Шаховска Федерација на Македонија / Chess Federation of Macedonia

12/05/2026

ДЕМАНТ

Шаховската Федерација на Македонија ги демантира сите информации изнесени во изјавите на Г-н Тони Кироски на неговиот личен фејсбук профил како и изјавите дадени за порталот Маркукуле.мк. Изјавите се крајно некоректни и малициозни, со нив се манипулира шаховската и пошироката јавност и се обид на одредени случувања на шаховските екипни лиги организирани од ШФМ им даде пристрасност и територијална нееднаквост што е сосема невкусно и крајно невистинито.

1. Квалификации за втората лига одржани на ден 10.05.2026 лига, на меч помеѓу Младинскиот Шаховски Клуб Центар и Женскиот Шаховски Клуб Прилеп: му зазвонува телефонот на играчот Zeca Skrielj кој му бил во џебот. Главниот Судија ФА Зоран Илиќ согласно ФИДЕ правилата и јавно објавениот правилник на лигата го контумацира играчот на кој му заѕвонил телефонот и му доделил поен на противникот.

Согласно актуелниот правилник за судии на ФИДЕ од 2025 година „Секој играч на кој ќе му биде пронајден дури и исклучен мобилен телефон неговата партија веднаш се прекинува и се доделува поен на противникот независно од позицијата на шаховската табла.“

Квалификациите за Втората Лига се играат по правилата на ФИДЕ, и истите се рејтингувани во ФИДЕ. Дополнително во самиот Правилник за квалификациите е напишано дека е забранета употреба на мобилни телефони, таблети и слични уреди во салата за игра, и за се што не е предвидено во правилникот важат правилата на ФИДЕ.

Сакаме да веруваме дека г-н Тони Кироски како Интернационален шаховски судија би постапил на истиот начин како и главниот судија Зоран Илиќ, затоа што во спротивно би ги прекршил правилата на ФИДЕ и шаховскиот судиски кодекс.

2. Изјавите за наводно неправедно дисквалификување на втората лига одржана во Струга 2024 година, на играчот Симон Пазески од Женскиот Шаховски Клуб Прилеп за кој дисциплинската комисија на ШФМ му изрече казна од 3 години неиграње на официјални натпревари е поради неговото вулгарно и недолично однесување, изречени погрдни зборови и пцости спрема судијата и официјалите лица и рушење на фигурите. Оваа одлука нема никаква релација играчот на кој клуб му припаѓа, напротив г-н Кироски не ги изнесува сите факти со цел да ја замајува јавноста и да ја наведе на погрешни заклучоци.

Капитенот на ЖШК Прилеп и во двата наврата ја прифати одлуката на главниот судија.

Г-нот Кироски, во иднина, наместо обвинувања и клевети, би било подобро повеќе да поработи на шаховска едукација на своите играчи, наместо само фиктивно формирање на 3 клубови на кој тој е Претседател, со што сака да прикаже божемна активност и успех. Шахот е витешка игра, а не полигон за насилно и безобразно изразување и однесување.

УО на ШФМ, согласно Статутот на ШФМ дополнително ќе ги преземе сите мерки за спречување на рушење на угледот на ШФМ со вакви крајно некоректни изјави каде се поттикнува и инсинуира некаква регионална нетрпеливост во ШФМ.

На следниот линк може да го погледнете официјалниот прирачник за судии на ФИДЕ каде на 36-тата страна јасно пишува за употребата на електронски уреди за време на шаховска партија и санкциите кон играчите.
На сликата е прикажан пасусот од тој правилник кој говори токму за (зло)употреба на електронски уреди за време на шаховска партија и мерките кои треба да ги превземат судиите.

https://arbiters.fide.com/wp-content/uploads/Publications/Manual/Arbiters_Manual_2025.pdf

Маркукуле.мк

08/05/2026

По повод овој настан денеска во х. „Конитинетал“ во Скопје се одржа прес-конференција на која присуствуваа организаторот, учесници на првенството, претседателот ....

04/05/2026

Во организација на Шаховската Федерација на Македонија од 30.04 до 03.05 се одржаа државните првенства за деца и младинци за 2026 година.
На првенствата настапуваа, досега рекордни 196 учесници.

Најуспешни по категории беа:

Момчиња до 18 години:
🏆🥇 Бурнс Мајкл - ШК Капабланка, Скопје
🥈Павлески Никола - ШК Мулти Есенс, Скопје
🥉Јакимов Драги - ШК Алкалоид, Скопје

Девојчиња до 18 години:
🏆🥇 Жежоска Моника - ШК Алкалоид, Скопје
🥈Ѓорѓиеска Теодора - ШК Прилеп, Прилеп
🥉Огњановска Делфина - ШК Капабланка, Скопје

Момчиња до 16 години:
🏆🥇Кавазов Кристијан - ШК 7-ми Ноември, Гевгелија
🥈Иванов Андреј - ШК Мулти Есенс, Скопје
🥉Миновски Благоја - ШК Мулти Есенс, Скопје

