Здружение за развој - Млади за јавен интерес

18/11/2025

🏗️ Предлог мерка: Донесување урбанистички план за село Долно Косоврасти

Здружението „МЛАДИ ЗА ЈАВЕН ИНТЕРЕС” Дебар предлага Општина Дебар да отпочне постапка за изработка и донесување на урбанистички план за село Долно Косоврасти.

Овој чекор е неопходен за:
📍 спречување на понатамошна узурпација на јавни и приватни простори,
🚧 спречување на дивоградби,
🏘️ создавање уредна просторна организација и инфраструктура,
🌱 како и подобрување на животната средина и јавната безбедност.

Со усвојување на урбанистички план, Општината ќе воспостави јасни правила и насоки за користење на просторот, што ќе овозможи:
✅ правична и законска употреба на земјиштето,
✅ подобри услови за идни инвестициски активности,
✅ и поефикасно управување со локалниот развој.

Веруваме дека оваа мерка ќе придонесе за уреден, безбеден и одржлив развој на селото Долно Косоврасти, како позитивен пример за другите рурални средини. 🌿

#Дебар #МладиЗаЈавенИнтерес #ДолноКосоврасти #Урбанизам #ЛокаленРазвој #ОпштинаДебар #ЖивотнаСредина #јавенинтерес

17/11/2025

💰 Предлог мерка: Подобрување на приходната страна на буџетот на Општина Дебар

Здружението „МЛАДИ ЗА ЈАВЕН ИНТЕРЕС” Дебар препознава реален потенцијал за зголемување на приходите на Општина Дебар Komuna Dibër - Municipality of Debar - Општина Дебар преку подобра организација и ефикасна наплата на постојните давачки.

🔹 Со поефикасен систем за прибирање на сопствени приходи, општината може да ја зајакне својата финансиска стабилност и да овозможи подобри јавни услуги за сите граѓани.

📊 Предлагаме:

-Ефикасно спроведување на таксите за користење на јавни површини (тераси, тезги, штандови итн.);

-Подобра наплата на данокот на имот;

-Воспоставување детална евиденција и контрола на сите правни и физички субјекти кои вршат дејност во општината;

-Подобрување на евиденцијата во ЈКП „Стандард“ – Дебар, за да се осигура дека сите корисници навремено ги подмируваат своите обврски.

Со ваков пристап, Општината ќе може поодговорно да управува со јавните пари, да ја зајакне довербата на граѓаните и да создаде услови за нови локални развојни проекти. 💼

#Дебар #МладиЗаЈавенИнтерес #Буџет #Транспарентност #ЈавниФинансии #ОпштинаДебар #ЈавенИнтерес #финансискастабилност

16/11/2025

🚍 Поддршка за младите од руралните средини!

Здружението „МЛАДИ ЗА ЈАВЕН ИНТЕРЕС” Дебар предлага Општина Дебар Komuna Dibër - Municipality of Debar - Општина Дебар да воведе мерка за олеснување на пристапот на младите од руралните средини до спортски и културни активности. 🌿

Многу млади од селата на територијата на општината се соочуваат со потешкотии да учествуваат во активности што се одржуваат во градот, поради недостиг на превоз или високи трошоци.

📌 Затоа предлагаме:

-Организирање редовен превоз за младите кои редовно посетуваат спортски или културни активности;

-Во случаи кога бројот на учесници е мал – субвенционирање на патните трошоци.

Мерката би се спроведувала според праг на заинтересираност, со цел рационално користење на буџетските средства.

Со оваа иницијатива сакаме да се создадат еднакви можности за сите млади, без разлика дали живеат во градот или во рурална средина. 💪

#Дебар #МладиЗаЈавенИнтерес #РураленРазвој #Млади #ЈавенИнтерес #ОпштинаДебар #Спорт #култура

15/11/2025

🗣️ Предлог мерка: Курс по албански јазик за млади и возрасни

Здружението „МЛАДИ ЗА ЈАВЕН ИНТЕРЕС“ Дебар предлага Општина Дебар Komuna Dibër - Municipality of Debar - Општина Дебар да иницира и поддржи курс по албански јазик наменет за сите млади и возрасни граѓани кои сакаат да го научат јазикот и да придонесат за подобро меѓусебно разбирање во нашата мултиетничка заедница. 🌍

📘 Курсот би се реализирал:

-со ангажирање стручно лице од областа на јазикот и едукацијата (со хонорарен ангажман, без постојано вработување);

-само доколку има доволна заинтересираност, односно доволен број пријавени учесници.

Веруваме дека оваа активност ќе има важна општествена и интегративна улога, ќе го поттикне соживотот и толеранцијата и ќе создаде нови можности за подобра комуникација меѓу граѓаните. 🤝

#Дебар #МладиЗаЈавенИнтерес #ЈазичнаКултура #Соживот #Образование #ОпштинаДебар #толеранција

15/11/2025

Почитувани,

Во оваа прилика, со задоволство Ви ја споделуваме можноста младите во нашата земја да станат членови на Сојузот на Средношколци на Република Северна Македонија, претставничко тело кое ги обединува сите средношколци и се залага за нивните права и интереси.
Линк за аплицирање:

Сојузот на Средношколци на Република Северна Македонија ги повикува сите средношколци од прва, втора и трета година да аплицираат за да станат членови на Сојузот. W...

14/11/2025

🎓 Поддршка за студентите од социјално ранливи категории!

Здружението „МЛАДИ ЗА ЈАВЕН ИНТЕРЕС Дебар“ подготви уште една конкретна иницијатива во пресрет на донесувањето на буџетот на Општина Дебар Komuna Dibër - Municipality of Debar - Општина Дебар —
👉 воведување на субвенциониран превоз за студенти од социјално загрозени семејства.

