Muftinia e BFI - Gostivar

12/05/2026

Vizitë në Muftinin e BFI - Gostivar SHFK "Ismail Qemali" - Gostivar

Në kuadër të aktiviteteve të përbashkëta mes lëndëve Trashëgimia Fetare dhe Arti Figurativ, nxënësit e dalluar të klasave të gjashta të SHFK "Ismail Qemali" realizuan një vizitë mbresëlënëse në Muftininë e BFI - Gostivar.
Delegacioni i shkollës u udhëhoq nga:
*Z. Shkëlqim Miftari* – Drejtor i shkollës
*Z. Atfi Fetai* – Nën-drejtor
*Prof. Gzime Dogani* – Profesoreshë e Arteve
*MSc. Hafsa Rush*ti* – Profesoreshë e Etikës së Religjioneve

Mysafirët u mirëpritën përzemërsisht nga Muftiu i Gostivarit, *H. Sabahudin ef. Zendeli*, dhe referenti i Muftinisë, *H. Harbin ef. Osmani*. Gjatë takimit u theksua rëndësia e edukimit të gjeneratave të reja me frymën e tolerancës, bashkëjetesës dhe vlerësimit të trashëgimisë sonë kulturore e shpirtërore.

Në shenjë falënderimi, nxënësit i dhuruan Muftiut punime unike të realizuara me përkushtim gjatë procesit mësimor:
*Kulla e Sahatit* – Një punim mjeshtëror në argjil.
*Xhamitë e Lashta* – Dy skica të realizuara me laps, që pasqyrojnë vlerat e trevave tona.

Nga ana e tij, Muftiu ndau dhurata simbolike për nxënësit dhe stafin, duke i pajisur me libra dhe revista "Ikra", si një nxitje për rritjen intelektuale dhe pasurimin e njohurive.

12/05/2026

DUA HATME NË XHAMINË E VJETËR-DOBËRDOLL

Më datë 10.05.2026, (e diel) në Xhaminë e Vjetër të fsh. Dobërdoll, Komuna e Vrapçishtit, u realizua solemnitet fetar me rastin e përfundimit të hatmeve të Kur’anit Famëlartë nga nxënësit e mektebit që e ndjekin mësimbesimin fetar në këtë xhami, tek mualimët Mr. Hamit ef. Shabani dhe
H. Bujamin ef. Bajrami.

Në këtë manifestim përpos xhematit, familjarëve dhe mysafirëve të shumtë, hoxhallarëve të rrethit të Gostivarit pjesëmarrës ishte një delegacion nga Muftinia e BFI – Gostivar, në krye me Muftiun H. Sabahudin ef. Zendeli i shoqëruar nga stafi i tij.

Në fjalën e tij të rastit, Muftiu pasi e përshëndeti prezencën e imamëve, muezinit, këshillin e xhamisë dhe nxënësit/et si dhe të pranishmit, potencoi faktin se mësimbesimi islam nëpër mektebet e xhamisë është forma ku mësohen bazat e Islamit dhe leximi i Kur'anit Famëlartë. Duanë e hatmeve e bëri Mr. Elyesa ef. Asani, drejtor i Institutit të hifzit pranë Muftinisë së Gostivarit, ndërsa moderimin e ceremonisë së hatmes e udhëhoqi H. Harbin ef. Osmani, referent për anëtarësi në Muftininë e Gostivarit

Në shenjë falënderimi, imamëve dhe këshillit të xhamisë ju ndanë mirënjohje.

Në fund të programit, u bë shpërndarja e diplomave nga ana e Muftiut, me të cilat u dekoruan nxënësit/et e kësaj xhamie dhe më gjerë, që bënë hatme në këtë solemnitet, e që numri i tyre ishte 44 nxënës.

