ОПШТИНА ИЛИНДЕН

Call Directions Website Contact the organization

ОПШТИНА ИЛИНДЕН Официјален Facebook профил на ОПШТИНА ИЛИНДЕН https://ilinden.gov.mk

Градежна офанзива во Општина Илинден – асфалтирани шест улици во четири населени местаОпштина Илинден продолжува со силн...
19/10/2026

Градежна офанзива во Општина Илинден – асфалтирани шест улици во четири населени места

Општина Илинден продолжува со силна градежна офанзива и интензивни инвестиции во модернизација на локалната патна инфраструктура. Успешно е завршено асфалтирањето на шест улици во населените места Илинден, Мршевци, Марино и Кадино, во вкупна должина од околу 1.100 метри.

Во Илинден се асфалтирани улица „11“ и крак на улица „8“, во Мршевци крак на пат Мршевци - Бучинци, во Марино два крака од улица „531“, како и крак од улица „7“ во Кадино.

Градоначалникот на Општина Илинден, Александар Георгиевски, изврши увид во асфалтирањето и истакна дека општината продолжува со засилена динамика на инфраструктурни инвестиции, со јасна цел за модерна патна мрежа, рамномерен развој и подобри услови за живот во секое населено место.

Со реализацијата на овие инфраструктурни проекти значително се подобруваат условите за сообраќај, се зголемува безбедноста и се обезбедува поквалитетно секојдневие за жителите.

Хортикултурно уредување и зазеленување на јавните површини во општина Илинден Општина Илинден континуирано спроведува ак...
17/10/2026

Хортикултурно уредување и зазеленување на јавните површини во општина Илинден


Општина Илинден континуирано спроведува активности за уредување и разубавување на јавните простори, со цел создавање попријатна, поуредена и позелена животна средина за сите граѓани.

Во рамки на овие активности, во соработка со општествено одговорната компанија „Атлантик Група“, реализирана е акција за хортикултурно уредување и зазеленување на кружниот тек во населеното место Илинден, при што се засадени повеќе видови декоративни растенија, меѓу кои зимзелени садници, украсни грмушки и лаванда, со што просторот доби нов, уреден и естетски изглед.

Значаен придонес во реализација на активностите за зазеленување и уредување на јавните површини има и општествено одговорната компанија „КАЗ Груп“, која преку континуирани донации и долгогодишна соработка со Општина Илинден активно придонесува кон создавање поубава, поуредна и позелена животна средина.

Ваквите активности се дел од континуираните заложби на Општина Илинден за унапредување на урбаното зеленило и одржување на јавните површини, а преку ваквите заеднички иницијативи се потврдува значењето на соработката меѓу локалната самоуправа и бизнис-секторот.

Општина Илинден започна со реконструкција на улица „11“ во н. ИлинденОпштина Илинден продолжува со реализација на инфрас...
16/10/2026

Општина Илинден започна со реконструкција на улица „11“ во н. Илинден

Општина Илинден продолжува со реализација на инфраструктурни проекти насочени кон подобрување и модернизација на локалната патна мрежа, со цел создавање побезбедни и поквалитетни услови за одвивање на сообраќајот. Во рамки на Програмата за реконструкција, рехабилитација и санација на локални улици и патишта, започната е реконструкција на улица „11“ во населба Илинден.

Со планираните градежни активности е предвидено проширување на постоечкиот коловоз, како и целосно асфалтирање со нов асфалтен слој, во должина од околу 110 метри. Со реализацијата на овој инфраструктурен зафат ќе се подобрат условите за сообраќај, ќе се зголеми безбедноста на учесниците во сообраќајот и ќе се овозможи полесен пристап за жителите на овој дел од населеното место.

Општина Илинден и во наредниот период ќе продолжи со инвестиции во изградба, реконструкција и санација на локалните улици и патишта, согласно утврдените приоритети и потребите на граѓаните, со цел рамномерен инфраструктурен развој и подобрување на квалитетот на живот во сите населени места.

