Rotary Club Bitola

11/05/2026

🇲🇰 🫱🏻‍🫲🏽 🇸🇪 Ротари Клуб Битола, заедно со Rotary Club Skopje , Rotary Club Skopje International, Регионалната стопанска комора Битола и Embassy of Sweden in Skopje организираше Македонско-Шведски форум посветен на унапредување на економската соработка и отворање нови можности за македонските компании на европските пазари.

🫱🏻‍🫲🏽 Форумот отвори значајни теми за тоа како да се продлабочат релациите со странските земји, како македонските производи да станат поконкурентни и поприсутни на ЕУ пазарите, но и како да се поттикне доверба, партнерства и долгорочна бизнис соработка.

🇲🇰&🇸🇪 Посебен акцент беше ставен на промоцијата на Шведско-Македонската комора и Алумни асоцијацијата, како и на клучните препораки од релевантни говорници за потребите на македонските компании при извоз на европските пазари. Беа споделени и искуства на шведски компании кои успешно работат во Битола, потврдувајќи дека локалниот потенцијал заслужува меѓународно внимание.

🇸🇪 Амбасадорот на Шведска Ola Sohlström испрати силна порака дека Амбасадата останува посветена на креирање мостови помеѓу бизнисите, иновациите и луѓето. Особено емотивен момент беше неговата лична приказна за својот дедо, кој голем дел од животот бил ротаријанец и силно верувал во ротаријанските вредности 🌟

🇲🇰 Претседателот на Ротари Клуб Битола, Тони Дранговски, изрази благодарност до сите ко-организатори, поддржувачи, ротаријанци и гости, потенцирајќи дека токму ваквите настани создаваат релации што траат и нови вредности.

22/04/2026

Иднината секогаш е во рацете на младите.

Ротари клуб Битола веќе осум години посветено го организира Кариерниот ден, во соработка со средните училишта во Битола. Кариерниот ден е настан што им помага на младите да ја препознаат својата насока и храбро да чекорат кон неа.

Денес, салата на Кино Манаки беше премала да ги собере сите заинтересирани млади битолчани. Тие имаа можност да слушнат и директно да разговараат со четворица инспиративни професионалци од нашиот град, кои ги споделија своите животни и кариерни приказни. Разговорите ги модерираше претседателот на Ротари клуб Битола, Тони Дранговски.

Четири различни приказни, четири различни патишта: од академијата, уметноста, претприемништвото и ИТ секторот, но со заедничка порака: верувај во себе и биди истраен.

🔹 Игор Неделковски, Ректор на УКЛО:„Кариерата е пат до среќата, а животот треба да се гради како рамностран тријаголник – здравје, љубов и финансиска стабилност.“

🔹 Маја Андоновска, актерка во Народен театар Битола:„Изберете да бидете свои. Изберете го она каде никогаш нема да се откажете. Не чекајте некој да ви даде главна улога – режирајте ја сами и имајте храброст да ја одиграте од почеток до крај.“

🔹 Константин Џиланов, сопственик на Marielli Cakes:„Студирајте, но стекнувајте и практично искуство. Бидете храбри да започнете сопствен бизнис, активно слушајте и не плашете се да го следите она што го посакувате.“

🔹 Анета Трајковска, IW Connect:„Изберете го патот што го чувствувате со срце – тоа е најдобриот избор за вас.“

💡 Кариерниот ден уште еднаш покажа дека кога младите имаат вистинска поддршка и инспирација, тие имаат моќ да создадат иднина каква што посакуваат.

20/04/2026

♻️ Посветени на #ЗаЗеленаБитола, со големо задоволство се приклучуваме на еко акцијата „Рециклирам значи постојам“

🌱 Голема благодарност до Македонска телевизија за поддршката и пренесувањето на најавата нашиот Претседател Toni Drangovski по повод одбележување на 22 Април – Денот на планетата Земја.

Во периодот од 15 до 22 април се реализираат:
📌Едукативни предавања за ученици
📌 Поставување контејнери за собирање хартија
📌 Собирање и рециклирање на стара и непотребна хартија

🤝 Со мали чекори правиме голема разлика и се приклучуваме кон:

🔹 Организатори:
✔️ Сектор графичарство при СОУ „Ристе Ристески – Ричко“ Прилеп
✔️ Ротари Клуб „Прилеп“
✔️ Ротаракт клуб „Прилеп“
✔️ Општина Прилеп

🔹 Ко-организатори:
▪️ Сектор графичарство при СОУ „Таки Даскало“ Битола
▪️ Ротари Клуб „Битола“
▪️ Општина Битола
▪️ Сектор графичарство при СОУ „Димитар Влахов“ Скопје
▪️ Ротари Клуб „Скопје ВЕСТ“
▪️ Општина на град Скопје
▪️ ПАКО МАК

♻️ Рециклираме – значи постоиме!

