Kuvendi Studentor UNT

05/05/2026

Jena knaq

05/05/2026

UNT❤️

31/03/2026

Aksion i gjerë pastrimi në ambientet e Universitetit “Nënë Tereza” në Shkup.
Drejtoria Organizative e Universitetit “Nënë Tereza” në Shkup, nën udhëheqjen e z. Bejamin Rexhepi, në bashkëpunim me ndërmarrjen “Higjiena Komunale” dhe Kuvendin Studentor Universitar realizuan me sukses një aksion për pastrimin dhe rregullimin e hapësirave të jashtme të universitetit.

Kësaj nisme sensibilizuese për mjedisin iu bashkua në mënyrë aktive edhe Unioni Studentor i UNT-së, kryesuar nga kryetari i KSU-së, Besar Sejdiu, duke dëshmuar përkushtimin e përbashkët të administratës dhe studentëve për mbajtjen e një mjedisi të pastër dhe dinjitoz akademik.

Përmes këtij aksioni u bë largimi i mbetjeve dhe u krye mirëmbajtja e hapësirave rreth objekteve universitare, duke synuar krijimin e një ambienti më të shëndetshëm për studentët dhe stafin.

20/03/2026

12/03/2026

Në kuadër të forcimit të komunikimit dhe bashkëpunimit me studentët, Kuvendi Studentor i Universitetit “Nënë Tereza” mbajti një mbledhje informuese me anëtarët e kuvendeve studentore të fakulteteve, si dhe me koordinatorët e çdo drejtimi nga të gjitha vitet e studimit.

Qëllimi i kësaj mbledhjeje ishte informimi i përfaqësuesve studentorë për aktivitetet dhe proceset aktuale, si dhe krijimi i një hapësire të drejtpërdrejtë për paraqitjen e ankesave, kërkesave dhe propozimeve të studentëve nga dora e parë. Përmes këtij takimi u mundësua që shqetësimet dhe nevojat e studentëve të adresohen në mënyrë më të drejtpërdrejtë dhe më efikase.

Gjatë diskutimit, përfaqësuesit studentorë patën mundësinë të ndajnë mendimet dhe vërejtjet e tyre lidhur me çështje të ndryshme që lidhen me procesin mësimor, kushtet e studimit dhe jetën studentore në universitet.

Kjo është hera e parë që në Universitetin “Nënë Tereza” organizohet një mbledhje e këtij lloji, duke bashkuar në një takim të përbashkët përfaqësuesit e kuvendeve studentore fakultative dhe koordinatorët e të gjitha drejtimeve dhe viteve të studimit, me qëllim përmirësimin e komunikimit institucional dhe përfaqësimin sa më të mirë të interesave të studentëve.

07/03/2026

VENDOSET GURTHEMELI I KAMPUSIT TË RI TË UNIVERSITETIT “NËNË TEREZA”

Sot u vendos gurthemeli i kampusit të ri të Universitetit “Nënë Tereza”, duke shënuar një hap të madh drejt ndërtimit të një infrastrukture moderne për arsimin e lartë në vend.

Ky projekt, me një vlerë prej 42 milionë euro dhe i cilësuar si ndër më strategjikët në historinë e arsimit të lartë në vend, synon të krijojë kushte më të mira për studim, zhvillim akademik dhe kërkim shkencor për studentët.

Në ceremoninë e sotme morën pjesë edhe krerët më të lartë të shtetit, duke theksuar rëndësinë që ka investimi në arsim dhe në të ardhmen e të rinjve.

Si Kuvend Studentor, e mirëpresim këtë hap të rëndësishëm dhe besojmë se ndërtimi i kampusit të ri do të kontribuojë në përmirësimin e jetës studentore dhe në ngritjen e cilësisë së arsimit universitar.

26/02/2026

KUVENDI STUDENTOR MBËSHTET INICIATIVËN QË PROVIMI I JURISPRUDENCËS TË MBAHET EDHE NË GJUHËN SHQIPE

Sot, në hapësirat e Universitetit “Nënë Tereza”, Kuvendi Studentor Universitar mirëpriti studentët e juridikut nga të gjitha universitetet shqiptare.

Në fokus të takimit ishte çështja e provimit të jurisprudencës, për të cilin, bazuar në kushtetutën e Republikës së Maqedonisë së Veriut dhe në ligjin për përdorimin e gjuhëve, çdo student shqiptar ka të drejtë ta japë edhe në gjuhën shqipe.

Si Kuvend Studentor, konfirmojmë mbështetjen tonë të plotë për këtë iniciativë.
Kjo është një kërkesë legjitime, e bazuar në ligj dhe në parimin e barazisë.

Ne do ta mbështesim këtë nismë deri në fund, me të gjitha mjetet institucionale dhe demokratike në dispozicion, derisa studentët të kenë mundësinë që këtij provimi t’i nënshtrohen edhe në gjuhën shqipe.

Zëri i studentëve do të dëgjohet.

12/02/2026

Udhëheqësia e re e Kuvendit Studentor Universitar

12/02/2026

ZGJIDHET AVOKATI I STUDENTËVE

Sot me datë 12.02.2026, Senati i Universitetit morri vendim për zgjedhjen e Suhejb Memedit në detyrën e Avokatit të Studentëve.

Mandati i Avokatit të Studentëve është dyvjeçar, gjatë të cilit ai do të ketë rol kyç në mbrojtjen e të drejtave, interesave dhe mirëqenies së studentëve, si dhe në forcimin e komunikimit dhe bashkëpunimit ndërmjet studentëve dhe institucioneve universitare.

Ky është një hap i rëndësishëm për fuqizimin e zërit studentor dhe për krijimin e mekanizmave më të fortë për adresimin e sfidave dhe shqetësimeve studentore.

I urojmë Suhejb Memedit suksese në këtë përgjegjësi të rëndësishme dhe presim një bashkëpunim të frytshëm në shërbim të studentëve.