MEVA

Directions

MEVA Fikambanan'ny Mpiara-Mamaky ny Baiboly Miasa eo Anivon'ny Vehivavy Analamanga (FMMB-MEVA)

🤔 Aiza no misy ny Tenin’Andriamanitra eo amin’ny fiainanao: ao an-tsaina fotsiny sa efa ao am-po sy hita amin’ny asa?FA...
25/10/2026



🤔 Aiza no misy ny Tenin’Andriamanitra eo amin’ny fiainanao: ao an-tsaina fotsiny sa efa ao am-po sy hita amin’ny asa?

FAMPIDIRANA
Mampahatsiahy atsika indray ny tenin'Andriamanitra anio fa tsy zavatra lavitra na saro-takarina ny sitrapon’Andriamanitra, satria efa nomena atsika mba hahafantaratsika sy hiainatsika azy. Hoy ny tsika anio:
📖 “Fa eo akaikinao indrindra ny teny, dia eo am-bavanao sy ao am-ponao, mba harahinao.”
— DEOTORONOMIA 30:14

FAHAZAVANA
🗣️ EO AM-BAVANAO NY TENY
Ny Tenin’Andriamanitra dia tokony ho hita eo amin’ny zavatra lazaintsika.
📖 EFESIANA 4:29: Aoka ny teny aloaky ny vavantsika hahasoa sy hampahery izay mihaino.
🛠️ FAMPIHARANA
Alohan’ny hitenenanao, dia manontania tena hoe:
Marina ve ity zavatra holazaiko ity?
Mahasoa ve ny filazako izany?
Hampahery sa mandratra?
Ary indrindra mifanaraka @ Tenin’A/tra ve?
💡LESONA: Aoka ny Tenin’Andriamanitra ho feno ao am-bavantsika, mba ho fahamarinana sy fitahiana ary fanantenana no hivoaka avy amintsika.

❣️ AO AM-PONAO NY TENIN’ANDRIAMANITRA
Ny fo dia maneho ny ao anaty: ny eritreritra, ny faniriana, ny antony manosika antsika ary ny safidy ataontsika.
📖 SALAMO 119 : 11 "Ato am-poko no iraketako ny teninao, Mba tsy hanotako aminao."
📖 OHABOLANA 4:23: Tandremo ny fonao, fa avy ao aminy no ivoahan’ny loharanon’aina.
🛠️ FAMPIHARANA
Vakio isan’andro ny Baiboly, saintsaino ny hevitr’izany ary raketo ao am-ponao.
🤔 Anontanio ny tenanao hoe: Inona no tian’Andriamanitra hatakoavina na hotohizana na hialana (ovaina) eo amin’ny fiainako amin’ny alalan’ity teny novakiako ity?
💡LESONA: Rehefa mameno ny fontsika ny Tenin’Andriamanitra, dia tsy mijanona ho fahalalana fotsiny izy fa afaka manova ny fomba fisainantsika sy ny fihetsitsika.

👣 MBA HARAHINAO NY TEN'ANDRIAMANITRA
Tsy ny fahafantarana ny Tenin’Andriamanitra ihany no zava-dehibe, fa ny fankatoavana azy.
Mety hahafantatra ny andininy maro isika, nefa mbola mila mampihatra azy eo amin’ny fiainantsika.
Hoy Jesosy:
🗣️“Raha tia Ahy ianareo, dia hitandrina ny didiko.” 📖 JAONA 14:15
🗣️ "Na iza na iza no mandre izany teniko izany ka mankatò azy, dia hoharina amin'ny lehilahy manan-tsaina izy, izay nanorina ny tranony teo ambonin'ny vatolampy." 📖 MATIO 7:24
💡LESONA: " Fa aoka ho mpankatò ny teny ianareo, fa tsy ho mpihaino fotsiny ihany ka mamitaka ny tenanareo. 📖Jakoba 1 : 22

