Blue Ventures Madagasikara

10/06/2026

👋👋 Kopa-tanana kely ho an'ireo mpikambana ao amin'ny VOI SOANAJORO izay vao nahavita fiofanana mahakasika ny fandraharahana (culture entrepreneuriale).

Mpandray anjara miisa 29 no nanatrika izany ny 7-9 Jona lasa teo, tao amin'ny fokontany Andranoboka, Mahajamba (faritra Boeny).
Ny tanjon'izao fiofanana izao moa dia mba ho fampiroboroboana hatrany ny lafin’ny maha olona sy ny velon-tenan’ireo tokantranon’ireo.

"Vondron'olona ifotony miroborobo, ranomasina salama"

08/06/2026

Tratry ny andro maneran-tany ho an’ny ranomasina! 🌊🌍

"𝗔𝗻𝗸𝗼𝗮𝘁𝗿𝗮 𝗶𝘇𝗮𝘆 𝗲𝗳𝗮 𝗳𝗮𝗻𝘁𝗮𝘁𝘀𝗶𝗸𝗮 𝗺𝗼𝗺𝗯𝗮 𝗻𝘆 𝗿𝗮𝗻𝗼𝗺𝗮𝘀𝗶𝗻𝗮, 𝗮𝗻𝗱𝗮𝗼 𝗵𝗮𝗻𝗼𝗿𝗶𝗻𝗮 𝗳𝗶𝗳𝗮𝗻𝗱𝗿𝗮𝗶𝘀𝗮𝗻𝗮 𝘃𝗮𝗼𝘃𝗮𝗼 𝘀𝘆 𝗺𝗮𝗵𝗮𝗿𝗶𝘁𝗿𝗮 𝗮𝗺𝗶𝗻𝘆."
Io no lohahevitra nosafidiana maneran-tany, hanamarihana ity andro miavaka ity, ary hitarika ny hetsika atao mifandraika amin’ny ranomasina mandritra ny taona maro ho avy.

Ny tanjona ny amin’ny andro fankalazàna toa izao dia ny mba hanambarana ny ezaka sy ny hery nateraky ny fifanakalozana stratejika nandritra ny taona maro lasa, toy ny fampiroboroboana ny hetsika mifandray amin’ny ranomasina sy ny toetr’andro, ary ny tanjona hiarovana farafahakeliny ny 30%-n’ny tany, ny rano ary ny ranomasina hatramin’ny taona 2030 (30×30).

Ho an’ny Blue Ventures manokana dia tena mifandray amin’ny vina sy paikady imasoanay hatraminn’y taona 2030 izao lohahevitra izao. Izahay dia mino fa amin’ny alalan’ny fanalalahana ny haitao, haitarika, sy haitondran’ireo vondron’olona ifotony, amin’ny alalan’ny rafi-dalàn manampy azy ireo, no isan’ny vahaolana iray mahomby amin’ny fampiroboroboana sy fitantanana ny harena an-dranomasina.

‘Ndeha isika hitsidika Faritra Arovana An-dranomasina irany, any amin’ny faritra Melaky any, amin’ny alalan’ity horonantsary iray ity, izay ahitàna ny fikambanana Vezo Miray Nosy Barren, manetsiketsika ny fitantanana ny Nosy Barren. Isan’ny ezaka iarahanay manao amin’izy ireo ny fahazoana sata ara-dalàna sy ofisialy mamaritra an’ity toerana manan-karena ity ho Faritra Arovana An-dranomasina.

31/05/2026

🙌🙌 Mahafaly anay ny manambara fa nitombo iray indray ny fikambanana ifotony, mpiara-miombon'antoka aminay any amin'ny faritra Atsimo Andrefana

🌊 Tafajoro amin'ny fomba ofisialy androany Zoma faha 29 May 2026 ny fikambanana ifotony 𝗙𝗜𝗩𝗘𝗠𝗔𝗠𝗜𝗥𝗔 (Fikambanana VEzo MAnombo MIharo RAike) izay mampitambatra VOI miisa 4 sy Fikambanam-panjono miisa 4 anaty tana-dehibe miisa 4 (Andrevo, Fitsitike, Tsihake, Manombo), ahitana fonkotany miisa 9.

Miisa 95 ny ho mpikamba handrafitra ny FIVORIAM-BE FIVEMAMIRA izay alaina ao anaty fikambana 8.

