09/07/2026
🔴 На 23.12.2025 и на 30.6.2026 Владата донела одлуки за започнување на постапка за доделување на концесија за вршење на проспекциски геолошки истражувања на металични минерални суровини (бакар, злато, сребро, олово, цинк...).
👉 Со одлуката од декември 2025 за општините Кратово, Крива Паланка, Кочани и Македонска Каменица, а со одлуката од јуни 2026 за општините Берово, Босилово, Валандово, Василево, Велес, Виница, Гевгелија, Делчево, Демир Капија, Зрновци, Карбинци, Конче, Кочани, Кратово, Куманово, Лозово, Неготино, Ново Село, Пехчево, Петровец, Пробиштип, Радовиш, Свети Николе, Старо Нагоричане, Струмица, Чешиново-Облешево и Штип.
ℹ️ Законот за минерални суровини во член 7-а став (2) вели дека вакви истражувања НЕ МОЖЕ да се вршат на простори за кои се води постапка по иницијатива за доделување на концесии за детални геолошки истражувања, на веќе доделени простори под концесии за вршење на детални геолошки истражувања, истражени простори и концесии за експлоатација на минерални суровини.
🔶 Во сите наведени општини, освен Босилово, Велес, Кочани, Крива Паланка, Куманово, Лозово, Ново Село, Петровец, Свети Николе, ИЗВРШЕНИ СЕ проспекциски геолошки истражувања на металични минерални суровини. Концесиите се издадени на 23.6.2015 и 21.11.2015.
📍 Потоа, во Босилово и Ново Село е концесијата за Иловица, во Куманово имало концесии за детални геолошки истражувања во Петрошница, Карабичане, Винце.
📍 Безмалку во сите наведени општини во минатото издадени се бројни концесии, над 60, за детални геолошки истражувања на металични минерални суровини, а во дел има и активни концесии за експлоатација, како за 🔸никел во Велес, 🔸 бакар во Радовиш, 🔸 олово, цинк, бакар, злато и сребо во Кратово и Пробиштип, 🔸 бакар во Конче и Штип, 🔸 олово и цинк во Македонска Каменица, 🔸 олово, цинк, злато, сребро, бакар во Крива Паланка.
⁉️ До кога Владата ќе ги истражува ИСТИТЕ општини?! Секој квадратен метар да се издупчи?!
⛔️ Владата НЕ МОЖЕ повторно да издава концесии за проспекциски геолошки истражувања, каде веќе се извршиле.
Согласно, треба да ги поништи двете одлуки, како и јавните повици.