https://www.facebook.com/215093491949917/

Mpanazava sy Tily Eto Madagasikara (MTEM)

Home
Madagascar
Antananarivo
Mpanazava sy Tily Eto Madagasikara (MTEM)

Skoto + Kristianina. Hanabe sy hanolokolo ary hampivelatra ny maha-olona feno mba ho vavolombelon’i Jesoa Kristy sy andrin’ny fianakaviana sy ny Fiaraha-monina.

Pejy nasionaly hifanomezana vaovao sy ho fanohanana ireo Foibe Mpanazava sy Tily

09/03/2026

🌪️ 𝗧𝗼𝗹𝗼𝘁𝗮𝗻𝗮𝗻𝗮 𝗵𝗼 𝗮𝗻'𝗶𝗿𝗲𝗼 𝗺𝗽𝗶𝗸𝗮𝗺𝗯𝗮𝗻𝗮 𝗠𝗧𝗘𝗠 𝘁𝗿𝗮𝗯𝗼𝗶𝗻𝗮 (𝗚𝗲𝘇𝗮𝗻𝗶)

Taorian’ny fandalovan’ny rivodoza Gezani, dia naneho indray ny firaisankina sy ny fitiavana mifanampy ny Mpanazava sy Tily Eto Madagasikara. Nisy ny hetsika tolotanana natao ho fanohanana ireo mpikambana traboina, ary tena mampihetsi-po ny fahitana fa maro ireo nandray anjara.

🙏 𝗠𝗶𝘀𝗮𝗼𝘁𝗿𝗮 𝗶𝗻𝗱𝗿𝗶𝗻𝗱𝗿𝗮 𝗮𝗻𝗮𝗿𝗲𝗼 𝗿𝗲𝗵𝗲𝘁𝗿𝗮 𝗶𝘇𝗮𝘆 𝗲𝗳𝗮 𝗻𝗮𝗻𝗱𝗿𝗮𝘆 𝗮𝗻𝗷𝗮𝗿𝗮 𝘁𝗮𝗺𝗶𝗻’𝗻𝘆 𝘁𝗼𝗹𝗼𝘁𝗮𝗻𝗮𝗻𝗮 nokarakaraina: tamin’ny alalan’ny fanomezana ara-materialy, fanohanana ara-moraly, na tamin’ny fizarana sy fanentanana. Ny firaisan-kina toy izao no tena mampiavaka antsika tezaina eto amin'ny skotisma.

📍 𝗧𝗮𝘁𝗶𝘁𝗿𝗮 𝗳𝗼𝗵𝘆 𝗺𝗼𝗺𝗯𝗮 𝗻𝘆 𝗲𝗳𝗮 𝗻𝗮𝘁𝗮𝗼 :

- Nisy ny fidinan’ny Filohan’ny Komity Lehibe, ny Filoha Nasionaly Mpanazava, ary ny solontenan’ny Foibe Tily Eto Madagasikara tany an-toerana.
- Nifampahery sy niara-nijoro tamin’ireo mpikambana traboina izy ireo, sady nijery akaiky ny zava-misy sy ny filàna maika eny ifotony.
- Mitohy hatrany ny ezaka ataon’ny Komitim-paritany sy ireo Filoha mpiray dia MTEM, izay miasa tsy mitsahatra mandrindra sy manampy ireo mpikambana mandrak’ankehitriny.

🤝 Fankasitrahana lehibe ho an’ireo:
- Komitim-paritany any an-toerana,
- Filoha sy mpitarika rehetra miasa an-tsitrapo,
- Ary ireo mpiaramiombona antoka manome fanohanana ara-materialy sy ara-moraly.

💛 Mbola hitohy ny tolotanana. 🤲 Tsy vita andro vitsy ny fanarenana, ary mbola mila fanampiana ireo mpikambana sy fianakaviana voakasika. Hitantsika eo amin'ny ranty ny antontanisa samihafa momba ny zava-misy any an-toerana iainan'ireo mpikambana Mpanzava sy Tily.

👉 Koa manentana antsika rehetra hatrany izahay hanohy ny firaisankina sy ny fanohanana, araka izay tratra. Na kely aza ny anjara biriky dia manampy amin’ny fananganana indray ny fiainan’ireo rahalahy sy anabavintsika.

Miaraka isika, matanjaka isika. ✨ Ataovy mpianatra ny firenena rehetra.

