DRJS Fitovinagny

06/06/2026

FIKAONANDOHAM-PARITRY NY TANORA FITOVINAGNY

Nifarana ny Zoma 05 Jona 2026 ny Fikaonandoham-paritry ny Tanora Fitovinagny, izay notanterahina teto Manakara ny 04 sy 05 Jona 2026.

Nandray anjara tamin’izany ireo solontenan’ny tanora avy amin’ireo distrika telo ato anatin’ny faritra. Lohahevitra maro no nodinihina sy nifanakalozan-kevitra, ka nahafahan’ny tanora naneho ny heviny sy nizara ireo olana sy fanamby sedrainy.

Tamin’ny famaranana ny fikaonandoha dia naseho ireo hevitra sy soso-kevitra voaangona nandritra ny dinika, teo anatrehan’ireo tompon’andraikitra, olom-boatendry ary olom-boafidy eto an-toerana.

Nofaranana tamin’ny fomba ofisialy ny hetsika ka notarihin’Andriamatoa Lehiben’ny Faritra Fitovinagny.
DRJS Fitovinagny

05/06/2026

05/06/2026

05/06/2026

CONSERTATION REGIONAL

03/06/2026

📍DRJS FITOVINAGNY l 03/06/2026

Dinika momba ny Politika Nasionaly ho an’ny Tanora (PNJ)

Notanterahina tao amin’ny Maison des Jeunes Manakara ny dinika momba ny Politique Nationale de la Jeunesse (PNJ), ao anatin’ny Fikaonandoham-paritry ny Tanora Fitovinagny.

Nanatrika izany ny ekipan’ny Ministère de la Jeunesse et des Sports (MJS) avy any Antananarivo, ireo mpikambana ao amin’ny Comité d’Organisation Nationale, ary ireo tanora samy hafa.

Nandritra ny fihaonana dia nozaraina araka ny sokajin-taona ireo mpandray anjara mba hahafahana mandinika lalindalina kokoa ireo olana sy filàn’ny tanora. Nisy ihany koa ny fifanakalozan-kevitra sy fandalinana lohahevitra samihafa nahafahan’ny tsirairay naneho ny heviny sy nanolotra soso-kevitra.

Fotoana manan-danja ity dinika ity satria nahafahan’ny tanora nandray anjara mivantana tamin’ny fanatsarana ny politika nasionaly ho an’ny tanora, mifanaraka amin’ny zava-misy sy ny filàna eny ifotony.

Nisy ihany koa ny fihaonana tamin'ireo Tanora avy amin'ny Distrika 3 ato anatin'ny Faritra Fitovinagny izay notarihin'i Talemparitry ny tanora sy ny fanatanjahantena

Mankasitraka sy misaotra ireo rehetra nandray anjara sy nitondra ny anjara birikiny tamin’ity fihaonana ity.

02/06/2026

📍 Manakara, 02 Jona 2026

CONSULTATION PNS (Politique Nationale des Sports)

Notanterahina androany tao amin’ny Maison des Jeunes Manakara ny Consultation PNS (Politique Nationale des Sports), izay tafiditra ao anatin’ny Fikaonandoham-paritry ny Tanora Fitovinagny.

Nanatrika izany ny ekipan’ny Ministère de la Jeunesse et des Sports (MJS) avy any Antananarivo sy ireo mpikambana ao amin’ny Comité d’Organisation Nationale, niaraka tamin’ireo tanora sy mpisehatra isan-tsokajiny teto amin’ny faritra.

Fotoana iray nahafahan’ny mpandray anjara naneho hevitra sy nanolotra soso-kevitra ho fanatsarana ny politika nasionaly momba ny fanatanjahantena, mifanaraka amin’ny zava-misy sy ny filàn’ny tanora.

Mankasitraka sy misaotra ireo rehetra nandray anjara sy nitondra ny anjara birikiny tamin’ity dinika ity.

Ministère de la Jeunesse et des Sports
Alain Rasambany
Alain Désiré Rasambany

02/06/2026

Fivoriana Fanomanana ny fakan-kevitra sy Fikaonandoha-paritra FITOVINAGNY

📅 Alatsinainy 01 jona 2026

▶️ Notanterahina ny fivoriana fanomanana niarahan’ny Komity Mpandrindra Rezionaly, ny solontena avy amin’ny Minisiteran'ny Tanora sy ny Fanatanjahantena, ary ny Komity Mpandrindra Nasionaly, ho fanomanana ireo hetsika lehibe mikasika ny fanatanjahantena sy ny tanora eto amin’ny Faritra Fitovinagny.

📢 Toy izao ny fandaharam-potoana :
- 02 Jona 2026 : Fakan-kevitra momba ny Politika Nasionalin’ny Fanatanjahantena.
- 03 Jona 2026 : Fikaonandoham-paritry ny Tanora.
- 04 sy 05 Jona 2026 : Fakan-kevitra rezionaly momba ny fanavaozana ny Politika Nasionalin’ny Tanora.

✅ Ireo hetsika ireo dia hotanterahina eto Manakara, renivohitry ny Faritra Fitovinagny, ary mikendry ny hanangona ny hevitry ny mpisehatra isan-tsokajiny mba handrafetana politika mifanaraka amin’ny zava-misy sy ny filan’ny tanora ary ny sehatry ny fanatanjahantena.

31/05/2026

Ny fitaleavam-paritrin'ny Tanora sy ny fanatanjahatena Fitovinagny dia faly miarahaba ny reny rehetra.