Синдикат на УПОЗ / Sindikat na UPOZ

02/06/2026

01/06/2026

Синдикатот на УПОЗ од почетокот на годинава до сега склучи 70 Колективни договори за 11.000 работници со кои се зголемија платите.

Синдикатот на УПОЗ минатата година започна со преговори, протести и преговори за зголемување на платата на 3.000 работници вработени во министерствата и фондовите со барање за утврдување на додаток на плата од 30%.

Од февруари оваа година со Владата предводена од ВМРО ДПМНЕ потпиша повеќе од 70 колективни договори и по големите протести, успеа и обезбеди зголемување на платите на 11.000 работници за 40 % во период од 25 месеци, а првото зголемување на платите за вработените во управата и правосудатвото изнесуваше помеѓу 13 и 14% со платата од месец март, вклучивајќи го зголемувањето предвидено во Колективните договори од 7% и линеарното усогласување на платите со минималната плата.

Борбата за зголемување на платите на вработените во управата и правосудството која ја водеше УПОЗ даде резултат, кој очигледно некому му смета.

УПОЗ ќе продолжи и во наредниот период да се бори за унапредување на правата на своите членови и на вработените во управата и правосудството.

26/05/2026

ФОНДОТ ЗА ПИОМ Е СЕВКУПЕН ПОБЕДНИК НА 31. СПОРТСКИ ИГРИ НА СИНДИКАТОТ НА УПОЗ

Од 20 до 24 мај во Чањ, Црна Гора, се одржаа 31. спортски игри и средби на Синдикатот на УПОЗ.

Во одлична, релаксирана атмосфера и спортски дух, на настанот учествуваа повеќе од 300 членови од 27 синдикални организации.

Апсолутен победник на годинашните игри беше Синдикалната организација при Фондот за пензиско и инвалидско осигурување (Фонд ПИОМ).

Нивната екипа триумфираше во машка конкуренција (11 поени) и во женска конкуренција (18 бодови), со што сосема заслужено го освои пехарот за севкупен победник на игрите со вкупно 35 бодови.

Наградата за фер-плеј оваа година замина во рацете на Синдикалната организација при Општина Кавадарци, како признание за исклучително спортско однесување, коректност и почит кон противниците.

Наградата за најдобар спортист му припадна на Милинко Влаховиќ од Фондот за ПИОМ.

Ова е прегледот на резултатите по дисциплини
Мал фудбал:
1. СО при Општина Демир Хисар
2. СО при Основен суд Тетово
3. СО при КПУ Затвор Штип

Кошарка
1. СО при Општина Карпош
2. СО при Фонд за ПИОМ
3. СО при МЗШВ

Пливање мажи
1. СО при Општина Кавадарци
2. СО при Фонд ПИОМ
3. СО при Агенција за катастар на недвижности

Стрелаштво мажи
1. СО при КПУ Штип
2. СО при ЈП Стрежево Битола
3. СО при Општина Кавадарци

Пикадо мажи
1. СО при Фонд ПИОМ
2. СО при Општина Карпош
3. СО при Општина Кавадарци и СО при при Министерство за култура и туризам

Баскет жени
1. СО при Фонд ПИОМ
2. СО при Општина Кавадарци
3. СО при Општина Карпош

Пливање жени
1. СО при Фонд ПИОМ
2. СО при Општина Карпош
3. СО при МЗШВ

Стрелаштво жени
1. СО при Фонд ПИОМ
2. СО при Општина Кавадарци
3. СО при Општина Карпош

Пикадо жени
1. СО при Град Скопје
2. СО при Фонд ПИОМ
3. СО при Општина Штип

Влечење јаже
1. СО при МЗШВ
2. СО при Општина Карпош
3. СО при Фонд ПИОМ

Одбојка
1. СО при МЗШВ
2. СО при Општина Кавадарци
3. СО при Основен суд Кавадарци

Шах
1. СО при Фонд ПИОМ
2. СО при Општина Кавадарци
3. СО при АКН

Пинг Понг
1. СО при Основен суд Кавадарци
2. СО при МЗШВ
3. СО при Општина Штип

Овие спортски игри уште еднаш ја потврдија важноста на ваквите манифестации, кои освен натпреварувачкиот карактер, имаат клучна улога во зајакнувањето на синдикалниот дух, меѓусебната поддршка и солидарноста меѓу членовите на Синдикатот на УПОЗ.

13/05/2026

НОВ КОЛЕКТИВЕН ДОГОВОР ЗА ВРАБОТЕНИТЕ ВО ОПШТИНА ТЕТОВО

Денес, после неколку месечни преговори, во просториите на Општина Тетово беше потпишан нов Колективен договор за вработените во Општината.

Во новиот Колективен договор предвидено е кумулативно зголемување на платите за наредните три години, зголемен регрес за годишен одмор, јубилејни награди итн.

Овој колективен договор беше потпишан од Градоначалникот на Општина Тетово Билал Касами од едната страна и Претседателот на Синдикатот на УПОЗ Трпе Деаноски и претседателот на СО при Општина Тетово Фестим Зеќири.

11/05/2026

ПРОЕКТОТ TUAC2026 ГИ ЗАВРШИ МЕЃУНАРОДНИТЕ ФОКУС ГРУПИ

Како дел од меѓународниот проект „Синдикатот – нов глас за погласни млади“ (TUAC2026), истражувачкиот тим успешно заврши важна фаза од теренската работа, што претставува значаен чекор во првата година од проектот.

