Jehona e Karadakut

29/07/2026

NJOFTIM

Të nderuar autorë,

Në përgatitje e sipër është edicioni i ri i revistës së pavarur për letërsi, shkencë dhe kulturë DORUNTINA (për vitin 2026), organ i Klubit të Shkrimtarëve “Jehona e Karadakut” – Kumanovë.

Të gjithë autorët që kanë interes për t'i botuar punimet e tyre letrare apo shkencore (poezi, prozë, studime, hulumtime, vështrime, reportazhe, profile, etj.), luten që t’i dërgojnë në adresën elektronike: [email protected]
deri më datë 20.08.2026.
Përparësi botimi do të kenë krijimet artistike të pabotuara më parë nëpër libra, platforma elektronike apo rrjete sociale.

Mbani mend! DORUNTINA është revista më jetëgjatë në hapësirën kulturore të shqiptarëve të Maqedonisë së Veriut pluraliste.
Ju mirëpresim!

Redaksia

21/06/2026

F T E SË

03/06/2026

03/06/2026

“PENA IME” MIRËPRET SHKRIMTARIN SKËNDER SHERIFI

Më 2 qershor 2026, në hapësirat e Fakultetit të Administrimit të Biznesit në Kumanovë, Klubi i Shkrimtarëve “Jehona e Karadakut” organizoi me sukses manifestimin kulturor-letrar “Pena ime”, një aktivitet tashmë tradicional që synon promovimin e krijimtarisë letrare, kultivimin e fjalës artistike dhe bashkimin e krijuesve shqiptarë në një atmosferë të ngrohtë kulturore.
Manifestimin e hapi dhe e përshëndeti kryetari i Klubit të Shkrimtarëve “Jehona e Karadakut”, Sunaj Raimi, i cili u dëshiroi mirëseardhje të gjithë të pranishmëve dhe vlerësoi rëndësinë e letërsisë si urë lidhëse ndërmjet njerëzve, kulturave dhe brezave.
Një moment i veçantë i këtij manifestimi ishte prania e shkrimtarit me përmasa ndërkombëtare, Skënder Sherifi, i cili ishte mysafir nderi i aktivitetit. Në pjesën e parë të programit u paraqit një jetëshkrim letrar dhe krijues i autorit, i përgatitur nga nënkryetari i klubit, poeti dhe profesori i gjuhës shqipe Selajdin Shabani. Përmes këtij prezantimi, publiku pati mundësinë të njihej më afër me jetën, veprën dhe kontributin e rëndësishëm të Skënder Sherifit në letërsinë bashkëkohore shqiptare dhe evropiane.
Më pas, u interpretuan disa poezi të zgjedhura nga krijimtaria e tij letrare, të cilat u mirëpritën me interes dhe duartrokitje nga publiku i pranishëm.
Në pjesën e dytë të programit, poetët pjesëmarrës interpretuan krijimet e tyre poetike, duke shpalosur botën e pasur artistike dhe frymën krijuese që karakterizon letërsinë shqipe të ditëve tona.
Me një fjalë përshëndetëse dhe një paraqitje të veçantë të krijimtarisë së tij letrare, para të pranishmëve u drejtua edhe vetë shkrimtari Skënder Sherifi. Ai ndau me publikun përvoja nga rrugëtimi i tij krijues, mendime mbi letërsinë bashkëkohore dhe zhvilloi një bashkëbisedim të hapur me të pranishmit, duke krijuar një atmosferë të ngrohtë komunikimi dhe reflektimi kulturor.
Në përmbyllje të manifestimit, si shenjë respekti, mirënjohjeje dhe vlerësimi për kontributin e tij në letërsi, Klubi i Shkrimtarëve “Jehona e Karadakut” i dhuroi autorit Skënder Sherifi një komplet librash të botuar nga anëtarët e klubit.
Manifestimi kulturor-letrar “Pena ime” dëshmoi edhe një herë se arti i fjalës vazhdon të mbetet një forcë bashkuese, frymëzuese dhe ndriçuese për shoqërinë tonë, duke krijuar hapësira të reja dialogu kulturor dhe duke promovuar vlerat më të mira të letërsisë shqipe.

25/04/2026

Jehona jonë poetike në Sofje të Bullgarisë

Të premten e 24 prillit 2026, në ambientet e Qendrës Kulturore Informative të Maqedonisë së Veriut në Sofje u zhvillua një mbrëmje e veçantë kulturore - letrare, e organizuar nga Klubi i Shkrimtarëve “Jehona e Karadakut”. Manifestimi kulturor u hap nga Drejtori i qendrës, dramaturgu i njohur Pror. Dr. Zoran Pejkovski.

