Општина Гевгелија

Directions Website Contact the organization

Општина Гевгелија Општина Гевгелија брои: 22.988 жители.
Градоначалник: Андон Сарамандов Секој град има раѓање , постоење , име луѓе , пејсаж , симбол , сегашнина и иднина.

Секој народ го бележи својот пат низ летописот на поколенијата - да се создава светот од денес за во иднина и да ја печати опстојбата до вчера . Само така се негува вековната традиција , духот како огледало на културното живеење.
Ако може да се поттикне добриот патник намерник да го посети домот на гостопримството , тогаш тоа сигурно ќе го стори топлината на градот , градот на најјужната точка во Република Македонија , крај самата граница со Република Грција , градот на срдечноста - ГЕВГЕЛИЈА.
Топлиот дух на гевгеличани се уште ја памети легендата за еден дервиш кој дошол и не сакал да си оди од Гевгелија бидејќи многу му се допаѓало местото . Жителите не сакале да го примат и решиле насила да го прогонат . Резлутен од тоа , дервишот почнал луто да ги проколнува жителите кои се исплашиле и го повикале назад со зборовите гел - гери што значи ела назад . Иако легенда , гевгеличани не сакаат да ја прекршат заклетвата на предците - секогаш да бидат добродојдени оние што одлучуваат да ги задомат своите идеи во градот , оние што се подготвени за нови предизвици , за нови доживувања.
Старите хроники бележат дека Гевгелија како град почнала да се развива уште од средината на 19 ти век , кога населението од овие краеви ја почуствувало потребата да создава современа населба која ќе им пркоси на минувачите - трговци и ќе биде домаќин на нивните патувања кон Блискиот Исток со многубројни анови . Во тој временски период , реката Вардар иако пловна , не можела да го задоволи транспортот на стоки , па во 1873 година доаѓа до изградба на железничката линија Солун - Скопје.
Вистински градски лик Гевгелија добива во 1886 година , кога во административно - управен поглед станала средиште на посебна каза - Гевгелиска.
Од овој временски период многу земјоделски производи успевале тука , благодарејќи на поволната клима и плодното земјиште и се извезувале преку солунското пристаниште . Меѓутоа стопанскиот развој на Гевгелија се претпочита во периодот од 1860 до 1912 година кога се развило мануфактурното и индустриското производство , а градот познат и како град - од станица до граница - ќе биде уште попознат со многубројните занаетчиски дуќани : чевларски , коларски , столарски , самарџиски , кројачки.
Некогаш Гевгелија бил град на незаборавните серенади , денес Гевгелија град на сонцето , град на топлината и на гостопримството, градот на смоквата и калинката, модерен град со развиена преработувачка индустрија, лесни индустриски погони, и три хотели со пет звездички, Фламинго, Принцес и Аполонија.

ПРИЕМ КАЈ ГРАДОНАЧАЛНИКОТ САРАМАНДОВ ПО ПЛАСМАНОТ НА ШК „7 НОЕМВРИ“- ГЕВГЕЛИЈА ВО ПРВАТА ШАХОВСКА ЛИГАШаховскиот клуб „7...
24/08/2026