Во периодот помеѓу почетокот на 2026 година и пролетта 2026 година, спроведени се вкупно 12 фокус-групи во шест европски земји — Македонија, Романија, Турција, Литванија, Хрватска и Србија — кои ги обединија 109 учесници од 21 град.

Од вкупниот број учесници, 46% жени, а 54% мажи. Учесниците, на возраст од 19 до 35 години, ги рефлектираат двете клучни групи централни за целите на проектот:

- Студенти и не членовите кои се млади работници, и

- Членовите на Синдикатот.

Овие фокус-групи ги истражуваа перцепциите на младите за синдикатите, нивните искуства со (или дистанцата од) синдикалните структури, како и нивните очекувања во однос на колективното организирање во современиот работен контекст.

Дискусиите се осврнаа и на бариерите за членување, релевантноста на синдикатите во несигурните и променливи пазари на труд, како и идеи за подостапни и попривлечни форми на синдикално дејствување.

Наодите ќе бидат директен придонес во развојот на Синдикалната академија, која е централна компонента на проектот TUAC2026. Оваа идна едукативна платформа има за цел да ја опреми новата генерација синдикални активисти со знаења, вештини и мрежи потребни за зајакнување на работничкото организирање низ Европа.

Со завршувањето на фокус-групите, проектот преминува во следната фаза: анализа и синтеза на наодите, кои ќе послужат како основа за претстојните работилници, пилот-програми и заеднички иницијативи меѓу проектните партнери.

01/05/2026

✊️✊️

01/05/2026

Честит Први мај - Меѓународниот ден на трудот

✊️

29/04/2026

Формирана нова синдикална организација и потпишан Колективен договор за вработените во Општина Карбинци

Денес, во просториите на Општина Карбинци, Претседателот на Синдикатот на УПОЗ Трпе Деаноски и претседателот на СО Наталија Давчева од едната страна и Градоначалникот на Општона Карбинци Виктор Паунов го потпишаа Колективниот договор за вработените во Општина Карбинци.

Со овој колективен договор е предвидено зголемување на платите, регрес за годишен одмор во износ од 60%, јубилејни награди итн.

И натаму ќе продолжиме да ги унапредуваме правата на вработените во управата и правосудството.

27/04/2026

ДА ГО ОДБЕЛЕЖИМЕ МЕЃУНАРОДНИОТ ДЕН НА ТРУДОТ - ПРВИ МАЈ

📍Сојуз на Синдикати на Македонија
📆 01.05 2026 година (петок)
🕐 11:00 часот

ПОВИКУВАМЕ НА ПРОТЕСТ НА 1 МАЈ ВО 11 ЧАСОТ ОД ПРЕД РАБОТНИЧКИОТ ДОМ

Почитувани работнички и работници,

Работничката борба не е само еден протест, еден штрајк, една блокада, тоа е континуирана борба на работниците и синдикатите за зачувување и унапредување на работничките права.

1ви Мај, Меѓународниот ден на трудот е денот кога протестите и демонстрациите се должност кон работничката борба во минатото и обврска кон работничката борба во иднина.

Сојузот на синдикатите на Македонија од 2018 година, секоја година организира масовен работнички протест на 1ви Мај, Меѓународниот ден на трудот.

8-ма година по ред на 1 Мај со почеток во 11 часот од пред Работничкиот дом во Скопје започнува ПРОТЕСТ, оваа година под мотото ,,ЗА ПЛАТА СЕ БОРИМЕ, НЕ СЕ МОЛИМЕ"

Повикуваме на солидарност и од работниците за кои синдикатите веќе се изборија за покачување на нивните работнички плати.

Работничката солидарност не смее да има граници, денес се бориме за оние со најниски плати, утре за сите нас.

Затоа, на 1 Мај да бидеме солидарни, гласни, обединети и одлучни!

Повикуваме на протест, повикуваме да застанме рамо до рамо со своите колешки и колеги и покажеме дека работничкиот глас не може да се игнорира.

Работниците во Македонија заслужуваат повисоки плати!

Македонија за повисоки плати !

За плата се бориме – не се молиме!

Синдикат на УПОЗ / Sindikat na UPOZ

Синдикат за градежништво - СГИП

Независен синдикат за образование и наука

Синдикат на културата на Република Македонија

Синдикат на работниците од трговијата - СРТ

Синдикат на Медиумски Информативни Агенции - СМИА

Македонски полициски синдикат

SIER Makedonija

Агро-Синдикат/ Agro-Sindikat

Самостоен синдикат за здравство, фармација и социјална заштита

Синдикатот на хемија, неметали и метали на Македонија (СХНМ)

Синдикатот на работниците од текстилната, кожарската и чевларската индустрија на РМ (СТКЧ)

Синдикат на работниците од угостителството, туризмот, комунално- станбеното стопанство, занаетчиството и заштитните друштва на РМ (СУТКОЗ) Суткоз

Синдикатот на работниците од сообраќај и врски на РМ (СРСВМ)

Синдикатот на поштенските и телекомуникациските работници на Македонија (СПТРМ)

Синдикатот на финансиските дејности на Македонија (СФДМ)

Синдикат за слободно дејствување на Македонија (ССДМ)

Синдикат на Поштенски и Телекомуникациски оператори на Македонија (СПТОМ)

#1МАЈ #ПРОТЕСТ #ССМ #80ГОДИНИ #СИНДИКАТ #80ССМ