Fotoana iray nahafahana nanaza ny ny endriky ny fiaraha-miasa eo amin’ny Blue Ventures sy ireo mpiara-miombon'antoka aminy ity fivoriana ity, izay narahana fiofanana mahakasika ny "6 principes de bonne gouvernance" (haitondra) sy ny leadership (haitarika).

👉 Dingana manaraka :
Fisafidianana ny ho mpikambana ny rafitra fivoriam-be (ataon'ireo zanam-pikambana) sy fivoriam-be ho fifidianana ny birao foibe sy fankatoavana ny sata sy fitsipika anatiny.

30/05/2026

🎉 Arahabaina ny fikambanana Vezo Miray Fo (VeMFo) !!!

Taorian’ny fametrahana ny Drafi-panajariana ny Jono (PAP), dia tontosa omaly ihany koa ny famindrana ny TGRH ho an’ny VEMFO, fikamban’ireo vondron’olona ifotony manao fitantanana harena an-dranomasina ao amin’ny kaominina Belo sur Mer sy Bemanonga (Menabe), ary ahitana vondrona miisa 19.

Fankatoavana lehibe ny ezaka sy ny fahaizan’ny VEMFO amin’ny fitantanana maharitra ny harena an-dranomasina izao famindrana andraikitra izao. Marihina fa efa misitraka famatsiam-bola mivantana avy amin’ny Blue Ventures ihany koa ny VEMFO (Ny Frontline Community Fund) ho fanatanterahana ireo asa eny ifotony, ary ny fahazoana izao zo hitantana izao dia hanamafy bebe kokoa ny fahaleovantenany sy ny fahafahany mandray fanapahan-kevitra ho an’ny hoavin’ny jono madinika sy ny fiainan’ireo vondrom-piarahamonina amorontsiraka.

Nandritra ny lanonana, ireo manam-pahefana notarihin’ny Préfet de Morondava dia nanamafy fa miaraka amin’ny zo omena ny VEMFO dia misy ihany koa ny andraikitra lehibe entiny.
Nankahery ny fikambanana izy ireo mba hijoro ho mpitarika matanjaka amin’ny fitantanana ny harena an-dranomasina, hanamafy ny mangarahara amin’ny alalan’ny tatitra sy ny fifampiresahana amin’ny manam-pahefana, ary ho modely amin’ny fitantanana tarihin’ny vondrom-piarahamonina eto Menabe sy manerana an’i Madagasikara.

Ankasitrahina ny mpiaramiombon’antona rehetra ny amin’ny fahatanterahan’izao dingana lehibe izao 🤝

Ministère de la Pêche et de l'Economie Bleue
Ministère de l'Environnement et du Développement Durable
Dredd Menabe

29/05/2026

🌊🐟 Vaovao tsara hoan'ny fampiroboroboana ny jono sy ny fitantanana eny ifotony, ho an'ny faritra Melaky

Tontosa ny 28 Mey 2026 tany Maintirano ny atrik’asa fankatoavana rejionaly ny Drafi-panajariana ny Jono nohavaozina (PAP) ato amin’ny Faritra Melaky. Nandray anjara tamin’izany ireo mpiantsehatra rehetra amin’ny sehatry ny jono, ahitana ireo manam-pahefana isan-tsokajiny, mpanjono avy eny ifotony, fiarahamonim-pirenena ary ireo mpiara-miombon’antoka ara-teknika sy ara-bola.

Dingana lehibe ho an’ny Faritra Melaky ny fananana ity PAP nohavaozina ity, satria 𝗳𝗶𝘁𝗮𝗼𝘃𝗮𝗻𝗮 𝗳𝗼𝘁𝗼𝘁𝗿𝗮 𝗲𝗻𝘁𝗶𝗻𝗮 𝗺𝗶𝘁𝗮𝗻𝘁𝗮𝗻𝗮 𝘀𝘆 𝗺𝗮𝗺𝗽𝗮𝗻𝗱𝗿𝗼𝘀𝗼 𝗺𝗮𝗵𝗮𝗿𝗶𝘁𝗿𝗮 𝗻𝘆 𝘀𝗲𝗵𝗮𝘁𝗿𝘆 𝗻𝘆 𝗷𝗼𝗻𝗼. Aorian’izao dia hiroso amin’ireo dingana manaraka ny rehetra, toy ny fanomanana ny PARAR, ny PGES ary ny fankatoavana farany ny “projet d’arrêté PAP” eo anivon’ireo manam-pahefana voakasika.