Eko akcija 22 april 2025

10/04/2026

Средбите со Гувернерот на Rotary Slovenia and North Дистрикт 1912, Матјаж Новак и Координаторот на Association of Rotary Clubs in North Macedonia, D1912, Милош Радуловиќ, се повеќе од формалност.

Овие средби ни се многу драги затоа што се можност за заедничко планирање на иднината, размена на идеи и градење силни партнерства.

Последната посета оваа недела ја искористивме продуктивно за претставување на нашите иницијативи, со посебен фокус на #ЗаЗеленаБитола како двигател на нашите сегашни и идни заложби🌱.

12/03/2026

🫱🏻‍🫲🏽 Имавме посебна чест и задоволство да го пречекаме амбасадорот на Босна и Херцеговина, г. Драган Јаћимовиќ.

Во пријателска и конструктивна атмосфера разменивме искуства од двете земји и разговаравме за зајакнување на релациите меѓу заедниците и можностите за идни заеднички иницијативи.

Симболично, Претседателот на клубот Toni Drangovski, во име на сите членови, му подари на амбасадорот реплика од скулптурата Херакле, препознатлив симбол на Битола и на античката Хераклеја Линкестис.

Подарокот е само израз на пријателство и симболична порака за продолжување на добрите односи и заедничките иницијативи во иднина.

13/02/2026

🟧 Оваа недела ја започнавме со топла и пријателска средба со Ротари клуб Прилеп.
Посебно задоволство е кога се разменуваат мислења и искуства за реализираните активности, но и за идните проекти и заеднички заложби на двата клуба.

💡 Бројното присуство и квалитетната дискусија отворија важни теми од интерес за целиот Пелагониски регион.

🟧 Како кумови во основањето на Rotary Club Prilep, особено сме горди на оваа соработка и на заедничката визија за иднината.

03/01/2026

☀️ Нова година, нови насмевки

Со радост се вклучивме во новогодишната акција за најмладите жители на Општина Пустец. Ротари клуб Битола со Македонската алијанса за европска интеграција (МАЕИ) донесе малку новогодишна магија ✨️ и подароци за најмалите од градинките и учениците од ОУ „Отпорот на Горичените“ во с. Долна Горица, каде заедно учат деца од Горна Горица, Глобочани и Туминец.

✨️ Нека насмевките, радоста и искрената среќа на овие дечиња се симболот на овогодишната честитка на Ротари клуб Битола.

✨️ Среќна и бериќетна 2026 година!

13/12/2025

13/12/2025

🌳 Денес нашиот Rotary Club Bitola се вклучи во акцијата за засадување медоносни дрвја на едно од најпрепознатливите и култни места во Битола – Кај Авионите.

🐝 Со заедничко делување, ротаријанците од Битола, заедно со своите семејства и волонтери, дадоа конкретен придонес кон националната иницијатива на Association of Rotary Clubs in North Macedonia, D1912 во чии рамки беа засадени над 6.000 медоносни садници низ државата. Изборот на багрем, јавор, еводија и јасен ја нагласува грижата за пчеларството, биодиверзитетот и долгорочното унапредување на зелените површини.

🌱 Заедничката акција на битолските ротари клубови ( Ротари Клуб Битола, Ротари Клуб Широк Сокак, Рoтари Клуб Пелистер и Ротаракт Битола на ова симболично место ја потврдува нивната силна соработка и заедничка визија – Битола како зелен, одговорен и одржлив град, каде култните локации се чуваат и збогатуваат за идните генерации.

Благодарност и до ЈП Комуналец Битола кој го поготви теренот. Мал придонес е и донацијата на Синпекс за нив: моторен сврдер за земја за многу идни заседени дрвја.

Ваквите активности се дел од нашата континуирана заложба на битолските за заштита на животната средина и активна грижа за заедницата, во рамки на долгорочната иницијатива #ЗаЗеленаБитола. 💚

04/12/2025

Vakva e prisutnosta na poslednite nekolku sostanoci na Rotari Klub Bitola!