https://www.facebook.com/103928505768448/

Tsara voatra, Ambohijatovo, Antananarivo (2026)

25/08/2026

ANTSO AVO HO AN’NY FANJAKANA SY NY MALAGASY REHETRA 🌱🇲🇬
Mijery fotsiny ireo tendrombohitra sy tanety may ve isika, nefa mihamafy hatrany ny doro tanety?
Manao antso avo amin’ny Fanjakana Malagasy izahay mba hitady sy hampiasaina ireo fitaovana maoderina ilaina amin’ny famonoana afo sy fiarovana ny ala, anisan’izany ny avion mpamono afo raha ilaina.
Tsy ampy intsony ny herin’ireo vondron’olona eny ifotony, izay matetika miady amin’ny afo amin’ny fitaovana tena voafetra. Mila fitaovana, fandrindrana ary fandraisana andraikitra haingana izy ireo.
👉 Moa ve tsy azo atao ny mampiasa avion mpamono afo eto Madagasikara rehefa misy doro tanety goavana?
Ry Malagasy, tsy ny ankehitriny ihany no arovantsika, fa ny hoavin’ny taranatsika. 🌳
Raha simba ny ala sy ny tontolo iainana ankehitriny, iza no handova ny vokatr’izany rahampitso?
Aoka tsy hijery fotsiny isika.
Aoka handray andraikitra. Aoka hiaro an’i Madagasikara. 🇲🇬🌱
TSARA VOATRA
Ho an’ny tontolo iainana, ho an’ny taranaka, ho an’i Madagasikara. 🌍

20/08/2026

Maro no manonofy, fa vitsy no tena mahomby.
Matetika isika no mandre hoe sarotra ny mitantana tanimboly sy fiompiana miaraka. Heverina fa be loatra ny asa, na tsy mifanaraka ny fambolena sy ny fiompiana.
Kanefa, ny tena fototry ny tombom-barotra maharitra dia ny FIARAHA-MIASA SY FIFAMENOAN’NY FAMBOLENA SY NY FIOMPIANA! 🔄🌱🐄
🌾 Alaivo sary an-tsaina :
Ny vokatra sy ny sisa tavela amin’ny fambolena dia afaka mamahana ny biby fiompinao.
Ary ny zezika avy amin’ny biby kosa dia miverina manatsara sy mampahavokatra ny taninao.
♻️ Tsy misy fako — fa misy tombony roa!
Saingy fanontaniana lehibe no mipetraka:
👉 Azo tanterahina amin’ny fomba mahomby ve izany eto Afrika, indrindra eto Madagasikara?
Ao amin’ny Association Tsara Voatra, mino izahay fa anisan’ny lalan-kizorana ho amin’ny fambolena maharitra sy mahasoa izany. 🌱🤝
👇 Andao isika hifanakalo hevitra!
Araka ny traikefanao amin’ny fambolena sy fiompiana, ity .
1️⃣ Harena mbola tsy voararaotra tsara 💰
2️⃣ Olana sy risika sarotra tantanina 🤔
💬 Lazao amin’ny commentaire ny hevitrao sy ny antony!
🌱 Zarao ihany koa ny traikefanao, ny fahombiazanao na ny lesona nianaranao.
Association Tsara Voatra
“Miara-mamokatra ho an’ny fiainana maharitra

20/07/2026

Formation gratuite en permaculture à Ankazondandy : un engagement au service des agriculteurs
Grâce à la collaboration entre l’Association PARS, les responsables de la Commune d’Ankazondandy et l’Association Tsara Voatra, une formation gratuite en permaculture a pu être organisée au profit des agriculteurs de la commune.
Cette initiative repose sur une coopération simple, fondée sur la volonté de servir la communauté, sans financement extérieur ni soutien financier particulier. Malgré cela, les participants ont répondu présents en grand nombre. Certains agriculteurs ont parcouru de longues distances à pied, quittant leur domicile dès 3 heures du matin afin de participer à cette formation sur les techniques de culture durable que partage l’Association Tsara Voatra.
Au total, 85 participants ont suivi la formation. Leur motivation et leur engagement témoignent de l’intérêt grandissant pour une agriculture plus résiliente, productive et respectueuse de l’environnement.
L’Association Tsara Voatra et l’Association PARS sont toutes deux engagées sur le terrain sans bailleurs de fonds. Les activités sont souvent réalisées grâce aux contributions personnelles et aux sacrifices de leurs dirigeants, animés par la volonté de contribuer au développement des communautés rurales.
Face à la demande croissante, nous lançons un appel à toutes les personnes, entreprises, organisations et partenaires désireux de soutenir nos actions. Les besoins concernent notamment les déplacements, les équipements et les outils nécessaires à la poursuite des formations.
📞 Si vous souhaitez soutenir cette initiative ou établir un partenariat, n’hésitez pas à nous contacter via WhatsApp :
+261 38 73 103 29
Ensemble, investissons dans les agriculteurs d’aujourd’hui pour construire l’agriculture durable de demain. 🌿