⛵️ Ho an’ny Blue Ventures, izay mampiroborobo ny fitantanana tarihin’ny vondrom-piarahamonina eny ifotony, dia manokatra lalana lehibe mankany amin’ny famindrana fitantanana ny harena an-dranomasina amin’ireo fokonolona ao Melaky izao dingana izao.

Tafiditra ao anatin’ny tetikasa vatsian’ny 𝗕𝗹𝘂𝗲 𝗔𝗰𝘁𝗶𝗼𝗻 𝗙𝘂𝗻𝗱 ny fanavaozana ny PAP, ary vokatry ny fiaraha-mientan’ireo mpiara-miombon’antoka rehetra tao amin’ny Faritra Melaky ny fahatontosany.

Ministère de la Pêche et de l'Economie Bleue
Dredd Melaky Dredd
Vezo Miray Nosy Barren

27/05/2026

Nandray anjara tamin’ny fifanakalozana traikefa momba ny fitantanana ny harena an-dranomasina ireo fikamban'ny vondron'olona ifotony tohanan’i Blue Ventures avy ao amin’ny Faritra Baie de Tsimipaika, nandritra ny fihaonana notanterahina tao amin’ny Corridor Marin des 07 Baies (CM7B), tantanan’ny Conservation International - Madagascar sy ny plateforme LOVASOA MIRAY, any amin’ny Faritra DIANA.

Nandritra izany dia naneho ny fahaiza-manaony tokoa ny solontena avy ao Baie de Tsimipaika, isian’ny fikambanan’ireo vondron’olona ifotony (Fédération Miaramientagna sy ny des Pêcheurs Manongalaza - Nosy Faly ) ny solontenan’ireo Science Team sy ireo mpaka antotan’isa.

📊 Nahasarika ny mpandray anjara ihany ny fomba famerenana ny vokatry ny antontanisa amin’ny fokonolona (feedback des données), izay manampy ny vondrom-piarahamonina handray fanapahan-kevitra amin’ny fitantanana maharitra ny harena an-dranomasina.

🛶 Nahafana nanovo lesona sy hevitra vaovao ihany koa ity fifanakalozana ity, indrindra moa fa ny amin’ny fomba fametrahana rezerva hoan’ny drakatra sy rezerva horita. Na mbola tsy mipetraka tanteraka ao Baie de Tsimipaika aza ireo fomba fitantanana ireo, dia hita nandritra ny fifanakalozana fa mety hitondra vokatra tsara sy azo ampiharina amin’ny fanamafisana ny fitantanana eny ifotony.

Ministère de la Pêche et de l'Economie Bleue
Ministère de l'Environnement et du Développement Durable

26/05/2026

Firosoan’ny fiaraha-miasa miaraka amin’ny Tsimoka - Fandraharahana ara-bola tsy manavaka (Inclusion Financière)

Efa ho heritaona izao no nanombohana ny fiaraha-miasa miaraka tamin’ny Tsimoka, izay mpiaramiombon’antoka amin’ny Blue Ventures any amin’ny distrikan’ny Antsiranana (Ramena sy Ankorikihely) izay natao hanamafisana sy hanamorana ny fiaraha-miasa amin’ ireo vondron’olona amorontsika ao amin’ny faritra.

💰 Noho izany dia nisy ny fiofanana ho an’ny mpampiofana sy fanentanana momba ny VOAMAMI (Fandraharahana ara-bola tsy manavaka) tao Ramena sy Ankorikihely ny 19-22 Mey 2026 teo. Isan’ny tanjona tamin’izany ny fanamafisana ny fahaizan’ireo teknisianina sy mpitarika eny ifotony amin’ny fanohanana ireo vondrom-piarahamonina mivelona amin’ny harena an-dranomasina sy ny jono.

Nandritra izany dia nohamafisina ny fahalalana momba ny fananganana sy fitantanana VOAMAMI, ny teknika fanentanana ary ny fanamorana ny fandraisan’anjaran’ny vondrona. Vokatr’izany, vondrona roa avy any Ramena sy Ankorikihely no efa naneho fahavononana hanangana VOAMAMI ho fanatsarana ny fivelomana sy ny firaisankina ara-tsosialy eny ifotony.

📊 Notanterahina ihany koa ny fizohiana sy fanamafisana ny fanangonana antotanisa momba ny jono, ka hita fa efa mahafehy tsara ireo fitaovana nomerika ampiasaina ireo mpanangona antotanisa tohanan’ny TSIMOKA.