ПРИЕМ КАЈ ГРАДОНАЧАЛНИКОТ САРАМАНДОВ ПО ПЛАСМАНОТ НА ШК „7 НОЕМВРИ“- ГЕВГЕЛИЈА ВО ПРВАТА ШАХОВСКА ЛИГА

Шаховскиот клуб „7 Ноември“ од Гевгелија обезбеди пласман во Првата шаховска лига, откако го освои првото место на Екипното првенство во Втората лига- мажи, одржано во Струмица. Со овој резултат, гевгелискиот клуб за првпат ќе биде дел од највисокиот ранг на екипното шаховско натпреварување во земјата.
По повод постигнатиот успех, градоначалникот на oпштина Гевгелија, Андон Сарамандов, оствари прием со претставницитe на ШК „Ноември“, при што им честиташе за постигнатите резултати и за успешното претставување на Гевгелија.
На средбата беше разговарано и за активностите на Клубот во изминатиот период, во кој неговите членови настапуваа на повеќе домашни и меѓународни рапид и стандард турнири, постигнувајќи добри резултати и освојувајќи нови рејтинг-поени.
Особено внимание беше посветено на резултатите на младите шахисти, кои со своите настапи се наметнуваат како значаен потенцијал за иднината на Клубот. Имено, Коста Попристовски во категоријата У14 освои повеќе турнири, со пласмани на првото место, додека Кристијан Кавазов во категоријата У16 ја освои титулата младински првак и со своите резултати обезбеди учество на Светското првенство во Италија, каде продолжи со освојување нови рејтинг-поени.
- Честитки до сите шахисти, тренери и членови на Клубот за постигнатите резултати и успешното претставување на Гевгелија. Ваквите успеси покрај Клубот, го афирмираат и нашиот град. Ме радува тоа што посебно се издвојуваат успесите на младите шахисти. Нашата постојана заложба е создавање услови и вложување во развојот на младите и спортот- истакна градоначалникот Сарамандов.
Пласманот во Првата лига е значаен резултат за ШК „7 Ноември“, но и потврда на континуираната работа на клубот со шахистите од различни возрасни категории. Воедно, резултатите на младите членови покажуваат дека покрај сениорскиот состав, Клубот посветено работи и на создавање нови генерации шахисти кои во иднина ќе го претставуваат гевгелискиот шах на домашните и меѓународните натпревари.

ЧЕТВРТИОТ ТРЕТМАН ПРОТИВ ВОЗРАСНИ КОМАРЦИ ВО ОПШТИНА ГЕВГЕЛИЈА НА 26 АВГУСТОпштина Гевгелија ја известува јавноста дека ...
24/08/2026

ЧЕТВРТИОТ ТРЕТМАН ПРОТИВ ВОЗРАСНИ КОМАРЦИ ВО ОПШТИНА ГЕВГЕЛИЈА НА 26 АВГУСТ

Општина Гевгелија ја известува јавноста дека на 26 август 2026 година (среда), во вечерните часови, ќе го спроведе четвртото теристичко прскање против комарци на целото подрачје на општината.
Во врска со реализацијата на акцијата, Општина Гевгелија ги упатува следните апели и известувања: иако средството што ќе се користи за дезинсекција е безбедно за здравјето на луѓето, граѓаните за време на спроведувањето на прскањето да избегнуваат непотребно движење и престој на отворено во зоните каде што се врши третирањето.
Пчеларите навремено да ги преземат сите неопходни заштитни мерки за затворање и обезбедување на пчелните семејства и пчеларниците пред и за време на третманот.
Доколку временските услови бидат непогодни (дожд или силен ветер), дезинсекцијата ќе биде одложена, а за новиот термин граѓаните ќе бидат дополнително известени.

24/08/2026

Објава бр. 03/2026 за отуѓување на градежно земјиште сопственост на Република Северна Македонија по пат на електронско јавно наддавање во Општина Гевгелија август 20, 2...

НОВИ ИНВЕСТИЦИСКИ ВЛОЖУВАЊА ЗА РЕАЛИЗАЦИЈА НА НАСТАВАТА ВО ООУ „КРСТЕ МИСИРКОВ“- ГЕВГЕЛИЈАПред почетокот на новата учебн...
21/08/2026

