Ministeran'ny Mpivady sy ny Ankohonana MMA Antananarivo

Ministeran'ny Mpivady sy ny Ankohonana MMA Antananarivo Contact information, map and directions, contact form, opening hours, services, ratings, photos, videos and announcements from Ministeran'ny Mpivady sy ny Ankohonana MMA Antananarivo, Nonprofit Organization, Antaninarenina, Antananarivo.

✨ Vavaka mba hiarovan'Andriamanitra ny fiainam-panambadian'ny tsirairay no nandresy lahatra anay ho zaraina indray andro...
05/06/2026

✨ Vavaka mba hiarovan'Andriamanitra ny fiainam-panambadian'ny tsirairay no nandresy lahatra anay ho zaraina indray androany ✨ Amin'ny teny frantsay izy ity fa misy dikanteny malalaka eo ambaniny.🙏

🙏🏠❤️ Prières pour que Dieu protège son couple 🏠❤️🙏

💟 Seigneur, je Te remercie parce que pour nous Tu es "un soleil et un bouclier" et aussi parce qu'en raison de Ta grâce et de Ta gloire, il n'est rien de bon que Tu puisses nous refuser lorsque nous marchons dans l'intégrité (Psaumes 84 : 12).

💟 Je Te prie de protéger mon mariage de toute dureté de cœur qui pourrait s'installer entre nous. Je Te prie pour que nos cœurs ne s'endurcissent jamais l'un envers l'autre.

💟 Aide-nous, Seigneur, à ne pas nous entêter et nous rebeller et à ne pas refuser de redresser nos cœurs devant Toi (Psaume 78 : 8).

💟 Enseigne-nous à tous deux à " bien compter nos jours", c'est à dire à accorder un grand prix au temps que Tu nous a imparti ensemble - de façon à ce que nous appliquions notre cœur à la sagesse, comme Tu l'as promis dans Ta Parole (Psaume 90 : 12).

💟 Retire de nos cœurs toute perversité de manière à ce que rien de mauvais ne prenne racine en nous (Psaume 101 : 3 - 4). Ôte de nous tout sentiment d'orgueil, toute amertume pour ne pas Te déplaire.

💟 Si nos cœurs s'endurcissent envers notre conjoint, viens les assouplir. Je Te demande que des fleuves d'eau vive venant de Toi viennent couler à travers nous en tout temps pour adoucir, réparer et restaurer nos cœurs (Jean 7:38).

💟 Montre-nous que ce qui est brisé n'est pas irréparable, et efface les cicatrices de nos cœurs. Seigneur donne-nous de toujours nous aimer.
Au Nom de Jésus. Amen 🥰

📖 Source : La prière est efficace dans les problèmes conjugaux. (STORMIE OMARTIAN) Page 243 - 244

💟 Misaotra Anao aho Tompo satria "masoandro sy ampinga" ho anay Ianao, ary noho ny fahasoavanao sy ny voninahitrao, tsy misy soa azoninao ka tsy omenao anay rehefa matoky Anao izahay (Salamo 84:12).

💟 Mangataka Aminao aho, arovy ny fiainam-panambadiako amin'ny fahamafisam-po izay mety hisy aminay mivady. Mivavaka aho mba tsy hanamafy fo mandrakizay izahay mivady.

💟 Ampio izahay ry Tompo mba tsy ho mafy loha sy hikomy ka tsy hampiomana ny fonay hahitsy eo anatrehanao. (Salamo 78 : 8)

💟 Mampianara anay roa hanisa ny andronay, hanome lanja ny fotoana omenao iarahanay, hahazoanay fo hendry, araka ny Teninao (Salamo 90 : 12).

💟 Esory ao am-ponay ny faka mangidy rehetra mba tsy hisy zava-dratsy hitoetra ao aminay. (Salamo 101:3)
Esory ao anatinay ny hambom-po rehetra, ny fangidiana rehetra mba tsy hanaovanay izay mampalahelo Anao.

💟 Raha mitady hihamafy amin'ny vadinay ny fonay, avia hanalefaka izany (Salamo 101:3). Mangataka Aminao aho mba hisy loharano miboiboika avy Aminao hikoriana aty anatinay hanalefaka, hanarina ary hanasitrana ny fonay (Jaona 7:38).

