Национално здружение за МС - National association for MS

02/06/2026

Евоцирани потенцијали – Тестирање за МС

Вашиот мозок создава електрични импулси кога обработува информации од сетилата. Тестовите за евоцирани потенцијали го мерат времето потребно мозокот да прими сигнали од очите, ушите и кожата. Ако МС го оштетил миелинот — заштитната обвивка околу нервите — сигналите од нервите може да патуваат побавно.

Евоцираните потенцијали им помагаат на докторите да откријат суптилни оштетувања на нервите, но потребни се дополнителни тестирања за да се потврди дијагнозата и да се исклучат други можни причини за симптомите.

Ова видео е дел од анимираната серија „Testing for MS“ за кампањата за Светскиот ден на МС наречена „My MS Diagnosis“. Дознајте повеќе за различните тестови кои помагаат во дијагностицирање на МС на веб-страницата на Светскиот ден на МС:
https://worldmsday.org/
Изработено од: MS International Federation и нејзините членки за Светскиот ден на МС
https://www.msif.org/
Илустрација и анимација: Alissa Thaler
https://alissathaler.com/
Микс и мастеринг: Old Cottage Audio
https://oldcottageaudio.co.uk/

https://youtu.be/DiGBbK9IXFg

Вашиот мозок создава електрични импулси кога обработува информации ...

31/05/2026

Светски ден на МС 2026

Националното здружение за мултипла склероза на 27.05.2026 година организираше прес-конференција по повод одбележувањето на Светскиот ден на мултипла склероза. Настанот послужи како платформа за обединување на пациентите, здравствените работници, здравствените власти и соработниците на здружението со заедничка цел: редефинирање на иднината на здравствената заштита, подобрување на квалитетот на живот и овозможување соодветна, современа и децентрализирана грижа за секој поединец.
Погледнете ја атмосферата од настанот👇👇👇

Националното здружение за мултипла склероза на 27.05.2026 година организираше прес-конференција по повод одбележувањето на Светскиот ден на мултипла склероза...

31/05/2026

На Светскиот ден на МС Здружението официјално промовираше едукативна брошура која е резултат од заклучоците од спроведено истражување за бременост и МС, односно:
1. Пациентките имаат силна желба за остварување како мајки, но се оневозможени од страв од релапс по породувањето.
2. Лекарите невролози се перципираат како најголем авторитет, но жените се чувствуваат недоволно информирани.
3. Постои огромна и итна потреба од специфични едукативни материјали кои јасно ја докажуваат безбедноста на современите иновативни терапии за време на бременоста и доењето.
https://drive.google.com/file/d/1H77dOJxD2m6gzO3AwPJ1JQ5nHc2qLAIH/view?usp=drivesdk

30/05/2026

Историска пресвртница: Започнува децентрализацијата на МС грижата во 3 регионални центри

Обезбеден рекорден буџет од 451 милиони денари за лекови, лансирани 3 регионални МС центри и промовирана првата локализирана брошура за…

30/05/2026

Во одбележувањето на Светскиот ден на МС со вклучи и ЈЗУ Општа болница со проширена дејност Кавадарци👇👇👇

По повод 30 Мај – Светскиот ден за мултиплекс склероза, ЈЗУ Општа болница со проширена дејност Кавадарци ја информира јавноста за значењето на раното препознавање, навремената дијагноза и соодветниот третман на ова заболување.

Мултиплекс склерозата (МС) е хронично автоимуно заболување на централниот нервен систем кое може да влијае на движењето, видот, рамнотежата и секојдневното функционирање. Болеста може да се појави кај лица од различна возраст, а симптомите често се разликуваат од пациент до пациент.

Најчести симптоми може да бидат:

* слабост или одземеност на рака, нога или едната страна од телото
* замор и потешкотии со концентрацијата
* нарушување на видот
* трнење или вкочанетост во делови од телото
* нарушена координација и рамнотежа
* промени во контролата на мокрењето

Дијагнозата се поставува со детална анамнеза ,невролошки преглед, магнетна резонанца (МР), лабораториски и дополнителни испитувања, со цел навремено откривање и следење на болеста.

Современиот третман, редовните контроли и рехабилитацијата можат значително да го забават напредувањето на болеста и да го подобрат квалитетот на животот.

Мултиплекс склерозата не е заразна и не се пренесува преку контакт, плунка или сензуален контакт.

Апелираме до граѓаните при појава на симптоми да се консултираат со својот матичен лекар или невролог. Раното препознавање и навремената поддршка се клучни за подобар и поквалитетен живот.

30/05/2026

Слушнте ја приказната на Ивона❤️https://youtu.be/tVd0WG1fXKg?si=vb7rgYxB1auTqvAO

Низ животни предизвици кои ѝ се случуваат по дијагнозата мултиплекс склероза, постојани промени и нови почетоци, радиоводителката Ивона Зотевска научила како...

30/05/2026

Денес е Светскиот ден на мултипла склероза (МС)!🌎

2026 година е последната година од кампањата .

Заедно градиме информирани и грижливи заедници и системи кои обезбедуваат поддршка за луѓето со МС.

29/05/2026

Почнувајќи од 27.05 па сè до крајот на неделата, монументалната зграда на Националниот Археолошки музеј на Македонија во центарот на Скопје, ќе биде целосно осветлена во портокалова боја – официјалниот меѓународен симбол за поддршка на лицата со МС.

29/05/2026

Практични совети за секојдневие со мултипла склероза👇👇👇