🎁 TSY LAVITRA ANAO NY SITRAPON’ANDRIAMANITRA
📖 Deotoronomia 30:11–14 dia manasongadina fa tsy zavatra tsy takatry ny olona ny didin’Andriamanitra. Indraindray isika miteny hoe:
“Tsy haiko izay tian’Andriamanitra hataoko.”
“Sarotra loatra ny mankatò.”
“Mbola hiandry fotoana mety aho vao hanomboka.”
“Rehefa mahay kokoa aho vao hampihatra ny Teniny.”
Kanefa mety efa mazava ao amin’ny Soratra Masina ny dingana tokony hataontsika.
Raha fantatrao fa tokony hamela heloka ianao, dia manomboha amin’ny dingana mankany amin’ny famelan-keloka.
Raha fantatrao fa tokony hiteny ny marina ianao, dia mifidiana ny fahamarinana.
Raha fantatrao fa tokony hanampy ny hafa ianao, dia jereo izay azonao atao.
Tsy voatery hiandry mandra-pahafantaranao ny zava-drehetra ianao vao manomboka mankatò sy mampihatra izay efa renao, novakianao, ary nianaranao fa arakaraky ny androsoana no itomboana. Mangataha ny fanampiana sy tari-dàlana avy amin' ny Fanahy Masina.

💡 HAFATRA:
Tsy natao hohenointsika fotsiny ny Tenin’Andriamanitra, fa natao hipetraka ao am-pontsika sy hitarika ny fiainantsika.
Koa aza avela ho fahalalana fotsiny ary izay Teny vakianao sy renesinao fa aoka ho

TSAROVY IRETO:
🗣️ Eo am-bava: Aoka hifanaraka amin’ny Tenin’Andriamanitra ny teny aloaky ny vavanao.
❣️Ao am-po: Aoka ny TeniNy hitarika ny eritreritrao sy ny fanirianao ary ny finiavanao.
👣Eo amin’ny fiainana: Aoka ho hita amin’ny asa ny fankatoavanao izany rehetra izany.

🙏 VAVAKA
Tompo ô, misaotra Anao aho noho ny TeninaO izay akaiky ahy. Ampio aho tsy ho mpihaino fotsiny, fa ho mpankatò ny TeninaO. Fenoy ny foko amin’ny fahamarinanaO, tariho ny teny aloaky ny vavako, ary omeo hery aho hampihatra izay ampianarinaO ahy. Ampio hifidy ny lalanaO fa tsy hanaraka ny fihetseham-poko fotsiny rehefa miatrika safidy sy olana iny. Enga anie ny Teninao hitarika ny eritreritro, ny teniko ary ny ataoko isan’andro. Amin’ny anaran’i Jesosy.
Amen.


21/10/2026

INONA NO MAMETRA ANAO TSY HANDROSO?
( Fahadisoana? Henatra? Tahotra? Olona? ...)
Misy anie ny fihaonana ka manova tantara e❣️ Jereo anie!



“Aoka hihaino sy hankatò ny feon’Andriamanitra” “Mangina, ka mihainoa, ry Isiraely; anio dia efa tonga firenena ho an’i ...
18/10/2026

“Aoka hihaino sy hankatò ny feon’Andriamanitra”

“Mangina, ka mihainoa, ry Isiraely; anio dia efa tonga firenena ho an’i Jehovah Andriamanitrao ianao.”Deoteronomia 27:9

I. Fampidirana

♻️ Ny teny ao amin’ny Deoteronomia 27:9 dia mampahatsiahy antsika fa zava-dehibe eo anatrehan’Andriamanitra ny fihainoana ny Teniny sy ny fankatoavana Azy.

🧮Tamin’izany fotoana izany, i Mosesy dia nampahatsiahy ny Zanak’Isiraely ny fanekena nataony tamin’Andriamanitra. Tsy tokony hohadinoin’izy ireo fa vahoaka voafidin’Andriamanitra izy ireo, ka tokony hiaina araka ny sitrapony.

🌺 Toy izany koa isika ankehitriny. Raha milaza ho zanak’Andriamanitra isika, dia tokony hihaino ny Teniny, hankatò Azy ary hiaina araka ny sitrapony.

Misy hafatra telo lehibe azontsika raisina avy amin’ity andinin-tSoratra Masina ity.

II. Hevi-dehibe
1. Mangina eo anatrehan’Andriamanitra 🤫
Hoy ny Soratra Masina: “Mangina…”😶
♻️ Ny hoe mangina eto dia tsy midika fotsiny hoe tsy miteny, fa manambara koa ny fanajana sy ny fahavononana hihaino an’Andriamanitra.