16/07/2026

JEUNES ENTREPRENEURS VERTS : Créer des emplois, protéger l'environnement et construire l'avenir
Face aux défis économiques et environnementaux actuels, l'Association Tsara Voatra est convaincue que l'entrepreneuriat vert constitue l'une des solutions les plus efficaces pour créer des emplois durables et favoriser un développement inclusif.
🎯 Notre vision :
✅ Former les jeunes et les femmes à l'agriculture durable, à l'agroécologie et à l'entrepreneuriat.
✅ Créer des emplois verts et soutenir la mise en place de petites entreprises locales.
✅ Promouvoir la production de compost organique, de semences de qualité et la transformation des produits agricoles.
✅ Renforcer l'autonomie alimentaire tout en protégeant l'environnement.
✅ Connecter les producteurs aux marchés et aux partenaires stratégiques.
📈 Objectifs visés : • Former chaque année des centaines de jeunes et de femmes. • Créer des centaines d'emplois verts. • Développer un réseau d'entrepreneurs verts et d'agriculteurs professionnels à travers différentes régions de Madagascar.
🤝 Nous sommes ouverts à la collaboration avec : • ONG et Fondations
• Entreprises et programmes RSE
• Collectivités territoriales et institutions publiques
• Églises et associations
• Bailleurs de fonds et partenaires du développement
Nous croyons qu'en donnant aux jeunes les compétences et les opportunités nécessaires, ils deviennent des créateurs d'emplois plutôt que de simples demandeurs d'emploi.
🌍 Ensemble, construisons un avenir plus vert, plus durable et plus prospère pour Madagascar.
📞 Contact : 038 73 103 29

15/07/2026

Nahoana no manao fifandimbiasam-boly (Rotation des cultures) ?
Ny fifandimbiasam-boly dia fomba fambolena izay tsy ambolena voly mitovy amin'ny tany iray mandritra ny taom-pambolena mifandimby. Ity fomba tsotra ity dia anisan'ny fomba mahomby indrindra hitazonana ny fahavokaran'ny tany sy ny fahasalaman'ny voly.
✅ Ireto ny tombontsoa azo avy aminy :
🌿 Mitahiry sy mampitombo ny fahavokaran'ny tany amin'ny alalan'ny fampifandanjana ny fampiasan'ny voly ireo otrikaina ao anaty tany.
🦠 Mampihena ny aretina sy ny bibikely mpanimba voly izay mihanaka rehefa voly iray ihany no averimberina.
🌾 Mampitombo ny vokatra satria salama kokoa sy manankarena otrikaina ny tany.
💧 Manatsara ny firafitry ny tany sy ny fidiran'ny rano ao anatiny.
🌱 Mampihena ny filàna zezika simika sy fanafody famonoana bibikely.
🐝 Mampiroborobo ny fahasamihafan'ny zavamananaina sy ny fifandanjana voajanahary eny an-tsaha.
🌍 Manampy amin'ny fampandrosoana fambolena maharitra sy manaja ny tontolo iainana.
Ohatra amin'ny fifandimbiasam-boly :
1️⃣ Laisoa na Voatabia
2️⃣ Tsaramaso na Pitipoa (legioma mpamokatra azota)
3️⃣ Katsaka na Sorgho
4️⃣ Ovy mamy na voly fakany hafa
💡 Ny tany voakarakara tsara anio no antoka hahazoana vokatra tsara kokoa rahampitso !
Araho hatrany ny pejy Tsara Voatra raha mila torohevitra sy teknika mahasoa momba ny fambolena maharitra sy ny permaculture.