Ky aktivitet përbën një bashkëpunim dhe vazhdimësi e prezantim të kulturës dhe letërsisë shqipe në arenën ndërkombëtare, duke mbledhur rreth vetes krijues, studiues dhe dashamirës të fjalës artistike.

Në këtë takim poetik morën pjesë dhe interpretuan krijimet e tyre Kryetari i klubit, Sunaj Raimi, nënkryetari Selajdin Shabani, ish - kryetari i klubit Sevdail Demiri, si dhe sekretari Emrah Bilalli. Përmes poezive të tyre, ata sollën para publikut një univers të pasur artistik, ku ndërthureshin përvoja personale, motive atdhetare dhe reflektime bashkëkohore.
Mbrëmja u ndoq nga një komuniteti i përzgjedhur i artëdashësve në Sofje, në praninë e autoriteteve diplomatike dhe përfaqësuesve nga Ambasada e Maqedonisë së Veriut, si dhe nga studentët e Katedrës së Ballkanistikës të Universitetit “Klimenti i Ohrit” dhe qytetarë të tjerë.

Kjo pjesëmarrje e gjerë i dha aktivitetit një dimension të rëndësishëm ndërkulturore.
Gjatë mbrëmjes, përveç interpretimit të poezive, u prezantua edhe veprimtaria e klubit, botimet e tij, si dhe revista “Doruntina”, një organ i rëndësishëm për promovimin e letërsisë, kulturës dhe shkencës. Kjo revistë përfaqëson një platformë serioze për artikulimin e mendimit kritik dhe krijues në gjuhën shqipe.
Në përmbyllje të aktivitetit u zhvillua një debat i hapur me publikun, ku u diskutua mbi rolin e letërsisë në ruajtjen e identitetit kulturor shqiptarë, sfidat e krijimtarisë dhe rëndësia e bashkëpunimit ndërinstitucional. Me çka të pranishmit patën tastin të njihen me tingëllimën e poezisë më gjuhës shqipe. Ky komunikim i frytshëm dëshmoi interesin dhe nevojën për aktivitete të tilla, të cilat forcojnë lidhjet kulturore dhe nxisin zhvillimin e mëtejshëm të letërsisë shqipe jashtë vendit. Ky aktivitet u mbështet nga Ministria e Kulturës në Republikën e Maqedonisë së Veriut.