🤔Matetika isika no variana amin’ny tabataban’izao tontolo izao: ny olana ara-pianakaviana, ny fahasahiranana ara-bola, ny aretina ary ny tebiteby isan-karazany. Indraindray aza, ny feon’ny tahotra sy ny ahiahy no henontsika kokoa noho ny Tenin’Andriamanitra. 🥺

💡 Tsy hoe terena ka tsy raraina fotsiny akory izay mampanahy na izay mitabataba ao anaty
fa izay indrindra no fampiharana Ilay hoe " mankanesa aty amiko ianareo izay miasa fatratra sy mavesatra entana fa Izaho hanome fitsaharana"
🌺 Miditra ao 'i Kristy mba afahana mangina
Ny fahanginana eo anatrehan'Andriamanitra dia mariky ny fanetretena sy fahavononana hihaino Azy 🥰🥰

💌Hafatra: Rehefa mangina ny avy aminao sy izao tontolo izao vao afaka mandre an'Andriamanitra ianao

📖Mitsahara ka aoka ho fantatrareo fa Izaho no Andriamanitra Salamo 46:10

2. Mihainoa ny Tenin’Andriamanitra
Hoy ihany ny andininy: “Ka mihainoa, ry Isiraely.”
🔄Tsy mitovy ny mandre sy ny mihaino

♻️Tsy ampy ny mandre ny Tenin’Andriamanitra amin’ny sofina fotsiny. Mila mandray izany ao am-po sy mamela azy hanova ny fiainantsika isika.

🧐Maro ny olona mandre toriteny isan-alahady, mamaky Baiboly, ary mahalala andinin-tSoratra Masina maro. Kanefa ny fanontaniana dia izao: Mampihatra izay reny ve izy?

Ohatra:
🕊️Raha mampianatra antsika andeha araka ny Fanahy ny Tompo, dia tokony andeha araka ny Fanahy isika fa tsy manao izay heverintsika fa mety fotsiny

📖Hoy ny Jakoba 1:22: tokony ho mpankatò ny teny isika, fa tsy mpihaino fotsiny.

💌Hafatra: Ny fihainoana marina ny Tenin’Andriamanitra dia hita amin’ny fiainana miova sy ny asa atao isan’andro.

3. Tsarovy fa vahoakan’Andriamanitra ianao😇
Hoy ny andininy: “Anio dia efa tonga firenena ho an’i Jehovah Andriamanitrao ianao.”

☑️🎀Nampahatsiahivin’Andriamanitra ny Zanak’Isiraely fa manana fifandraisana manokana Aminy izy ireo noho ny fanekena nataony taminy.

♻️Ho antsika kristiana, izany dia mampahatsiahy fa an’Andriamanitra isika amin’ny alalan’i Jesoa Kristy. Tsy tokony hitovy amin’ny fiainan’izao tontolo izao ny fiainantsika, fa tokony haneho ny toetran’i Kristy.

🌺Raha vahoakan’Andriamanitra isika, dia tokony ho hita eo amin’ny fiainantsika ny fahamarinana, ny fahamasinana, ny fitiavana ary ny famindram-po.
Na any am-piangonana isika, na any an-trano, na any am-piasana, dia tokony haneho fa an’i Kristy.

💌Hafatra: Aza hadinoina ny maha-ianao anao ao amin’ny Tompo. Aoka ny fitondran-tenanao sy ny fiainanao andavanandro hanome voninahitra an’Andriamanitra.

📖 Fa ianareo kosa dia taranaka voafidy, "fanjaka-mpisorona, firenena masina" (Eksodosy 19:6), olona nalain'Andriamanitra ho an'ny tenany mba hilazanareo ny hatsaran'ilay niantso anareo hiala tamin'ny maizina ho amin'ny fahazavany mahagaga;
I Petera 2 : 9

💖 Fanotaniana Telo Ary no mipetraka
👉Maka fotoana mangina eo anatrehan’Andriamanitra ve aho?
👉Mankatò ny Teniny ve aho, sa mihaino fotsiny?
👉Hita eo amin’ny fiainako ve fa an’i Jesoa Kristy aho?




