28/03/2026
Sot në shkollën tonë organizuam një manifestim të veçantë me rastin e festës së Fitër Bajramit, një ditë e mbushur me gëzim, emocione dhe atmosferë festive.
Aktivitetin e hapëm me disa ajete kuranore të lexuara me përkushtim nga nxënësja jonë Artiola Vrangalla, duke i dhënë fillimit një ndjesi të veçantë shpirtërore.
Më pas, programi vazhdoi me fjalimin e mbajtur nga përgjegjësja e shkollës Mide Emini, e cila përcolli mesazhe të bukura mbi vlerat e kësaj feste.
Gjatë muajit të Ramazanit, nxënësit kishin një detyrë të veçantë, të cilën secili prej tyre e realizoi me përkushtim dhe sukses. Për këtë arsye, ata u shpërblyen me nga një dhuratë simbolike – gota të personalizuara – si kujtim i këtij rrugëtimi të bukur.
Atmosfera u bë edhe më festive falë pakove të Bajramit të mbushura me ëmbëlsira, të cilat sollën buzëqeshje në fytyrat e fëmijëve.
Një kontribut të veçantë dhanë edhe nënat e nxënësve, të cilat ndanë kohë për të qenë pjesë e këtij organizimi dhe për të festuar së bashku me ne.
Në fund, më e rëndësishmja ishte se fëmijët përjetuan momente të paharrueshme, plot gëzim, buzëqeshje dhe argëtim, duke e bërë këtë ditë edhe më të veçantë për të gjithë.
