека секогаш сме на страна на Вистината и народот, без разлика какви напади и удари трпиме од платени ЛГБТИ+ активисти, партиски поттрчковци, политичари, ликови на незаслужени позиции, поранешни "сојузници" кои се "грижат" за заштита на децата итн.

Овој закон првпат во светот беше донесен од Австралија т.е. стапи во сила во декември минатата година, а по Австралија почнаа истиот да го преземаат европските земји и ЕУ. Она што треба да се запрашаме сите е зошто овој закон беше донесен токму сега, како и на кој начин се спроведува, дали во исто време повлекува и други закони, и како истиот се одразува на целото општество.

1. КАКО ЌЕ СЕ ВРШИ ИДЕНТИФИКАЦИЈАТА

Забраната за социјалните мрежи за деца предвидува онлајн идентификација на корисникот на профилот. Односно, не е возможно да се оцени возраста освен со идентификација преку онлајн скен на лице или приложување на документ за идентификација (пасош, лична карта, возачка дозвола и сл). Постои и трета опција преку која програма со Вештачката Интелигенција врши проверка на она што ве интересира т.е. веб страници и канали што сте ги посетиле, филмови што сте ги гледале и сл.

КОЈА Е ОПАСНОСТА ОД СКЕНИРАЊЕ НА ЛИЦЕТО И ПРИЛОЖУВАЊЕ НА ЛИЧНИ ДОКУМЕНТИ ЗА ИДЕНТИФИКАЦИЈА?

Ваквите забрани за социјалните мрежи, иако се навидум наменети само за децата, во суштина ги вклучува сите корисници. Имено, Мета/Фејсбук ќе треба да ги проверат сите што имаат профил на Фејсбук, вклучувајќи те и тебе што го читаш ова. Ти ќе треба да го скенираш својот лик или да им испратиш копија од документ на Мета/Фејсбук за да докажеш дека не си дете. Со ова се дава преголема контрола и право на складирање на лични податоци од страна на милијардери, кои во секој момент можат да бидат злоупотребени. Доволно е едно успешно хакирање на тие податоци за да се случат големи катастрофи на лично ниво - од одземање на заштедата во банка, па сѐ до подигање на кредити во ваше име.

А тоа веќе и се случува во ЕУ и европските земји.

Третата опција, пак, за AI проверување на вашите интереси, сосема ве соголува - вештачка интелигенција и милијардери легално ќе знаат сѐ за вас (што сакате, каква музика слушате, кои ви се пријатели, какви тајни криете итн) и легално ќе ги користат тие податоци за свои цели.

Наместо заштитата на децата да се стави во рацете на родителите, со ваквата забрана само се даваат повластици на странци да знаат повеќе за вашето семејство и што се случува во вашиот дом.

Наместо да се нема доверба во Мета/Фејсбук и другите социјални мрежи, со ваквата забрана ним им се дава целосна доверба. Односно, од една страна велиме дека социјалните мрежи се деструктивни, а од друга страна им даваме пристап до нашиот целосен идентитет.

Пред само 2 месеца Мета и Гугл беа прогласени на суд за виновни дека нивните платформи предизвикуваат зависност кај младите генерации и дека не ги заштитуваат децата од предатори (1), тогаш, прашуваме: зошто сакате пак да им ги предадете децата, а и себеси, на оние кои законски се осудени за инженеринг на социјална зараза и незаштита на децата?

Повеќе за судењето на Мета и Гугл:
https://www.facebook.com/share/r/1HonU59CiQ/

Народе, разбуди се!

30/04/2026

САКАМЕ ВЛЕЗ ВО ЕУ? ТОГАШ МОРА ДА ПРИФАТИМЕ ДЕЦАТА ДА УЧАТ ЛГБТИ+ СОДРЖИНИ

Едно нешто што ги карактеризира и што е заедничко за двете партии, СДСМ и ВМРО-ДПМНЕ, кои во изминатите 3 декади владеат во Македонија, е тоа што и двете партии упорно работат за влез на државата во Европската Унија. Условите за влез нам ни се јасни, но се чини дека голем број граѓани сѐ уште не разбираат што се очекува од Македонија за да стане членка на ЕУ и кои се барањата, бидејќи нашите политичари јавно зборуваат само за кредити, подобрување на економијата, намалување на корупцијата и сл. - што во ушите на пошироката јавност звучи добро, но нарочно ги изоставаат оние делови кои можат да предизвикаат бунт.

Така, иако не спомнуваат ЛГБТИ+ содржини во образованието, тоа секако го имаат потајно внесено и јасно им е дека треба да го спроведат во сите можни сегменти на општеството.

Паметните учат од туѓите примери, додека оние кои не се толку паметни сакаат прво да искусат стап од своја грб за да ја научат лекцијата. Да бидеме паметни и да се проучиме од примерот со Унгарија - додека беше Орбан на власт, тој целосно забрани ЛГБТИ+ содржини во образованието и официјално прогласи дека има само два пола - машки и женски, кои не може да се менуваат, за што од ЕУ му беа упатени секакви закани и им беа поставени разни санкции. Сега, откако Орбан веќе не на власт, најголем приоритет на Маѓар и Европскиот суд им беше да го вратат ЛГБТИ+ образованието.

Дека ЕУ бара и од Македонија да прифати и воведе ЛГБТИ+ образование, закони и политики, јасно е од оваа објава за пресудата Европскиот суд, во која се вели:

"Судот во соопштението за јавноста наведе дека законските ограничувања на Унгарија за ЛГБТ+ содржините кршат низа закони на ЕУ и „претставуваат особено сериозно мешање во неколку фундаментални права“.

Читајте: Македонија мора да ги прифати, имплементира и промовира ЛГБТИ+ содржините во образованието доколку сака влез во ЕУ која ги застапува таквите вредности.

Се разбира, секој којшто е соработник на власта и го крие овој факт е безсовесен соучесник во агендата за разнебитување на невините детски души. Средина не постои.

🌐
https://mkd.mk/svet/vesti-svet/evropskiot-sud-go-srushi-ungarskiot-anti-lgbtk-zakon/

Коалиција за заштита на децата

29/05/2026

27/05/2026

25/05/2026

21/05/2026

18/05/2026

17/05/2026

15/05/2026

14/05/2026

13/05/2026

30/04/2026

Address

Website

Alerts

Contact The Organization

Shortcuts

Share

Category