11/05/2026

10/05/2026

TAKIM KOORDINUES DHE INFORMATIV ME NIJETLINJTË PËR HAXH NGA MUFTINIA E BFI-GOSTIVAR

Sot, më datë 10.05.2026 (e diel), Muftinia e BFI-Gostivar, organizoi një miniseminar në lidhje me njoftimin e kandidatëve të rinj për kryerjen e Haxhit të vitit 2026\1447 h. Në këtë takim morrën pjesë kreu më i lartë i Bashkësisë Fetare Islame të RMV, Reisul Ulema H. Hfz. Shaqir ef. Fetahu i shoqëruar nga Muftiu, H. Sabahudin ef. Zendeli, Dekani i FSHI, Prof. Dr. Abdulxhemil ef. Nesimi, koordinatori i SHAM Medreseja ISA BEU-Paralelja e Vajzave, Prof. Afrim ef. Alija, administrata e Muftinisë, hoxhallarët udhëheqës nga territori i Gostivarit, mjekët për në Haxh si dhe nijetlinjtë për haxh.

Programin nën udhëheqjen e referentëve H. Mallzim ef. Zendeli dhe Mr. Elyesa ef. Asani, e filloi me leximin e Kuranit Famëlartë, Ali ef. Selimi-udhëheqës i haxhit 2026/1447. Në këtë takim u bisedua rreth mënyrës së kryerjes së Haxhxhit, rregullave dhe dispozitave të tij.

Në vazhdim të këtij programi, fjalën e parë në cilësinë e nikoqirit me sqarime të posaçme, e kishte Muftiu i Muftinisë së BFI-Gostivar, H. Sabahudin ef. Zendeli, i cili këtë vit është zv. kryetar i Kryesisë së Haxhit në nivel qendror, ku tregoi mbi vlerën dhe rëndësinë e Haxhit, e mbi të gjitha për emocionet që i përshkojnë haxhinjtë e rinj nga këtu e më tej. Ai përmendi edhe ditët e qëndrimit në Mekke dhe Medine, kushtet e përgatitura atje, rëndësinë e veprimit efikas në haxh, durimin dhe mbi të gjitha koordinimin me udhëheqësit fetarë dhe mjekët.

Fjalën e rastit e mbajti Reisul Ulema i BFI, H. Hfz. Shaqir ef. Fetahu, i cili tha se ndjehet i kënaqur që me ftesë të Muftiut është para haxhinjve nga Gostivari me rrethinë.

Reisul Ulemaja potencoi angazhimin e tij dhe të kryesisë së haxhit, që edhe këtë vit haxhi të jetë më i përgatitur dhe i organizuar ngase në shtetet e Ballkanit, jemi rekord me numër haxhinjsh prej 2.020 në nivel të shtetit, kurse nga vet Ministri i Haxhit dhe autoritetet e Mbretësirë së Arabisë Saudite, kam marrë lëvdata për vitet e kaluara, e këtë vit jemi në pesë vendet e para nga 300 shtete, në nivel organizativ. Çdo gjë do të jetë sipas planifikimit inshallah, duke shpresuar te i Madhi Zot, me haxh të pranuar", tha më tej Reisul Ulema, duke uruar të gjithë nijetlinjtë.

Më pas, fjalë pati edhe mjeku Dr. Besim Memedi, i cili dha rekomandimet mjekësore për të gjithë nijetlinjtë.

Në fund, u bë duaja e përgjithshme nga Prof. Dr. Abdulxhemil ef. Nesimi-Dekan i Fakultetit të Shkencave Islame në Shkup.

Pas kafjallit, u ndanë ihramet, librat, çantat, shamitë dhe bexhat për çdo një kandidat për haxh, nën përkujdesin e referentëve të Muftinisë së BFI-Gostivar.

09/05/2026

08/05/2026

Sot në selinë e Muftinisë së BFI-Gostivar, qëndroi një delegacion i lartë nga Ministria e Kulturës-Qendra për Konservim në Gostivar.

Muftiu H. Sabahudin ef. Zendeli i shoqëruar nga stafi i tij, në bisedë e sipër dëgjoi me vëmendje prezantimin e projektit "Konservimi dhe restaurimi i plastikës së gurit në objektin e Medresesë së Vjetër në Gostivar".

Në këtë takim prezent ishin Drejtori i Qendrës për Konservim, z. Cvetko Novakoski, konservatoreja e Lartë Mariana Filova nga Stobi dhe konservatori nga Gostivari, Ylber Zulfiqari.

Muftiu falënderoi për këtë prezantim dhe këtë vizitë duke e lënë hapërsirën e konsultave dhe bisedave të mëtejshme.

