ECAR Md Joseph Ambatolokana

07/07/2026

Mention spéciale à mes nouveaux super fans ! 💎 Nambin Nambin

Laissez un commentaire pour les accueillir dans notre communauté, fans

05/07/2026

Mivavaka ho azy isika rehetra,
Izy dia anisan'ireo eveka efa nintantana ny diosezy misy antsika,🙏🙏

04/07/2026

𝗩𝗔𝗩𝗔𝗞𝗔 𝗠𝗜𝗔𝗥𝗔𝗞𝗔 𝗔𝗠𝗜𝗡'𝗡𝗬 𝗥À 𝗠𝗔𝗦𝗜𝗡'𝗜 𝗝𝗘𝗦𝗢𝗔

Ny Ra Masina saro-bidin’i Jesoa Kristy no vidin’ny fanavotana antsika sy famantarana lehibe indrindra ny fitiavan’Andriamanitra ny olombelona. Koa amin’ity volana Jolay ity, andeha isika hanatona amim-pinoana sy amim-pahatokiana ny Ra Masina, ka hangataka mba hanadio ny fontsika amin’ny fahotana, hanamasina ny fiainantsika ary hampitombo ny fahasoavana ao amintsika. Enga anie ny Ra Masin’i Kristy hiaro ny fianakaviana, hampihavana izay mifanditra, hampahery ny osa, hanasitrana ny marary ara-batana sy ara-panahy, ary hanafaka antsika amin’ny fandriky ny ratsy. Rakofy amin’ny Ra Masinao ny Eglizinao, ny firenena Malagasy ary izao tontolo izao, mba handresen’ny fahazavana ny haizina, ny fitiavana handresy ny fankahalana, ary ny fahasoavanao hitondra fiadanana sy famonjena ho an’ny vahoakanao.
Amen. 🙏🏼

Ry Rà Masin'i Jesoa, vidin'ny fanavotana anay, vonjeo izahay sy izao tontolo izao.

Jolay: Volana natokana hanomezam-boninahitra ny Ra Masina saro-bidin’i Jesoa Kristy.

©Ekipa Fianakaviana Masina Tontolo Katolika

28/06/2026

11/06/2026

Iza avy no efa nahita maso mivantana na nanatrika lamesa notarihiny,
Ndeha isika hirary soa ho azy
Mankasitraka Monseigneur
Mahavità be masina.

08/06/2026

08/06/2026

Maty nisy namono tao amin'ny tranony i Mgr Osório Citora Afonso, Evekan'ny Diosezy Quelimane, Mozambique omaly. Raha n'y fantatra dia voatifitra teo amin'ny tratrany izy.

Sary Vatican Media.

08/06/2026

⛪𝗧𝗦𝗬 𝗘𝗩𝗘𝗞𝗔 𝗔𝗞𝗢𝗥𝗬 𝗜𝗭𝗬 𝗙𝗔 "𝗠𝗣𝗜𝗔𝗠𝗕𝗜𝗡𝗔 𝗡𝗬 𝗧𝗔𝗡𝗬 𝗠𝗔𝗦𝗜𝗡𝗔" 𝗡𝗔 "𝗖𝗨𝗦𝗧𝗢𝗗𝗘"⛪

🟧Antsoina hoe: “𝐂𝐮𝐬𝐭𝐨𝐝𝐞” izy na hoe: “𝐌𝐩𝐢𝐚𝐦𝐛𝐢𝐧𝐚 𝐧𝐲 𝐓𝐚𝐧𝐲 𝐌𝐚𝐬𝐢𝐧𝐚” aty Israely. Tsy nohamasinina ho Eveka akory izy na dia afaka mitondra ny satroka (mitre) tahaka ny Eveka. Fa kosa noho ny andraikitra lehibe ankinin’ny Eglizy katolika aminy, Mpiambina ny Tany Masina na “Custode” ary izy ihany koa no lehiben’ny “Fikambanan-dRelijiozy Fransiskanina” dia manana ny anaram-boninahitra ho “Prélat” izy ary manana fahafahana mitondra ireo marika ampiasain’ny Eveka izay hitantsika matetika ireo. Ara-tantara noho ny andraikitra iantsorohany dia omen’ny Eglzy azy ny famantarana pontifikaly (ny mitra, ny peratra, ary ny tehina pastoraly) ampiasainy mandritra ny fankalazana amin’ny tany masina rehetra aty Israely. Ka ny Papa no manendrika azy.

