10/04/2026
📢 FANAMBARANA SY FANENTANANA HO AN’NY OLONA REHETRA
Amin’izao toe-draharaha iainantsika izao, ilaina ny mandinika lalina sy mitandrina amin’ny hetsika rehetra atao eny anivon’ny fiarahamonina, indrindra ireo antso ho amin’ny fidinana an-dalambe.
⚠️ Tsara ho fantatra fa tsy ny hetsika rehetra lazaina ho “milamina” na “ho an’ny tombontsoam-bahoaka” akory dia tsy misy ambadika politika. Misy amin’ireny no mety ho fandrika politika, natao hanakorontanana na hanararaotana ny vahoaka tsotra.
👉 Koa manentana antsika rehetra:
Aza mora taitra amin’ny antso sy fanentanana tsy mazava loharano
Aza manaiky ho fitaovana ampiasain’olona amin’ny tanjony manokana
Tandremo ny filaminana sy ny fiarovana ny tena sy ny fananana
Ny fidinana an-dalambe dia mety hitarika:
Korontana sy fifandonana tsy ampoizina
Fahasimban’ny fananana
Fahavoazana ho an’ny olom-pirenena tsy manan-tsiny
🤝 Ny tena ady tokony ataontsika dia ny ady amin’ny fahendrena sy ny fahamatorana.
Ny firaisankina marina dia tsy amin’ny tabataba na herisetra, fa amin’ny:
Fifampiresahana
Fanajana lalàna
Fandraisana andraikitra am-pilaminana
🇲🇬 Andao isika hiaro ny ho avin’i Madagasikara amin’ny fomba hendry sy tompon’andraikitra.
Tsy vahaolana ny fidinana an-dalambe raha tsy mazava sy tsy voafehy tsara.
✋ Aoka tsy ho voafitaka.
✋ Aoka tsy ho voatarika amin’ny tsy fantatra.
✋ Aoka hiaro ny tenantsika sy ny firenentsika.
Ny fahendrena no hery lehibe indrindra ananantsika.
