#ЛокалАктив е алтернативен медиум, независен од државата и огласувачите, чија мисија е да им овозможи на припадниците на локалните заедници пристап до медиумите и учество во создавањето медиумски содржини кои се поинакви од оние во главните медиуми, ставаат акцент врз себепретставувањето и придонесуваат за различноста на гледишта во јавната сфера.
Медиумот на заедницата Локал Актив е „медиум на з
аедницата“. Идејата е тој да ги канализира проблемите на граѓаните од Источниот и Југоисточниот регион и да ги кристализира во јасни барања насочени кон структурите на институционална моќ – оние кои имаат надлежност да ги решат.
Мислиме дека тоа е благородна идеја. Таа е замислена како децентрализиран терен на кој може слободно да се конструираат локални идентитети и солидарност за промена на амбиентот во кој сите живееме. Јасно ни е дека поради општествената хетерогеност постојат различни, често дури и спротивни погледи на нештата, кои ние немаме намера да ги пригушуваме. Но, оваа слобода има граница, а границата е оваа:
Ги цитираме (1) Кривичниот законик и (2). Закон за спречување и заштита од дискриминација, кои ви нудат објаснување, зошто постовите во кои се шири омраза ќе бидат избришани од коментарите на оваа страница кога е бидат детектирани.
Одговорноста е на прво место! Ако не веруваме во ова, тогаш и малите џебови слобода, еднаквост, разбирање и пристојност, ќе се претворат во истата жива кал како и остатокот од она што е познато под името „јавна сфера“.
1. Кривичен законик
Ширење на расистички и ксенофобичен материјал по пат на компјутерски систем
Член 394-г
(1) Тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на пол, раса, боја на кожа, род, припадност на маргинализирана група, етничка припадност, јазик, државјанство, социјално потекло, религија или верско уверување, други видови уверувања, образование, политичка припадност, личен или општествен статус, ментална или телесна попреченост, возраст, семејна или брачна состојба, имотен статус, здравствена состојба, или на која било друга основа предвидена со закон или со ратификуван меѓународен договор, ќе се казни со затвор од една до пет години. (3) Тој што делото од ставовите (1) и (2) на овој член го врши со злоупотреба на положбата или на овластувањето или ако поради тие дела дошло до безредие и насилства спрема луѓе или до имотна штета од големи размери, ќе се казни со затвор од една до десет години.
2. Закон за заштита и спречување од дискриминација
Член 5 Дискриминаторска основа
Се забранува секоја дискриминација врз основа на раса, боја на кожа, потекло национална или етничка припадност, пол, род, сексуална ориентација, родов идентитет, припадност на маргинализирана група, јазик, државјанство, социјално потекло, образование, религија или верско уверување, политичко уверување, друго уверување, попреченост, возраст, семејна или брачна состојба, имотен статус, здравствена состојба, лично својство и општествен статус или која било друга основа (во натамошниот текст: дискриминаторска основа).
Член 6 Дефиниција на дискриминација
Дискриминација е секое разликување, исклучување, ограничување или давање првенство што се заснова на дискриминаторска основа, со сторување или несторување, што имаат за цел или резултат спречување, ограничување, признавање, уживање или остварување на правата и слободите на одредено лице или група на еднаква основа со други. Ова ги опфаќа сите форми на дискриминација вклучително и оневозможување на соодветно приспособување и оневозможување на пристапност и достапност на инфраструктурата, добрата и услугите.
Член 9 Повикување, поттикнување и инструкција за дискриминација
Повикување, поттикнување и инструкција за дискриминација е секоја активност со која посредно или непосредно се повикува, охрабрува, дава упатства или поттикнува да се изврши дискриминација врз дискриминаторска основа.