14/10/2026

Moa ve azo sokajiana ho isan'ny VEHIVAVY TSARA i EVA? Satria nahoana?



😳

🎯 1. FANONTANIANA🤔 Efa nisy ve fotoana nilazanao zavatra nefa tsy notanterahinao?🤔 Raha azo tsaraina amin’ny fahatanter...
11/10/2026



🎯 1. FANONTANIANA
🤔 Efa nisy ve fotoana nilazanao zavatra nefa tsy notanterahinao?
🤔 Raha azo tsaraina amin’ny fahatanterahan’ny teninao ny fahatokianao, ahoana no ho fijerin’ny olona anao? Mba olona mahatoky ihany sa ???

🔹 2. VERSET DE LA SEMAINE
Ny teny ho atsika androany ity dia manasongadina ny maha-zava-dehibe ny fanatanterahana ny teny nomena, indrindra rehefa manao voady amin’Andriamanitra.
📖 “Izay aloaky ny vavanao dia tandremo hotanterahinao, araka ny sitraponao nivoadianao tamin'i Jehovah ihany, dia izay nolazain'ny vavanao.”— DEOTORONOMIA 23:24

🔹 3. LESONA & FAHAMARINANA
1. ZAVA-DEHIBE EO ANATREHAN’ANDRIAMANITRA NY TENY ALOAKY NY VAVATSIKA
Ampianarin’i Jesosy isika mba ho mazava sy marina amin' ny tenintsika:
" Fa aoka ny teninareo ho ENY, ENY; TSIA, TSIA; fa izay mihoatra noho izany dia avy amin'ny ratsy. "
📖 MATIO 5:37
🚨Tsy tokony hanao teny fampanantenana fotsiny isika mba hampifaliana olona, na hialana amin’ny olana, na hahazoana sitraka.
🔨 Mitenena amim-pahamarinana.
Aza mampanantena zavatra tsy azonao antoka.
Mieritrereta tsara alohan’ny hitenenana.
💡 Aleo tsy mampanantena zavatra iray toy izay mampanantena nefa tsy mikasa hanatanteraka izany akory.

2. NY VOADY ATAO AMIN’ANDRIAMANITRA DIA ANDRAIKITRA LEHIBE
Mampitandrina antsika ny Soratra Masina hoe: "Raha mivoady amin'Andriamanitra ianao, aza manao ampitso lava: fa tsy ankasitrahany ny adala; koa efao ny voadinao. Aleo tsy mivoady toy izay mivoady ka tsy mahefa." 📖, MPITORITENY 5 : 3-4
🚨 Indraindray, rehefa ao anatin’ny fahoriana isika, dia mety hiteny hoe:
“Tompo ô, raha mamaly ny vavako Ianao, ...”
“Raha sitrana aho, dia ...”
“Raha voavaha ity olana ity, .. .”
🤭Rehefa tonga anefa ny valim-bavaka, dia mety hohadino ilay teny nomena.
🤔 Moa ve mbola tsaroanao ireo teny sy fanoloran-tena nataonao tamin’Andriamanitra?
🔨 Diniho izay mbola tsy notanterahinao.
Raha mbola azonao tanterahina izany, dia manaova dingana mazava hanatanterahana azy.

3. NY FAHATOKIANA DIA HITA AMIN’NY ASA FA TSY AMIN’NY TENY IHANY
Antsoina isika ho:
" Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo." 📖 JAKOBA 1:22
🚨 Mora ny miteny sy mampanantena FA
tanterahintsika ve izay nolazaintsika?
🙏Ny olona mahatoky dia miezaka mampifanaraka ny teniny amin’ny asany.
🔨 Raha nilaza tamin’ny olona iray ianao fa hanampy azy, dia ataovy izay azonao atao. Raha tsy vitanao kosa, dia lazao azy amim-pahatsorana.