💟 Asehoy anay fa raha misy zavatra simba dia tsy hoe tsy azo harenina intsony izany, fafao ny olatra ao am-ponay. Tompo ô, ataovy mifankatia foana izahay. Amin'ny anaran'i Jesoa, Amen 🥰

🏡 Ankohonana mirindra anaty rotoroto 🏃🏻[Notsongaina tamin'ny konferansa teto amin'ny MMA.]❓Ianareo koa ve mahatsapa fa m...
03/06/2026

🏡 Ankohonana mirindra anaty rotoroto 🏃🏻
[Notsongaina tamin'ny konferansa teto amin'ny MMA.]

❓Ianareo koa ve mahatsapa fa mirotoroto be ny ankohonanareo ankehitriny? Sa aty aminay ihany no misy an'izany? 😅 ...

🤔 Fa inona moa ny mety ho voka-dratsin'ny rotoroto lava ho an'ny ankohonana?
💔 Samy maka ho azy
👪❌ Taranaka miondrika (sens propre et sens figuré)
🏚️ Trano lasa hotely (hisakafoana sy hatoriana fotsiny)
😔 Fahazarana sisa ny miray trano
😡 Mitaky foana fa tsy mba afaka manome ho an'ny hafa (fotoana, fitiavana...).

💡Inona ny vahaolana atoron'ny baiboly ho antsika?

1) FITSAHARANA. 📖 "Mankanesa aty amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana." Matio 11 : 28.
- 🕊️ Ao Aminy ihany no misy fitsaharana.
- 🏃🏻🏃🏻🏃🏻Anatin'ilay rotoroto: ny problèmes ho be dia be fa mila maka fotoana mitsahatra manantona Azy mihitsy.
- 🤔 Fampieritreretana: ao anatin'ny 24 ora, inona no mibahana, adin'ny firy ny fotoana atokana @ fifandraisana amin'ny Tompo? 🥰

2) FILAMINANA. "Fa ny fahaizana mandamina tsara no entonao miady." ⚔️🤺 Ohabolana 24:6a.
- Rehefa samy mandinika dia toa mila tsy ho ampy ny 24 ora amin'ny fandaharam-potoanan'ny tsirairay sy ny ankohonana. ⌚
- Mila tsy ahita fotoana ho an'ny zava-dehibe eo amin'ny fiainam-piankohonana, ohatra hamakiana baiboly miaraka 📖 na fotoana mamy (moment de qualité) ho an'ny ankohonana 👫👪 🍕🚲🎳
- Dia tena mila omanina dieny mialoha mihitsy (programmé) izany. 📆 Izay ilay hoe mahay mandamina! 😍

3) FIFANERASERANA. 🧏‍♀️
"Ary raha maro ny mpanolo-tsaina, dia misy famonjena." Ohabolana 24:6b

💡Vahaolana izany manoloana ilay hoe lasa "génération numerique" isika ankehitriny: samy miondrika amin'ny télé 📺 sy téléphone📱

✅ Maninona raha mamorona resaka ifankahalalana sy ifampihainoana ao an-trano? 🤗
Afaka asiana règle kely manena écran 🤳, ohatra hoe tsy mampiasa écran rehefa misakafo 🍴🍛🥘
fa mifampiresaka ny samy niainana ny tontolo androny 🗣️👂💗

✨ Inona koa ny mety vahaolana hitanareo mba hampirindra ny fiainan'ny ankohonana anaty rotoroto? 😇 Ifampizarao fa sao mahasoa ny hafa 💝

Salama daholo ve?Misaotra antsika rehetra mpanaraka ny page MMA Antananarivo, kopa-tanana kely ho an'ny neny rehetra.Man...
01/06/2026

Salama daholo ve?
Misaotra antsika rehetra mpanaraka ny page MMA Antananarivo, kopa-tanana kely ho an'ny neny rehetra.
Manatitra ny fialatsiny amintsika ihany koa fa noho ny fotoana nifanindry dia voatery nahemotra amin'ny fotoana mahamety azy ny week end pour couple nokasaintsika natao any amin'ny tany Kanana Ampefy ny 13-14 Juin. Ifonana ho an'ireo izay nikasa, apetratsika @ Tompo ny fotoana manaraka.
Dia manasa antsika rehetra hanatrika ny global day of prayer ary e!

