29/04/2026
🌳 ПОЧЕТОК НА ПРОЛЕТНО РАСЧИСТУВАЊЕ НА НАДВОРЕШНИОТ ДЕЛ ОД ЦЕНТАРОТ, ПОДГОТОВКИ ЗА АКТИВНОСТИ ВО ПРИРОДА И ВЕЖБИ ЗА ФИЗИЧКО ЗДРАВЈЕ 🍃
Денеска претпразнично, на убавото време, корисниците започнаа со уредување на надворешниот дел од центарот и расчистување на гранчиња, собирање на отпадоци и исфрлување на непотребни нешта.
📌Работата во природа, како што се градинарството, чистењето лисја или собирањето гранки, нуди длабоки физички, ментални и социјални придобивки за лицата со интелектуална попреченост. Овие активности обезбедуваат структурирана, но флексибилна средина што ја промовира целокупната благосостојба. 🌳
Овие активности се важни за развој на нивното физичко здравје и унапредување на нивните моторни вештини.
Преку овие физички вежби, собирањето, кревањето и носењето гранки обезбедува вежбање со низок интензитет што го подобрува нивното кардиоваскуларно здравје, силата и издржливоста. 💪
Носењето на гранки, со што се развива нивната груба моторика, исто така помага во подобрување на координацијата, рамнотежата и спретноста.
Собирање на отпадоци, мали ливчиња и друго, ја развива нивната фина моторика.
Уредувањето на надворешниот дел од центарот, сега во овој период кога времето ќе се разубави е подотовка за наредните месеци кога поголемиот дел од времето, корисниците ќе го поминуваат надвор, и имплементирање на активности кои ќе бидат соодветно прилагодени.
🔖Природата обезбедува богато сензорно искуство - мирисот на почвата, текстурата на лисјата и звукот на ветерот, го регулираат централниот нервен систем, и има смирувачко дејство, особено по долг период поминат внатре во центарот без многу можности за надворешни социјални активности, кои претежно се реализираат во потопли месеци, како што се излегување во град, посета на кафуле, ресторан, одење на настани, концерти и прошетки.
📍Не помалку важни се и придобивките за одржување на нивното општо ментално здравје и когнитивни придобивки од поминувањето на дел од денот во природа.
Имплементирање на повеќе активности во надворешниот дел им овозможува на корисниците да го почувствуваат природниот свет, поттикнувајќи им чувство на мир и поврзаност што често недостасува во затворен простор.
Програмските активности кои што ќе се изведуваат надвор, работа на отворено, почесто излегување од центарот, влијае и на намалување на стресот, возбудата и анксиозноста. 🧠
Кај лицата со интелектуална попреченост, поминување повеќе време надвор, во природата, е од особено значење, поради намалување на нивото на кортизол, има смирувачки ефект а истовремено и влијае врз зголемување на нивото на допамин и серотонин, кои што се хормони на расположение и среќа.
🔖Покрај овие активности, исто така во зависност од временските услови, корисниците ќе започнат со вежби за физичко здравје, со помош на асистивни помагала и редовните вежби по физичко воспитување, кои влијаат врз зголемување на ниво на хормоните ендорфини и окситоцини кои се ослободуваат за време на вежбањето.
Покрај редовните програмски активности, секогаш има време за пауза и заедничко сокче, по успешно завршена работа. 🧃
Само го чекаме убавото време. :)
