20/09/2023
Indro Tompo fa omeko hoanao ny tenako
Tsy mba hisy izay tsy foiko, izay rehetra tianao❤️
SAKAFO MAHAVELONA
👋Fiadanana o 😍! Tian’Andriamanitra isika zanany mba tena hifikitra Aminy tanteraka😇🙂, ka izany indrindra no itenenany amintsika indray anio ity🥰, vakio anie ny fizaràna e👇
📖« Ny Tenin’ Andriamanitra, Fandravana sy Fanorenana » anio 20 Septambra 2023
👉Hos 10.1-14.10
👉Sal 64
👉Oha 23.26-28
👉Efe 1.1-23
☑️Hafatra: «Anaka, aoka hatoky ahy ny fonao ary aoka ny masonao hifaly amin'ny sori-dalako» Ohabolana 23.26 (DIEM)
Dikanteny vitsivitsy no iaingantsika amin’io bokin’ny Ohabolana 23.26 io: 👉Dikanteny Protestanta fanitsiana fahenina «Anaka, atolory ahy ny fonao, ary aoka ny masonao hifaly amin’ny lalako.». – 👉Dikanteny Katolika «Anaka, omeo ahy ny fonao, ary aoka hitandrina ny lalako, ny masonao». – 👉Dikanteny hafa «Anaka, aoka hatoky ahy ianao, ary aoka ianao hanaraka tsara ny ataoko». Zava-dehibe anankiroa no raisintsika avy amin’ireo Dikanteny ireo:
ny rohim-pihavanana misy eo amin’ilay miteny sy ny itenenana, toy ny ray aman-dreny mampianatra ny zanany;
1️⃣ ny fisian’ny endri-pifandraisana tsara eo amin’izy ireo. Andriamanitra Tsitoha Ilay 2️⃣nahary izao tontolo izao sady amin’ny voninahiny tanteraka dia miteny amintsika sady mandray antsika toy ny zanany.
Koa tian’Andriamanitra 🙂 ho vita fihavanana Aminy isika amin’ny alalan’ny finoana an’i Jesoa Kristy. Mitaona antsika am-pitiavana Izy mba hatoky Azy😍 tanteraka sy hianatra Aminy satria tiany ho tsara fifandraisana Aminy ihany koa isika ka ho zanaka manoa 😇. Hoy i Jesoa Kristy amintsika rehetra anio:«
📖🥰Mankanesa atỳ amiko ianareo rehetra torovana sy vesaran’ny lalàna, fa Izaho no hanome fialan-tsasatra anareo. Raiso ny fampianarako ary mianara amiko fa malemy fanahy sady tsy miavona am-po Aho; ary dia hahita fialan-tsasatra ao anatinareo ianareoi. Eny, mora raisina ny fampianarako ary mora arahina ny lalànako.» Matio 11.28-29.
🙏Vavaka: Tompo ô, matoky Anao amin’ny foko rehetra aho! Amena.
✍️RABENJARISOLO Fabrice Mpitandrina,
👉Tale Nasionaly FMBM
