Парко Продукција, Bitola (2026)

01/04/2026

Фестивалот не би бил толку обоен без нивниот печат! 🎨🖼️

Ако сте го виделе логото на Парк047 на огромен банер или сте си заминале дома со најлудите стикери во џебот, тогаш веќе ја знаете магијата на stikeri.mk. Тие се нашите „визуелни виновници“ кои секоја година се грижат фестивалот да изгледа беспрекорно!

Од првата скица до финалниот принт, тимот на stikeri.mk е со нас на секој чекор. Нивната прецизност ги прави нашите банери препознатливи, а нивната креативност ги создава нај cool стикерите во цела Битола (и пошироко!). ✨

Благодарни сме за секој испечатен метар и за секој стикер што стана дел од вашата секојдневица. Со вакви пријатели, тешко е да не се „залепиш“ за добрата енергија на Парк047! 🙌🔥

Каде го имате залепено вашиот омилен стикер од фестивалот? Пратете ни фотка во DM! 📲

31/03/2026

Нашето патување низ годините на Парк047 секогаш било за истражување на нови хоризонти, а со Skillup Academy Bitola влеговме директно во иднината! Заедно го создадовме првиот фестивалски ESCAPE ROOM, каде што логиката, тимската работа и технологијата беа клучот за успехот.

Преку оваа возбудлива авантура, не само што се забавувавме, туку и на еден креативен начин „ѕирнавме“ во фасцинантниот свет на IT индустријата. 🧬✨

📸 Се потсетуваме на моментите кога:

Ги решававме најтешките загатки под притисок на времето. ⏳

Учевме дека програмирањето и дигиталните вештини можат да бидат вистинска игра.

Ја поттикнувавме љубопитноста кај младите генијалци на фестивалот. 🧠

Огромна благодарност до тимот на SkillUp Academy што го донесоа својот едукативен дух и иновативност на терен. Заедно покажавме дека учењето е најуспешно кога е забавно!

29/03/2026

Некои соработки имаат вкус на пријателство и вистинска битолска приказна! 🍻✨

Кога зборуваме за поддршка, не можеме а да не ги спомнеме нашите пријатели од БАК - Пивара Бакревски. Тие се со нас за да го освежат секој момент на Парк047, но нашата приказна оди многу подалеку од фестивалските денови.

Со БАК не поврзува многу повеќе од еден настан. Сме соработувале на бројни проекти и иницијативи „настрана“ од главната сцена, секогаш со иста цел – да создадеме нешто квалитетно и автентично за нашата заедница. 🙌

📸 На овие фотографии се запечатени моментите на дружење, наздравување и поддршка која трае преку целата година.

На здравје за сите поминати и за сите идни заеднички проекти! 🍻

28/03/2026

Адреналин на максимум! 🚲💨

Кога ги здружуваме силите со Red Bull и Skids, знаеме дека не очекува нешто несекојдневно. Нашата заедничка трка со точаци на Парк047 беше вистински тест за вештините, но и извор на бескрајна забава!

Од најмалите до најголемите – сите возрасни категории покажаа неверојатен дух, додека се справуваа со сите оние луди препреки и изненадувања кои ги поставивме низ патеката. 🚧🔥

📸 Погледнете ги моментите на чист ентузијазам и борба за секоја секунда:

Red Bull ни ги даде крилјата и енергијата за да ги надминеме сите предизвици. 🔋👐
Skids се погрижија за техничката поддршка и вистинскиот велосипедски дух на теренот. 🛠️🚲

27/03/2026

Секоја голема приказна започнува со некој кој верува во неа уште од првиот ден. 🚀

Кога ги поставувавме темелите на Парк047, ни требаа партнери кои ја препознаваат енергијата и потенцијалот на нашата визија. TASKFORCE беа токму тоа – ветерот во грб кој ни помогна да го реализираме првото издание на фестивалот.

Благодарни сме што во таа клучна прва година, тимот на TASKFORCE препозна вредност во нашата иницијатива и ни помогна да ја претвориме идејата во реалност која трае со години. Вашата поддршка на самиот почеток е вградена во секој успех што го постигнавме оттогаш.

📸 Се потсетуваме на тие почетоци со голема благодарност за професионалноста и заедничкиот ентузијазам!

Благодариме, Taskforce, што бевте дел од нашиот старт и што верувавте во магијата на Парк047! 🙌✨

26/03/2026

Постојат соработки кои се мерат низ времето, а постојат и оние кои го прават секој момент бесценет. ✨

Нашето патување низ годините на Парк047 не би било исто без поддршката на нашите долгогодишни пријатели и поддржувачи – Bozinovski. Заедно создадовме приказни кои сè уште ги раскажуваме, преточени во уметност, стил и многу насмевки.

