PLAE - Programme de Lutte Antiérosive

19/04/2026

🌱 PLAE - CEFFEL : Fiaraha miasa manamafy ny fahaiza-manao ho an'ny vokatra tsara kokoa🌱

Tanteraka tao amin’ny Kaominina Fiadanana, Distrika Fandriana, Faritra Amoron’i Mania, ny fiofanana ho an’ny "Paysans Leaders" sy ny vondrom-behivavy, nandritra ny 3 andro (14–16 Aprily).

👩🏽‍🌾Mpiofana miisa 30 no nandray anjara tamin’ny famokarana legioma sy anana ary
28 mpiofana kosa niatrika ny famokarana hazo fihinam-boa.

Ireo fiofanana ireo dia notarihin’ny mpampiofana avy amin’ny CEFFEL, ka nifantoka tamin’ny:
✔️ Fanazavana fototra momba ny famokarana
✔️ Fampiharana mivantana eny an-toerana
✔️ Fampahafantarana teknika maharitra sy mahomby

🔎 Tsy nijanona tamin’ny teoria ihany fa nahitana fampiharana avy hatrany sy tombana ny fahaiza-manao, ary nofaranana tamin’ny fananganana drafitr’asa hoentin’ny mpiofana manohy ny asa any amin’ny faritra iasany.

💡 Tanjon’ity fiofanana ity ny hanamafisana ny fahaleovantenan’ny tantsaha sy ny vehivavy eny ifotony, mba hahafahany mampihatra teknika maoderina sy mahomby, ka hampitombo ny vokatra sy ny fidiram-bola.

17/04/2026

🌱 PLAE - PARE : manome lanja ny ezaka ataon’ireo mpisitraka eny ifotony

Tsy mijanona amin’ny fanofanana sy fizarana masomboly fotsiny ny fanohanana ireo tantsaha ao anatin’ny Fandaharanasa PLAE. fa manome lanja ny ezaka ataon'ireo mpahazo tombontsoa.

🌿 Kitro ifaharan’ny famokarana mahomby ny fampiharana ireo teknika ara-pambolena sy fanarenana ny tany ary fanamby ho an’ireo tantsaha ny fampaharetana sy fanohizana izany teknika.
Izany indrindra no nanosika ny PLAE hanao ny fifaninanana “Mpamboly Mendrika”, izay mikendry ny:
• hanentanana ny tantsaha hafa hanaraka ireo fomba fambolena manaraka ny teknika
• hanamafy ny fifampizarana traikefa sy ny fampielezana ireo fomba fanao mahomby
• ary hanome lanja ireo mpisitraka mampihatra araka ny tokony ho izy ny teknika

🌾Ho an'ny faritra Matsiatra Ambony dia ny sokajy ala vadim-boly no nanaovana ny fifaninanana. Nandritra ny hetsika, nidina teny an-tanimboly ny komity mpanao tombana nijery mivantana ireo asa fanajariana sy ny fomba fampiharana, ka niorina tamin’ny zava-misy azo tsapain-tanana ny fanombanana.

🏆 Tantsaha dimy (5) tamin'ny 30 no nisongadina tamin’ity andiany voalohany ity, vokatry ny ezaka sy ny fahaiza-mampihatra hita teny an-tsaha.

📍 Ny kaominina Iarintsena, Distrikan’Ambalavao, Faritra Matsiatra Ambony, no nisantatra ity andiany voalohany amin’ny fifaninanana ity, natao ny 13 sy 14 aprily, ary hivelatra hatrany amin’ny faritra hafa iasan'ny fandaharanasa PLAE -PARE ny fifaninanana.

17/04/2026

📍 FITSIDIHANA PRE-CORES : FANAMAFISANA NY ASA ENY IFOTONY

📅 15 sy 16 Aprily 2026 - PLAE Ambalavao. Tontosa soa aman-tsara ny fitsidihana notanterahin’ireo Tale avy amin’ny Talem-paritry ny Fambolena sy ny fahleovan-tena ara-tsakafo (DRASA), ny talem-paritry ny tontolo iainana sy ny fandrosoana lovain-jafy (DREDD) ary talem-paritry ny fanajariana ny tany sy ny fananan-tany (DRATSF) niaraka tamin’ny ekipany tsirairay avy, notronin’ireo Ben’ny Tanàna voakasika ary ny ekipan’ny PLAE, izay nifantoka tamin’ny fanaraha-maso sy fanombanana ny asa tanterahin’ny PLAE eny anivon’ny kaominina Sendrisoa sy Ambohimandroso.

Ity fitsidihana ity dia natao mba hahafahan’ireo mpikambana ao amin’ny CoReS (Comité Régional de Suivi) mijery mivantana sy manamarina eny ifotony ny asa vitan’ny PLAE sy ny vokatra eny an-tsaha, alohan’ny hanatanterahana ny fivorian’ny CoReS izay matetika aorian'ny fotoam-pijinjana.