НОВИ ИНВЕСТИЦИСКИ ВЛОЖУВАЊА ЗА РЕАЛИЗАЦИЈА НА НАСТАВАТА ВО ООУ „КРСТЕ МИСИРКОВ“- ГЕВГЕЛИЈА

Пред почетокот на новата учебна година, во ООУ „Крсте Мисирков“- Гевгелија се реализираат повеќе инвестициски вложувања насочени кон подобрување на условите за одвивање на наставата и создавање посовремена и попријатна средина за учениците и наставниот кадар. Во рамки на вложувањата, набавени и монтирани се 23 нови клима-инвертер единици, со кои е опремена секоја училница, со цел да се обезбедат подобри услови за престој и реализација на наставата во текот на целата година.
Дополнително, набавени се 6 нови смарт мултифункционални табли, кои ќе придонесат за современа и поквалитетна реализација на наставниот процес. Во моментот се одвиваат и молерофарбарски работи и прскање на целото училиште, со што се освежуваат и уредуваат училишните простории пред почетокот на учебната година.
Реализираните активности ги посети и градоначалникот на oпштина Гевгелија, Андон Сарамандов, кој заедно со директорот Ѓорге Стамков, на лице место се запозна со текот на работите и вложувањата во Училиштето.
- Продолжуваме со вложувања во образованието и создавање подобри услови за нашите деца. Секое дете заслужува современа и пријатна средина за учење- истакна градоначалникот Сарамандов.
Со овие вложувања се создаваат подобри услови за реализација на наставата и секојдневниот престој на учениците, како дел од континуираните активности за унапредување на образовната инфраструктура во општина Гевгелија.

ПРОДОЛЖУВААТ ТЕРЕНСКИТЕ ПАТРОЛИ ЗА ПРЕВЕНЦИЈА ОД ПОЖАРИ ВО ШУМСКИТЕ И ЗЕЛЕНИТЕ ПОВРШИНИВо рамки на активностите за преве...
21/08/2026

ПРОДОЛЖУВААТ ТЕРЕНСКИТЕ ПАТРОЛИ ЗА ПРЕВЕНЦИЈА ОД ПОЖАРИ ВО ШУМСКИТЕ И ЗЕЛЕНИТЕ ПОВРШИНИ

Во рамки на активностите за превенција и заштита од пожари во летниот период, Координативното тело за заштита и превенција од пожари на Општина Гевгелија продолжува со реализација на теренските патроли на критични и ризични подрачја, шумски површини и зелени појаси на подрачјето на општината.
Теренските патроли се спроведуваат согласно утврдената динамика, со цел континуирано следење на состојбата на терен, навремено идентификување на потенцијалните ризици и превентивно делување во услови на зголемена опасност од пожари.
Во текот на патролите, претставниците на Координативното тело вршат обиколка и мониторинг на шумските и зелените површини, при што се евидентира и движењето и присуството на граѓани на овие подрачја, со посебно внимание на евентуални активности кои би можеле да предизвикаат пожар. Се следи и состојбата со сувата вегетација, можните жаришта и други потенцијални опасности.
Активностите ќе продолжат и во наредниот период, со цел континуирано присуство на терен, навремено воочување на ризиците и преземање превентивни мерки за заштита на шумските и зелените површини, населението и имотот во текот на летната сезона.

НА 24 АВГУСТ, 14. СЕДНИЦА НА СОВЕТОТ НА ОПШТИНА ГЕВГЕЛИЈАСоветот на Општина Гевгелија ќе ја одржи својата 14. седница на...
18/08/2026

НА 24 АВГУСТ, 14. СЕДНИЦА НА СОВЕТОТ НА ОПШТИНА ГЕВГЕЛИЈА

Советот на Општина Гевгелија ќе ја одржи својата 14. седница на 24 август 2026 година. Седницата ќе се одржи во Малата сала на Народниот театар- Гевгелија, со почеток во 10:30 часот. На седницата ќе бидат разгледани 36 точки од повеќе области од значење за функционирањето и развојот на општината- од областа на буџетот, урбанизмот, образованието, културата, како и работата на општинските јавни установи и претпријатија. За работа на претстојната седница е предвиден следниот дневен ред:

