10/10/2025
FIOMBONAN’NY FIANGONANA KRISTIANINA ETO MADAGASIKARA – FFKM
✝️ Conseil Chrétien des Églises à Madagascar
> 🕊️ « Sambatra ny mpampihavana fa izy no hantsoin’Andriamanitra hoe zanany »
(Matio 5,9)
==== ✨ FANAMBARANA ✨ ====
Ry vahoaka malagasy, ry Kristianina havana,
Ho aminao anie ny fahasoavana ombam-piadanana avy amin’Andriamanitra Ray sy Jesoa Kristy Tompo, ary ny fiombonana amin’ny Fanahy Masina. 🙏
📜 Ny FFKM dia manambara izao manaraka izao :
1️⃣ Manaraka hatrany ny fivoaran’ny toe-draharaha eto amin’ny firenena amin’ny maha mpaminany sy Fiangonana azy, ary miezaka mihaino ireo ankolafin-kery samihafa.
2️⃣ Mampahery sy miombom-piory amin’ireo izay very havana, tratran’ny aretina, na rava fananana. 💔
3️⃣ Miantso ny fitoniana amin’ireo Mpitandro filaminana: Miaramila, Zandary, Polisy…
Aza mampiasa herisetra amin’ny vahoaka! Hajao ny zo maha-olona — na zaza, tanora, vehivavy, lehilahy, marary na salama. ✋🕊️
4️⃣ Miroso amin’ny fanelanelanana amin’ireo ankolafin-kery samihafa ny FFKM, saingy tsy ho tanteraka izany raha tsy misy ny fitoniana avy amin’ny rehetra.
5️⃣ Atsaharo ny teny sy fihetsika manentana ady! Aoka isika hitarika hatrany amin’ny fihavanana sy fandriampahalemana, lavitry ny valifaty. ❤️
6️⃣ Mirary soa sy faharetana ho an’ny Malagasy rehetra.
Aoka tsy hiraviravy tanana isika fa hitandro ny fihavanana maha-Malagasy.
🕯️ « Mivavaha lalandava » (1 Tes 5,17)
---
✍️ Natao teto Antananarivo anio Zoma 10 Oktobra 2025
👥 Ny Filoham-piangonana efatra mirahalahy :
✝️ Mgr RAOELISON Jean de Dieu – Solontenan’ny EKA
✝️ Mgr RANARIVELO Samoela Jaona – Filohan’ny EEM
✝️ ANDRIAMAMPIANINA Zaka, Mpitandrina – Filohan’ny FJKM
✝️ Pastora Dr RAKOTOZAFY Denis – Filohan’ny FLM
---
