Association Victim Ohrid

Association Victim Ohrid Association for support of identified and potentially vulnerable groups VICTIM Ohrid

Визија - Нулта општествени ризици и општество без жртви.

Мисија - Иницирање и спроведување општествените промени со експертски, иновативен и флексибилен пристап за справување со општествени ризици преку идентификација, едукација, превенција и поддршка.

Долгорочни цели на Здружението за поддршка на идентификувани и потенцијални ранливи групи ЖРТВА Охрид:

1. Добро информирани и зголемен број на

едуцирани лица за препознавање, разбирање, како и превенирање на статус жртва, како едно од најгрубо кршење на човековите права;
2. Воспоставен одржлив систем и политики за превенција, проценување, планирање, интервенирање, континуирано следење и евалуација на состојбите за лица во ризик;
3. Зајакнати организациски капацитети за поддршка на ранливи групи и помагање на граѓани кои се наоѓаат во состојба на потенцијален и реален ризик;
4. Иновативни идеи и решенија произлезени од потенцијалот и реалните потреби на самите жртви низ призмата на социјалното претприемништво, со цел намалување на бројот на лица во ризик;
5. Имплементирани модели за ресоцијализација и реинтеграција на жртви со цел спречување ексклузија и маргинализираност на овие лица во општеството.

Членови на Извршен Одбор:

- Претседател Драгана Костевска; емаил: [email protected]
- Сунчица Димитријоска; емаил: [email protected]
- Дончо Донев; емаил: [email protected]
- Зоран Јовановиќ; емаил: [email protected]
- Боро Костевски; емаил: [email protected]

🌿 Со голема чест и искрено задоволство го означуваме официјалниот почеток на спроведувањето на социјалната услуга „Помош...
20/07/2026

🌿 Со голема чест и искрено задоволство го означуваме официјалниот почеток на спроведувањето на социјалната услуга „Помош и нега во домот“ во Општина Могила.

Ова не е само почеток на една нова услуга, туку почеток на една хумана мисија која ќе донесе сигурност, поддршка и достоинствен живот за старите лица и лицата со попреченост во нивниот сопствен дом.

Веруваме дека вистинската грижа започнува таму каде што човекот се чувствува најбезбедно – во својот дом. Токму затоа оваа услуга ќе овозможи професионална помош, поддршка и човечка близина за оние на кои им е најпотребна.

Посебна благодарност упатуваме до Министерството за социјална политика, демографија и млади и Проектната единица, чија поддршка, доверба и посветеност овозможија оваа значајна услуга да стане достапна и за жителите на Општина Могила. Нивната заложба претставува вистинска инвестиција во подобар и поквалитетен живот за граѓаните.

Како лиценциран давател на социјални услуги, остануваме доследни на нашата мисија – да градиме општество во кое никој нема да биде оставен сам и секој човек ќе добие грижа, почит и поддршка кога му е најпотребна.

💙 Денес започнуваме едно ново поглавје исполнето со надеж, хуманост и вистинска грижа за луѓето. Нека ова биде почеток на многу успешни приказни и насмевки во домовите на оние на кои оваа услуга ќе им значи најмногу.

#СеГрижиме

#општинамогила

20/05/2026

Со задоволство информираме дека Здружението за поддршка на идентификувани и потенцијални ранливи групи „ЖРТВА“ – Охрид има добиено Решение за вршење дејност во социјална заштита за обезбедување на социјалната услуга „Помош и нега во домот“, за Општина Могила.

Оваа услуга има за цел унапредување на квалитетот на живот на лица кои имаат потреба од поддршка во секојдневното функционирање во домашни услови, согласно важечките прописи и правилници од областа на социјалната заштита.

Во рамки на социјалната услуга „Помош и нега во домот“ се обезбедуваат следните видови поддршка:
• помош при одржување на лична хигиена
• помош при облекување, движење и основни дневни активности
• подготовка или помош при подготовка на оброци
• одржување на хигиена во домот
• набавка на намирници, лекови и други основни потреби
• придружба при посета на здравствени и други институции
• социјална поддршка, разговор и помош за вклучување во заедницата

Со оваа услуга се овозможува поголема самостојност, достоинствен живот и поддршка во домашна средина за лицата кои имаат потреба од грижа на територија на Општина Могила.

За повеќе информации и вклучување во услугата, може да не контактирате.

#СеГрижиме

#општинамогила

30/12/2025

Со особена радост и чувство на исполнетост ја споделуваме веста дека го набавивме возилото – последната и клучна ставка во фазата на воспоставување на социјална услуга „Помош и нега во домот“ во Општина Могила.
Ова возило не е само средство за превоз, туку симбол на нашата посветеност да стигнеме до секој што има потреба, навреме, безбедно и со грижа.

Во изминатиот шестмесечен период, чекор по чекор, со многу труд, верба и одговорност, ја изградивме основата на една услуга која значи поддршка, достоинство и човечност за нашата заедница. Во оваа фаза реализиравме:

✔️ набавка на службено возило за теренска работа
✔️ адаптација на канцелариски простор
✔️ сертифицирање на 20 негуватели
✔️ опремување со канцелариски мебел
✔️ набавка на лаптоп и принтер
✔️ обезбедување униформи за целиот тим
✔️ набавка на медицински торби
✔️ обезбедување медицински материјал
✔️ комплетен канцелариски материјал

Секој детал е внимателно одбран со една цел – да обезбедиме професионална, брза, безбедна и достапна услуга за оние на кои им е најпотребна.

Денес, канцеларијата е уредена, опремена и целосно подготвена за Комисијата за лиценцирање. Уште поважно, подготвен е и нашиот тим – со знаење, срце и огромна желба да започне со работа.

Ова не е само административен или технички процес. Ова е почеток на една приказна за грижа, солидарност и подадена рака таму каде што најмногу значи.

Со нетрпение го очекуваме стартот на активностите и можноста нашата посветеност да се претвори во реална поддршка за старите лица и лица со попреченост во Општина Могила.

#СеГрижиме
#министерствосоцијалнаполитикадемографијамлади
#општинамогила

Социјална услуга „Помош и нега во домот“ – Општина ПласницаВчера се одржа редовниот координативен состанок посветен на у...
02/12/2025

Социјална услуга „Помош и нега во домот“ – Општина Пласница

Вчера се одржа редовниот координативен состанок посветен на услугата Помош и нега во домот во Општина Пласница. На состанокот ги разгледавме тековните предизвици, состојбите на терен, насоките за унапредување и идните планови за уште поквалитетна поддршка на стари лица и лица со попреченост.

Особено внимание беше посветено на тековната евалуација за проценка на задоволството на корисниците и негувателите. Овој процес претставува важен показател за успехот и достигнувањата на услугата, но и силна мотивација да продолжиме да создаваме промени кои значат подобар, подостоинствен и побезбеден живот за најранливите лица во нашата општина.

Со заедничка посветеност и тимска работа, остануваме цврсто насочени кон нашата мисија – да обезбедиме квалитетна, човечка и топла грижа во домот на секој кој има потреба.

Заедно градиме услуга која носи сигурност, почит и човечност. ❤️

#СеГрижиме
#министерствосоцијалнаполитикадемографијамлади
#општинапласница

Address

Ohrid
6000

Website

Alerts

Be the first to know and let us send you an email when Association Victim Ohrid posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Association Victim Ohrid:

Shortcuts

Share

Category