1. Предлог-Заклучок за усвојување на Кварталниот извештај за извршување на Буџетот на Општина Гевгелија за 2026 година (период 01.01.2026 - 30.06.2026 година),
2. Предлог-Одлука за давање согласност на Годишниот план за вработување во Општина Гевгелија за 2027 година,
3. Предлог-Одлука за давање позитивно мислење за прогласување на Споменичката целина „Вардарски рид- Гортинија“, Гевгелија, за културно наследство од особено значење,
4. Предлог-Заклучок за усвојување на Елаборатот за процена на штета од природна непогода- невреме проследено со дожд и град што ги зафати населените места Гевгелија, Ново Конско, Кованец, Прдејци и Негорци на ден 30.06.2026 година и 01.07.2026 година,
5. Предлог-Одлука за прифаќање на донација на фотоволтаична централа и систем за заштита од пад при работа на висина за Спортската сала ДТВ „Партизан“- Гевгелија,
6. Предлог-Одлука за измена на Одлуката за прифаќање на донацијата од „ЛИДЛ СЕВЕРНА МАКЕДОНИЈА“ ДООЕЛ- Скопје,
7. Предлог-Одлука за прифаќање на предлогот за воспоставување меѓуопштинска соработка на Општина Дојран со Општина Гевгелија,
8. Предлог-Одлука за продолжување на работното време на угостителски објект во Општина Гевгелија,
9. Предлог-Одлука за утврдување на Нацрт-план Измена и дополнување на ГУП за град Гевгелија (Блок 15) и донесување на ДУП за Блок 15.12, Блок 15.13 и Блок 15.16 во обединета постапка, Општина Гевгелија,
10. Предлог-Одлука за донесување на Измена и дополнување на Блок 19 од Урбанистички план за село Прдејци, Општина Гевгелија, плански период 2025-2035 година,
11. Предлог-Одлука за прифаќање на Иницијатива за изработка на Изменување и дополнување на Блок 3 од УПС Прдејци, Општина Гевгелија,
12. Предлог-Одлука за измена и дополнување на Програмата за изработка на урбанистички планови во Општина Гевгелија за 2026 година,
13. Предлог-Одлука за прифаќање на Иницијатива за изработка на Урбанистички проект вон опфат на урбанистички план за формирање на градежна парцела со намена А1.5- станбени куќи во состав на стопански двор на КП 1335 КО Мрзенци, Општина Гевгелија,
14. Предлог-Одлука за прифаќање на Иницијатива за изработка на Урбанистички проект вон опфат на Урбанистички план: новопланиран СН 10(20)kV подземен кабелски вод од кабелска спојница до новопланирана трафостаница КБТС 10(20)/0,4kV на КП 3705 во КО Богородица, Општина Гевгелија,
15. Предлог-Одлука за прифаќање на Иницијатива за изработка на Урбанистички проект вон опфат на урбанистички план за инфраструктура со намена Е1.8- водови за пренос на електрична енергија- подземен приклучок СН 10(20)kV вод за потребите на фотонапонски панели за производство на електрична енергија, КО Мрзенци, Општина Гевгелија,
16. Предлог-Одлука за донесување на план за парцелација од Урбанистички проект со план за парцелација за промена на граници и поделба на ГП бр. 9.1.96 од ДУП за Блок 9 (9.1 и 9.2), со намена А1.2- семејни куќи со споен ѕид на меѓа- двокуќи, КО Гевгелија, Општина Гевгелија,