---

Денес, во седиштето на Муфтиството на ИВЗ-Гостивар, престојуваше висока делегација од Министерството за култура – Центарот за конзервација во Гостивар.
Муфтијата на Гостивар, х. Сабаудин еф. Зендели, придружуван од своите соработници, со внимание ја проследи презентацијата на проектот „Конзервација и реставрација на камената пластика на објектот на Старата Медреса во Гостивар“.
На средбата присуствуваа директорот на Центарот за конзервација, г. Цветко Новакоски, вишата конзерваторка Маријана Филова од Стоби, како и конзерваторот од Гостивар, г. Илбер Зулфиќари.

Муфтијата се заблагодари за презентацијата и посетата, изразувајќи подготвеност за понатамошни консултации и разговори во насока на зачувување и унапредување на културното и верското наследство.

07/05/2026

INAUGUROHET XHAMIA "HAXHI MAHMUD BEJ" NË MANASTIR

Më 06.05.2026, në një atmosferë festive dhe nën udhëheqjen e Reisul Ulemasë së BFI-së, H. Hfz. Shaqir ef. Fetai, u bë inaugurimi solemn i xhamisë “Haxhi Mahmut Bej” në Manastir.

Në këtë ceremoni madhështore, me ftesë të Muftiut të Manastirit H. Amit ef. Rasimi, mori pjesë edhe delegacioni i Muftinisë së BFI – Gostivar - me në krye Muftiun H. Sabahudin ef. Zendeli dhe në përbërje të koordinatorit të Paraleles së Vajzave të “Medresesë Isa Beu” prof. Afrim ef. Alija dhe referentit H. Telat ef. Sadiku. Ky delegacion iu bashkua përfaqësuesve të lartë shtetërorë e fetarë nga vendi dhe Turqia.

Hapja u zyrtarizua nga Presidenti i Turqisë, z. Rexhep Tajip Erdogan, përmes një lidhjeje të drejtpërdrejtë, si pjesë e projektit të madh të vakufeve për mbrojtjen e monumenteve historike. Ky projekt paraqet një nga investimet më të rëndësishme për restaurimin e trashëgimisë islame në qytetin historik të Manastirit.

Restaurimi i realizuar nga Drejtoria e Përgjithshme e Vakëfeve të Turqisë i kthen komunitetit një qendër të rëndësishme shpirtërore.
Xhamia “Haxhi Mahmud Bej” do të vazhdojë të jetë vatër e ibadetit dhe ruajtjes së identitetit islam ndër breza, duke pasuruar mozaikun kulturor të rajonit.

___
TR

MANASTIR’DA "HACI MAHMUD BEY CAMİİ" İBADETE AÇILDI

06.05.2026 tarihinde, İslam Dini Birliği Reisü’l-Uleması H. Hfz. Şakir Ef. Fetai’nin riyasetinde, Manastır’daki "Hacı Mahmud Bey Camii"nin resmi açılış töreni büyük bir coşkuyla gerçekleştirildi.

Bu görkemli törene, Manastır Müftüsü H. Amit Ef. Rasimi'nin daveti üzerine, Gostivar Müftüsü H. Sabahudin Ef. Zendeli başkanlığında; "İsa Bey Medresesi" Gostivar Kız Şubesi Koordinatörü Prof. Afrim Ef. Alija ve H. Telat Ef. Sadiku'dan oluşan Gostivar Müftülüğü heyeti de katıldı. Bu heyet, yurt içinden ve Türkiye’den gelen üst düzey devlet ve din temsilcileriyle bir araya geldi.

Caminin resmi açılışı, Türkiye Cumhuriyeti Cumhurbaşkanı Sn. Recep Tayyip Erdoğan tarafından, tarihi eserlerin korunmasına yönelik büyük vakıf projeleri kapsamında canlı bağlantı yoluyla gerçekleştirildi.

Bu proje, tarihi Manastır şehrindeki İslam mirasının restorasyonu ve ihyası yolunda atılan en önemli adımlardan birini teşkil etmektedir.

