08/01/2025
Notontosaina androany faha 8 Janoary 2024 ny fanambarana nataon’ireo olom-boafidy (loholona sy solombavambahoaka) sy antoko politika ary ireo fikambanana samihafa miaradia amin’ny Filoha Andry Rajoelina.
Manoloana ny toedraharam-pirenena ankihitriny dia nanamarika ny antoko fa mbola ao anatin’ny fanarenana hatrany isika ankehitriny, ary tsy takona afenina kosa ny ezaka natao mba tsy hisian’ny fandanindaniam-bolam-panjakana tsy voahevitra, ny ady amin’ny kolikoly, ny ady amin’ny fanondranana antsokosoko ny harem-pirenena, ny fanavaozana nentina mikasika ny tsenam-barom-panjakana, ny fifehezana ny fitantanam-bolam-panjakana mba tsy ho tantely afa-drakotra, sy ny maro tsy voatanisa.
« Ekena fa tena mbola ao anaty fahasahiranana tanteraka ny firenentsika, kanefa kosa dia tsy azo odian-tsy hita ny ezaka ataon’ny fitondram-panjakana hanamaivanana izany, ary manamafy izany ireo tarehimarika navoakan’ny Banky iraisam-pirenena sy ny tahirimbola iraisam-pirenena ireo », hoy hatrany ny vondrona.
Ireto avy ireo vondron’Antoko politika manohana ny Filoham-pirenena izay nanao ny fanambarana androany :
• ADN
• AKFM
• AKFM FANAVAOZANA
• AVANA
• AVI
• FREEDOM
• GFFM
• HIARAKA ISIKA
• LIARAIKE
• MAITSO
• MDM
• RPSD
• TGV
• Groupe parlementaire GPRI
• Groupe parlementaire UPAD
• Ny Fireneko
• M.A.F (AVOKO)
• Ny Sénateur sy ireo Député rehetra manohana ny Filoham-pirenena
• Ary ireo mpikambana avy amin’ny antoko LEADER FANILO