Со оваа мерка би се помогнало на студентите кои секојдневно се соочуваат со финансиски предизвици да продолжат со своето образование без дополнителен товар.

📌 Предлогот предвидува:

Годишен буџет наменет за поддршка на околу 100 студенти;

Две бесплатни карти месечно со просечна цена од 650 денари;

Годишна вредност на мерката: околу 1.170.000 денари.

За да се обезбеди транспарентност и фер селекција, предлагаме во комисијата за избор да биде вклучен и претставник од невладиниот сектор, како што е нашето здружение.

Веруваме дека со оваа мерка ќе се олесни пристапот до високото образование и ќе се даде реална поддршка на младите од семејства со ниски примања. 💪

#Дебар #МладиЗаЈавенИнтерес #Студенти #ЈавенИнтерес #ПоддршкаЗаМладите #ОпштинаДебар #образование

13/11/2025

📢 Здружение за развој„МЛАДИ ЗА ЈАВЕН ИНТЕРЕС“ Дебар со предлог мерки за поголема транспарентност и ефикасност во работата на Општина Дебар

Како здружение кое активно ја следи работата на локалната самоуправа и ги застапува интересите на граѓаните, во пресрет на донесувањето на буџетот на Општина Дебар Komuna Dibër - Municipality of Debar - Општина Дебар , подготвивме неколку предлог мерки и иницијативи насочени кон:
✅ зголемување на транспарентноста,
✅ подобрување на јавните услуги,
✅ поддршка на младите,
✅ рационално користење на буџетските средства.

Првата предлог-мерка се однесува на зголемување на транспарентноста на работата на Советот на Општина Дебар, преку:
🎥 воведување на директен пренос на седниците или
📺 објавување на целосните снимки по нивното завршување.

Со тоа, граѓаните, здруженијата и бизнис секторот ќе можат полесно и поефикасно да ја следат работата на своите избраници.
Според нашите информации, Општината веќе располага со техничка опрема за реализација на оваа мерка, која досега не била искористена.

Сметаме дека јавноста има легитимно право да ја следи и оценува работата на Советот, а оваа мерка е чекор напред кон отворена и одговорна локална самоуправа.

#Дебар #Транспарентност #ЈавенИнтерес #МладиЗаЈавенИнтерес #ГраѓанскоОпштество #општинадебар

18/09/2025

По наше барање, денес службите на Општина Дебар ги поправија дел од нефункционалните улични светилки во Долно Косоврасти. Во наредниот период ќе бидат санирани и преостанатите светилки, со што значително ќе се подобри видливоста и безбедното движење во ноќните часови.

06/09/2025

Денес беше спроведена еколошка акција на која беа собрани околу 4 000 литри ѓубре (според бројот на вреќи за ѓубре) само од дивата депонија создадена околу поставените контејнери во Долно Косоврасти. Еколошката акција беше завршна активност од проектот „GreenSafe: Решение против расфрлање на отпад“ чиј што главна цел беше изработка на заштитен бокс за контејнерите со цел спречување на расфлањето на ѓубрето, а целосно финансиски поддржан од општина Дебар.
Создавањето на депонијата околу контејнерите не само што е показател, за жал, за ниското ниво на свест кај жителите, туку и дека 4 контејнери за населено место со постојано население од околу 600 жители НЕ СЕ ДОВОЛНИ, а особено во летниот период кога дома се враќа нашата дијаспора со кои што бројот на жители достигнува околу 1400. Затоа апелираме јавно до Општина Дебар и до ЈКП „Стандард“ за поставување на дополнителни контејнери за отпад, редовно спроведување на рутата за движење на возилото за собирање отпад низ Долно Косоврасти која што е предвидена во Програмата за работа на комуналното претпријатие, како и воведување на уште еден дополнителен ден (покрај среда) за собирање на отпадот барем во периодот околу новогодишните празници и во август.
Исто така апелираме и до жителите на Долно Косоврасти за свесно и одговорно однесување во однос на одлагањето на сметот, а да се запазат следните работи:
-Отпадот да биде добро затворен во најлонска вреќа и истата да биде ставена во контејнерите или до контејнерите во заштитниот бокс, притоа вратата од боксот да не се остава отворена
-Да не се фрла градежен шут и трева во контејнерите и околу контејнерите
-Остатоци од храна да се дава на уличните кучиња наместо да се фрла во контејнер

26/07/2025

Почитувани,
Како здружение на кое животната средина и екологијата му се на листата на приоритетни области во своето делување, би сакале да ве информираме дека во фаза на реализација е проектот „GreenSafe: Решение против расфрлање на отпад“ чија што општа и главна цел е подобрување на јавната хигиена во Долно Косоврасти, општина Дебар, а тоа ќе се оствари преку изградба на заштитен бокс во кој ќе бидат поставени контејнерите за отпад. Тоа ќе го спречи расфрлањето на отпадот и ќе придонесе за подобрување на хигиенските услови и намалување на ризикот од зарази преку одржливо управување со отпадот, ќе ја подобри естетиката на селото, како и за подигнување на свеста на локалното население за значењето на правилното управување со отпадот.
Со реализација на овој проект, ќе се создаде подобра и почиста животна средина за сите жители на Долно Косоврасти, што ќе придонесе кон подобар квалитет на живот во целата заедница.
Проектот е во реализација на Здружение за развој МЛАДИ ЗА ЈАВЕН ИНТЕРЕС Дебар и целосна финансиска поддршка од општина Дебар Komuna Dibër - Municipality of Debar - Општина Дебар .
Во оваа прилика се заблагодаруваме и на Месна заедница Долно Косоврасти Mesna Zaednica D.Kosovrasti кои учествуваа во овој проект со одредување на локацијата за објектот и со подготовка на теренот за изградба на објектот.