📸 Се потсетуваме на двете најавтентични соработки кои оставија посебен белег:

ALTAR OF LOVE: Каде што емоцијата и дизајнот се споија во едно совршенство, славејќи ја љубовта како најголема движечка сила. ❤️

Детската програма со FLIK FLAK: За сите оние моменти кога детската радост и љубопитност го исполнуваа фестивалот, учејќи нè дека секоја минута е важна кога се забавуваме. ⌚🧒

Благодариме на Bozinovski Watches and Jewelry што веруваат во нашата визија и што се дел од семејството на Парк047.
За уште многу заеднички моменти кои допрва доаѓаат!

12/03/2026

People of Parko!

Не застанавте - Респект 🫡

Работевте неуморно, дадовте се од себе и направивте голема разлика.

Сепак, нашата цел е да има интеракција, комуникација и соработка… да работиме заедно за подобро утре, за почиста околина, за поубав град!

Со ваквите соработки ние сме посилни, како заедница, како тим и како генерација што ќе остани тука да ја чува природата и паркО.

Пролетта дојде… се гледаме за брзо 😉

12/08/2025

🎶 BERRYQYAT & MARTINA PENEVA - 🎶

Berryqyat, еден од основачите на фестивалот Парко047 и претставник на битолската клупска сцена, веќе речиси една деценија настапува на најзначајните дискотеки и настани во Македонија. Неговиот препознатлив стил ја води публиката низ повеќе жанрови базирани на хаус и техно, збогатени со игрив грув, свежа енергија и динамика, инспирирани од неговата постојана љубопитност за откривање и спојување нова музика.

Мартина Пенева е препознатлива по својот звучен идентитет кој е на границата помеѓу техно и транс музиката. Нејзините сетови се авантури кои ја покануваат публиката во длабочините на аудио сензорните искуства и ѝ дозволуваат да ја доживее трансформативната моќ на музиката, носејќи ја во психоделична, а понекогаш и експериментална техно авантура.

ПАРК047 Фестивал – Човечка Интеракција
📅 Петок - 22 август, 2025 – Градски Парк, Битола
🎟️ Влезници:

12/08/2025

🎶 DEJAN DEX & JOSS - .on.the.decks 🎶

Дејан Декс е познат како еден од најпрефинетите диџеи во Македонија со богато искуство и како диџеј и како продуцент. Неговиот музички избор е секогаш соодветен, а неговите сетови се познати по нивната динамика на раскажување приказни. Со значајни изданија на Satya и Afterme, тој е исто така клучен куратор на издавачката куќа Pirka. Pirka брзо се етаблира на глобалната сцена, препознатлива по својот постојан квалитет и исклучителни музички изданија.
Други псевдоними: De Yan, Son Kota и Phonker.

Стефан Јосифовски aka JosS е млад и талентиран артист со уникатен стил и умешно миксање на House, Minimal, Micro House и Techno. Дел е од колективот HAUZ, познат по својот избор на музика и внимание кон деталите во звукот. Страсен колекционер на плочи, работи на авторска музика со издание што се очекува наскоро, и е активен во промотерските организации Акто, Хауз и Пирка.

ПАРК047 Фестивал – Човечка Интеракција
📅 Петок - 22 август, 2025 – Градски Парк, Битола
🎟️ Влезници:

12/08/2025

🎶 J***Y LARRRY & VICE - 🎶
ПАРК047 Фестивал – Човечка Интеракција

Johnny Larry е музички артист, првенствено познат по својата rnb/rnbplugg музика. Има издадено неколку синглови и албуми вклучувајќи ги “Johnny Larry Tape,” El Gato” и “SAMIYO”. Неговата издавачка куќа е MVRSVR, a неодамнешните изданија ги вклучуваат синглот “WAVY” и најновиот албум насловен “SAMIYO” и двете во 2025 година. На парко ни доаѓа заедно со VICE, кој е често дел од неговите траки и авантури, воедно и присутен како DJ на сцената. Заедно не загреваат со DJ сет во петок.

📅 Петок - 22 август, 2025 – Градски Парк, Битола
🎟️ Влезници:

12/08/2025

🎶 FICHI - 🎶
ПАРК047 Фестивал – Човечка Интеракција

"FICHI" започнува во 2009 година како Drum and bass и Trip hop диџеј, досега твори и настапнува на локалната сцена. Израснат во еден голем бран на "underground" движење, инспирација црпи од алтернативната музика, научната фантастика и технологијата.
Подоцна се појавила и желбата за инструмент, со што започнува со настапи во живо и тоа е она што го прави ,,Fichi" денес.
На нашиот фестивал ќе настапи со сет кој за скоро време ќе биде издаден и како негов прв албум. Сетот се состои од Hip hop битови, исечоци од стара македонска музика со амбиентален soulful vibe придружен со инструментален звук на гитара, клавијатура и вокал.

📅 Петок - 22 август, 2025 – Градски Парк, Битола
🎟️ Влезници:

Парко Продукција

01/04/2026

31/03/2026

29/03/2026

28/03/2026

27/03/2026

26/03/2026

12/03/2026

12/08/2025

12/08/2025

12/08/2025

12/08/2025

Address

Website

Alerts

Contact The Organization

Shortcuts

Share

Category