Целосно се обновува главната водоводна мрежа во н.м КадиноГрадоначалникот на Општина Илинден, Александар Георгиевски, из...
15/10/2026

Целосно се обновува главната водоводна мрежа во н.м Кадино

Градоначалникот на Општина Илинден, Александар Георгиевски, изврши увид во градежните активности за санација на главната водоводна мрежа во должина од околу 650 метри во н.м Кадино. Во рамки на проектот, старите, дотраени и оштетени водоводни цевки се заменуваат со нови полиетиленски цевки Ф280, со што значително ќе се подобри функционалноста и сигурноста на водоводниот систем.

Градоначалникот Георгиевски истакна дека со реализацијата на овој проект ќе се овозможи континуирано и стабилно водоснабдување, намалување на загубите на вода и одржување стабилен притисок во водоводната мрежа. Како и дека во претходниот период се санирани 1.400 метри од главната водоводна мрежа во Кадино, а со тековната санација на дополнителни 650 метри, целосно ќе биде обновена главната водоводна мрежа во ова населено место.

Со завршувањето на градежните активности ќе се реши долгогодишниот проблем со дотраената водоводна инфраструктура и честите дефекти, со што ќе се обезбеди посигурно, поквалитетно и стабилно водоснабдување за жителите на Кадино.

Општина Илинден започна со реконструкција на улици во Илинден и МршевциОпштина Илинден продолжува со интензивна реализац...
14/10/2026

Општина Илинден започна со реконструкција на улици во Илинден и Мршевци

Општина Илинден продолжува со интензивна реализација на инфраструктурни проекти насочени кон подобрување на патната мрежа и создавање побезбедни услови за сообраќај. Во рамки на Програмата за реконструкција, рехабилитација и санација на локални улици и патишта, започнаа градежни активности за реконструкција на две улици во населените места Илинден и Мршевци.

Со предвидените активности е опфатен крак на пат Мршевци - Бучинци во населеното место Мршевци, во должина од околу 200 метри, како и крак на улица „8“ во населеното место Илинден, во должина од околу 130 метри, при што на улицата „8“ претходно е изведена фекална канализациска мрежа, со што се создадени услови за целосно уредување на патната инфраструктура на оваа локација.

Градоначалникот на Општина Илинден, Александар Георгиевски, изврши увид во почетокот на градежните активности, при што ја истакна важноста на овие инфраструктурни зафати за локалното население. Тој посочи дека реконструкцијата на улиците ќе овозможи поквалитетно и побезбедно одвивање на сообраќајот, подобра пристапност и унапредување на секојдневните услови за живот на жителите.

Општина Илинден останува посветена на континуирано модернизирање на локалната инфраструктура, согласно утврдените приоритети и потребите на граѓаните, при што и во наредниот период ќе продолжат инвестициите во реконструкција и санација на локалните улици и патишта, со цел рамномерен инфраструктурен развој и подобрување на квалитетот на живот во сите населени места.

Општина Илинден со Инклузивен саем го одбележа Меѓународниот ден на белиот стапВо пресрет на Меѓународниот ден на белиот...
13/10/2026

Општина Илинден со Инклузивен саем го одбележа Меѓународниот ден на белиот стап

Во пресрет на Меѓународниот ден на белиот стап во Општина Илинден се одржа Инклузивен саем под мотото „Допри. Слушни. Почувствувај. Разбери.“ Настанот беше организиран во соработка со ООУ „Гоце Делчев“ и Државното средно училиште со ресурсен центар „Димитар Влахов“ – Скопје, со цел подигнување на јавната свест за лицата со оштетен вид, поттикнување на инклузијата и промовирање на еднаквите можности.

Во рамки на саемот беа поставени тематски штандови, преку кои посетителите имаа можност да се запознаат со Брајовото писмо, тактилните наставни материјали, асистивната технологија, адаптираните игри и спортски активности, како и со значењето на белиот стап како симбол на самостојноста и мобилноста на лицата со оштетен вид.

Градоначалникот Георгиевски, заедно со директорите на двете училишта, ги посети изложбените штандови и се запозна со наставните методи, современите помагала и активностите преку кои се поттикнува самостојноста и активното вклучување на лицата со оштетен вид во секојдневниот живот.