18/02/2026

⚠️ 𝗩𝗼𝗶𝗻-𝗸𝗮𝘃𝗮 𝗺𝗮𝗵𝗮𝘁𝗿𝗮𝘁𝗿𝗮 : 𝗔𝗻𝘁𝘀𝗼 𝘃𝗼𝗻𝗷𝘆 𝗵𝗼 𝗮𝗻’𝗻𝘆 𝗠𝗽𝗮𝗻𝗮𝘇𝗮𝘃𝗮 𝘀𝘆 𝗧𝗶𝗹𝘆 𝗮𝗼 𝗧𝗼𝗮𝗺𝗮𝘀𝗶𝗻𝗮

🌪️ Potika hatramin’ny 95% ny tanànan'i Toamasina, ary 𝘁𝗿𝗮𝗯𝗼𝗶𝗻𝗮 𝗮𝘃𝗼𝗸𝗼𝗮 𝗻𝘆 𝗮𝗻𝗸𝗮𝗺𝗮𝗿𝗼𝗮𝗻'𝗶𝗿𝗲𝗼 𝗺𝗽𝗶𝗸𝗮𝗺𝗯𝗮𝗻𝗮 𝗠𝗽𝗮𝗻𝗮𝘇𝗮𝘃𝗮 𝘀𝘆 𝗧𝗶𝗹𝘆, manomboka amin’ny Lovitao sy Voronkely ka hatramin’ny Mpiandraikitra, Filoha ary ireo Komity isan’ambaratongany. Eo am-panangonana ny isa isika.

🙏 Marobe ireo filàna, fa ho laharam-pahamehantsika aloha ny jiro ho an’ireo tokantrano sy ny fitaovam-pianarana ho an’ireo ankizy mila miverina mianatra.

------

📅 Alahady 22 Febroary 2026,
🤲 Voin-kava mahatratra lehibe iarahan’ny fianakaviamben’ny MTEM manerana an’i Madagasikara.
🟩 Azo tanterahina isam-paritany, isam-paritra na isam-pivondronana ny fanangonana izay ho atolotra araka ny fandaminan'ny mpitarika isam-paritany.

👇 Raisina avokoa izay endrika fanampiana avy amintsika :
- Sakafo sy PPN
- Fitaovam-pianarana
- Jiro (lampes chargeables)

💸 Raha lelavola kosa dia alefa amin'ny 0381132349 (Mvola) na ny 0331132349 (Airtel Money) - Patrick, Mpitahiry volan'ny KL MTEM. Raison : Gezani.

🟩 Ny KOPA sy ireo FP roa tonta no mandrindra ny hampitàna ireo entana voaangona aty amin'ny foibe.

Hanetsika antsika anie ny fanahin'ny fahafoizana ✨ Andriamanitra hanonitra avo heny izay hafoin'ise. 🙂

Mpanazava Eto Madagasikara
Tily eto Madagasikara

11/02/2026

𝐅𝐚𝐧𝐝𝐚𝐥𝐨𝐯𝐚𝐧’𝐧𝐲 𝐑𝐢𝐯𝐨𝐝𝐨𝐳𝐚 𝐆𝐄𝐙𝐀𝐍𝐈 𝐚𝐯𝐲 𝐚𝐧𝐲 𝐚𝐭𝐬𝐢𝐧𝐚𝐧𝐚𝐧𝐚 𝐧𝐢𝐚𝐧𝐤𝐚𝐧𝐝𝐫𝐞𝐟𝐚𝐧𝐚

🙏 Ny Fikambanana Mpanazava sy Tily Eto Madagasikara izay tarihin’ny Komity Lehibe dia miombom-po sy saina amin’ireo mpikambana Mpanazava sy Tily, ary ireo Malagasy Mpiray tanindrazana rehetra lasibatr’ity rivodoza ity. Ary mamporisika ny Mpikambana tsy ankanavaka sy izay mpanohana tsara sitrapo mba samy handray ny andraikitra manandrify azy avy, ary indrindra samy hahatsiaro ambavaka azy ireny.

📣 Ankoatra ireo isan’ambaratongany eto amin’ny Fikambanana, izay efa manao ny ainy tsy ho zavatra, dia mbola manentana antsika koa izahay KOMITY LEHIBE M.T.E.M hanao VOIN-KAVA MAHATRATRA ka handrotsaka izay fointsika hanampiana ireo Raiamandreny, zoky, zandry, rahalahy sy anabavintsika Mpikambana MTEM traboina nandalovan’ity Rivodoza ity.

➡️ Alefaso Mvola amin’ny 038 11 323 49 (PATRICK) na Airtel Money 033 11 323 49 amin’Atoa Hery Rasolonirina Mpitahiry Vola KL MTEM

👉 Raha misy sosonkevitra hafa na fanampim-panazavana dia mandefasa hafatra miafina (MP) na miantso ny laharana io ihany.
Entanina kosa ianareo Filohan’ny KOPA sy FP MEM sy TEM any amin’ireo Faritany avy nolalovan’izao Rivodoza izao ka manana isa mazava an’ireo Mpikambana Traboina sy adiresin’izy ireo, mba handefa izany aty amin’ny Birao KL maika handaminana ny fitsinjarana izay voaangona. Samia mahereza !