14/07/2026

TOROLÀLANA MOMBA NY FISAFIDIANA NY PAILLAGE MIFANARAKA AMIN'NY VOLY 🌱
Ny paillage dia fandrakofana ny tany amin'ny akora voajanahary na fitaovana hafa mba hitazonana ny hamandoana, hiarovana ny tany ary hanatsarana ny fitomboan'ny voly.
🌾 Mololo (Paille)
✅ Mety amin'ny :
Frezy
Salady
Laitue
Tombony :
Mitahiry ny hamandoan'ny tany
Mampihena ny fahaverezan-drano
Miaro ny voankazo tsy hifandray amin'ny tany
Mampihena ny aretina sasany
🌳 Poti-kazo sy rantsankazo voatoto
✅ Mety amin'ny :
Hazo fihinam-boa
Framboazy
Rhubarbe
Zavamaniry maharitra
Tombony :
Maharitra ela
Mampihena ny ahidratsy
Miaro ny fakany amin'ny hafanana sy hatsiaka tafahoatra
🍂 Ravinkazo voatoto
✅ Mety amin'ny :
Voatabia
Baranjely
Sakay
Voatavo sy courgette
Tombony :
Manankarena otrikaina
Manatsara ny firafitry ny tany
Mampitombo ny zavamananaina ao anaty tany
🌿 Ahitra voakapa (Tontes de gazon)
✅ Mety amin'ny :
Laisoa
Epinara
Poireau
⚠ Tandremo : Aparitaho manify fa raha matevina loatra dia mety ho lo sy hanimba ny voly.
⚫ Paillage plastika mainty
✅ Mety amin'ny :
Sakay
Piment
Baranjely
Melon
Tombony :
Manafana ny tany
Manafaingana ny fitomboan'ny voly
Misakana tanteraka ny ahidratsy
🌱 Komposta masaka tsara
Mety amin'ny ankamaroan'ny voly rehetra.
Tombony :
Manome otrikaina ny voly
Miaro ny tany
Manatsara ny fahavokaran'ny tany maharitra
Nahoana no manao paillage ?
✔ Mitsitsy rano
✔ Mampihena ny asa fanesorana ahidratsy
✔ Miaro ny tany amin'ny fikorontanana sy fihotsahana
✔ Manatsara ny fahavokaran'ny tany
✔ Mampitombo ny vokatra azo
✔ Mampiroborobo ny fambolena maharitra
🌿 Ny paillage tsara dia manampy amin'ny famoronana tontolo lavorary ho an'ny voly tsirairay, ka mampitombo ny vokatra sy miaro ny tontolo iainana.
Tsara Voatra "Mamboly anio, mamelona ny ampitso."

13/07/2026

MIHENA NY TAHIRIN-DRANO MADI0, MIHALEOTO NY SAKAFO HANINTSIKA 🌱
Noho ny fitomboan'ny mponina sy ny fanotorana tany etsy sy eroa, dia mihena hatrany ireo tahirin-drano madio. Vokatr'izany, maro amin'ireo anana sy voly amidy eny an-tsena no tondrahana amin'ny rano tsy madio, ary matetika zezika simika no ampiasaina amin'ny fambolena.
Mety hisy fiantraikany amin'ny fahasalamana izany amin'ny fotoana maharitra, ka ilaina ny mandray andraikitra dieny izao.
🌿 Association Tsara Voatra dia vonona hanampy sy hampiofana anao: ✅ Hamboly anana sy legioma eny an-tokotaninao
✅ Hanangana zaridaina-tsakafo maharitra
✅ Hampiasa teknika voajanahary sy mahasalama
✅ Hamokatra sakafo madio ho an'ny ankohonanao
Na any an-drenivohitra ianao na any ambanivohitra, azo atao ny mamokatra sakafo mahasalama, mampihena ny fandaniana ary miaro ny fahasalaman'ny fianakaviana.
🌱 Sakafo madio, Fahasalamana tsara, Fiainana maharitra.
Andao hiaraka amin'ny Association Tsara Voatra! 💚
📞 Contact : 038 73 103 29
🌿 Tsara Voatra – Mamboly ho an'ny hoavy maitso sy salama.