Општина Илинден останува посветена на создавање инклузивна средина во која секој поединец ќе има еднакви можности за образование, развој и активно учество во општеството. Преку соработката со образовните институции и поддршката на ваквите иницијативи, Општината продолжува да придонесува кон подигнување на свеста, надминување на предрасудите и градење заедница заснована на солидарност, разбирање и меѓусебно почитување.

12/10/2026
11/10/2026

🇲🇰Нека е честит 11 Октомври, Денот на востанието на македонскиот народ!🇲🇰

Славен датум во историјата на Македонија, 85 години од почетокот на Народноослободителната борба, ден кој е симбол на решителноста, правдата и човечноста, вредности по кои се водеа нашите херои чекорејќи на патот кон слободата.

Да живее Република Македонија!

Целосно реконструирана улица „9“ во н.м ИлинденОпштина Илинден целосно ја реконструираше улица „9“ во населеното место И...
10/10/2026

Целосно реконструирана улица „9“ во н.м Илинден

Општина Илинден целосно ја реконструираше улица „9“ во населеното место Илинден, капитален инфраструктурен проект од суштинско значење за подобрување на сообраќајната поврзаност, безбедноста и квалитетот на живот на граѓаните.

Со реконструкцијата на улицата во должина од околу 1.200 метри и широчина од 6 метри, со изградбата на тротоари од двете страни, како и со уредување на водоводната и канализационата мрежа и останатата подземна инсталација, се заокружува еден капитален инфраструктурен зафат со кој се унапредуваат условите за одвивање на сообраќајот и движење на пешаците.

Улица „9“ претставува важна сообраќајна артерија која поврзува повеќе населени места и патни правци. Нејзината важност е дополнително нагласена и со фактот што долж неа се наоѓаат објекти од јавен интерес кои секојдневно ги користат голем број граѓани, меѓу кои зградата на Општина Илинден, ООУ „Гоце Делчев“ и Домот на култура „Илинден“.

„Реализацијата на овој проект е дел од континуираните активности на Општина Илинден за реконструкција, модернизација и унапредување на локалната инфраструктура. Преку вложувањата во улиците и патната мрежа, Општината создава подобри услови за секојдневно движење, полесна пристапност до јавните објекти и поефикасно поврзување на населените места.“ – истакна градоначалникот на Општина Илинден, Александар Георгиевски.

Општина Илинден продолжува со реализација на проекти насочени кон развој на локалната инфраструктура, унапредување на комуналните услови и создавање современа, безбедна и квалитетна средина за живеење за сите граѓани.

Се одржа конститутивна седница на Локалниот младински совет на Општина ИлинденВо просториите на Домот на култура „Илинде...
09/10/2026

Се одржа конститутивна седница на Локалниот младински совет на Општина Илинден

Во просториите на Домот на култура „Илинден“ се одржа конститутивна седница на Локалниот младински совет на Општина Илинден, со што се создаваат услови за продолжување и унапредување на активностите насочени кон младите и нивното активно вклучување во локалните процеси на одлучување.

На конститутивната седница присуствуваше и градоначалникот на Општина Илинден, Александар Георгиевски, кој на членовите на Советот им посака успешна работа, плодна соработка и успешно реализирање на планираните активности и проекти во интерес на младите од општината.

„Општина Илинден континуирано ја препознава важноста на младите како значаен двигател на општествениот развој, поради што посебно внимание посветува на создавањето можности за нивно активно учество во креирањето на локалните младински политики, кои можат да придонесат за поквалитетен живот во локалната заедница.“ – истакна градоначалникот Георгиевски.

Локалниот младински совет претставува важен механизам за иницирање активности и проекти во сите општествени области, како и во создавањето услови за личен и професионален развој на младите. Општина Илинден останува посветена на поддршката на младите, унапредувањето на младинскиот сектор и градењето општина во која нивните идеи и потенцијали ќе добијат можност да се преточат во конкретни иницијативи и активности во интерес на целата заедница.

Address

Ulica 9 Br 38
Ilinden
1041

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38922571703

Alerts

Be the first to know and let us send you an email when ОПШТИНА ИЛИНДЕН posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ОПШТИНА ИЛИНДЕН:

Shortcuts

Share