MMSA Skopje - Macedonian Medical Student's Association

31/05/2026

Колеги и идни доктори,

како студенти по медицина, најдобро ја разбираме важноста на крвта како незаменлив и животоспасувачки ресурс во секојдневната клиничка пракса.

Обезбедувањето на безбедни и квалитетни крвни компоненти, како и одржувањето на соодветни залихи, зависи и од нашата лична одговорност, хуманост и пример што го даваме како идни здравствени професионалци.

Со цел да се намали ризикот од несакани реакции, како постдонаторска синкопа, и да се обезбеди максимален квалитет на даруваната крв, особено значајни се правилната исхрана и добрата хидратација пред и по дарувањето.

Како потсетник за претстојната крводарителска акција, во постот можете да најдете неколку важни насоки за соодветна подготовка.

Ве очекуваме!

18/05/2026

Во соработка помеѓу Македонската Медицинска Студентска Асоцијација (ММСА) и AMBOSS, студентите по општа медицина од 1 до 5 година на Медицинскиот факултет – Скопје добиваат БЕСПЛАТЕН пристап до една од водечките платформи за медицинско учење и клиничка подготовка.

Пристапот е достапен до 30 јуни 2026 година, со можност за продолжување.

Активирајте го вашиот пристап на линкот:

https://www.amboss.com/int/int-campus-access/ukim-1

Учете попаметно, не потешко.

14/05/2026

07/05/2026

По повод изминатата недела на имунизација, ја имаме честа да ги слушнеме стручните совети на проф. д-р Марија Цветаноска од Клиниката за инфективни болести и фебрилни состојби.

Вакцинацијата не претставува само индивидуална заштита, таа е нашиот заеднички, колективен штит против инфективните болести кои можат да се спречат.

​Бидете мудри, информирајте се од релевантни извори и разговарајте со вашиот лекар за имунизацијата на вашето дете.

30/04/2026

SCOME ON TOUR е едукативен проект наменет за ученици од училишта во Скопје, со цел да се унапреди нивното медицинско знаење преку интерактивни предавања водени од студенти.

Настанот трае 40 минути и се реализира во рамките на еден училиштен час, со двајца предавачи по клас. Темите се избираат во согласност со училиштата, за да бидат релевантни и корисни за учениците.

Се повикуваат студенти од 1 до 6 година со добри комуникациски вештини. Потребни се вкупно 13 предавачи (еднократно учество):
• 6 мај – 5 студенти
• 11 мај – 8 студенти

Пријавувањето ќе биде преку формулар објавен во 19:30 во био на нашиот Инстаграм профил.

Настанот е сертифициран.

24/04/2026

Иднината не е научна фантастика, таа се крие во генетските лаборатории.
Колку далеку смееме да одиме со коригирањето на ДНК и дали тоа значи дека си поигруваме со кодот на животот?

Подгответе се за најгенетската дебата досега!
Местата се ограничени.
Настанот е сертифициран.
Линк за пријавување:

https://docs.google.com/forms/d/e/1FAIpQLSdXewe5JLj0m7VLBiGqprXvjtyy9Epz5DYUU_AMAx-ftdHprA/viewform

31/03/2026

„Во медицината не постојат машки и женски успеси, постојат само добри лекари” гласи пораката од проф. д-р Јулија Живадиновиќ, нашиот Продекан за настава.

12/01/2026

Драги колеги,

Со задоволство ве информираме дека официјално е отворен повикот за активни членови за академската 2025/26 година. Сите кои имаат желба да станат дел од нашата заедница, да стекнат нови искуства, знаења и пријателства, можат да аплицираат за активен член во еден од нашите одбори, почнувајќи од денес, па сè до 01.03.2026 година.

Ги потсетуваме и досегашните активни членови дека, согласно новите правила, потребно е повторно да ја поднесат својата пријава.

Ви посакуваме успешна испитна сесија, а ние со нетрпение очекуваме да ви откриеме што подготвивме по неа.

Пријавувањето и повеќе информации се достапни на следниот линк:
https://forms.gle/FwVn5wLvkg5pZGoP6

01/01/2026