Девојчиња до 16 години:
🏆🥇 Бурнс Елисавета - ШК Капабланка, Скопје
🥈Смилевска Наде - ШК Штајниц, Битола
🥉Лукановска Исидора - ШК Алкалоид, Скопје

Момчиња до 14 години:
🏆🥇Петровски Никола - ШК Капабланка, Скопје
🥈Стефаноски Даниел - ШК Капабланка, Скопје
🥉Крстевски Павел - ШК Капабланка, Скопје

Девојчиња до 14 години:
🏆🥇 Велева Илијана - ШК Алкалоид, Скопје
🥈Бурнс Кајла - ШК Капабланка, Скопје
🥉Лазова Ања - ШК Стоби, Градско

Момчиња до 12 години:
🏆🥇Атанасовски Давид - ШК Алкалоид, Скопје
🥈Абдурахман Ахмет Селим - ШК Капабланка, Скопје
🥉Диванисов Матеј - ШК Алкалоид, Скопје

Девојчиња до 12 години:
🏆🥇 Панова Дина - ШК Алкалоид, Скопје
🥈Поп Николова Катја - ШК Цареви Кули, Струмица
🥉Цветановска Андреа - ШК Гамбит Асее, Скопје

Момчиња до 10 години:
🏆🥇 Бурнс Џошуа Бенџамин - ШК Гамбит Асее, Скопје
🥈Стаменковски Калин - ШК Алкалоид, Скопје
🥉Јовановски Јован - ШК Куманово, Куманово

Девојчиња до 10 години:
🏆🥇 Беловска Софија - ШК Гамбит Асее, Скопје
🥈Цветвковска Уна - ШК Алкалоид, Скопје
🥉Ѓорѓевска Ина - ШК Алкалоид, Скопје

Момчиња до 8 години:
🏆🥇 Ачкоски Дино - ШК Алкалоид, Скопје
🥈Русевски Олег - ШК Гамбит Асее, Скопје
🥉Танчевски Христијан - ШК Цареви Кули, Струмица

Девојчиња до 8 години:
🏆🥇 Калпак Сони - ШК Алкалоид, Скопје
🥈Божиновска Михаела - ШК Алкалоид, Скопје
🥉Новевски Ина - ШК Алкалоид, Скопје

Победниците ќе ја претставуваат Македонија на престојните светски и екипни првенства во шах за деца и младинци.

Благодарност до @ООУ "Димитар Миладинов“ и @Општина Центар кои ни излегоа во пресрет и ја обезбедија салата за игра во која се одржуваа првенствата.

Им честитаме сите учесници и на победниците и им посакуваме успех на престојните светски и европски првенства.

28/04/2026

Вчера во Петровац, Црна Гора заврши Светското Екипно Првенство во Шах за Слепи и Слабовидни на кое учествуваа 21 репрезентација.

Репрезентацијата на Македонија настапи во состав:
- Димов Даниел
- Костадиновски Зоран
- Селковски Жарко
- Арсов Филип
- Мелник Стефан

По деветте одиграни кола, Македонија беше пласирана на десеттото место.

За истакнување е освоената сребрена медалја за резервната табла од страна на најмладиот член на репрезентацијата Мелник Стефан, кој на ова првенство одигра 5 партии и освои 4.5 поени.

20/02/2026

На 16.01.2026 Управниот Одбор на Шаховската Федерација на Македонија ја одржа првата седница за оваа година.
На состанокот се разговараше за состојбата на ШФМ, престојното изборно собрание и календарот на настани за 2026 година.

Во прилог се одлуките од оваа седница.

УО на ШФМ останува отворен за соработка со сите клубови, шахисти, тренери, шаховски работници.

20/02/2026

Во соработка со клубовите изработен е календарот на шаховски турнири за 2026 година.
Во календарот се вклучени турнири во организација на ШФМ, на шаховските клубови во Македонија како и поважните турнири во организација на ЕКУ и ФИДЕ.

Спортски поздрав,

04/02/2026

Поттикнати од изјавите дека ова биле најцрните години на македонскиот шах сакаме да наброиме само дел од проектите/настаните кои ги имаме организирано во последните неколку години:
✅ 2021 година: Организација на Европскиот Клупски Куп во машка и женска конкуренција
✅2022 година: започнавме со имплементација на проектот „Шах во училиштата“ со кој се обидуваме да го внесеме шахот како изборен предмет во секое основно училиште
✅2022 година: Младинските екипи до 12 и до 18 години за прв пат уествуваат на Европско екипно првенство
✅2022 година: Огранизација на Екипно Балканско Првенство за Млади
✅2023 година: Младинската екипа до 12 години учествува на Европско Екипно Првенство
✅ 2023 година: Организација на Светското Екипно Првенство за Сениори во машка и женска конкуренција
✅ 2024 година: во чест на одбележување на 100-годишнината на Светската Шаховска Федерација (FIDE) организиравме шаховски настан на отворено во Градскиот Парк во Скопје каде што на 100 шаховски табли повеќе од 400 посетители имаа можност да одиграат партија шах и да се запознаат со реномираните светски шахисти ВМ Најџел Шорт и ВМ Антоанета Стефанова
✅2024 година: Организација на Европското Првенство во Рапид, Блиц и Фишеров Шах
✅ Овој УО на ШФМ има организирано два семинари за судии (обучени преку 20 шаховски судии) и два семинари за шаховски тренери (обучени преку 40 шаховски тренери)

Направивме и мала споредба на бројот на официјални турнири, државни првенства организирани од ШФМ и учества на меѓународни натпревари во последните две години и пред десетина години.