15/03/2026

“TAKIMET POETIKE TË KARADAKUT - 2026”, ÇMIMI KRYESOR PËR POETIN LIGOR SHYTI

Kumanovë, 15 mars 2026 – Mbrëmë në Kumanovë u mbajt manifestimi tradicional kulturor letrar “Takimet Poetike Karadakut”, edicioni 34 me radhë që e organizon Klubi i Shkrimtarëve “Jehona e Karadakut”.
Kryetari i Klubit, Sunaj Raimi, në fjalën e tij theksoi se ky manifestim poetik, me angazhimin e fuqishëm të anëtarëve të saj, ka arritur të etablohet si një eveniment mbarëkombëtar vëllazëror, e cila i bashkon zemrat dhe mendjet e krijuesve tanë rreth bukurisë dhe fuqisë së poezisë. “Karadaku jonë krenarë, i spikatur me bukurinë dhe historinë e tij, ka qenë gjithmonë një burim frymëzimi për poetët dhe krijuesit e gjinive më të ndryshme artistike. Këtu, fjala merr jetë, ndjenja bëhet varg, dhe mendimi shndërrohet në art. Poezia e bukur na kujton se edhe në kohë të ndryshme e të vështira, njeriu jonë gjithmonë ka gjetur forcë në fjalën, në shpirtin dhe në krijimtarinë e tij”, tha Raimi.
Siç dihet, ky manifestim mbahet në kujtim të ngjarjeve të 11 marsit 1981, që paraqet një ditë simbolike për kthesën e madhe historike të shqiptarëve në ish Jugosllavi, kur me fillimin e protestave studentore, filloi edhe rrënimi i regjimit jugosllav. Dhe, për të përkujtuar ato ngjarje, fjalë rasti mbajti veprimtarja e çështjes kombëtare, ish e burgosura politike, doktoresha Teuta Bekteshi - Ajeti, e cila në të njëjtën kohë përkujtoi edhe kontributin e vëllait të saj Fadil Bekteshi në themelimin e klubit dhe manifestimit “Takimet Poetike Karadakut” mëse tri dekada më parë.
Fjalë përshëndetëse pati edhe kryetari i Klubit të Shkrimtarëve dhe Artisteve "Naim Frasheri" të Përmetit, Ligor Shyti, ndërsa me praninë e tij manifestimin e nderoi Zëvendësministri i Arsimit dhe Shkencës, Driton Sulejmani.
Më pas, në orën letrare me poezitë e tyre u paraqitën poetët e ardhur nga mbarë hapësira shqiptare, si: Ana Tisi (Berat), Bajramali Selimi (Gostivar), Shqipe Hasani (Prishtinë), Kaltrina Berisha (Gjilan), Selajdin Shabani (Kumanovë), Ligor Shyti (Përmet), Ali Qerimi (Kumanovë), Rabije Bytyqi (Prizren), Remzi Salihu (Tetovë), Myrvete Dragaj (Istog), Liber Emini (Kumanovë), Zana Jashari (Kumanovë), Vlera Iseni (Kumanovë).
Juria letrare në përbërje: Daim Ilazi, Arsim Halili dhe Sevdail Demiri shpallën fituesit e poezive më të arrira të orës letrare. Konkretisht, me Çmimin kryesor “Fadil Bekteshi” u nderua poeti përmetar Ligor Shyti, me Çmimin “Doruntina” poeti gostivaras Bajramali Selimi, me Çmimin “Jehona poetike” poetja gjilanase Kaltrina Berisha, dhe me një çmim special u nderua poetja kumanovare Liber Emini.
Manifestimi që u moderua nga poeti Emrah Bilalli, po ashtu u zbukurua edhe nga recitalet e aktorëve përmetarë Pandi Duka dhe Lazar Thanasi, të cilët sollën atmosferë naimjane në Kumanovë.
Veprimtaria botuese është pjesë përbërëse e aktiviteteve të Klubit të Shkrimtarëve “Jehona e Karadakut” nga Kumanova. Gjatë vitit që lamë pas, është botuar revista periodike “Doruntina” dhe disa vepra tjera autoriale të anëtarëve të Klubit, të cilat iu shpërndanë të pranishmëve.
Manifestimi “Takimet Poetike Karadakut”, ka gjetur mbështetje nga Ministria e Kulturës dhe Turizmit, komunat e Likovës dhe Kumanovës, si dhe dashamirë të artit e kulturës shqiptare.

18/12/2025

TAKIM LETRAR MOTIVUES ME NXËNËSIT E SHKOLLAVE TË MESME SHQIPE TË KUMANOVËS E LIKOVËS

Klubi i Shkrimtarëve “Jehona e Karadakut” realizoi një takim letrar me nxënësit e shkollave të mesme nga komunat e Kumanovës dhe Likovës, duke krijuar një mundësi të bukur për angazhimin e gjeneratës së re për letërsi dhe manifestime letrare.
Në këtë aktivitet morën pjesë nxënës nga SHM Gjimnazi “Sami Frashëri”, SHM Ekonomike “Pero Nakov”, SHM e Mjekësisë “Nace Bugjoni” në Kumanovë, si dhe SHM Gjimnazi “Ismet Jashari” në Likovë.
Takimi u zhvillua me prani të kryetarit të Klubit të Shkrimtarëve “Jehona e Karadakut”, Prof. Dr. Sunaj Raimi, nënkryetarit Prof. Selajdin Shabani dhe sekretarit Prof. Emrah Bilalli.
Gjatë këtyre takimeve u diskutua mbi letërsinë, poezinë, prozën, tregimin, eseun si dhe format tjera të shkrimit letrar, ndërsa u promovua edhe revista për letërsi, kulturë, art e shkencë "Doruntina", organ i klubit.
Nxënësit patën mundësinë të prezantojnë dhe interpretojnë krijimet e tyre letrare, duke shkëmbyer ide dhe mendime me shkrimtarët e pranishëm.
Në përfundim të këtyre takimeve shumë të frytshme që u zhvilluan në një atmosferë miqësore të ngrohtë, u mor vendim që radhën tjetër nga K.SH. "Jehona e Karadakut" të organizohen orë letrare me nxënësit e këtyre shkollave të mesme.
Falënderim dhe respekt për udhëheqësitë e këtyre shkollave dhe nxënësit prezent.

Klubi i Shkrimtarëve "Jehona e Karadakut", Kumanovë.
18. 12. 2025