Црвена Младина - Битола

23/06/2026

21/06/2026

СРЕД ЛЕТО ЧАД ОД РЕК БИТОЛА – А ГРАЃАНИТЕ ГОДИНИ НАНАЗАД ГИ УБЕДУВАА ДЕКА ТИЕ СЕ ВИНОВНИТЕ

Години наназад слушаме исти приказни – дека загадениот воздух е поради граѓаните, поради огревното дрво, печките, домаќинствата и секогаш одговорноста се префрла кај обичниот човек.

Но денес, средина на лето, кога нема масовно греење, повторно се гледаат емисии од РЕК Битола и се поставува едно едноставно прашање:
Кој навистина има најголемо влијание врз воздухот што го дишеме?
ВМРО-ДПМНЕ денес ја има власта и има обврска да даде одговори и транспарентност.

Но и СДСМ со години беше дел од системот и исто така треба да одговори што е направено за да не се повторуваат истите сцени.
Кога се бараше вина – лесно беше да се покаже кон граѓаните.Кога треба да се објасни што се случува со големите капацитети – тогаш настанува тишина.
Жителите на Битола и околните села не бараат политички прес-конференции. Бараат:

– јавно објавени мерења;
– јасни информации за емисиите;
– институционална контрола;
– одговорност без разлика која партија е на власт.

Воздухот нема партиска книшка.Ниту ВМРО, ниту СДСМ не треба да бидат над здравјето на граѓаните.
Доста беше барање виновници кај народот – време е да се бараат резултати од тие што управуваат.

20/06/2026

ДЕЗИНСЕКЦИЈА НА ХАРТИЈА, КОМАРЦИ НА ТЕРЕН

Постојано пристигнуваат реакции и поплаки од граѓаните за енормното присуство на комарци и други инсекти во домовите, дворовите и јавните површини особено во Нова Битола.

Загрижува фактот што проблемот е сè поизразен токму во период кога високите температури дополнително го отежнуваат секојдневното функционирање на граѓаните.

Иако Општина Битола - официјална страница има донесено програма за дезинсекција и за оваа намена се трошат јавни средства, реалната состојба на терен покажува дека граѓаните не ги чувствуваат резултатите од овие активности.

Се поставува прашањето дали мерките се спроведуваат доволно ефикасно, дали се опфатени сите населени места и дали постои соодветна контрола врз нивната реализација.
Недозволиво е во 2026 година граѓаните секојдневно да се соочуваат со ваков проблем и сами да бараат начини за заштита, додека институциите молчат и не даваат јасни одговори за преземените активности и постигнатите резултати.

Бараме од ЈЗУ Центар за јавно здравје и од Општина Битола јавно да соопштат кога, каде и во кој обем е извршена дезинсекцијата, како и дали се планираат дополнителни третмани во критичните подрачја. Граѓаните имаат право да знаат како се трошат нивните средства и какви резултати се постигнуваат со нив.

Апелираме надлежните институции сериозно да пристапат кон решавањето на овој проблем и наместо формално исполнување на програми и процедури, конечно да обезбедат реална заштита на граѓаните. Здравјето, безбедноста и квалитетот на животот на битолчани не смеат да бидат оставени на случајност.

01/06/2026

КЛУБОТ ТОНЕШЕ, А ТИЕ КРИЕЈА ИЗВЕШТАИ

Пелистер не испадна во Втора лига случајно. Ова е директна последица на години лошо раководење, неодговорност и расипничко трошење на народните пари од страна на управата на клубот и челниците на општината.

Додека се фалеа со милионски буџети за спорт, Пелистер тонеше од сезона во сезона. Денес клубот е второлигаш, а битолчани со право прашуваат: каде завршија сите тие пари? Кој ги контролираше расходите? Зошто финансиските извештаи, платите и договорите се криеја од јавноста?

Како советничка група повеќепати баравме отчет и транспарентност, но наместо одговори добивавме молк и изговори дека станува збор за „деловна тајна“. Кога се кријат информации за трошење јавни средства, се отвора сериозен сомнеж за злоупотреби и неодговорно работење.

Најавената финансиска ревизија денес звучи лицемерно. Истите луѓе кои сега најавуваат проверки се тие што го креираа буџетот, ги носеа одлуките и дозволија Пелистер да стигне до ова дно.

Битола заслужува вистина. Пелистер заслужува одговорност. А граѓаните заслужуваат да знаат каде завршиле нивните пари.

#ОдговорностЗаПелистер
#ВистинаЗаПарите #БитолаЗаслужуваОдговори

03/04/2026

ЦЕНТАРОТ ЗА КУЛТУРА ВО БИТОЛА ТОНЕ ВО НЕГРИЖА!

​Локалниот огранок на Левица Битола со голема загриженост ја следи алармантната состојба во која се наоѓа НУ Центар за култура - Битола, објект кој наместо да биде средиште на културниот живот, станува симбол на институционалното пропаѓање.

Информациите кои пристигнуваат од терен за сериозни оштетувања на објектот наметнуваат итна потреба од транспарентност и одговорност пред битолската јавност.
​
Во оваа насока, јавно ги поставуваме прашањата:

Дали кровната конструкција во Центарот за култура Битола е воопшто безбедна за вработените и за посетителите?

Дали поради долгогодишните нерешени проблеми со кровот, при последните обилни врнежи, дождот стигна до големата сала на центарот, предизвикувајќи директна штета врз инвентарот и самиот простор?
​
Она што особено загрижува е фактот дека токму поради ваквите недозволиви пропусти веќе се откажани многубројни културни настани, со што директно се осиромашува културната понуда на градот.

Дали ова е конечниот резултат на континуираната негрижа на кадрите на ДПМНЕ за културните објекти во Битола, која се манифестира преку лошо менаџирање и целосно отсуство на визија за одржување на постојната инфраструктура?
​
На крајот, бараме одговор од надлежните институции:

Кој ќе сноси одговорност за загрозувањето на културното јадро на градот и за нанесената штета врз оваа значајна институција?

Културата во Битола не смее да биде жртва на системската неспособност и неодговорното управување на ДПМНЕ, чии приоритети очигледно се далеку од потребите на битолчани!