Eco-Green Movement, Berovo

04/11/2025

22/10/2025

Во изминатиот период, започнавме процес на подготовка и давање предлози за вградување на принципите на Зелената агенда во програмите на кандидатите за градоначалници.

✅ Целта на оваа иницијатива е локалните политики да се усогласат со европските и регионалните цели за:
• одржлив развој и енергетска ефикасност,
• подобра заштита на животната средина,
• зголемена употреба на обновливи извори на енергија,
• унапредување на управувањето со отпад и циркуларна економија,
• адаптација кон климатските промени и намалување на загадувањето.

🤝 Веруваме дека интегрирањето на Зелената агенда во локалните програми и стратегии е клучно за подобар квалитет на живот, почист воздух, повеќе зелени површини и поотпорни заедници.

👥 Нашата улога е да обезбедиме експертиза, да понудиме конкретни решенија и препораки кои ќе им помогнат на идните градоначалници да развијат одговорни и визионерски политики.

🔗 Во наредниот период ќе продолжиме со консултации, средби и промоција на добри практики кои ќе бидат од корист за сите општини во регионот.

💡 Зелената агенда не е само стратегија – тоа е наша заедничка обврска и можност да изградиме одржлива иднина.

Активноста се спроведува во рамките на проектот „Регионално партнерство за подобро спроведување на Зелената Агенда на локално ниво“. Проектот се спроведува од страна на Центар за климатски промени/Center for Climate Change во соработка со National Roma Centrum , Foundation for Local and IT Development- Gevgelija , Eco Action Tetovo , Регионално географско друштво „ГЕОСФЕРА“ - Битола, Eco-Green Movement, Berovo , Екотуризам Охрид / Ecotourism Ohrid и Младинска организација Креактив а поддржан од Владата на Швајцарија преку програмата Civica Mobilitas

Embassy of Switzerland in North Macedonia

Во продоложение погледнете ги барањата кои ги доставивме до Градоначалниците.
Забрзување на енергетската транзиција
• изработка на локални стратегии за декарбонизација на домаќинствата и транспортот кои ќе бидат усогласени со европските и националните цели инвестиции во обновливи извори на енергија и енергетска ефикасност;
• инвестиции за одржлива мобилност (јавен превоз со ниски емисии, изградба на велосипедски и пешачки патеки).

1. Воведување кружна економија и интегриран систем за управување со отпад
• Овозможување услови за селекција, поттикнување на рециклирање и компостирање и третирање на отпадот како ресурс;
• поддршка за зелени бизниси и иновативни решенија;
• стимулации за домаќинствата и компаниите кои селектираат отпад;
• создавање услови за повторна употреба и поправка на предмети.

2. Системска борба против загадувањето
• построга контрола на индустриските капацитети и ангажирање на повеќе инспектори;
• стимулација за домаќинства за транзиција од фосилни горива во домаќинствата;
• развој и одржување на зелени површини;
• промоција на јавен и одржлив транспорт.

3. Поддршка за одржливо земјоделство
• програми за органско и одржливо производство на храна;
• развој на урбани градини и едукативни фарми;
• современи системи за наводнување и користење техничка вода;
• директна поддршка на земјоделците преку зелени пазари и дигитални платформи.

4. Зачувување на биодиверзитетот и природата
пошумување со автохтони дрвја, идентификување и прогласување заштитени зони и заштитени подрачја; образовни и волонтерски програми за младите со цел подигнување јавна свест и едукација;

👉 Очекуваме од секој кандидат за градоначалник јасно да се обврзе дека овие приоритети ќе бидат дел од неговата/нејзината програма, бидејќи само така можеме да изградиме здрави, зелени и одржливи општини. Центар за климатски промени им стои на располагање на секој од кандидатите доколку е потребна поддршка при интегрирањето на овие барања во нивните предизборни програми и идентификување на проекти за заедничка акција!

#центарзаклиматскипромени #зазб #зеленаагенда

09/10/2025

🌏Дали општините навистина работат на Зелената Агенда❓

Од спроведениот шестмесечен мониторинг, на веб страните на сите 81 општина во Македонија, со фокус на објавите поврзани со Зелената агенда за Западен Балкан, заклучивме:

✅ Најактивен регион: Скопскиот, со 72 објави поврзани со Зелената агенда.

❌ Најмалку активен регион: Источниот, со само 24 објави.

🗣️ Што најмногу се објавува? Најмногу се објавуваат соопштенија, што е добро за информирање, но недостасуваат конкретни документи, одлуки и решенија.

⚠️ Загрижувачки факт: Дури 17 општини немаат НИТУ ЕДНА објава поврзана со животната средина во последните шест месеци! Меѓу нив се Арачиново, Студеничани, Долнени, Лозово, Ранковце, Зрновци, Конче, Центар Жупа, Маврово и Ростуше и други.

Мониторингот се реализира во рамките на проектот „Регионално партнерство за подобро спроведување на Зелената Агенда на локално ниво“. Проектот се спроведува од страна на Центар за климатски промени/Center for Climate Change во соработка со партнерите National Roma Centrum, Foundation for Local and IT Development- Gevgelija, Eco Action Tetovo, Регионално географско друштво „ГЕОСФЕРА“ - Битола, Eco-Green Movement, Berovo, Екотуризам Охрид / Ecotourism Ohrid, @Младинска организација Креактив, а финансиран од Embassy of Switzerland in North Macedonia преку програмата Civica Mobilitas