“𝑨𝒕𝒂𝒐𝒗𝒚 𝑴𝒑𝒊𝒂𝒏𝒂𝒕𝒓𝒂 𝒏𝒚 𝒇𝒊𝒓𝒆𝒏𝒆𝒏𝒂 𝒓𝒆𝒉𝒆𝒕𝒓𝒂.” Mat. 28, 19b

25/01/2026

⭐ Fifaliana ho antsika fianakaviamben'ny MTEM indray ny nitsidika ny Ray aman-dReny - Pasteur RAVELOMANANTSOA Herinjato - Filohan’ny Fiangonana FMTA, izay isan'ireo synaodam-piangonana 5 ijoroantsika.

☝️ Fotoana mamy sy feno fifaliana, no niarahabana ny ray aman-dreny am-panahy, ary nanamafisana ny firaisankina sy ny fifampizaràna soatoavina. Fotoana ihany koa nifanakalozan-kevitra manodidina ny fanabeazana.
🙏🏻Mirary soa sy fahasalamana ho azy sy ny ankohonany

🌿 Anio isika hahatsiaro am-bavaka ireo mpitondra fivavahana rehetra, misehatra eto amin'ny MTEM.

22/01/2026

📆 21 Janoary 2026 | Fiarahabana an’i Mgr Samoela Jaona RANARIVELO, Filohan’ny EEM sady filohan’ny FFKM ihany koa.

🚀 Tonga niarahaba ny mpitarika ny EEM ny fianakaviamben’ny Mpanazava sy Tily Eto Madagasikara (MTEM) omaly, nirary soa ho azy amin’ny andraikitra goavana izay sahaniny ary nampahery azy ny amin’izany.

🎁 Toy ny mahazatra dia nisy ny fanomezana hita maso natolotra azy ireo ho fahatsiarovana ny amin’izao nahatratrarana ny taona vaovao 2026 izao.

Cc Mpanazava Eto Madagasikara, Tily eto Madagasikara

14/01/2026

🎉Tongasoa faritany Melaky, faritany miranga!🚀

☝️ Hain'ise ve? Raha efa velona sy nanana mpikambana amam-polo taonany ny faritany Melaky, dia miijoro ofisialy ao aminy ankehitriny ny Mpanazava sy Tily Eto Madagasikara. Misaotra ny Tompo Lehibe fa voatokana ny volana novambra 2025 teo ny faritany.

🚀 Isan'ireo lavitra sy saro-dalana indrindra ny faritany Melaky, farafahakeliny 3 andro raha mandeha fiara.

🎯 Nisy ny fiofanana nomen'ny foibe ireo ambaratongan-drafitra eto anivon'ny fikambanana ho azy ireo (Komitim-paritany sy fivondronana, Filoha, Mpiandraikitra ho an'ny Mpanazava sy Tily ary miampy Loham-bondrona ho an'ny Mpanazava).

⭐️Tarigetran'izy ireo ny hoe "faritany miranga", izay midika hoe mijoro na mitsangana, antony nisafidianan'izy ireo ny tenin'ny Soratra Masina ao amin'ny Isaia 60 : 1-3. Asainay ise hamaky izany anio 😉

Mirary soa ho an'ny faritany Melaky!🙏

08/01/2026

📍Ampandrana | 07 Janoary 2026

🤩🎉 Taona vaovao 2026:Tonga nitsidika sy niarahaba an’i Pastera Andriamampianina, Filohan’ny FJKM ny fianakaviamben’ny Mpanazava sy Tily Eto Madagasikara (MTEM).

🚀 Fiarahabana izay sady fotoana nahafahana niresadresahana ny amin’ny fanabeazana Mpanazava sy Tily ihany koa.

🙏 Mirary soa sy mitrotro am-bavaka azy amin’ny adidy sy andraikitra nomen’ny Tompo azy!

Cc FOIBE FJKM - Fiangonan'i Jesoa Kristy eto Madagasikara

01/01/2026

🤝 Taom-baovao 2026

“𝐀𝐫𝐲 𝐦𝐢𝐫𝐚𝐯𝐨𝐫𝐚𝐯𝐨𝐚 𝐚𝐦𝐢𝐧’𝐢 𝐉𝐞𝐡𝐨𝐯𝐚𝐡 𝐢𝐚𝐧𝐚𝐨, 𝐝𝐢𝐚 𝐡𝐨𝐦𝐞𝐧𝐲 𝐚𝐧𝐚𝐨 𝐢𝐳𝐚𝐲 𝐢𝐫𝐢𝐧’𝐧𝐲 𝐟𝐨𝐧𝐚𝐨.” 𝐒𝐚𝐥. 𝟑𝟕, 𝟒

Amin’izao fiandohan’ny taona vaovao izao, ny Komity Lehiben'ny Fikambanana Mpanazava sy Tily Eto Madagasikara dia manolotra ny fiarahabana feno firariantsoa ho an’ny Mpikambana beazina rehetra, ireo mpiandraikitra sy Filoha mpanabe, ny Ray aman-dreny, ny mpiara-miombon’antoka rehetra ary ny mpikambana mpanohana sy mpitantana.

