Fanavaozana FLM Toby Nenilava Faradofay

26/09/2023

"Miakara any an-tendrombohitra, ka makà hazo, ary ataovy ny trano, dia hankasitrahako izany, sady hankalazaina Aho, hoy Jehovah. "Hagay 1 : 8

Misaotra an'i Jesosy fa miroso hatrany ny asa fanavaozana sy fanamboarana ny FLM Toby Nenilava Faradofay .

Tonga nijery sy nanara-maso ny fizotry ny asa ireo mpitarika ny kaomisiona Fanorenana sy ny injeniera teknisiana anio talata faha 26/09/23 tolakandro.

Mitohy ny fanentanana antsika rehetra ny amin'ny fitondrana am-bavaka sy ny fanohanana amin'ny alalan'ny fandraisana anjara na ara-bola na ara-materialy na ara-kevitra.

Tsindriana sy marihina hatrany fa tsy ho an'ny Kristiana ato amin'ny Toby Nenilava irery ihany ity Fiangonana havaozina ity fa ho antsika Kristiana rehetra manerana an'ny Madagasikara sy manerana izao tontolo izao.

SOLI DEO GLORIA.

02/09/2023

"Miakara any an-tendrombohitra, ka makà hazo, ary ataovy ny trano, dia hankasitrahako izany, sady hankalazaina Aho, hoy Jehovah. "Hagay 1 : 8

Misaotra an'i Jesosy fa miroso ny asa fanavaozana ny FLM Toby Nenilava Faradofay .Efa mampiakatra ny rindrina manodidina ny asa atao amin'izao.
Mbola manentana hatrany antsika rehetra ny amin'ny fitondrana am-bavaka sy ny ny fanohanana amin'ny alalan'ny fandraisana anjara na ara-bola na ara-materialy.
Tsy an'ny Kristiana ato amin'ny Toby ihany ity Fiangonana ity fa ho antsika Kristiana rehetra manerana an'ny Madagasikara sy eran'izao tontolo izao.

SOLI DEO GLORIA

26/11/2022

26/11/2022

Somary nananosarotra ny famitana ny fondation nefa isaorana Jesosy fa mitohy ny asa.
Rehefa niroso ny asa dia hita fa tena mifanalavitra amin'ny fondation teo aloha ny niveau an'ny fondation vaovao izay tena manaraka ny fenitra sy ny teknika ny nanaovana azy, indrindra fa ny fondation mifanandrify amin'ny alitara. Tsy maintsy namoronana "mur de soutènement" mihitsy ilay izy satria somary lalina ilay izy vao nahatratra ilay niveau normal.
Isaorana Jesosy sy ireo Kaomisiona Fanorenana na dia teo aza ny sedra natrehina dia miroso hatrany ny asa.
Mbola mangataka vavaka sy fanohanana avy amintsika rehetra.
SOLI DEO GLORIA

23/08/2022

Efa manomboka ho vita manodidina ny fototra (fondation) ho an'ny asa fanarenana sy fanavaozana ny FLM Toby Nenilava Faradofay. Mbola mandrava ny tilikambo ny mpiasa ahafahana manohy ny fondation manoloana ny fidirana eo afovoany.
Tsy mora ny asa fa dia mbola mangataka vavaka s'y tohana avy amintsika rehetra 🙏🙏🙏
Ho voninahitr'Andriamanitra irery ihany

14/08/2022

Sary androany alahady 14/08/22 mampiseho ny fandrosoan'ny asa fanavaozana sy fanorenana ny FLM Toby Nenilava Faradofay.
Misaotra an'i Jesosy hatrany 🙏🙏🙏
Tsy sasatra manentana antsika ny Komity Fanorenana ny amin'ny fanohanana izao asa goavana izao.
Mankasitraka sahady tompoko.

08/08/2022

Miroso hatrany ny asa fanavaozana sy fanorenana ny FLM Toby Nenilava Faradofay.
Isaorana Jesosy 🙏🙏🙏

03/08/2022

Miezaka ny Komity Fanorenana mampahafantatra antsika ny fandrosoan'ny asa. Efa miditra ao ambadiky ny alitara ny fametrahana fondation. Efa hanomboka koa ny fandravana ny tilikambo ahafahana manohy ny fondation amin'ny ilany andrefana.
Isaorana an'i Jesosy ny firosoan'ny asa.

01/08/2022

Misaotra an'i Jesosy fa mandroso tsara ny asa fanavaozana sy fanorenana ny FLM Toby Nenilava Faradofay.
Efa mipetraka ny fondation amin'ny ilany atsinanana.
Mbola manentana ireo rehetra izay te handray anjara fanohanana. Efa ato amin'ity pejy ity ny fomba ahafahana manao izany.
Ho voninahitr'Andriamanitra irery ihany!

26/07/2022

Ao anatin'ny fametrahana ny "fondation" ny asa fanavaozana sy fanorenana ny FLM Toby Nenilava Faradofay.
Mangataka vavaka foana avy amintsika rehetra 🙏🙏🙏

27/06/2022

Album Photos
Fametrahana Vato Fehizoro Fanavaozana ny FLM Toby Nenilava Faradofay
Alahady 26/06/22

26/06/2022

Isaorana an'i Jesosy fa tanteraka soa aman-tsara anio 26/06/22 maraina ny fametrahana ny vato fehizoro ho fanavaozana ny FLM Toby Nenilava Faradofay.
Ny Pastora Rakotondravony Soloson Solo Filoha SPFa no nitarika ny fotoana.
Mafonja ny hafatra nampitany t@toriteny izay nalaina tao amin'ny Hagay 1.8 sy Hagay 2.4. Hevi-dehibe nivoitra tamin'izany dia ny hoe" Ny fanaovana laharam-pahamehana ny asan'Andriamanitra no fototry ny Fiadanana sy fitahiana.
Mivavaka isika ny amin'ny fahavitan'izao asa goavana izao.

Tsy sasatra ny manentana antsika amin'ny fandraisana anjara fanohanana.
Mankasitraka ireo rehetra efa nanao izany.
SOLI DEO GLORIA