30/05/2026

💖 Miarahaba antsika rehetra amin'izao fetin'ny reny izao 🥰
Bonne fête Maman! 😘😘😘
Atolotray ity vidéo kely ity ho fanomezana ho anareo 💝
📖 "Mamitaka ny bika ary mandalo ny hatsaran-tarehy; fa ny vehivavy manaja ny TOMPO ihany no hoderaina." Ohabolana 31:30 (Diem)
Ho vehivavy soafeno ao amin'ny Tompo anie ianareo! 💗

🌟 Isan'ny antoky ny fahombiazana eo amin'ny fiainan’ny kristianina amin'ny ankapobeny ny FANKATOAVANA an’Andriamanitra ...
30/05/2026

🌟 Isan'ny antoky ny fahombiazana eo amin'ny fiainan’ny kristianina amin'ny ankapobeny ny FANKATOAVANA an’Andriamanitra sy ny voasoratra. 🌟
Amin’ny mampifanohitra ny nofo sy ny fanahy dia misy sarotra ho antsika ny manatanteraka azy, ohatra hoe:
👉 Mamela heloka rehefa maratra mafy
👉 Mifehy fahatezerana sy mifaly mandrakariva
👉 Vehivavy manaiky, indrindra moa rehefa tsy mitovy hevitra izay…
Andao hoe jerentsika ny fiainan’ireto mpivady ao anaty baiboly ireto:
1. Fankatoavana amin’ny fitokisana an’Andriamanitra — Abrahama sy Saraha
Nantsoin’Andriamanitra hiala ny taniny izy mivady nefa tsy fantany izay toerana haleha. Na dia antitra aza izy ireo ary tsy mbola nanan-janaka, dia mbola nino ny tenin’Andriamanitra.
📖 Genesisy 12:1–5 ; Genesisy 21:1–3
>>Ho an’ny mpivady:Ny fankatoavana dia indraindray mitaky fiaraha-matoky an’Andriamanitra na tsy mazava aza ny ho avy (asa, vola, zanaka, projet).

2. Fankatoavana amin’ny asa fanompoana miaraka — Akoila sy Prisila
Mpivady niasa sy nanompo an’Andriamanitra niaraka izy ireo. Nanampy tamin’ny fampianarana sy fanohanana ny asa fitoriana.
📖 Asan’ny Apostoly 18:1–3, 24–26
>>Ho an’ny mpivady:Matanjaka ny tokantrano rehefa miara-mivavaka, miara-manompo ary miara-manana vina 🙏

3. Fankatoavana very làlana — Ananiasy sy Safira
Nifanaraka nandainga tamin’Andriamanitra momba ny vola izy mivady.📖 Asan’ny Apostoly 5:1–10
>>Ho an’ny mpivady:Tsy ampy hoe miray saina fotsiny; mila miray amin’ny marina sy ny sitrapon’Andriamanitra koa.

4. Ohatra lehibe indrindra amin’ny fanambadiana ara-panahy — Josefa sy Maria
Nisy zavatra sarotra takarina teo amin’ny fiainan’izy mivady, nefa samy nankatò ny tenin’Andriamanitra. Josefa dia niaro sy nikarakara an’i Maria, ary samy nanaiky ny iraka nomen’Andriamanitra.
📖 Matio 1:18–24 ; Lioka 1:26–38
>>Ho an’ny mpivady:Ny tokantrano matanjaka dia tsy midika hoe tsy misy olana, fa misy fankatoavana sy firaisan-tsaina eo anatrehan’Andriamanitra
🌿Fehiny ho an’ny mpivady 💍
Ny fankatoavana ao anaty fanambadiana dia hita amin’ny:
✅ Fitokisana an’Andriamanitra miaraka
✅ Fahamarinana sy fifampitokisana
✅ Fanajana sy faharetana
✅ Fiaraha-mivavaka sy vina iray
✅ Fanekena ny sitrapon’Andriamanitra na sarotra aza.Misy andininy iray tena mifanaraka amin’izany:
📖 Koheleta (na Mpitoriteny) 4:12b (Diem) — “.. Ny mahazaka telo olana tsy mora tapahina.” (Andriamanitra + Lahy + vavy) 🙏MANOLOANA NY ADY SAROTRA DIA NDAO ATAO EO ANIVONTSIKA ANDRIAMANITRA SY NY TENINY E?!💞

💍 Fahasamihafana ao anatin'ny fanambadiana: Ahoana no hamadihana azy ho harena?1. 👑 Tsarovy fa samy manana ny maha-izy a...
27/05/2026

💍 Fahasamihafana ao anatin'ny fanambadiana: Ahoana no hamadihana azy ho harena?