4. AOKA HIFANARAKA NY TENY SY NY FIAINANA
Mandidy atsika ny tenin'Andriamintra hoe:
«Aza mangalatra, aza mandainga, ary aza mifamitaka ianareo." 📖 LEVITIKOSY 19:11 DIEM
👉 Ny teny aloaky ny vavantsika dia tokony hifanaraka amin’ny fiainantsika.
🚨 Raha mitory fahamarinana isika nefa mandainga, na mampianatra fahatokiana nefa tsy mitana ny teny, dia lasa mifanohitra ny hafatra sy ny fihetsika asehontsika (ROMANA 2: 21-22)
Izany dia mihatra amin’ny:
FIANAKAVIANA: Tazomy ny teny omenao ny vady sy ny zanaka.
ASA: Hajao ny andraikitra sy ny fe-potoana nifanarahana.
FANOMPOANA: Tanteraho amim-pahatokiana ny andraikitra nekenao sy nanoloranao tena.
FIFANDRAISANA: Aza mampanantena fanampiana raha tsy mikasa ny hanampy akory.
💡Ny fahatokiana amin’ny zavatra kely dia manomana antsika ho amin’ny andraikitra lehibe kokoa. 📖 Lioka 16:10

5- FAMARANANA
💎Mampianatra antsika ity verset anio ity fa tsy zavatra maivana eo imason’Andriamanitra ny teny aloaky ny vavantsika.
💎 Ny tenitsika mantsy dia maneho ny be ao am-pontsika, ary ny fanatanterahana azy dia manehony toetratsika marina.
💎 Ny olona mahatoky dia tsy vitan'ny hoe miteny sy miresaka fotsiny ihany, fa miezaka manatanteraka koa izay lazainy.
🎁 Tian'Andriamanitra ho olona marina sy azo itokisana isika, na eo anatrehaNy izany na eo anatrehan'ny olona. Izany no fikasaNy ho atsika.
🙅‍♀️Tsy midika izany fa tsy mahazo manitsy teny na manaiky ny tsy fahafahantsika isika. Fa raha misy toe-javatra tsy ahafahana manatanteraka izay nampanantenaina, dia tokony hilaza ny marina amim-panetren-tena sy ampahatsorana isika fa tsy hanafina na hamitaka. SATRIA
🗣️Ny teny dia andraikitra.
🫴Ny voady dia fanoloran-tena.
🔨Ny fahatokiana dia hita amin’ny asa.
💯Ny fahamarinana dia tokony hitarika ny fiainantsika manontolo.
🤔Inona no tokony hovako mba hifanaraka kokoa ny teniko sy ny ataoko?

6- 🙏 VAVAKA
Tompo Ă´, misaotra Anao noho ny TeninaO izay mampianatra ahy ho olona mahatoky. MamelĂ  ahy amin'ny teny nampanantenaiko nefa tsy nefaiko sy tamin'izay nolazaiko tsy tam-piheverana noho ny hafanam-po. Ampio aho handinika tsara alohan'ny hitenenana.
Omeo fahendrena aho mba tsy hanao fampanantenana maimaika ka mba ho marina amin' ny teniko. Omeo hery sy fahatokiana hanatanteraka izay nekenaiko. Raha nisy teny tsy notanterahiko ka nandratra olona, dia omeo herim-po sy fanetre-tena aho hiaiky ny fahadisoako ary hanitsy izay azoko ahitsy. Ampio aho mba hifanaraka amin’ny TeninaO ny teniko sy ny ataoko ho voninahitry ny Anaranao.
Amin'ny anaran'i Jesosy Kristy Tompo. Amena



07/10/2026

Inona kay ny mari-drefy afaka ilazana na anoritana olona 1 hoe: " TSARA".
Ndao horesahina e!


Mampahatsiahy hatrany ❣️
06/10/2026

Mampahatsiahy hatrany ❣️

❓❓❓Raha anio no faran’ny dianao eto an-tany, inona no tianao ho teny farany hitoetra ao am-ponao na ho renao?Apokalyps...
04/10/2026



❓❓❓
Raha anio no faran’ny dianao eto an-tany, inona no tianao ho teny farany hitoetra ao am-ponao na ho renao?

