10/10/2026
NGROHTËSI PËR TË GJITHË – 2026
Në bashkëpunim me Shoqatën AVFI Bogovinë, Zvicër, Shoqata VEPRA njofton fillimin e projektit humanitar “Ngrohtësi për të gjithë” – 2026.
Ky projekt, i cili tashmë është kthyer në një traditë të bukur bashkëpunimi mes dy shoqatave tona, ka për qëllim të mbështesë familjet dhe fëmijët në nevojë, duke u siguruar veshmbathje të reja për sezonin e dimrit.
Përmes solidaritetit, bashkëpunimit dhe përkushtimit të përbashkët, synojmë që edhe këtë vit të sjellim ngrohtësi, gëzim dhe buzëqeshje në familjet që kanë më shumë nevojë për mbështetje.
Ftojmë të gjitha familjet që kanë nevojë për ndihmë të paraqiten pranë zyrave të Shoqatës VEPRA ose të na kontaktojnë përmes rrjeteve tona sociale.
Së bashku, mund ta bëjmë dimrin më të ngrohtë për të gjithë!
Vepro që të lësh gjurmën tënde!