07/09/2026
Ireo fotoana nisongadina tamin’ny “Conférence”
Alahady 06 Septambra 2026
📜LOHAHEVITRA : ISLAMO SY NY FAHASALAMANA
Fisaorana sy fiderana an’i Allah Ilay Tsitoha, izay nanome fahasoavana sy nanamora ny fikarakarana ary ny fahatanterahan’ity fihaonana ity, izay nokarakarain’ny Fikambanana
“Guidance et Lumière des Citoyens”
1️⃣ Mpampianatra voalohany : Oustaz Rachide
Nohazavainy ny toerana lehibe omen’ny Finoana Islamo ny fahasalamana, indrindra amin’ny alalan’ny fampianarana ao amin’ny Qour’an Masina.
🍽️Nampahatsiahiviny ny tenin’i Allah ao amin’ny:
Sourate Al-A‘râf (7:31)
وَكُلُوا وَاشْرَبُوا وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ
“Mihinàna sy misotroa, fa aza mihoa-pefy. Fa Allah dia tsy tia ireo mpanao fihoaram-pefy.”
🥗 Ny sakafo Halal sy tsara
Sourate Al-Baqarah (2:168)
“Ry olombelona, mihinàna amin’izay rehetra eto an-tany izay Halal sy tsara…”
📖 Ny torohevitra avy amin’ny Mpaminany Muhammad ﷺ
Nohazavaina ireo torohevitra hita ao amin’ny Hadith marim-pototra sy ao amin’ny boky:
“La Médecine Prophétique” Nosoratan’i imamo Ibn oul Qayyim
🏃 Ny fanaovana fanatanjahantena
Ny fahasalamana dia mila fikarakarana fa tsy atao tsinontsinona.
2️⃣ Mpampianatra faharoa : Dr Nourah
Nizara fahalalana momba ny sakafo mahasalama izy, izay nohazavaina tamin’ny fizarana 6 lehibe
Anisan’izany:
🥗 Ny pyramide alimentaire
fomba fandaminana ireo karazan-tsakafo ilaina amin’ny vatana.
🍽️ Ny lovia ara-pahasalamana (assiette santé)
fomba fanamboarana sakafo voalanjalanja.
🏃 Ny anjara toeran’ny fanatanjahantena
-manampy amin’ny fitazonana fahasalamana tsara,
-misoroka aretina maro.
🩺 Fampahafantarana momba ny aretina sasany
✅Nofaranany tamin’ny hafatra manan-danja:
Tokony hanova ny fahazarana andavanandro isika mba hiarovana ny fahasalamantsika
🎉Fisaorana manokana
Misaotra manokana an’i:
✅ Dr Nourah noho ny fanazavana sarobidy nomeny
✅ Ireo mpikambana rehetra tao amin’ny Jama’ah tonga maro avy amin’ny Masjid samihafa, na lehilahy na vehivavy, noho ny fandraisana anjara mavitrika.
✅ Ny ekipan’ny Association Guidance et Lumière des Citoyens rehetra, ary ireo nikarakara ny fandraisana sy ny sakafo
Enga anie Tompo Allah hanome antsika fahombiazana, fahalalana, fahatakarana ary hery hampiharana ireo fampianarana noraisintsika nandritra ity fihaonana ity.
✍🏻Mamode Rachide
🕌Masjid Abou Bakr
Antananarivo