Apokalypsy, boky farany ao amin’ny Baiboly, dia tsy mifarana amin’ny tahotra, fa amin’ny tso-drano.
📖 “Ho amin’ny olona masina rehetra anie ny fahasoavan’i Jesosy Tompo. Amena.”
— Apokalypsy 22:21

🔹 1. “NY FAHASOAVAN’I JESOSY…”
Ny fahasoavana dia fitiavana sy fahatsaram-panahy ary famindram-pon’Andriamanitra omeny antsika maimaim-poana. Tsy noho ny fahamendrehantsika fa noho ny fahatsoram-pony
Jesosy no loharanon’izany fahasoavana izany.
Tsy vitantsika ny mamonjy tenatsika Izy no manolotra famonjena sy famelan-keloka ary manome atsika fiainana vaovao koa.
📖 Efesiana 2:8 — “Fa fahasoavana no namonjena anareo, amin’ny finoana…”

🔹 2. “…TOMPO…”
Tsy fahasoavana fotsiny no raisintsika, fa Jesosy Kristy Tompo mihitsy no iankinantsika.
Ny fahasoavana dia tsy manome alalana antsika hanao izay tiantsika fa sady manova antsika mba hiaina ho an’i Kristy koa. Ary Izy Tompo no manampy atsika amin' izany amin' ny alalan'ny Fanahy Masona
📖 Titosy 2:11–12 — Ny fahasoavan’Andriamanitra dia mampianatra antsika handà ny ratsy ary hiaina amin’ny fahononan-tena sy fahamarinana.

🔹3. “…HO AMIN’NY OLONA MASINA REHETRA.”
Tsy natao ho an’olona vitsivitsy ihany ny fahasoavan’i Kristy FA ho an’izay rehetra manatona Azy amim-pinoana.
Ary rehefa mandray fahasoavana isika, dia antsoina koa haneho fahasoavana amin’ny hafa sy hizara fa mbola fahasoavana no tsy maha lany ritra atsika fa ny Tompo miandry atsika hitodika Aminy.

💡 FAHAMARINANA LEHIBE
Izay mahatsapa fa velomin’ny fahasoavan’i Kristy dia mianatra miaina amin’ny fahasoavana ary mizara fahasoavana amin’ny hafa.
Tsy ny hoe “Inona no mendrika ho azoko?” no tokony ho fanontaniantsika foana, fa koa:
“Ahoana no ahafahako maneho amin’ny hafa ilay fahasoavana efa noraisiko tamin’i Kristy?”

🪞 FANDINIHAN-TENA
🤔Tena fantatro ve fa fahasoavana no iainako, fa tsy noho ny fahamendrehako?
🤔Misy zavatra mbola ezahiko atao ve hahazoana ny fankasitrahan’Andriamanitra, nefa efa natolony maimaim-poana tamiko ny fahasoavaNy?
🤔Iza no olona mila anehoako fahasoavana amin’izao fotoana izao?
🤔Ahoana no ahafahako mitondra ny fahasoavan’i Kristy amin’ny teniko, ny fihetsiko ary ny safidiko, ary ny fisainako iray manontolo?

🙏 FAMARANANA
Apokalypsy 22:21 no teny famaranana ny Baiboly:
“Ho amin’ny olona masina rehetra anie ny fahasoavan’i Jesosy Tompo. Amena.”
Manomboka amin’ny fahasoavana isika, mandeha amin’ny fahasoavana, ary mifarana amin’ny fahasoavana.
👉 Koa rehefa tsy fantatrao izay holazaina na hatao, tsarovy izao: Efa nandray fahasoavana ianao — koa mandehana, miaina, ary mizara fahasoavana.
AMENA.



ITY INDRAY ARY NY FIHAONATSIKA MANARAKA O
03/10/2026

ITY INDRAY ARY NY FIHAONATSIKA MANARAKA O

Andao indray ary e! FIOFANANA FITORIANA FILAZANTSARA MODULE 2 Ho anao mangetaheta te hitombo amin'ny asa fitoriana filaz...
24/09/2026

Andao indray ary e!

FIOFANANA FITORIANA FILAZANTSARA MODULE 2

Ho anao mangetaheta te hitombo amin'ny asa fitoriana filazantsara. Natokana ho anao ity fiofanana ity. Hianarana lohahevitra maro izay harahina atrik'asa sy fampiharana.

📆 21 au 25Septembre
📝 Fisoratana anarana : 0341163754
📍FMMB Antaninarenina

Address

Antananarivo

Website

Alerts

Be the first to know and let us send you an email when MEVA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category