17. Предлог-Решение за усвојување на Годишниот извештај за работата на ООУ „Владо Кантарџиев“- Гевгелија за учебната 2025/2026 година,
18. Предлог-Решение за усвојување на Годишната програма за работа на ООУ „Владо Кантарџиев“- Гевгелија за учебната 2026/2027 година,
19. Предлог-Решение за давање мислење на Годишната програма за екскурзии, излети и вонучилишни активности на ООУ „Владо Кантарџиев“- Гевгелија за учебната 2026/2027 година,
20. Предлог-Решение за усвојување на Годишниот извештај за работата на ООУ „Крсте Мисирков“- Гевгелија за учебната 2025/2026 година,
21. Предлог-Решение за усвојување на Годишната програма на ООУ „Крсте Мисирков“- Гевгелија за учебната 2026/2027 година,
22. Предлог-Решение за давање мислење на Годишната програма за ученички екскурзии и други слободни активности на ООУ „Крсте Мисирков“- Гевгелија за учебната 2026/2027 година,
23. Предлог-Решение за усвојување на Годишниот извештај за работата и постигнатите резултати на ООУ „Ристо Шуклев“- Негорци за учебната 2025/2026 година,
24. Предлог-Решение за усвојување на Годишната програма за работа на ООУ „Ристо Шуклев“- Негорци за учебната 2026/2027 година,
25. Предлог-Решение за усвојување на Годишниот извештај за работата, успехот и постигнатите резултати на ООУ „Климент Охридски“- Миравци за учебната 2025/2026 година,
26. Предлог-Решение за усвојување на Годишната програма за работа на ООУ „Климент Охридски“- Миравци за учебната 2026/2027 година,
27. Предлог-Решение за давање согласност за формирање комбинирани паралелки и паралелки со помал број ученици во основните училишта од Општина Гевгелија за учебната 2026/2027 година,
28. Предлог-Решение за усвојување на Годишниот извештај за работата на ООМУ „Васо Карајанов“- Гевгелија за учебната 2025/2026 година,
29. Предлог-Решение за усвојување на Годишната програма за работа на ООМУ „Васо Карајанов“- Гевгелија за учебната 2026/2027 година,
30. Предлог-Решение за давање согласност на Годишниот план за вработување на ЈОУ Дом на култура „Македонија“- Гевгелија за 2027 година,
31. Предлог-Решение за усвојување на Годишниот извештај за работата на ЈОУДГ „Детска радост“- Гевгелија за учебната 2025/2026 година,
32. Предлог-Решение за усвојување на Годишната програма за работа на ЈОУДГ „Детска радост“- Гевгелија за учебната 2026/2027 година,
33. Предлог-Решение за давање согласност за зголемување/намалување на бројот на деца во групите на ЈОУДГ „Детска радост“- Гевгелија за 2026/2027 година,
34. Предлог-Решение за давање согласност на работното време во ЈОУДГ „Детска радост“- Гевгелија,
35. Предлог-Решение за давање согласност на Годишниот план за вработување на ЈОУДГ „Детска радост“- Гевгелија за 2027 година,
36. Предлог-Решение за давање согласност на Годишниот план за вработување на ЈПКД „Комуналец“- Гевгелија за 2027 година.