🛶 Mbola hitohy ny fanentanana ny mpanjono momba ny maha zava-dehibe ny antotanisa ara-jono sy ny fanatsarana ireo rafitra fanaraha-maso, ho fanohanana ny fitantanana maharitra ny harena an-dranomasina.

26/05/2026

Ny 10-16 Mey 2026 lasa teo dia nanatanteraka iraka fanaraha-maso, fanombanana ary fiofanana ho an’ny mpampiofana tany Belo-sur-Tsiribihina ny Blue Ventures sy ny mpiara-miombon’antoka aminy FIVOI Menabe, amin’ny alalan’ny famatsiam-bola FCF na Frontline Community Fund.

🌊 Natao izao mba hanohanana ny fitantanana maharitra ny jono, ny faharetana ara-bola ary ny fanatsarana ny sakafo ho an’ireo vondrom-piarahamonina amorontsiraka.
Nandritra izany dia nohamafisina ny fahaiza-manao ara-teknika sy ara-pitantanan’ny FIVOI tamin’ny alalan’ny fiofanana momba ny fitantanana ara-bola, ny teknika fanamorana fiofanana, ny rafitra fanangonana antontan’isa momba ny jono ary ny fanadihadiana ifotony eny anivon’ny fiarahamonina.

🧑‍🧒‍🧒Mpandray anjara miisa 08 ao amin’izany fikambanana ifotoy izany no nahavita fiofanana ka nahazo mari-pankasitrahana.
Mahafaly anay ny fahitàna ny fivoarana nasehon’ny fikambanana tamin’ny alalan’ny tombana ny telovolana voalohany, ary mahevolombolo hatrany ho an’ny fitohizan’ny fiaraha-miasa, izay natao indrindra hisian’ny fitantanana harena an-dranomasina maharitra mifototra amin’ny haitarika asehon’’ireo fokon’olona ifotony.

Réseau Mihari - Mihari Network

22/05/2026

🎉🌊 FILOHA VAOVAO FIKAMBANA MANJABOAKE 🌊🎉

✨ Tantara vaovao indray no soratana eto amin’ny Fikambanana MANJABOAKE manomboka amin'ity taona 2026 ity ✨

Anio dia fotoana manan-danja sy manamarika dingana vaovao ho an’ny fikambanana, satria voafidy hitondra ny Fikambanana MANJABOAKE amin’ity taona 2026 ity ireo mpitarika vaovao feno traikefa sy vina ho an’ny fampandrosoana maharitra, iizay mandritra telo taona ny fitarihana ny Fikambana.

👑 🔹 MARCELLIN Stefan no FILOHA vaovao MANJABOAKE 🔹
Lehilahy efa niaina sy niara-niasa tamin’ny fikambanana hatramin’ny taona 2004. Fantatra amin’ny :
✅ Fahaiza-mitarika sy fahavononana miaro ny zon’ireo mpanjono
✅ Fitiavana sy fahasahiana amin’ny fiarovana ny harena an-dranomasina
✅ Fahaiza-mitantana ny Rezerva Horita, izay nahazoany Voalohany hatrany sy laza ary vokatra tsara eto Ambatomilo.
🌿 Mpitarika manana traikefa, fahendrena ary vonona hitondra fanavaozana ho an’ny MANJABOAKE.

👑 🔹 THIBOS Jafara no FILOHA LEFITRA vaovao 🔹
Tanora mavitrika sy vonona handray andraikitra amin’ny :
✅ Fitantanana sy fikolokoloana ny harena an-dranomasina
✅ Fanentanana sy fanabeazana ireo tanora momba ny fiarovana ny tontolo iainana
✅ Fananganana taranaka vaovao tia sy miaro ny ranomasina sy ny harena voajanahary
🔥 Izy dia isan’ireo tanora manana vina hampivondrona sy hampahafantatra ny maha-zava-dehibe ny asa fiarovana ny tontolo amorontsiraka sy ny harena an-dranomasina.

🙏 Mirary fahombiazana lehibe ho an’ireo mpitarika vaovao Fikambanana MANJABOAKE amin’ny andraikitra masina sahaniny. Ho feno fahendrena, firaisankina ary fahombiazana anie ny fitarihana vaovao eto MANJABOAKE.

💬 “Ho Ela Velona Anie Ny FIKAMBANA MANJABOAKE” 🌊💙

Blue Ventures Madagasikara
Réseau Mihari - Mihari Network
Velondriake
Teariake Conservation

11/05/2026