12/07/2026

TSARA VOATRA – SEMENCE LÉGUMES 🌿🌱
Mitady semence kalitao ho an'ny fambolenao ve ianao?
✅ Semence légumes isan-karazany
✅ Vokatra voafantina tsara
✅ Mety ho an'ny fambolena an-tanàn-dehibe sy ambanivohitra
✅ Manampy anao hahazo vokatra tsara sy be
💰 1 000 Ar monja ny fonosana
📦 Afaka mandray commande maro izahay, saingy manao famandrihana herinandro mialoha.
📞 Contact : 038 73 103 29
🌱 "Avy amin'ny natiora, ho an'ny fiainana maharitra."
Tsara Voatra – Mamboly anio, mijinja

12/07/2026

FIZARANA STRATEJIKA NY TANY (10 000 m²)
🌾 Faritra A – Voly foto-tsakafo sy voamadinika (4 000 m²)
Ity faritra ity dia natokana ho an'ny famokarana sakafo fototra. Ny 2 000 m² dia volena katsaka, 1 000 m² volena mangahazo ary 1 000 m² ho an'ny voly legiominezy toy ny voanjo na tsiasisa.
Tombontsoa:
Manatsara ny fihodinan'ny voly.
Manome ambin-voly azo hanina na omena ny biby fiompy.
Mampitombo ny fahavokaran'ny tany amin'ny fomba voajanahary.
🥬 Faritra B – Voly anana ara-barotra (2 000 m²)
Ahitana voly toy ny voatabia, sakay, gombo, laisoa, salady ary tongolo, arakaraka ny vanim-potoana sy ny filàn'ny tsena.
Teknika ampiharina:
Tanimboly avo (planches de culture).
Fampiasana paillage.
Fanondrahana voafehy na fanondrahana mitete.
Tombony: Mahazo vola haingana satria fohy ny tsingerin'ny famokarana.
🐓 Faritra C – Fiompiana mifamatotra amin'ny fambolena (2 000 m²)
Ny 1 000 m² dia natokana ho an'ny fiompiana akoho afaka mandray akoho 300 ka hatramin'ny 400. Ahitana trano sy tokotany hivezivezen'ny akoho izy io. Ny taim-borona dia avadika ho zezika organika.
Ny 700 m² kosa dia natokana ho an'ny fiompiana ondry na osy, afaka miompy biby 20 ka hatramin'ny 30 miaraka amin'ny tranom-biby sy toerana fiandrasana.
Ny 300 m² sisa dia toerana fanamboarana compost avy amin'ny taim-biby sy ny ambin-voly.
🌳 Faritra D – Saha fihinam-boa sy agroforesterie (1 200 m²)
Ahitana hazo fihinam-boa toy ny manga, papay, voasary makirana, moringa ary akondro.
Tombontsoa:
Manome vola maharitra.
Manome alokaloka ho an'ny biby.
Miaro ny tany amin'ny fahasimban'ny tontolo iainana.
Manampy amin'ny fitazonana ny hamandoan'ny tany.
🏗️ Faritra E – Fotodrafitrasa sy tolotra (800 m²)
Ahitana:
Trano fitahirizana vokatra sy fitaovana.
Birao na trano fiambenana.
Fantsakana na lavadrano.
Tilikambo fitahirizana rano.
Toerana fanamainana sy fanodinana vokatra.
Trano fidiovana.
♻️ RAFITRA MIFAMENO (CERCLE VERTUEUX)
Ny tanjona dia ny hampifandray ny sehatra rehetra ao amin'ny toeram-pambolena:
Ny taim-biby dia avadika ho compost sy zezika ho an'ny voly.
Ny ambin-voly dia lasa sakafo ho an'ny biby.
Ny rano dia ampiasaina amin'ny fanondrahana sy fampisotroana biby.
Iombonana ny fampiasana mpiasa sy fitaovana.
Vokatra andrasana:
Mihena ny fatiantoka.
Mitombo ny vokatra.
Mitombo ny vola miditra.
Maharitra ny famokarana.
💰 VINAVINAN-KARENA
Ny voly anana dia ahafahana mahazo vola haingana sy tsy tapaka. Ny fiompiana akoho dia manome vola avy amin'ny atody sy ny hena mandritra ny taona. Ny fiompiana ondry na osy dia loharanom-bola amin'ny varotra sy ny fampitomboana ny biby. Ny voly foto-tsakafo dia miantoka ny sakafo ho an'ny ankohonana ary ny ambiny dia azo amidy. Ny hazo fihinam-boa kosa dia manome vola maharitra sy mitombo isan-taona.
🌱 Fehiny
Ity maodely toeram-pambolena mifamatotra amin'ny velarana 10 000 m² ity dia manambatra ny fambolena sy fiompiana mba hahazoana vokatra betsaka, hampitomboana ny fidiram-bola ary hiarovana ny tontolo iainana.
"Avy amin'ny natiora, ho an'ny fiainana maharitra." – Tsara Voatra 🌿