📌2025 година:
✅ Организирана е прва машка лига со 8 екипи и прва женска лига со 6 екипи
✅ Организирана е втора машка лига со 10 екипи
✅Организирани се квалификации за втора машка лига со 12 екипи
✅На младинските поединечни првенства учествувале вкупно 96 учесници
✅ Организирани се младинските екипни првенства по категории со вкупно 227 учесници распоредени во 40 екипи
❌НЕ СЕ организирани државните поединечни првенства во машка и женска категорија за прв пат во последните 4 години односно откако овој УО раководи со ШФМ

📌2024 година:
✅Организирана е прва машка лига со 9 екипи и прва женска лига со 8 екипи
✅Организирана е втора машка лига со 10 екипи и втора женска лига со 5 екипи
✅ Организирани се квалификации за втора машка лига со 18 екипи
✅ На младинските поединечни првенства учествувале вкупно 94 учесници
✅ Организирани се младинските екипни првенства по категории со вкупно 240 учесници распоредени во 43 екипи
✅Организирано е државно поединечно првенство на Македонија во машка конкуренција на кое настапија 67 учесници
✅ Организирано е државно првенство на Македонија во женска конкуренција на кое настапија 10 учеснички

📌2015 година:
✅Организирана е само прва машка лига со 8 екипи
✅ На младинските поединечни првенства учествувале вкупно 62 учесници
❌НЕ СЕ организирани: државно поединечно првенство за мажи и жени,
❌НЕ СЕ организирани: втора лига за мажи и жени,
❌НЕ СЕ организирани: квалификации за втора лига мажи,
❌НЕ СЕ организирани: екипни првенства за млади по категории

📌2014 година:
✅Организирана е само прва машка лига со 6 екипи
✅ Организирано е младинско поединечно првенство
❌НЕ СЕ организирани: државно поединечно првенство за мажи и жени,
❌НЕ СЕ организирани: втора лига за мажи и жени,
❌НЕ СЕ организирани: квалификации за втора лига мажи,
❌НЕ СЕ организирани: екипни првенства за млади по категории

Што се однесува до меѓународните настапи на репрезентациите.
- На Европското Екипно Првенство во 2013 година настапила САМО машката репрезентација.
- На Европското Екипно Првенство во 2015 година НЕ настапила ниту една репрезентација
- На Европското Екипно Првенство во 2023 година настапиле и машката и женската репрезентација
- На Европското Екипно Првенство во 2025 године НЕ настапила ниту една репрезентација

Сите овие информации може уредно да се поткрепат со докази (линкови од chess-results.com) но истите не ги вклучивме во оваа изјава со цел истата да биде полесно читлива.

Оставаме на секој од вас да ги погледне бројките и да заклучи кои биле подобри/полоши години за македонскиот шах.

Спортски поздрав

Sloboden Pecat

31/10/2025

Од 29 октомври до 7 ноември, во Будва, Црна Гора се одржуваат Европските Младински Првенства во Шах во категории до 8, 10, 12, 14, 16 и 18 години за момчиња и девојчиња.

Во 12-те категории Македонија ја претставуваат вкупно 22 учесници.

Им посакуваме успех, добри партии и многу инспиративни потези.

02/08/2025

Во Hotel Sirius Spa&Wellness се одржуваат екипните лиги во шах на Македонија за 2025 година.

Во машка конкуренција настапуваат 8 екипи, додека во женската лига се натпреваруваат 6 екипи.
И двете лиги се играат по т.н. Бергеров систем, а победникот ќе биде познат по одиграни 7 кола кај мажите, односно 5 кола во женската лига.

Првенството е отворено за посетители партиите се играат од 16:00 часот.

Благодарност до УНИБанка за поддршката на шаховските активости во Македонија и до Maya Water за поддршката на овие шампионати.

23/07/2025

По повод меѓународниот ден на шахот 20 јули, гости во Утринската Програма на МРТВ, членот на УО на ШФМ Zoran Stojcevski, селекторот на женската репрезентација Ljubisa, и младите надежи на македонскиот шах Michael Burns и Павел Крстевски.

Благодарност до Македонската Радио Телевизија за поддршката во промоција на шахот и шаховските настани.

Разговор со претставници на шаховската фела кај нас