1. 👑 Tsarovy fa samy manana ny maha-izy azy eo anatrehan’Andriamanitra. Tsy natao hoe misy ambony na ambany ny lahy sy ny vavy, fa samy sarobidy ❤️
"Ary Andriamanitra nahary ny olona tahaka ny endriny; ...lahy sy vavy no namoronany azy."
Genesisy 1:27

➡️ Midika izany fa:
✨ Samy manan-danja
✨ Samy tian’Andriamanitra
✨ Samy manana andraikitra.

2. 🤝 Tadidio fa samy hafa ny mpivady fa natao hifameno.
Samy hafa:
✨Ny vatana, ny tanjaka @ ankapobeny. (I Petera 3:7)
✨Ny fomba fisainana
✨Ny ara-pihetseham-po
✨Ny fiaviana, ny fitaizana, ny fianarana, ny ara-tsosialy, ny lasan’ny tsirairay, ny fahazarana.
> 👉 Izany mihitsy no mahatonga azy ireo hifameno.

📖 "Ary Jehovah Andriamanitra nanao hoe: Tsy tsara raha irery ralehilahy; dia hanaovako vady sahaza ho azy izy."
Genesisy 2 : 18

💡 Ohatra fahasamihafana:
👨 Ny lahy mety tonga dia mitady vahaolana.
👩 Ny vavy mety mila fihainoana sy fifampiresahana aloha.

🚹 Amin’ny lehilahy, sarobidy ny fanajana.
🚺 Ny vehivavy dia mila fitiavana, mitady olona afaka hizaràna sy hihaino azy.

⚠️ Tsy lalàna raikitra ireo voalaza ireo, fa matetika hita amin’ny fiaraha-monina.

3. ❤️ Raiso ny fanalahidin’ny fanambadiana:
🥰Fitiavana + Fanajana 🥰
Efesiana 5:33 "Samia tia ny vadiny tahaka ny tenany ianareo lehilahy rehetra, ary aoka kosa ny vavy hanaja ny lahy."

💙 Andraikim-pitiavana ho an'ny lehilahy:
🛡️ Miaro
🤲 Mikarakara
💬 Mihaino sy mitia
💜 Andraikim-pitiavana ho an’ny vehivavy:
🤝 Manohana
🌷 Manaja
🕊️ Mitondra fiadanana

4. 🏡 Ao an-tokantrano aza manao hoe “izaho" sy "ianao” fa aoreno mafy ny “isika”.
📖 Matio 19:5 “Ho nofo iray ihany izy roroa.”

Izany dia midika:
💭 Firaisan-tsaina
❤️ Firaisam-po
🙏 Fivavahana miaraka
🎯 Tanjona iombonana

5. ⚡ Iadio ireo zavatra manimba fanambadiana matetika. Inona izany?
❌ Tsy fifampiresahana
❌ Fireharehana
❌ Tsy fifamelana
❌ Tsy fihainoana.

Fa manasitrana kosa:
✅ Fifampiresahana am-pitiavana 💬
✅ Famelan-keloka 🤍
✅ Fiaraha-mivavaky ny mpivady 🙏
✅ Fanetren-tena 🌱
“Amin’ny fanetren-tena dia aoka samy hanao ny namany ho mihoatra noho ny tenany.” Filipiana 2:3.
✅ Mivelona amin’ny fifamenoana (Efesiana 4:1-4)
✅ Mazoto miantso ny Fanahy masina hahamora ny fifandeferana 🕊️(Gal:5:22).
✅ Mifampihaino sy mifanaja🗣️ 🧏‍♀️ (Jakoba 1:19)
✅ Misoroka ny fifampitahana 🧐(Romana 14:13)

💡 Hevitra lehibe: Tsy nataon’Andriamanitra hitovy tanteraka ny lahy sy ny vavy, fa hifameno, hifankatia ary hiara-hitombo ao anatin’ny fanambadiana 💍✨ Fahasoavana lehibe izany! 💝

💗 Andao hoe samy hizara fomba namadihanareo ny fahasamihafan’ny mpivady ho fifamenoana?