01/07/2026

Lalàna 17 Tokony Ho Fantatry ny Tantsaha Rehetra
Maro ny tantsaha tsy mahomby, tsy noho izy kamo, fa noho izy tsy manaraka ireo fitsipika fototra ireo:
1️⃣ Aza mikendry foana ny vanim-potoana be mpamokatra (haute saison), satria mitondra olana sy fifaninanana maro izany. Aoka ho tantsaha fa tsy mpiloka.
2️⃣ Mifidiana voly lehibe roa farafahakeliny ary manàna drafitra fifandimbiasam-boly (rotation culturale). Tsy mora ny mifindra avy amin’ny voly iray mankany amin’ny voly hafa.
3️⃣ Alamino ny taninao ary ataovy samy hafa taona ny voly mba hisian’ny vokatra mitohy mandritra ny taona.
4️⃣ Tsy misy voly iray mahazo tombony mihoatra ny hafa amin’ny maha izy azy. Ny zava-dehibe dia ny fahafehezana ny tombony sy ny fatiantoka entin’io voly io.
5️⃣ Tsy antoka hahombiazana ny fananana tany midadasika.
6️⃣ Manàna fandaharam-pamafazana fanafody sy zezika ary araho tsy tapaka izany.
7️⃣ Aza mino avy hatrany ny torohevitry ny mpivarotra fanafody sy zezika. Misy amin’izy ireo no mpivarotra fotsiny fa tsy teknisianina ara-pambolena.
8️⃣ Ezaho ahena ny fandaniana amin’ny fambolena nefa tsy mampihena ny kalitaon’ny vokatra.
9️⃣ Raha mora simba ny vokatra dia aza tehirizina ela. Amidio amin’ny vidiny misy eny an-tsena.
🔟 Aza mamboly voa vaovao amin’ny velarana lehibe raha mbola tsy nosedraina na tsy mbola hitanao ny vokany.
1️⃣1️⃣ Aza avela amin’ny mpiasa irery ny hevitrao na tetikasanao lehibe. Tokony hanatrika ireo dingana manan-danja rehetra ianao mandra-pahatongan’ny fivarotana ny vokatra.
1️⃣2️⃣ Tandremo ny manendry havana akaiky hitantana ny toeram-pambolenao, satria mety hiteraka olana izany.
1️⃣3️⃣ Raha mifanolo-bodirindrina amin’ny tantsaha hafa ianao, dia tsara raha mitovy na mifameno ny voly ambolena.
1️⃣4️⃣ Manàna drafitra mazava ho an’ny fambolenao.
1️⃣5️⃣ Matetika ny karazana voa sy teknika efa voasedra hatry ny ela no azo itokisana kokoa.
1️⃣6️⃣ Tena ilaina ny fitiavana sy ny finiavana amin’ny fambolena raha te hahomby ianao.
1️⃣7️⃣ Aza mampiasa zezika simika 100% irery. Ampifandraiso amin’ny zezika organika (zezika voajanahary) izy ireny.
Ny fampiasana zezika simika irery mandritra ny fotoana maharitra dia mety hampihena ny kalitaon’ny tany.
🌱 Velona ny tany. Raha tsy omena sakafo izy dia tsy hanome sakafo anao intsony.
Tsara Voatra
“Mamboly anio, mijinja rahampitso, miaro ny tany ho an’ny taranaka.”

Tsara voatra

25/08/2026

20/08/2026

20/07/2026

16/07/2026

15/07/2026

14/07/2026

13/07/2026

12/07/2026

12/07/2026

01/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request