22/07/2026
ЈАВНА РАСПРАВА ВО СРЕД ЛЕТНИ ОДМОРИ
Повик за учество до засегнатата јавност – во термин избран токму во периодот на летните одмори.
За сите што нема да ги спојат Илинденските празници со годишен одмор, а можат да отсуствуваат од работа во работен ден во 11 часот – повелете.
Министерството за животна средина и просторно планирање ја известува јавноста дека ќе се одржат јавни расправи по Студијата за оцена на влијанието врз животната средина за проектот „Изградба на брза железничка пруга долж Коридор 10“.
4 август 2026 година, вторник
Електронска сала на Општина Велес, во 11:00 часот
5 август 2026 година, среда
Сала на Советот на Град Скопје, барака 13, во 11:00 часот
6 август 2026 година, четврток
Дом на култура „Мирка Гинова“ во Демир Капија, во 12:00 часот
Студијата е достапна за увид до 13 август 2026 година на веб-страницата на Министерството и во просториите на Секторот за комуникација со јавноста, секој работен ден од 8:30 до 16:30 часот.
Линк до Студијата: https://drive.google.com/file/d/195xCcyvPPOj_8VKe0Qi9vnfZQonMFQDt/view
Архус центар Скопје им стои на располагање на заинтересираните граѓани за појаснување на техничките делови од Студијата, нивно преведување на разбирлив граѓански јазик и подготовка на прашања и забелешки за јавната расправа.
Информациите за датумите, локациите и рокот за увид се проверени според официјалното соопштение на МЖСПП.
Министерство за животна средина и просторно планирање