Lions Club "Kabadaja" - Bitola

Directions Website Contact the organization

Lions Club "Kabadaja" - Bitola We Serve!

Обединети во музиката и хуманоста: Офицерскиот дом во Битола домаќин на Националниот натпревар „ЛЕМЦ Томас Кути“ за млад...
17/06/2026

Обединети во музиката и хуманоста: Офицерскиот дом во Битола домаќин на Националниот натпревар „ЛЕМЦ Томас Кути“ за млади пијанисти

Престижниот европски подиум за млади музички таленти годинава својата македонска приказна ја започнува од срцето на конзулска Битола. Под покровителство на Сојузот на Лајонс клубови на Северна Македонија - Д132 на 18 јуни 2026 година, со почеток во 19:30 часот, преубавата сала на Офицерскиот дом ќе биде арена на уметноста, емоцијата и звукот на пијаното.

Националниот музички натпревар „ЛЕМЦ Томас Кути“ (Lions European Music Competition) оваа година е посветен на моќта на пијаното. Ова не е само обичен натпревар. Ова е благородна мисија која веќе со децении го практикува основниот принцип на Лајонизмот - поврзување, градење пријателства и културна размена меѓу младите луѓе ширум Европа, под мотото „Обединување на Европа во музиката“ (Uniting Europe in Music).

Најдобрите млади пијанисти од државата (на возраст до 24 години) ќе ги вкрстат своите таленти и креативност. Победникот на овој национален избор ќе ја има честа и одговорноста да ја претставува Македонија на големото европско финале, кое ќе се одржи во октомври 2026 година во Карлсруе, Германија, во рамките на Европскиот Лајонс Форум.
Зад организацијата на овој настан стојат хуманитарци чија визија ги надминува границите на секојдневието. Преку „Томас Кути“ натпреварот, Сојузот на Лајонс клубови директно инвестира во иднината на младите уметници, отворајќи им ги вратите кон светските концертни подиуми, соработка со еминентни диригенти и учество во престижни меѓународни камерни оркестри.

Офицерскиот дом во Битола, како симбол на традицијата и културата, е совршеното место каде што ќе одекнат нотите на идните музички амбасадори.

Ве покануваме да бидете дел од оваа магична вечер, да ги поддржите нашите најдобри млади пијанисти и да ја почувствувате енергијата на организацијата која секојдневно го менува светот на подобро преку хуманост, солидарност и уметност.

✨ Bon Vivant – вечер под отворено небо посветена на хуманоста ✨Вчерашната гала вечер на Lions Club Kabadaya Bitola беше ...
06/06/2026

✨ Bon Vivant – вечер под отворено небо посветена на хуманоста ✨

Вчерашната гала вечер на Lions Club Kabadaya Bitola беше навистина магична.

Сè некако си дојде на свое место — музиката, просторот, луѓето, светлата, коктелите, енергијата и она најважното: чувството дека сме заедно за убава и хумана цел.

Во дворот на Tigre Cafe, меѓу модерниот урбан амбиент и индустрискиот шарм на една минатата Битола, меѓу муралите и боровите, светлата во сини и црвени тонови и посебната летна атмосфера, се создаде вечер која целосно го оправда името Bon Vivant.

Вечер посветена на животот, добрата музика, доброто друштво, убавите вкусови и радоста што ја споделуваме едни со други кога помагаме.

Но, за нас како Лајонси, Bon Vivant никогаш не е само уживање.
Тоа е уживање со смисла.
Тоа е радост која се претвора во поддршка.
Тоа е заедница која знае да се собере, да помогне и да остави трага во нашот град.

Оваа година нашата традиционална гала вечер доби ново, свежо издание — со летни коктели, Bombay Sapphire gin, џез музика и DJ сет, но со истата суштина која нè води секоја година: хуманоста.

Посебна благодарност до Hot Jazz Orchestra кои со својата музика нè воведоа во вечерна приказна, до DJ Chiko кој ја надгради атмосферата и ја задржа убавата енергија до крај.

Голема благодарност до нашите поддржувачи и пријатели на вечерта:
Premium Pivo, за поддршката со Bombay Sapphire gin,
Fresh Fruit,
VE Milk
Korner food
и Tigre Cafe, нашиот домаќин, кој со својот уникатен простор ја направи вечерта магична.