◾1. Tsy pretra tsotra ny “𝐂𝐮𝐬𝐭𝐨𝐝𝐞” aty an-Tany Masina. Manana fahefana mitovitovy amin’ny Eveka izy (antsoina hoe Ordinaire) amin’ny fitantanana ny Eglizy katolika aty an-tany Masina, ny toerana masina rehetra aty toy ny Paroasy; Sanctuaire, Basilika eo ambany fiandraiketany. Izy ihany koa anisany solontena ofisialin’ny Eglizy Katolika Romana eo anatrehan’ny manam-pahefana sivily sy ara-pivavahana aty an-toerana. Eo ihany koa ny Eveka aty Jerosalema (Cardinal PierBaptiste) manampy azy.

◾2. Araka ny “Tradition” katolika ihany koa ireo antsoina hoe “Abbés” na lehibe ny relijiozy fahiny (Supérieurs majeurs) dia anisany manan-danja indrindra amin’ny andraikiny sy ny faritra tantaniny toy ny Custode dia mahazo alalana hitondra ny mitra. Indraindray izy ireo dia antsoina hoe “abbés mitrés”.

◾3. Ara-tantara, hatramin’ny nanankinan’ny Papa Clément VI ny fiambenana sy fitantanana ny Toerana Masina tamin’ny Fransiskanina tamin’ny taona 1342, dia manan-danja lehibe maneran-tany sy ara-panoharana ny Custodie. Ny Custode dia misolo tenan’ny Eglizy Katolika manontolo ao amin’ny tany niavian’ny finoana kristianina ity.

🟥Zava-dehibe ny manamarika fa mitondra ny mitra ny Custode mandritra ny fanatanterahana ny andraikiny litorjika ofisialy aty amin’ny Tany Masina ihany. Antsoina ho “Frère franciscain” hatrany izy ao amin’ny ankohonam-piainana fransiskanina. Tsy nandray ny sakramentan’ny Filaharana maha Eveka izy. 👉Ankehitriny hita eo amin’ny sary io dia “𝐏.𝐅𝐫𝐚𝐧𝐜𝐞𝐬𝐜𝐨 𝐋𝐞𝐥𝐩𝐨” no custode izay notendren’ny Papa hiambina ny Tany Masina mandrak’ankehitriny.
➖➖➖➖➖➖➖➖➖

©️ Katolika Info.

07/06/2026

TORITENY FANKALAZANA SAKRAMENTA MASINA

“I Jesoa Zanak'andriamanitra dia M**on'ny fiainana”

📖 Tenin’Andriamanitra :

🔹️Vakinteny I : Det. 8, 2-3. 14b-16.
🔹️Vakinteny II : 1 Kôr. 10, 16-17.
🔹️Vakinteny III : Jo. 6, 51-59.

✅ Ry kristianina havana, anio isika dia mankalaza ny fetin’ny Sakramenta Masina. Amin’ity fety ity ny Eglizy dia mankalaza ny harena (trésor) sarobidy navelan’i Jesoa ho antsika dia ny Vatana aman-dRàny (Eokaristia); ny m**o dia manambara ny Vatany, ny divay kosa dia ny Ràny. Izany no ambaran’i Jesoa amin’ny evanjely anio: "ny m**o izay homeko dia ny Nofoko..." I Jesoa raha milaza izany dia mampatsiahy antsika fa ny Eokaristia dia tsy resaka famantarana na fahatsiarovana fotsiny fa tena i Jesoa tokoa no ao amin’ny M**o sy ny Divay. Noho izany, izay mandray ny Eokaristia dia tsy "chips" no raisiny fa tena mandray an’i Jesoa ao aminy. Mazava ny nolazain’i Jesoa mikasika izany: "Izay mihinana ny Nofoko sy misotro ny Rako dia mitoetra ao anatiko ary Izaho ao anatiny". Raha lazaina amin’ny fomba tsotra izany rehetra izany dia: ny Eokaristia dia "Jesoa eo anivontsika" isan’andro isan’andro; ny Eokaristia dia "sakafom-panahy" manamasina sy mitahy fa indrindra mankahery antsika hijoro amin’ny toe-panahy maha kristianina isan’andro isan’andro.