Faly mampatsahiahy sy manasa antsika hatrany ho tonga @ konferansa antsika @ Asabotsy 23 Mai @ 2;30 ao Antaninarenina. I...
20/05/2026

Faly mampatsahiahy sy manasa antsika hatrany ho tonga @ konferansa antsika @ Asabotsy 23 Mai @ 2;30 ao Antaninarenina.
Indro ny famintininana ny fifampizarana teo aloha:
💥 Gestion des conflits 💥, fitantanana ny fifandirana araka ny Baiboly
[Notsongaina tamin’ny konferansa teto amin’ny MMA ny 9 mey 2026]

I. Ny atao voalohany manoloana fifandirana? 🤔
1. Manaiky fa misy simba na misy rava 😥
2. Manaiky fa mila RESTAURATION – INNOVATION – CRÉATION - Nohavaozina – nohatsaraina– noforonina indray ho olom-baovao 😍
🌤️Tsy misy fanarenana raha tsy ekena fa misy tsy mety ilay fifandraisana.
📖 Salamo 51:3 « Fa tsaroako ny fahadisoako, ary eo anatrehako mandrakariva ny fahotako. »

II. Ahoana ny fomba fiatrehana ny fifandirana?
1. Manokàna fotoana ⌚
2. Mihaino sy miresaka am-pahatoniana 🧏
3. Miaraka mikaroka vahaolana 🤗

III. Diniho sao tsy najaina ny lamin’ny fanambadiana fa misy dingana nifamadika 🙄:
« Ary noho izany ny lehilahy dia handao ny rainy sy ny reniny ka hikambana amin'ny vadiny; dia ho nofo iray ihany ireo. » Genesisy 2:24

IV. Sao tsy naka ny anjara toerany eo amin’ny fanambadiana ny lahy sy ny vavy? (Kristy – lahy – vavy) ✝️
« Saingy ity misy zavatra tiako ho fantatrareo: I Kristy no mpifehy ny lehilahy rehetra; ny lehilahy no mpifehy ny vadiny; ary Andriamanitra no mpifehy an’i Kristy. » 1 Kor 11:3 diem

V. Sao tsy mirindra ny firaisana ara-nofon’ny mpivady? ❤️💞💖💘💝
« Aza misara-pandriana ianareo (ne vous privez point l’un de l’autre) raha tsy amin’ny vanim-potoana ifanarahanareo hatokana ho amin’ny fivavahana, avy eo miraisa indray, sao tsy mahafehy tena ianareo ka halain’ny Satana fanahy. »
I Korintiana 7:5 diem

VI. Sao fomba fiteny sy fifandraisana feno havonavona sy fitiavan-tena no nahatonga ny fifandirana? ⚡⚡⚡
Sao mifanameloka ny mpivady, mifanakiana, miteny tsy am-pahendrena, manao herisetra.
Romana 12:16

VII. Fakafakao ny karazan’ilay fifandirana 🔎: Conflit d’objectif ve? Conflit de jugement ve? Conflit de valeurs ve? Conflit de relation ve?
Mitadiava vahaolana mifanaraka amin’izay mba ho samy mpandresy ny roa tonta.

VIII. Miverena eo amin’i Jesosy Kristy, fa Izy avy mba hananareo fiainana be diabe. Jaona 10:10b 🌻💦
“Ny loharanoko rehetra dia ao aminao.” Salamo 87:7

Irariana ianareo mba ho MPIVADY manao tahaka an’ilay sary farany ! 😍🔥🥰

Mety misy zanaka tafalatsaka ao anatin'ny zava-mahadomelina ve 🥲? Sa ny ray aman-dreny ihany koa 🥲? Tsy misy tara ao 🙌...
16/05/2026

Mety misy zanaka tafalatsaka ao anatin'ny zava-mahadomelina ve 🥲? Sa ny ray aman-dreny ihany koa 🥲?
Tsy misy tara ao 🙌. Ndao hianatra eh!📝📚.
Azo sorohana ny zava-mahadomelina . Ary azo ialana ihany koa izy.
📖"Raha ny zanaka no hahafaka anareo, dia ho afaka tokoa ianareo" Jaona 8:36❤️‍🔥❤️‍🔥. Ndao izaho sy ianao ihany koa ho tànana mitsotra ho an'ny hafa eh! 🫱🫲Mila antsika izy ireo.🫂 Tongavasoa eh! sarobidy ny fotoana. 🎁

📖 "Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome ...
15/05/2026

📖 "Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany."
JEREMIA 29 : 11

Mety tenin’Andriamanitra diso haintsika loatra ity andini-tsoratra masina ity, fa fantatsika ve hoe tamin'ny vanim-potoana manao ahoana no nanoratan’i Jeremia azy ?