Mba ho taona feno fanoloran-tena, firaisankina, fanompoana ary firahalahiana, izay soatoavina iorenan’ny Fikambanantsika.

💪 Andeha isika hiara-hientana hanabe sy hanefy olom-pirenena tompon’andraikitra, mahasoa ny fiarahamonina ary manome fanantenana ho an’ny firenena.

Mirary taom-pamokarana ho antsika rehetra !

"𝑨𝙩𝒂𝙤𝒗𝙮 𝙢𝒑𝙞𝒂𝙣𝒂𝙩𝒓𝙖 𝙣𝒚 𝒇𝙞𝒓𝙚𝒏𝙚𝒏𝙖 𝙧𝒆𝙝𝒆𝙩𝒓𝙖" Mat. 28, 19b

24/10/2025

🚨VAOVAO LEHIBE🚨
🚀 Efa henon’ise ve fa misy an’izany Tily Eto Madagasikara Faritany Frantsa sy Mpanazava eto Madagasikara/Faritany Frantsa izany koa anie😎
🤩 Ho tokanana izany faritany izany, sady hanokatra taom-panabeazana 2025-2026 ihany koa ry zareo.

📆 Rahampitso 25 Oktobra 2025
⛪️ Ao amin’ny fiangonana Sainte-Colombe , Villejuif.
🕜 Amin’ny 01 ora sy sasany tolakandro

12/10/2025

J-J: FANOKAFANA TAOM-PANABEAZABA 2025-2026🎉

🎥 Ho arahan’ise mivantana eto amin’ny Pejy ny Fanokafana Taom-panabeazana Nasionaly 2025-2026 sady fitrotroana am-bavaka ny firenentsika🇲🇬

🚀 Aza hadinoina ary, anio tolakandro amin’ny 02 Ora no ho ampitaina mivantana avy eny amin’ny FJKM Tranovato Faravohitra izany.

07/10/2025

Efa vonona ve ise❓
✨Hiroso amin’ny taom-panabeazana 2025-2026 isika Mpanazava sy Tily eto Madagasikara
📆 Ny Alahady 12 Oktobra 2025 ny FANOKAFANA TAOM-PANABEAZANA 2025-2026
🕑 Manomboka amin’ny 02 Ora tolakandro
⛪️ Eny amin’ny FJKM Tranovato Faravohitra

𝗙𝗔𝗡𝗔𝗠𝗔𝗥𝗜𝗛𝗔𝗡𝗔: Hanasana ny Mpikambana ao amin'ny Rafitra Nasionaly rehetra , Rafitra Faritany rehetra, ary ny KP sy Mpiandraikitra. Solontena vitsivitsy avy amin'ny beazina (tsy ilay mifampitaritarika marobe eny andalana) no entin'ny Mpiandraikitra manatrika izany.

Izany no natao dia nohon'ny toedraharaham-pirenena misy indrindra eto Antananarivo ka mila fitandremana (toromarika avy amin'ireo tompon'andraikitry ny filaminana ara-panjakana) .

« Ataovy mpianatra ny firenena rehetra » Matio 28:19a

02/10/2025

🎯 𝐅𝐚𝐦𝐩𝐚𝐡𝐚𝐟𝐚𝐧𝐭𝐚𝐫𝐚𝐧𝐚 𝐟𝐚𝐧𝐞𝐦𝐨𝐫𝐚𝐧𝐚

Nohon'ny toedraharaham-pirenena iaraha-mahita sy mahalala dia nirosoana ny fanapahan-kevitra hanemorana amin'ny fotoana manaraka ny FANOKAFANA NY TAOM-PANABEAZANA MTEM 2025-2026 NASIONALY AMIN'NY FOMBA OFISIALY izay saika hatao ny Sabotsy 11 oktobra 2025 hoavy izao eny amin'ny FLM Ambatovinaky.

▶️ Ny hafatra ho an'ny Mpikambana, amin'ny fandraisana andraikitra eto amin'ny Firenena avy amin'ny Komity Lehibe kosa dia araho araka ny rohy https://web.facebook.com/share/p/171SYBSARy/

Address

Andohalo
Antananarivo

Website

facebook.com

Alerts

Be the first to know and let us send you an email when Mpanazava sy Tily Eto Madagasikara (MTEM) posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Antananarivo?