Tily Mangoro Moramanga

12/06/2026

⏳Tic tac tic tac tic tac⏰

Sao hadino ny mampiditra an’ity anaty programan’ny fiainan’ise an😎

📆01 hatramin’ny 05 Aogositra 2026
📍Moramanga

LASY 90 TAONA SAMPANA MAVO, LASY 90 TAONA SAMPANA MENA ⛺️

11/06/2026

🟣 HTEM Faritany Mangoro Moramanga 🟣

'Ndao isika haneho sy hitrandraka talenta amin'ity hetsika eto amin'ny faritany ity.

Any Tsimalahy ny fotoana iraisana izany fa samy hanokatra ny azy ny isam-pivondronana.

31/05/2026

23/05/2026

Manasa antsika rehetra indray aza ny Sampana Mavo amin'ny SEHOKANTO izay ataon'izy ireo eee!

📅 Asabotsy 30Mey 2026,
⏰ Amin'ny 9ora maraina.
🏤 FJKM Moramanga Fitiavana.

Seho karakarain'ny sampana mavo tily Mangoro Moramanga.
Tsy misy vidim-pidirana fa rakitra no tatazana.

12/05/2026

Manentana an'ise Beazina, Mpiandraikitra ary Filoha ao anatiny salataona 14-35taona mba ho Tonga hanatrika ny Fakan kevitra kaominaly izay atao eto Moramanga n'y 15Mai 2026 izao ao amin'efitrano malaka Distrika

19/04/2026

Sampana Mena mankalaza ny faha 90taona, nanao asa firotsahana tao aminy Fokontany Marovoay RN44.
Nanadio ny faritra ny birao sy nanolotra sainam-pirenena ho an'ny Fokontany.

16/04/2026

Lalao sampana mavo ho marikin'ny fankalazana ny jobily faha 90 taona.

14/04/2026

📸 Tatitra an-tsary ny Lasim-paritany notanterahana ny 10-11-12 Aprily teo tany Morarano

Isaorana lehibe Andriamanitra ny amin'nyfahatanterahan'ny lalao.
Isaorana ihany koa ny Ekipa sy ny Mpiandraikitra rehetra nifandrimbona tamin'izany.
Ary tsy adino ianareo Beazina tsirairay izay antom-pisian'ny hetsika tonga nanatanteraka izany

🟡 Ho an'ny sampana Mavo Mavo dia natao ho lasy ivon'ny Jobily iny lasim-paritany iny, miarahaba azy ireo nahavita izany
🟢 Ho an'ny Maitso kosa dia namoahana ireo Sokajy roa izay solontenan'ny Faritany hiatrika ny Lomay 2027 ny LFTT izay natao.
🔴 Ary ho an'ny sampana Mena kosa dia nanantanteraka asa firotsahana sy rodorodo ho marika ny fankalazana ny jobily faha 90taona.
Arabaina manokana izy ireo nahavita izany, ary entina am-bavaka hatrany.

04/04/2026

🟣 LASIM-PARITANY 🟣

Elaela tsy nilasy vee?
'Ndao hanao rodobe amin'ity lasim-paritany ity

👉 10-11-12 Aprily izao any Morarano

Ireto ny andinindininy isan-tsampana avy :

🟡 Ho an'ny Sampana Mavo :
Saram-pisoratana anarana 2 000Ar isaky ny ENINA, 1 000AR isaky ny Mpiandraikitra
Mamelon-tena ny andiany. Mitondra fitaovana fitondra milasy sy karatra FAFI
Amin'ny 08 Ora maraina ny fanokafana ny 11 Aprily any an-toerana. Samy manao izay ahatongavany ny tsirairay.

🟢 Ho an'ny Sampana Maitso :
Saram-pisoratana anarana 500Ar isaky ny beazina, 1 000Ar isaky ny Mpiandraikitra
Mamelon-tena ny sokajy tsirairay. Mitondra copie nahaterahana sy fitaovana fitondra milasy ary karatra FAFI ny beazina tsirairay.
Amin'ny 07 Ora sasany maraina ny fanokafana ny 11 Aprily any an-toerana. Samy manao izay ahatongavany.

🔴 Ho an'ny Sampana Mena :
Saram-pisoratana anarana 2.000Ar isaky ny FOKONOLONA, 1 000Ar kosa ho an'ny Mpiandraikitra tsirairay.
Ao @ Lycée FJKM Moramanga ny fanokafana sy fandraisana ny 10 Aprily @ 07 Ora hariva ( Fanamiana ara-dalàna )
Mitondra karatra FAFI, Fitaovana fitondra milasy, mampiavaka ny fokonolona, jiro fitondra @ alina , sakafo sahaza mandritran'ny 3 andro ny FOKONOLONA tsirairay

Ndao hanao ara-dalàna sy hanao zava-dehibe io fotoana io.
Any mihaona ary euh 😉

10/03/2026

⭐️ SAMY FILOHA 2026⭐️
📅 20-21-22 Martsa 2026

🚀Isany amin’ireo hetsika fampivondronana ireo Filoha Tily, mba hahafahana manara-maso sy manao tomban’ezaka anelanelam-potoana ny fanatanterahan’ny isam-paritany ny tondrozotra napetraka, ary koa mba hahafahana manamafy izany tondrozotra izany sy mifampizara haizatra.

🚀 Ny faniriana dia ny hisian'ny fiaraha-miasa avy amin'ireo ratsa-mangaika rehetra eo anivon’ny faritany tsirairay mba hanao tanana miara-mandray sy soroka miara-milanja amin’ny fanatanterahana izany.

🎯 Ho an’ity fihaonana ity dia hitsinjara 6 ireo filoha Tily rehetra ary samy hamonjy sy hanantona izay toerana akaiky azy avokoa:
📍Mahajanga
📍Antananarivo
📍Toliara
📍Toamasina
📍Antsiranana
📍Fianarantsoa

💵Fandraharahana: 25.000Ar isan’olona
ℹ️ Asaina ise hisoratra anarana an-jotra ato: https://forms.gle/4ah3gQAKF8wAEFfX6 .Azon’ise atao no miantso ny laharana 034 14 760 52 raha misy fanamarihana na fanontaniana manitikitika an’ise.

‼️ Fara-fisoratana anarana: 18 Martsa 2026