07/06/2026
“Ary ny tranonao sy ny fanjakanao dia haharitra mandrakizay eo anatrehako; ary ny seza fiandriananao dia hampitoerina mandrakizay.”
1️⃣ FANONTANIANA
🤔 Ahoana no fihetseham-ponao rehefa misy fampanantenana tsy tontosa?
🤔 Inona no maha samy hafa ny fampanantenan’Andriamanitra sy ny an’ny olombelona?
2️⃣ FAMPANANTENAN'ANDRIMANITRA
“Ary ny tranonao sy ny fanjakanao dia haharitra mandrakizay eo anatrehako; ary ny seza fiandriananao dia hampitoerina mandrakizay.” 📖 2 SAMOELA 7:16
Ampahany tamin’ilay fanekena nataon’Andriamanitra tamin’i Davida io.
Te hano***a tempoly ho an’Andriamanitra i Davida, nefa Andriamanitra kosa no nilaza fa Izy no hano***a "trano" ho an’i Davida, izay MIDIKA hoe:
- ny taranany haharitra
- ny fanjakany haharitra ary
- ary ny seza fiandrianany haharitra
🤔 Ahoana no nahatanterahan"izany?
📖 Tamin'ny alalan'i Jesosy Kristy! Izany hoe ilay fampanantenana natao sy nomen'Andriamanitra tamin'ny alalan'i Davida dia nanondro an’i Jesosy Kristy, ilay Mpanjaka avy amin’ny taranak’i Davida, izay manjaka mandrakizay mandrakizay.
🤔 Efa nisy fampanantenana azonao avy amin' Andriamanitra ve ka mbola tsy tanteraka?
3️⃣ HAFATRA
💌 Mahatoky Andriamanitra amin’ny fampanantenany, na dia ela aza vao tanteraka.
🗣️ Ny olona mety: hiova, hanadino, tsy hahavita
🙏Fa Andriamanitra kosa: tsy mandainga, tsy manadino, tsy miova
“Andriamanitra tsy mba olona ka handainga, na zanak'olombelona ka hanenina; moa efa nilaza va Izy, ka tsy hefainy? na efa niteny va Izy, ka tsy hotoviny?" 📖 NOMERY 23:19
4️⃣ FAHAMARINANA FOTOTRA
🤔 Inona no Asehon’ity Andininy ity Momba an’Andriamanitra?
🕯️Andriamanitra Mahatoky
🕯️Motazona ny teny omeNy
"Fa na dia tsy mahatoky Azy aza isika dia mbola mahatoky ihany Izy satria tsy afaka handa ny tenany Izy. " 📖 2 TIMOTHY 2:13 BPFF
🕯️Ary mananteraka izay lazaiNy
🕯️Andriamanitra miasa mihoatra ny Taranaka Iray
Ny fampanantenany dia mety haharitra am-polony na an-jatony taona vao tanteraka tanteraka.
"dia ho tahaka izany koa ny teny aloaky ny vavako: tsy hiveri-maina foana atỳ amiko izy, raha tsy efa nahatanteraka izay sitrako sy nahatratra ny tanjona nanirahako azy." 📖 ISAIA 55:11 DIEM
🕯️Andriamanitra Tompon’ny Tantara
Izy no mifehy ny ho avy sy ny tantaran’ny olona.
"Aoka ho fantatrareo fa ny TOMPO Andriamanitrareo no hany Andriamanitra tena Izy. Mitandro ny fanekempihavanany sy ny fitiavany hatramin’ny taranaka arivo mandimby Izy amin’izay tia Azy sy mitandrina ny didiny"
📖 DEOTORONOMIA 7:9 DIEM
5️⃣ LESONA
💌 1. Matokia ny fotoanan’Andriamanitra
Mety tsy haingana araka ny irintsika ny valiny, fa marina ny fotoanany.
💌 2. Ny fampanantenan’Andriamanitra dia mafy o***a; tsy miankina amin’ny toe-javatra izy ireny.
💌 3. Mieritreritra lavitra noho isika Andriamanitra.
Indraindray ny zavatra ataony ankehitriny dia misy fiantraikany amin’ny taranaka ho avy.
💌 4. Ny fanjakan’Andriamanitra no maharitra indrindra.
Ny zavatra rehetra eto an-tany mandalo, fa ny fanjakany tsy ho levona mandrakizay.
6️⃣ FANDINIHAN-TENA
🤔 Inona ny fampanantenan’Andriamanitra mbola andrasako amin’izao fotoana izao?
🤔 Mbola matoky sy mino ve aho na dia mbola tsy hitako aza ny fahatanterahany?
🤔 Ahoana no anehoako finoana eo am-piandrasana?
🤔 Mino ve aho fa miasa ho an’ny hoaviko sy ny taranaka ho avy Andriamanitra?
7️⃣ FAMPIHARANA
✔ Vakio sy tadidio ireo fampanantenan’Andriamanitra ao amin’ny Baiboly.
✔ Aza kivy rehefa toa tara ny valiny.
✔ Mivavaha amin’ny finoana fa miasa Andriamanitra na dia tsy hitanao aza.
✔ Manàna fomba fijery lavitra, tsy ny anio ihany no jerena.
✔ Ndao hampianatra ireo zandry, zanaka, ary ny taranaka manaraka ny fahatokian’Andriamanitra.
✨ FAMARANANA
Mety hiandry ela isika, fa tsy tara mihitsy Andriamanitra. Ny fampanantenany dia:
azo itokisana, maharitra, ary tanteraka amin’ny fotoany.
“Ny tranonao sy ny fanjakanao dia haharitra mandrakizay.” (2 Samoela 7:16)
Izany dia mampahatsiahy antsika fa ny drafitr’Andriamanitra dia lehibe lavitra noho anio sy izay heveritsika, ary ny fahatokiany maharitra mandrakizay.