✅Tadidio fa tahaka ny vatana mila sakafo mamelona azy, toy izany koa ny fanahy mila sakafo mamelona. Izany indrindra no tian’i Moizy lazaina amin’ny vak I anio raha nilaza ny Tenin’i Jesoa tamin’ny demony naka fanahy azy: "tsy ny m**o ihany no mahavelona fa ny teny rehetra mivoaka avy amin’ny vavan’Andriamanitra". Ny m**o tiana lazaina eto dia tsy vatan’i Jesoa na Eokaristia masina fa ny zavatra ara-materialy rehetra, dia ny vola aman-karena. Tsy ny fananana zavatra ara-materialy no hahazoana ny famonjena fa ny fitafiana ny toe-panahy mifanaraka amin’Andriamanitra. Mety ho manan-karembe ny olona iray kanefa mahantra na noana ara-panahy (olona lany henatra). Izany akory tsy midika fa ny mahantra ara-materialy rehetra dia voky ara-panahy, fa entina ilazana: matetika isika dia variana mitady ny vola aman-karena (izay tsy misy maha ratsy azy), fa kosa manadino mitady ny sakafo ara-panahy izay hahazoana fiainana mandrakizay. Ny fanontaniana mandeha amintsika tsirairay dia: mitovy amin’ny hafanam-ponao mitady ny vola aman-karena va ny hafanam-ponao mitady ny sakafom-panahy, dia ny Eokaristia masina? Raha ́lazaina amin’ny fomba hafa dia: mitovy amin’ny hafanam-ponao mitady vola va ny hafanam-ponao mba ho mpamindra fo tahaka an’i Jesoa sy ho masim-piainana tahaka Azy? I Moizy raha miteny hoe "tsy ny m**o ihany no mahavelona" dia miantso antsika hahay hankasitraka an’Andriamanitra tamin’ny fahasoavana rehetra nomeny antsika izy. Ny fankasitrahana Azy anefa dia tsy inona akory fa ny fitandremantsika ny Didiny, fa indrindra: "tsy hanana Andriamanitra hafa isika afa tsy Izy".

✅ Io antson’i Moizy "tsy hanana Andriamanitra hafa" amin’ny Vak I io no mbola hanentanan’i Md Paoly antsika amin’ny Vak II anio raha nilaza izy hoe: "ny m**o sy ny kalisim-pisaorana (divay) izay raisintsika, tsy firaisana amin’ny Tenan’i Kristy sy ny Ràny va?" Ny tian’i Md Paoly lazaina dia tsotra: isika izay mandray ny Eokaristia masina dia efa miombona na miray tanteraka amin’i Kristy ka aoka isika tsy hiombona na hiray amin’ny andriamani-kafa intsony, na koa tsy hanompo sampy intsony. Maro amintsika anefa dia mandray ny Eokaristia masina ny alahady fa manompo sampy kosa ny alatsinainy. Tsy toe-panahin’ny mpandray komonio izany hoy i Paoly. Eto am-pamaranana dia ity tenin’i Md Augustin ity no tiako hanentanana antsika amin’izao fankalazana ny fetin’ny sakramenta masina izao: "devenez ce que vous recevez..." raha adika tsotsotra dia: meteza ho tahaka ny fiainan’izay raisinao(Jesoa). Isika mandray ny Eokaristia dia aoka haka tahaka ny fiainan’i Jesoa raisintsika: mitia, mamela, manompo tahaka an’i Jesoa; fa indrindra manaiky hatambatrin’ny Vatan’i Kristy ho iray.

🙏Miarahaba manokana ireo zandry rehetra nandray batemy sy komonio voalohany anio. Mitondra am-bavaka ireo rehetra afaka mandray komonio mba hanao izany ampahamendrehana, mivavaka koa hoan’ireo izay tsy afaka mandray nohon’ny antony maro samihafa, mba hahita vahaolana hahafahana manatona latabatra masina.

Mirary fetin’ny Sakramenta Masina sambatra ho antsika rehetra !!!

Source: Père Razafy