ГЕВГЕЛИЈА ГО ЗАТВОРИ ЕВРОПСКОТО КОШАРКАРСКО ЛЕТО СО ГОЛЕМО ФИНАЛЕ НА FIBA U16 EUROBASKET 2026Со спектакуларен финален на...
18/08/2026

ГЕВГЕЛИЈА ГО ЗАТВОРИ ЕВРОПСКОТО КОШАРКАРСКО ЛЕТО СО ГОЛЕМО ФИНАЛЕ НА FIBA U16 EUROBASKET 2026

Со спектакуларен финален натпревар, полна трибина и атмосфера за паметење, во Гевгелија изминатиов викенд официјално заврши FIBA U16 EuroBasket 2026 – Division B. Шампионатот, кој се одржуваше од 6 до 15 август 2026 година, паралелно ги обедини домаќините Скопје и Гевгелија, ставајќи круна на денови исполнети со врвна младинска кошарка, силни спортски емоции и интензивно дружење меѓу репрезентациите, стручните штабови и љубителите на кошарката од цела Европа.
Со ова се стави завршна точка на 12 дена исполнети со врвна младинска кошарка, силни спортски емоции и интензивно дружење меѓу репрезентациите, стручните штабови и бројните љубители на кошарката од Македонија и ширум Европа. Гевгелија беше вистинското срце на европската младинска кошарка, а спортската сала „26 Април“ функционираше како епицентар каде што се решаваше судбината на овој шампионат.
Финалниот дуел понуди драма каква што само кошарката може да понуди. Во самите последни секунди од натпреварот, репрезентацијата на Хрватска успеа да извојува триумф над репрезентацијата на Исланд, благодарение на погодената тројка на Лука Лени Укиќ во решавачките моменти. Со тој кош се стави круна на едно исклучително возбудливо првенство кое ги донесе најперспектините млади европски кошаркари на едно место.
На свечената церемонија за доделување на медалите и признанијата, градоначалникот на oпштина Гевгелија, Андон Сарамандов, лично им ги врачи признанијата на најуспешните тимови, со што Општина Гевгелија и официјално го заокружи своето успешно домаќинство. По завршувањето на церемонијата, Сарамандов се осврна на значењето на овој голем настан за општината.
- За нас како град ова првенство беше уште една можност да покажеме дека Гевгелија е гостопримлив град, град со услови за организација на големи меѓународни настани, верувам дека и овојпат ја оправдавме довербата. Бевме во центарот на европската кошарка, а нашата спортска сала, градот и нашите сограѓани имаа можност да бидат дел од една прекрасна спортска приказна- истакна градоначалникот Сарамандов.
Првиот човек на општината упати јавна благодарност до ФИБА Европа и Кошаркарската федерација на Македонија за доделената доверба, како и до сите поединци, институции и волонтери кои неуморно работеа зад сцената за секој сегмент од организацијата да помине во најдобар ред.
- Голема благодарност до ФИБА Европа и Кошаркарската федерација на Македонија, за укажаната чест, нашиот град да биде дел од ова европско натпреварување. Благодарност и до сите вклучени во организацијата на натпреварите, волонтери, институции и луѓе кои дадоа свој придонес во успешната организација на првенството- додаде тој.
По посебната истакната благодарност до локалното население, Сарамандов подвлече дека публиката била клучниот фактор за топлата и спортска атмосфера.
- И секако до граѓаните на Гевгелија кои со својата поддршка, присуство и гостопримливост уште еднаш покажаа дека нашиот град знае да биде вистински домаќин- порача тој.
Ова првенство не само што на спортската публика ѝ понуди квалитетни натпревари туку уште еднаш ја позиционираше Гевгелија на меѓународната спортска мапа, потврдувајќи ја стратешка определба на локалната самоуправа за развој и поддршка на спортот.
Со последниот звук на сирената и свеченото доделување на медалите, заврши оваа 12-дневна кошаркарска приказна во Гевгелија која, како што заклучи Градоначалникот- ќе остане запаметен како дел од спортската историја на нашиот град.

🏀 Денес ПОЛУФИНАЛНИ НАТПРЕВАРИ од FIBA U16 EuroBasket – Division B во Гевгелија!Денес продолжуваат возбудувањата со 6 на...
14/08/2026

🏀 Денес ПОЛУФИНАЛНИ НАТПРЕВАРИ од FIBA U16 EuroBasket – Division B во Гевгелија!

Денес продолжуваат возбудувањата со 6 натпревари во двете спортски сали, а вечерта нè очекуваат и двата полуфинални натпревари! 🔥

📍 Спортска сала „26 Април“

🏆 ПОЛУФИНАЛЕ
18:30 🇮🇸 Исланд – Босна и Херцеговина 🇧🇦

21:00 🇭🇷 Хрватска – Естонија 🇪🇪

🔥 Четири репрезентации вечерва ќе се борат за две места во големото финале!

Повелете на трибините и бидете дел од претпоследниот ден на Европското првенство во Гевгелија! 🏀

СРЕДБА НА ГРАДОНАЧАЛНИКОТ САРАМАНДОВ СО ПОСТОЈАНИОТ КООРДИНАТОР НА ООН ВО МАКЕДОНИЈА, РИТА КОЛУМБИЈА, ЗА МЛАДИНСКИОТ АКТ...
14/08/2026

СРЕДБА НА ГРАДОНАЧАЛНИКОТ САРАМАНДОВ СО ПОСТОЈАНИОТ КООРДИНАТОР НА ООН ВО МАКЕДОНИЈА, РИТА КОЛУМБИЈА, ЗА МЛАДИНСКИОТ АКТИВИЗАМ