Во рамки на вечерта се одржа и хуманитарна аукција на три премиум шишиња Gin Mare, а сите собрани средства, заедно со донациите од влезниците, ќе бидат насочени кон хуманитарната мисија на нашиот клуб, со посебен фокус на поддршка на деца и заедници каде што потребата е најголема.

Оваа вечер беше посебна и по уште еден убав момент — во нашето Лајонс семејство ја примивме и нашата нова членка Елена Неделковска. Со радост ѝ посакуваме добредојде и ѝ благодариме што одлучи да биде дел од нашата мисија на служба, солидарност и заедничко делување.

Благодарност и до нашиот пријател Огнен Јаневски кој и оваа година нè почести со убав зборни не водеше низ вечерта.

На сите гости, пријатели, членови, поддржувачи и донатори — ви благодариме од срце.
Вие ја направивте оваа вечер онаква каква што беше: топла, елегантна, радосна и хумана.

Bon Vivant уште еднаш покажа дека Битола знае да живее со стил, но и да помага со срце.

🦁 Lions Club Kabadaya Bitola
We serve.

Bon Vivant ✨Летна вечер, музика во живо, DJ сет, коктели и посебна атмосфера под отворено небо.Ве покануваме на хуманита...
01/06/2026

Bon Vivant ✨
Летна вечер, музика во живо, DJ сет, коктели и посебна атмосфера под отворено небо.

Ве покануваме на хуманитарен настан во организација на Lions Club Kabadaya Bitola, со поддршка од Bombay Gin.

📅 5 јуни
🕗 20:00 часот
📍 Cafe Tigre

Дојдете да уживаме, да се дружиме и заедно да поддржиме добротворна цел.

Лајонс клуб „Кабадаја“  донираше за Клиничката болница во Битола по повод патрониот празник на градотПо повод патрониот ...
18/12/2025

Лајонс клуб „Кабадаја“ донираше за Клиничката болница во Битола по повод патрониот празник на градот

По повод патрониот празник на Град Битола – Св. Нектариј, Лајонс клубот „Кабадаја“ од Битола реализираше поголема донација за Клиничката болница во Битола, со што уште еднаш ја потврди својата посветеност кон локалната заедница и јавното здравство.

Донацијата вклучува тврда подна облога (ламинат) за Одделението за педијатрија, како и комплети постелнина за две болнички одделенија – Урологија и Интерна медицина. Со оваа донација се подобруваат условите за престој и лекување на пациентите, како и условите за работа на медицинскиот персонал.

Донацијата беше официјално примена од директорката на Клиничката болница во Битола, г-ѓа Ненси Лозанче, која изрази искрена благодарност до Лајонс клубот „Кабадаја“, истакнувајќи дека секоја донација е од исклучително значење, бидејќи здравствените установи континуирано имаат потреба од поддршка. Таа изрази надеж дека ваквата соработка ќе продолжи и во иднина.

Претседателката на Лајонс клуб „Кабадаја“ , Емилиа Ѓероска, истакна дека донацијата е реализирана со голема радост и чувство на одговорност кон заедницата:

„Оваа донација произлегува од едноставно, но силно уверување – дека да се врати кон градот во кој живееме треба да биде вообичаено за секој од нас. Сите ние, во различни моменти од животот, ги користиме јавните услуги, особено здравствените. Со вакви донации придонесуваме за поквалитетен живот за сите нас во Битола.“

Таа додаде дека реализирањето на оваа донација токму на патрониот празник на градот ѝ дава дополнителна симболика и ја нагласува грижата, солидарноста и посветеноста на Лајонс клуб „Кабадаја“ кон својот град.

Со оваа иницијатива уште еднаш се потврдува дека граѓанската одговорност не значи само користење на заедничките ресурси, туку и активно вложување во нивно унапредување, а Лајонс клубот „Кабадаја“ останува посветен на конкретни дела кои прават позитивна разлика во локалната заедница.

🌈 „Обои ме во пријател“ – заедно 15 години создаваме инклузивна и хумана Битола 💛💙Лајонс клубот Кабадаја во тесна сорабо...
03/12/2025

🌈 „Обои ме во пријател“ – заедно 15 години создаваме инклузивна и хумана Битола 💛💙

Лајонс клубот Кабадаја во тесна соработка со Ресурсниот центар „Кочо Рацин“ го одбележа Меѓународниот ден на лицата со попреченост 3-ти декември, со настан кој веќе 15 години по ред ја носи истата порака:
👉 Секое дете заслужува љубов, поддршка и еднакви можности.

