ЦЕЛОР - ЦЕНТАР ЗА ЛОКАЛЕН РАЗВОЈ / CELOR- Center for Local Development

28/01/2026

Која е улогата на месните заедници(МЗ) во локалниот развој?

Месните Заедници(МЗ) не се само формална институција, тие се срцето на локалната демократија и клучот за одржлив развој на нашите општини. Во многу европски земји, како Австрија, Германија, Чешка и Хрватска, месните заедници се законски признати, избирани или назначени, и имаат свои надлежности и дел од буџетот за локални активности. Тие ги претставуваат интересите на граѓаните, учествуваат во планирањето и управувањето со јавните услуги, и се мостот помеѓу општината и локалното население.

Во Северна Македонија, Месните заедници се укинати и нивната улога е минимизирана. Без нив, граѓаните се одалечени од процесот на донесување одлуки, особено во руралните средини, а локалниот развој и превенцијата од ризици, инфраструктурни проблеми, стануваат многу потешки.

За да имаме поотпорни, побезбедни и развиени заедници, мора да ја враќаме и зајакнуваме улогата на Месните Заедници (МЗ). Тие се таа врска што го прави развојот вистински локален, а граѓаните вистински партнери во својата средина.

11/01/2026

Под ЛОКАЛЕН РАЗВОЈ се подразбира процес на унапредување на економските, социјалните, инфраструктурните и еколошките услови во една локална заедница (општина, град, село или регион), со цел подобрување на квалитетот на живот на граѓаните.

Локалниот развој се темели на користење на локалните ресурси, потенцијали и капацитети, како и на активно учество на локалната самоуправа, граѓаните, бизнисите и граѓанските организации. Тој вклучува создавање нови економски можности, отворање работни места, подобрување на јавните услуги, развој на инфраструктурата, заштита на животната средина и зајакнување на социјалната кохезија.

Суштината на локалниот развој е одлуките и активностите да произлегуваат „оддолу нагоре“, односно да бидат прилагодени на реалните потреби на заедницата и да обезбедат одржлив и долгорочен напредок.

Размислувај ГЛОБАЛНО,
Дејстувај ЛОКАЛНО!

30/12/2025

✨ Со срце полно благодарност им се обраќаме на сите наши соработници, партнери и поддржувачи.

Ви благодариме што сте дел од нашата приказна и што 20 години заедно го градиме локалниот развој.

Нека новата 2026 година донесе здравје, мир, успех и нови можности за сите.

🎄 Среќни празници и среќна нова година од тимот на ЦЕЛОР – Центар за локален развој!

🌍 Мисли ГЛОБАЛНО,
💚 Дејствувај ЛОКАЛНО!

25/09/2025

22/09/2025

🌱 Биди дел од „Есенска Еко-Акција“ во Конче! 🌱

На 25 септември 2025 (четврток) во 12:00 часот, во дворот на ОУ „Гоце Делчев“ – Конче, ќе се спроведе младинската иницијатива „Есенска Еко-Акција“.

Ќе чистиме загадени делови во с. Конче и училишниот двор заедно со учениците и сите заинтересирани жители.
Да покажеме дека грижата за нашата околина е заедничка одговорност! 💚

📅 Датум: 25.09.2025 часот
🕛 Време: 12:00 часот
📍 Локација: Дворот на ОУ „Гоце Делчев“ – Конче

Заедно за почисто секојдневие! 🌳✨

19/09/2025

Денеска како дел од одбележувањето на „Европската недела на мобилност“,се одржа велосипедско дефиле кое е произлезена како младинска иницијатива „Вело енерџи-Р....

15/09/2025

🚴‍♀️✨ Време е за движење, дружење и енергија! ✨🚴‍♂️

На 19 септември (петок) во 12:00 часот, од плоштадот „Св. Спасо Радовишки“, започнува нашето ВЕЛО-ЕНЕРЏИ дефиле низ улиците на Радовиш во рамки на Европската недела на мобилност. 🌍💚

Ајде заедно да покажеме дека велосипедот не е само превоз – тој е стил на живот, здравје, дружење и позитивна енергија! 🚲

👉 Секој учесник потребно е да си донесе свој велосипед и заштитна опрема (кацига, ракавици – според желба).

Ќе возиме низ централното градско подрачје и ќе извлекуваме мотивирачки пораки – за потсетник дека промената почнува од нас! 🌱
Доаѓај со насмевка, дружење и тркала во движење! 🌀

#РадовишвоДвижење
#ЕвропскаНеделаНаМобилност
Оваа иницијатива е дел од проектот „Регионален младински парламент“, спроведуван од Здружението ГКЦ КРЕА во партнерство со Здружението ЦЕЛОР - ЦЕНТАР ЗА ЛОКАЛЕН РАЗВОЈ а со поддршка од Европската Унија преку програмата „ЕУ поддршка за Граѓански ресурсен центар.