🌳 Ny 15 Aprily, tao amin'ny Kaominina Sendrisoa dia nitsidika ireo sehatrasa toy ny ala vadim-boly, ny fambolena vilona nohatsaraina, ary ny voly hazo ho an’olon-tsotra. Ny 16 Aprily kosa dia natokana ho an’ny fitsidihana ny ala ho an'ny kaominina (Forêt Communale) tao Ambohimandroso.

👏 Nandritra ny fitsidihana dia nankasitrahan’ireo mpitsidika ny ezaka efa vita sy ny vokatra hita eny ifotony. Noderaina manokana ny fahavononan’ny ekipa amin’ny fanatanterahana ny asa, indrindra any amin’ireo faritra sarotra aleha sy mila fiakarana an-tendrombohitra.

01/04/2026

"Tena nitana hamandoana mihitsy ny tany... Tena nahomby ny teknika" hoy ramatoa RAMOMA avy ao Soanierana, fokontany
Firaisantsoa, faritra Matsiatra Ambony

Mpahazo tombontsoa an'ny PLAE mampihatra ny fambolena manaraka ny teknika ala vadim-boly ao amin'ny "site de référence" Iarintsena. nampiarahana tamin'ny teknika PFUMVUDZA.

𝐅𝐚𝐦𝐛𝐨𝐥𝐞𝐧𝐚 𝐦𝐢𝐤𝐨𝐣𝐚𝐤𝐨𝐣𝐚 𝐧𝐲 𝐭𝐚𝐧𝐲, 𝐡𝐨 𝐚𝐧'𝐧𝐲 𝐡𝐨 𝐚𝐯𝐲 𝐦𝐚𝐢𝐭𝐬𝐨

31/03/2026

Visite de la KfW dans les régions Boeny et Betsiboka dans le cadre du nouveau projet de la coopération allemande sur l’agroécologie à Madagascar.

27/03/2026

26/03/2026

25/03/2026

Amoron’i Mania – 25 mars 2026 : mpisitraka miisa 221 no nahazo ny taratasy fanamarinana ny fananan-tany

Notanterahina tao amin’ny kaominina Soavina ny lanonana fanolorana karatany ho an’ireo mpisitraka miisa 221 avy amin’ny ao amin’ny faritra Amoron’i Mania.

Miisa 301 ny karatany nozaraina ka 232 ho an’ny kaominina Soavina ary 69 ho an’ny kaominina Ambondromisotra.
Velaran-tany mirefy 196 ha no voaaro sy misoratra ara-dalàna amin’ny tompony vokatry ny fiaraha-miasan’ny PLAE tamin’ireo rantsa-mangaika miandraikitra ny fananan-tany.

Tonga nanatrika ny fotoana ny lehiben’ny distrikan’Ambatofinandrahana niaraka tamin’ny Talem-paritry ny Fambolena sy ny Fiompiana, Talem-paritry ny fanajariana ny tany sy ny Fananan-tany ary ny solotena avy amin’ny ministeran’ny fanajariana ny tany sy ireo manam-pahefana ao an-toerana.

24/03/2026

Tany nokahon'ny riaka an-taonany maro, mahavokatra ankehitriny.
Araho ny fizarana ataon'i Richard RANDRIANANTENAINA, mpahazo tombontsoan'ny PLAE ao amin'ny kaominina ambanivohitra Ambondromisotra, faritra Amoron'i Mania.

𝐅𝐚𝐦𝐛𝐨𝐥𝐞𝐧𝐚 𝐦𝐢𝐤𝐨𝐣𝐚𝐤𝐨𝐣𝐚 𝐧𝐲 𝐭𝐚𝐧𝐲, 𝐡𝐨 𝐚𝐧'𝐧𝐲 𝐡𝐨 𝐚𝐯𝐲 𝐦𝐚𝐢𝐭𝐬𝐨

02/03/2026

Fambolen-kazo ho an'ny kaominina – fiaraha mientana ho amin'ny tombontsoa iombonana

Mahatsinjo - 27 febroary 2026, Notanterahina ny hetsika fambolen-kazo tao amin’ny ala kaominaly 2025/2026 ao Mahatsinjo. Niara-niasa tamin’ireo hery velona teo anivon’ny kaominina ny ekipa nandritra ity asa ity, ka nahafahana nanatanteraka fambolena tamim-pahombiazana.

Zana-kazo miisa 1 667 no voavoly nandritra ny hetsika, ary Eucalyptus maculata avokoa no karazan-kazo novolena.

"Fambolene mikojakoja ny tany, ho an'ny ho avy maitso"

21/02/2026

Fiaraha mientan'ny rehetra ny fanarenana amin'ny laoniny ny endritany sy ny ala.

Faritra Matsiatra Ambony, 19 Febroary 2026 - zanakazo miisa 2 000 avy amin'ny PLAE no novolena tamin'ny hetsika fambolen-kazon'ny CISCO Ambalavao ho fanamarihana ny andron'ny sekoly.

12/02/2026