Türkiye Cumhuriyeti Vakıflar Genel Müdürlüğü tarafından yürütülen restorasyon çalışmaları, bu önemli manevi merkezi topluma yeniden kazandırmıştır. "Hacı Mahmud Bey Camii", nesiller boyu ibadet ve İslami kimliğin korunması noktasında bir ocak olmaya devam ederek, bölgenin kültürel mozaiğini zenginleştirecektir.

07/05/2026

Në mënyrë të organizuar, po përmbyllet me sukses vaksinimi i udhëheqësve të Bashkësisë Fetare Islame nga Muftinia e Gostivarit, nën mbikëqyrjen dhe organizimin teknik të Muftinisë së BFI-Gostivar.

Falënderojmë përzemërsisht për besimin e dhënë, Muftiun e Gostivarit, H. Sabahudin ef. Zendeli dhe stafin e tij, ekipin mjekësor dhe disciplinën e treguar nga ana e të gjithë haxhinjve.

Vazhdojmë ...

03/05/2026

Shq. Tr.
NËNTË (9) TË RINJ PËRFUNDOJNË HATMEN NË MEKTEBIN E XHAMISË SË FSH. ZDUNJË

Sot më datë 03.05.2026 (e diel), në Xhaminë e fshatit Zdunjë, u realizua solemnitet fetar me rastin e përfundimit të hatmeve të Kur’anit Famëlartë nga një grup i të rinjve të mektebit që e ndjekin mësimbesimin fetar në këtë xhami, tek mualimi Mukrem ef. Rush*ti. Në këtë manifestim përpos xhematit, familjarëve dhe mysafirëve të shumtë, pjesëmarrës ishte një delegacion nga Muftinia e BFI - Gostivar, i udhëhequr nga Muftiu i Gostivarit, H. Sabahudin ef. Zendeli me bashkëpunëtorët e tij. Në fjalën e tij të rastit, Muftiu potencoi rolin e mektebit dhe zhvillimin e mësimbesimit islam në të. Ai mes tjerash tha se mektebet e xhamisë janë vendet ku më së miri zbatohen metodat më efikase ku mësohen bazat e Islamit dhe leximi i Kur'anit Famëlartë në detaje ashtu siç e parasheh planprogrami nëpër mektebet e xhamisë. E këtë në fazë në mosha të ndryshme, nga më i vogli deri te më i madhi, dëshmon kontributi i mualimit dhe hoxhës tonë, Mukrem ef. Rush*ti. Duanë e hatmeve e bëri H. Harbin ef. Osmani, moderimin e bëri Mr. Elyesa ef. Asani, kurse në namazin e drekës priu Hfz. Jusuf ef. Xheladini. Në shenjë falënderimi, imamit, muezinit dhe këshillit të xhamisë ju ndanë mirënjohje. Në fund të programit, u bë shpërndarja e diplomave nga ana e Muftiut dhe mualimit me të cilat u dekoruan këta të rinj, që bënë hatme në këtë solemnitet, e që numri i tyre ishte 9 persona.
----------------------------------------------------------------------
ZDUNYE CAMİİ MEKTEBİNDE 9 GENÇ KUR'AN-I KERİMİ HATMETTİ

Bugün 02.05.2026 (Pazar) Zdunye Camii mektebinde Mükrem ef. Ruşiti hocadan Kur'an okumayı öğrenen gençler hatim merasiminde diplomalarını aldılar.
Merasime cami cemaati ve köylüler dışında, İDB - Gostivar Müftüsü H. Sabahudin ef. Zendeli ve müftülük çalışanları katıldı.
Müftümüz yaptığı konuşmasında mekteplerin önemine ve temel dini bilgilerle Kur'an okumayı öğrenmede mekteplerin gerçek adres olduğunu vurguladı. Hatim duasını üyeliklerden sorumlu müftülük çalışanı H. Harbin ef. Osmani yaptı.
Son olarak talebelere diplomalar ve imam efendiye takdirname verildi.

02/05/2026

29/04/2026

Edhe sot në ditën e mërkurë, në mënyrë të organizuar, vazhdoi të realizohet me sukses vaksinimi i haxhinjve të Bashkësisë Fetare Islame nën mbikëqyrjen dhe organizimin teknik të Muftinisë së BFI-Gostivar. Falënderojmë përzemërsisht ekipin mjekësor dhe disciplinën e treguar nga ana e të gjithë nijetlinjëve.