Денот со шарен и полн со емоции марш по Широк Сокак, продолжувајќи до платото пред Офицерски Дом, каде што децата од сите битолски основни училишта, заедно со учениците од Ресурсниот центар, приредија навистина посебно хепенинг-претставување. 🎶💛

✨ Повеќе од 300 деца пееја заедно, создадоа убаво македонско знаме изработено од текстилни ленти, а на крајот ги пуштија кон небото балоните на пријателството– симбол дека секое дете, без разлика на различностите, треба да расте со иста љубов, внимание и шанса за развој.

Голема благодарност до Градоначалникот г. Тони Коњановски, кој им се обрати на дечињата, истакнувајќи дека Општина Битола ќе биде тука за нив и понатаму, обезбедувајќи поддршка за нивното образование и развој. Тој ги покани сите деца и на заедничката Новогодишна прослава. 🎄✨

Силни и искрени зборови сподели и претседателката на Лајонс Кабадаја, Емилиа Ѓероска, која рече дека присуството на децата на овој сив, облачен ден му донесе сонце ☀️ „Зашто секое дете носи сонце во себе.“

💛Клубот Кабадаја изрази голема благодарност до сите деца, наставници, родители и граѓани, Zaga Production , WOW маскоти и Цвеќара Пресил - кои беа дел од ова прекрасно обојување – во пријателство, почит, инклузија и човечност.

Нека ни се множат ваквите денови на добрина. 🌈

🎨 "Обои ме во пријател“Хуманитарен настан по повод Меѓународниот ден на лицата со попреченост – 3 декемвриЛајонс Клуб КА...
30/11/2025

🎨 "Обои ме во пријател“
Хуманитарен настан по повод
Меѓународниот ден на лицата со попреченост – 3 декември

Лајонс Клуб КАБАДАЈА – Битола
Ве поканува на хуманитарен марш и едно топло, инклузивно дружење посветено на пријателството, поддршката и еднаквоста за сите деца.

Настанот се реализира во соработка со РЦ „Кочо Рацин“ – Битола,а под слоганот „Обои ме во пријател“, ќе ги обоиме градот и срцата со боите на пријателството и поддршка.

📅 03.12.2025 (среда)
⏰ 11:00 часот
📍 Дефиле по Широк Сокак,а потоа дружба и хепенинг на платото пред
Офицерски Дом – Битола

Ајде да покажеме дека инклузијата е заедничка грижа – да создадеме круг на поддршка, радост и добрина. 💛💙

Movember хуманитарен настан во БитолаВо текот на месец ноември се одржа навистина специјален хуманитарен настан исполнет...
27/11/2025

Movember хуманитарен настан во Битола
Во текот на месец ноември се одржа навистина специјален хуманитарен настан исполнет со дружење, позитивна атмосфера и голема човечка хуманост. Настанот беше организиран од Лајонс Кабадаја Битола и кафулето Радост кои со огромна посветеност ја реализираа оваа благородна иницијатива.

Целта?Да се подигне свеста за машкото здравје и да се соберат средства за подобрување на условите на **Уролошкото одделение при Клиничката болница – Битола
Сите собрани средства ќе бидат наменети токму за оваа важна кауза.

Специјален момент од настанот:
Нашиот мајстор-бербер Бошко беше on duty и на лице место изведуваше Movember бричење и обликување на бради. Неговата целата заработка од овие хуманитарни бричења беше целосно донирана за истата цел – вистински гест на солидарност и добрина.

🎧 За атмосферата се погрижи DJ Chiko,кој им донесе енергија и одлична музика на сите присутни.

🙏 Голема благодарност до сите кои беа дел од настанот, кои донираа и кои ја поддржаа оваа важна иницијатива. Заедно покажавме дека Битола има големо срце.

Address

Bitol
7000

Alerts

Be the first to know and let us send you an email when Lions Club "Kabadaja" - Bitola posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Lions Club "Kabadaja" - Bitola:

Shortcuts

Share