Градоначалникот на општина Гевгелија, Андон Сарамандов, оствари средба со постојаниот координатор на ООН во Македонија, Рита Колумбија, и нејзиниот тим, на која беа разменети искуства и разговарано за можностите за унапредување на соработката во областите од интерес за локалната заедница.
Во фокусот на разговорите беа младите и нивното активно вклучување во процесите и активностите во заедницата, како и создавањето услови во кои младите ќе можат да ги изразат своите идеи, да предлагаат решенија и активно да придонесуваат за локалниот развој.
Посебен акцент беше ставен на младинскиот волонтеризам и активизам, како важни механизми за поттикнување на младите да преземаат иницијатива, одговорност и активно да се вклучуваат во развојот на својата заедница.
- Потребно е обезбедување подобри услови, стимулативни мерки и активности преку кои младите ќе имаат можност активно да учествуваат, да креираат решенија и да придонесуваат за развојот на својата заедница. Особено внимание посветивме на поттикнувањето на младинскиот волонтеризам и активизам, како важен дел од создавањето активна и одговорна локална заедница Младите заслужуваат можности преку кои ќе стекнуваат искуство, ќе преземаат одговорност и активно ќе придонесуваат во својата заедница- истакна градоначалникот Сарамандов.
Средбата со постојаниот координатор на ООН претставуваше можност за размена на искуства и согледување на можностите за понатамошна соработка во насока на создавање поголеми можности за младите и нивно посилно учество во животот на локалната заедница.

ХОРХЕ ГАРБАХОСА ВО ГЕВГЕЛИЈА НА ЕВРОПСКОТО ПРВЕНСТВО ЗА КОШАРКАРИ ДО 16 ГОДИНИГевгелија беше во центарот на вниманието н...
14/08/2026

ХОРХЕ ГАРБАХОСА ВО ГЕВГЕЛИЈА НА ЕВРОПСКОТО ПРВЕНСТВО ЗА КОШАРКАРИ ДО 16 ГОДИНИ

Гевгелија беше во центарот на вниманието на европската кошаркарска јавност со посетата на претседателот на ФИБА Европа, Хорхе Гарбахоса, едно од најпознатите имиња во европската и светската кошарка. Во рамките на престојот во градот, Гарбахоса го пречека градоначалникот на oпштина Гевгелија, Андон Сарамандов, реализирајќи средба, на која присуствуваа и претседателот на Кошаркарската федерација на Македонија, Томица Главчев, како и претставници на Федерацијата.
Посетата се реализира во периодот кога во Гевгелија се одржува Европското првенство за кошаркари до 16 години- Дивизија Б, со што градот е дел од организацијата на значаен европски младински кошаркарски настан. Натпреварите во Гевгелија се одржуваат во спортската сала „26 Април“, каде што љубителите на кошарката имаат можност да ги следат настапите на младите репрезентации.
На средбата во Општина Гевгелија, градоначалникот Сарамандов изрази благодарност до претседателот на ФИБА Европа за довербата Гевгелија да биде дел од организацијата на Европското првенство, истакнувајќи дека ваквите спортски случувања се значајна можност за промоција на градот:
- Како градоначалник на Гевгелија, благодарам за укажаната доверба Европското првенство да се одржува во нашиот град. За нас ова е можност да покажеме дека знаеме да бидеме успешни организатори и добри домаќини.
Во рамките на посетата, во спортската сала „26 Април“, Сарамандов и Гарбахоса заедно го проследија натпреварот меѓу Македонија и Украина, во рамките на Европското првенство. Во знак на гостопримството и почитта, градоначалникот Сарамандов му врачи на Гарбахоса дрес од гевгелискиот Kошаркарски клуб „Кожув“, како симболичен подарок и спомен од неговата посета на Гевгелија.
- Горди сме што Гевгелија е домаќин на едно вакво големо европско спортско случување. Верувам дека со нашето гостопримство и условите што ги нуди градот, уште еднаш покажавме дека Гевгелија знае да организира големи настани- посочи Сарамандов.
Европското првенство за кошаркари до 16 години донесе дополнителна спортска динамика во Гевгелија, со натпревари кои го исполнуваат градот со младинска кошарка и спортски дух. Посетата на претседателот на ФИБА Европа дополнително го збогати настанот и ја истакна важноста на Гевгелија како град кој активно придонесува во организацијата на значајни спортски случувања.

Address

Димитар Влахов бр. 4
Gevgelija
1480

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Alerts

Be the first to know and let us send you an email when Општина Гевгелија posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Општина Гевгелија:

Shortcuts

Share