🏛️ 1.Toe-javatra tamin’izany fotoana izany
• Ny vahoaka Israely dia:
o Very tanindrazana satria babo tany Babylona
o Kivy sy very fanantenana.
👉 Nisy mpaminany sandoka nilaza hoe “Hody vetivety ianareo.”
👉 Fa Andriamanitra nilaza tamin’ny alalan’i Jeremia hoe mbola haharitra 70 taona ny sesitany.

Fa na nisy ary ny fahababoana dia nanome hafatra lehibe Andriamanitra.

✉️ 2. Hafatra lehibe (Jeremia 29).
Andriamanitra nampirisika ny zanak'Israely babo any Babylona mba hanorina fiainana any. Ny tsirairay asaina:
o Manambady
o Mamboly
o Mitady fiadanana
Aza miandry vahaolana haingana.

✨ 3. Jeremia 29:11 ao anatin’izany
👉 “Fantatro ny hevitra iheverako anareo… hevitra fiadanana fa tsy loza…”
💡 Ny dikany:
• Tsy teny ho an’ny fahombiazana haingana
• Fa fanantenana ao anatin’ny fotoana sarotra sy maharitra.

🙏 4. Fampiharana amin’izao vaninandro izao?
• Raha mandalo fahasarotana ianao, ny fiainan-tokantranonao, na misy sedra lalovana:
o Tsy midika hoe very planina Andriamanitra.
• Mety hoe:
o Dingana sy lalana iray ahatongavana amin’ny toeran-kafa omanin'Andriamanitra io.

✅ 5. Ny tiana hampaherezana antsika koa dia izao: tsy hoe sesitany akory ny zanak’Israely dia nitazam-potsiny Andriamanitra.
❗Nandritra ny fahababon’ny zanak’Israely tany Babylona, Daniela dia anisan'ny nalaina an-keriny sy nentina tany, saingy lasa mpanolo-tsaina ny mpanjaka izy. Efa rentsika fa noho ny tsy naneken’i Daniela hiankohoka tamin'andriamanitra ankoatran'ny Andriamanitra velona no nahatonga azy nalefa tao an-davaky ny liona. 🦁
Niseho anefa ny voninahitr’Andriamanitra satria nankaton'ny Tompo ny vavan’ny liona. ✊ (Daniela 6:23).

🥳 Taorin’izany dia namoaka didy ny mpanjaka Dariosa fa ny olona eran'ny fanjakany dia tsy maintsy mangovitra sy matahotra eo anatrehan’ny Andriamanitr'i Daniela, satria Andriamanitra velona sady maharitra mandrakizay Izy. (Daniel 6:27)

👉 6. Fehiny :
Afaka hahita fiadanana tokoa isika ao anatin’io sarotra lalovantsika io. Afaka maneho ny voninahiNY Andriamanitra. Isika afaka mitarika ny hafa hanompo an’ilay Andriamanitra velona.

❤️ Mahereza fa Andriamanitra milaza aminao: « Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany. » 🥰
JEREMIA 29 :11

🥰 Mana isan'andro, Lioka 24:36-53❓Fanontaniana faha-6: Inona ny fahamarinana asehon'ny teny novakiana?✨ Tamin'ny andron'...
14/05/2026

🥰 Mana isan'andro, Lioka 24:36-53
❓Fanontaniana faha-6: Inona ny fahamarinana asehon'ny teny novakiana?

✨ Tamin'ny andron'ny Ascension na fiakaran'i Jesoa Kristy tany an-danitra dia nanome zavatra maromaro Izy:

🕊️ 1. Paix, Lioka 24:36 "Jesoa... nanao taminy hoe: Fiadanana ho anareo."

📖 2. Révélation, na fanehoana ny hevitry ny Soratra Masina. Lioka 24:44 "Tsy maintsy ho tanteraka izay rehetra nanoratana Ahy teo amin'ny lalàn'i Mosesy sy ny mpaminany ary ny Salamo."

👉 3. Mission: "mba hotorina amin'ny anarany ny fibebahana sy ny famelan-keloka amin'ny firenena rehetra", Lioka 24: 47

💪 4. Provision: handefa ny Fanahy Masina Izy, ilay hery avy any amin'ny avo. Lioka 24:49

❤️ 5. Bénédiction: nitso-drano ny mpianany Izy, Lioka 24:51.

✨ Ny Tompo hanome anao sy ny ankohonanao fiadanana sy hery vaovao amin'ity Ascension ity! 😍

Address

Antaninarenina
Antananarivo
101

Website

Alerts

Be the first to know and let us send you an email when Ministeran'ny Mpivady sy ny Ankohonana MMA Antananarivo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category